لا حضيض بعد اللّذي نحن فيه

و على كل الأصعدة ...ماعاش باش ننزلو أكثر ...وصلنا قاع ...هنا لازم ندّابزو و ما يطلع على بره كان الصّحيح ...ماهو لزمنا باش نسقــــــــطو جميعا باش في يوم من الأيام نطلعو ...هنا في القاع ...ما عاد حتى شعب أقل منّا ...صادق ألي كتب : يا أمة ضحكت من جلهلها الأمم...يخيفـــفها القرطاس و القلم ...إذا كان مازال عندكم ما إتقولو و ما تكتبــــــــــــــو بالنصّف الأسفل و على النصّف الأسفل ...راهو سي لمومم !!!!!!!

لإقول القائل علاش ...تسقط رجال في الفارغ ؟ تسقط أقلام ، كانت قادرة إتكون في يوم من الأيام مزار في الثّقافة !!! علاش ها التّفاهة ؟ إنحب نعرف إشنوه سبب الفراغ هذا ! السياسي و الثقافي ...إشنوه سبب ها الرّداءة ؟ أش بيــــــــــــــــنا هكّا ؟

وين يتحّل فضاء صغير ....و الناس تلقي وين تمشي وين إتجي ...تخرج علينا الفقاقيع باش إتخمّج كل شيئ ....من وقت تونزين ...الحكاية هذه عندها مدّة و قاعدة ملازمتنـــــا !!!! زعمة ما إكونش سببها النضام نفسو ...ألي زاع ناس داخل البلوقسفار باش إتحط من قيـــــــــمتو و إتخمجو ....أنا ما عنديش شك في الحكاية هذه ...بل متأكد جدا !!!بالي ثم يد خفّية إتحرّك قي بعض المدّونيـــــــــــــــــن ...باش ما يصلح شبئ ...باش الناس ما تتفاهمش ....باش إطيح المستوى ...أكثر و أكثر ...حتى إتفد الناس و إتسّكر المدونات متاعها ....حتى يفرغ الفضاء هذا ....و إعّم التّعفن ....لأن الحاكم هذا ما إنجم إعيش كان في التعّفن و كان في الخمج.....

و لكن زايد ....أنا باش إنواصل ...إندّون ......و باش نقعد يا جماعة ..ألي ما لا نهاية !! ما نيش باش إنهز يــــــــــدّي من الحكاية .......و لو أكتب من جديد جمهورية أخرى !!!

أيها المدّونون أيها المدوّنات ....واصلو الكتابة كما كنتم ....كما تودّون أن تكتبو واصلو فأن الفجر لقـــــــــــــريب ......... ستنتصر الحرّية ....و تنتصر الأقلام الطاهرة !!!!!

قاسم قاسم