الــــــــدّم الفاســـــد 1

في الواقع ! الدّم الفاسد هذا يحكي على الشعب التونسي الكل ! و كيفاش الشخصّية هذه ولات متقّلبة ! وين إدور الرّيح هي معاه ! الشخصية التونسية ما هيش ثابتة على ساقيها ! ما نجمتش تاقف أبدا !!!! إقول القائل علاش؟ الجواب : القمع !!! القمع !!!الأرهاب متع الدّولة فــشّل الشخصية التونسية ! و إشككّها في روحها ! خلاّها بلا عروق !!! التونسي ما عاش عارف أش يعمل !!؟ الكبّة إتخلبصت في مخـــو ! و ما عاش قادر أحيانا حتى إنو يتـبيّن الصحيح من الغالط !!! بدى إهز و ينفض !!! يجلد في روحو ! في تاريخو في دينو في كل شيئ هروبا من مواجهة الواقع المرير !!! التونسي بدى سكذب على روحو ألي صدّق روحو في الغلط ! و أصبح يعتقد في ألا شيئ !!! و إقال و قالت : إنحبـــــــــو إنعيشو !!!! ؟
إنحب نفهم أنـــا ، ما معنى الحياة ؟ بالنسبة للتونسي أصبحت بلا معنى !!! على الهامش يعيش في إنتضار من بإستطاعته أن يخلّصه من الوحل !!! التونسي موش مسؤول على حتى شيئ و حتى على حياتــــــــــو أحيانا !!!! عمل فيه القمع ! و عشش في راسو الذل و الخوف و الهروب ألي الأمام !!!! الناس تاكل فيه عين جهار ! و ما نجّمش إحل فمـــّو !!! فكولو أرضو ؟ فكولو خبزو ؟ طرّدوه من خدمتو ؟ حقروه ! شرّدوه ! مزبلوه ! و لا كلمة و كأنو ما صار شيئ !!! مرض التونسي ؟ باش بالــــــــــدّم الفاسد !!!
عشرة مليون مريض إلا ما رحم ربّك ، إركبهم الدّم الفاسد ! شعب ركباتو التابعة! لا بدة إذا من إني إنحاول إنعــــالجو بطريقتي الخاصّة و الخاصّة جدا...حالة اليئس هذه لابدة أنها تــــــــــزول و بكل الطرق !!! شعب ما عاش يضحك ؟ ما عاد إضحك شيئ ...كأبة على البلاد من شمالها لجنوبها ...إتقوقع الشعب هذا و بدى يظرب في روحو في أولادو في أبناتو ...يظرب في الفضـــيلة !!! ألي ما عاش فهمها ...و ما يعرفش المكان متاعها ويـــــــــــن : هنا تتلخّص قصّة الحياة نفسها ! البحث عن حقيقة الأشياء لتعّم الفضيلة كامل المعمورة.
الدّم الفاسد هذا، إمثل جزء من طرح سياسي و إجتماعي ، إنشوفو أنا كحل من الحلول لمشكلتنا !!! الدّم الفاسد ، الدّكتورة سكسي و الفتنة الكبرى : إمثلو فلم واحد من ثلاثة أجزاء ...ربما إيجي الوقت و إنعاود الأجزاء الكل بأكثر جديّة و إنضباط!

الدّم الفاسد يصلح مسلسل لرمضان ! في الواقع ! كلّموني عليه مخرجين و مسرحين ! مشكورين الناس هاذوم و لكن أنا نكتب من أجل قضّية وطنية ! من أجل شعب ! موش للسنما و للمسرح . لا أكتب من أجل أرض و لا إمرأة و لا مال ! أكتب من أجل الحقيقة ! أكتب شعبــــــــا أحبة ! أحسّه ! يحبوني و أحبّه !
الدّم الفاسد سيطول كل الشخصيات الوطــنية و كذلك بعض المدّونيــن و المدّونات! سيــــطول قصر قرطاج ! الوزراء ألي ما يعملو في شيئ ! الوّلآة الي إمنصبتهم المافيا ! و المعتمدين الي يعدمو في الشعب التونسي .

هذه أول حلقة كتبتها في الدّم الفــــــــــاسد ! وقت ألي جماعة الخوانجية ركّزوهالي بالهزّأن و بالنفضان متاعهم ! في الواقع ما خليت و لا واحد ما نحتلوش الدّم الفاسد ! الفكرة عجبتني ، فقلت موش كـــــان الخوانجية راكبهم الدّم الفاسد و لكن الشعب التونسي الكـــــــــــل !!! و أولهم العبد االــله !!!! دمي فسد عندو ياسر و ما عاد لا طبيب لا حجـــــــــّام ينفع معاي !!!!
بالنسبة للناس ألي كتبتها بأسميـــــــها الصّحيحة ! أنقوللهم ! أتحمّل المسؤولية في ما كتبت و سأكتب و لن أتخلى على حرف واحد من جمهوريّتي ...التي تشرّفوني و أشرّفها ...أكتبها على المـلآ، و أمام العالم .

جــــــــــــــــمهورية قاسم تقــــــــــدّم
الــــــــــــــدّم الفاسد
بطولة
عبد الحميد العداسي ( الدكتور)

بالأشتراك .أبو أنيس ...عباس ...تونسي أصيل...أبوطه

الخوانجية متع العالم الكل إتقدّمت ...ولات تفهم في حكاية الكومنيكسيون ...ولات تعرف كيفاش تتصّرف إلا خوانجية تونس( ...كالرّزام ..وين إتحطو إشد بلاسطو و ما يتحرّكش كان للظرب و الخبيط ...وليناش إنفارعو في ديكتاتورية متخلّفة ما عارفة أش تعمل و في نفس الوقت حاملين إثقال ...حزم حزم ..أش إحرّكها و ما إرزن ملايكتها ...تابعي التابيعن هوذا لازمهم رجة أرضية تقلب مخاخهم ..باش ما عادش إقدّسو العباد ...كان البكاء على الأطلال و كان النّكد ...18 و كسروها ..تونسنيوز و فشخوخها ...تونزين قتلوها بالغصّة ..أي إمسو حاجة تفسد ...في بالي فيهم التابعة ! زعمة تابعة أش ...شخصيات مهزومة لازمها عملية إنقاذ كبيرة ...و إشوف و إشوف ! في عوض صحة أقولو سداف ...و حاسبين أرواحهم فراعنة جدد !!!! أي كيفاش عملنا في الحكاية مع ها الجماعة الي لا تندب لا إتشد الطفلة ...توه أنا باش لاهي بالفيلم و تخريج الرّاجل من الحبس و إلا بتنحي الدّم ...أش نعملو يا جماعة لازم إنحيلهم الـــــــــــــدّم !!!!! • سي عبد الحميد ...هاذوم جماتعك
• هاذوم ما هومش جماعتي ...يا قسام إخطاني ...أنا ما إظلمتكش
• شوف كيفاش ...إنت باش تخدم على روحك ...مش قتلي طبيب إنت ...أنا حاجتي بدور طبيب ...ما إنجمش نمشي إلى الأمام كان إنصفي حسابتي
• كيفاش باش تعمل يا سي المخرج
• شوف يا طبيب ...في الهندسة ثمه قانون ...قانون الّذبذبات ...هاذوم لازمك إتفك الذبذبة متاعهم و على بعد
• كيفاش ؟
• ساهل ...الظغط ...على نفس الذبذبة ...هذوم إتولي حكايتهم تشويش على المعارضة بصفة عامة ..لا أكثر و لا أقل
• منك نسمع يا سي قاسم
• ألبس االبلوزة البيضة ...اليوم إنت طبيب ...و زيد مرايات نظر ...أنا باش نخدم عندك فرملي ...إنت العرف ...إنت تأمر و تنهي ..يا دكتور

إلبس سي عبد الحميد البلوزة ...شاف للمرايا ...إلقي روحو طبيب يظرب يعور ..نحى البلوزة ..و هبط للمحطة اللّواجات ...البلوزة في لـــــــــــــــواج وحدها و هو في لواج أخرى ...زوز لواجات ...إتقول جحفة ...الرّاجل ماشي يخدم في الكلينيك الي حلو قاسم في قلب السوق....في الواقع موش كلينيــك ، إنما حانوت كما الحوانيت الكل على الأسار ثمة حانوت الدكتور الهاشمي الحامدي و على اليمين ثمة حانوت تونسنيوز !!!من داخل ...حانوت عربي ...في الواقع حانوت حجــــــــــام متع زمان ! من النوع القديم ...دبوزة كولونيا ...سبته جلد باش الحجام إمضي المـــــــوس ....كرسي عالي شوية ...زوز حكاك متع شامية ...باش إرفي بيهم الصابون ...باكو لامات تمساح ...القاعة من لوطة ..مظروبة الكــــــــل !!!هبط الدكتور من اللّواج ...خلطت اللّواج الثانية الي هازة البلوزة ...جبد البلوزة و دخل الحانوت ...يا ربي لعمل عليك و الشدة فيك
• صباح الخير يا سي الهاشمي بالشوية
• يا ألف وردة يا ماية هـــــــــــــــلا ...مبروك البلوزة
• إبارك فيك
• إيجى أعمل كاس تــــــــاي متع الصباح !!!! متع مصالحة تعمل الكيف
• يرحكم ولديك ...خليني نخدم على روحي

الهاشمي الحامدي ..حانوتو ما إيجيه و لا واحد ...قريب باش إسكّر ...و لكن ساعات إنش في الذبان و يتفرّج على تلفزتو وحدو وحدو ...ما هو واكل بلخ و كبوط ترافل و صباطة و ديناري ...و حتى في الشّكبة طلع ما يعرفش ...أخرها في قلب الحانوت علّق تصويرة رئيس الدولة ...يا خي حتى الدساترة قاطعوه ...أبو أنيس ...و أبو طه ..و عباس ..و أخر تونسي أصيل ..من رواد تونسنيوز ...الشيخ مريض عندو ياسر و هاذوم الطرحة ...واحد جايبلو رمانة و واحد باكو ياغورط و واحد مروحة و الأخر مضغة لوبان مـــــــــر ...طرحة يا جماعة ما نحكلكومش ...الشيخ مريض و هوما زادو مرّضوه ..يقعدو قدام الحانوت ...الي إيجي باش يشري حاجة ..يهرب ...و خاصة كان جات وحدة قطعة ...!!!!! قتلو الشيخ متع تونسنــــــــيوز ...قطعو عليه النفس !!! ينفخو فيه ..ينفخو فيه ليل ...بدى إسكّر في فردة و إخلى في فردة ...إتقول قهوة فطارة في رمضــــــــــــــان

...كي جيت للخدمة ...على الصّباح ..نلقاهم قاعدين قدام حانوت الشيخ تونسنيوز ..إمكتفين إيديهـــــــــــم ...و عابسين ...و إلصلصو ..إشكون إتعدى ..إشكون إكتب ...إشكون شرى ....إشكون باع ...من غادي الهاشمي الحامدي شــــــــــدو من خشمو يطرشق ...ما نجمهومش ...طيرو عليه الزّبائن الكل ...و لكن ما إلقالهمش حل ..ياكل في بعظو ...أخر ما عمل الهاشمي الحامدي ..سكّر باب الحانوت الي إحل على الشارع الرّسمي ...و أحل واحد أخــــــــــر ...إحل على المعصرة متع الزيت ...و كتب على الباب ...( دور من غادي ..تبع الفليش ) . أنا كي وصلت ما إفهت حتى شيئ ...عندي الماعون متع الخدمة ...( مغايث ) .• يا دكتور سامحني راني ..جيت موخر ! ما إلقيتوش الحانوت

• جيبت ماعون الخدمة
• بالطبع ....إتعديت على الحداد ...صنعلي زوز مخابث ....ماضيات ..إشدو مليح!
• و الله هاذوم عـــــــــــــال ...يخدمو خدمتهم
• ثمة كليــــــــــونات جدد عندك..
• نستفتحو ....يا فتاح يا رزاق
• ما لا خليني نمشي إنجيب قهــــــــــوة ....إتحب قهوة يا سيدي
• برى ما تبطـــــــــــــاش ...

خرجت ماشي للقهوة

• صباح الخيــــــــر يا سي قاسم
• صبـــــــــــــاح الخير ...أش تحب عندي ...عندي راهو مساء موش صباح
• أشبيك ...عاطس
• ما رقدش ...مازال ...ما إرقدش ..الطبيب الجديد كلّفني باش نصنع مغايث ، البارح ليل و ما طولو و أنا مع الحداد
• طبيب جديــــــــــــــــد ...جاء
• قاري الطب النبــــــــــــــوي الكل ...طيارة كبيرة
وشوشو لبعظهم ...زعمة كان نستدعوه للشيخ متع تونسنيـــــــــوز ! أش قولكم ؟• يا قاسم ...أدخل شوف الشيخ ..إنت عندك تجربة أكثر من الطبيب
• برى جيب زوز قهاوي يا تونسي أصيل ...و جيب الباقي
• حاظر ...بربي أعمل مزية في الشيخ
• هذا طلّعتلو الدم يا جماعة ...هاهو ما عاش إشوف ...!!!!! نحيتولوش الدّم الفاسد
• خطاني إنت يا قاسم توه نبـــــــــــــرى ...يرحم ولديك ..أخرج
• يا شيخ ...راهو عندو تجربة ...

خرجوه من الحانوت ...نادولي الطبيب
جاء الطبيب ...دخل سي عبد الحميد ...جس النبض متع الشيخ ! شاف الصّخانة ! و قال :• يا شيخ عنك الدّم الفاسد ..و ما نحتوش في وقتو ...لازمك عملية كبيرة و الحانوت ما فيهش ماعون
• كان إتحب إنجيبلك قاعة عماليات يا دكتور إنجيبلك ....أما حاجتنا ببرشة دم
• يا قاسم ...قاعة عمليات ...موش ساهلة • المهم في الدّم ...يا دكتور ..الحداد عندو الماعون الـــــــــــــــكل
قالت الجماعة ، كانكم على الـــــــــــــدّم ...أحنا متطوعين
• خلّو الشيخ يرتاح ...و ألي الأمام ..خلي الدّكتور..إنحيلكم الدّم
• ما ثمه حتى مشكل
• إتوكل على ربي ..يا قاسم ...نحيلهم الدّم الفاسد الكل
رجعنا للحانوت ...شد الدكتور قدام الكرسي متاعو ...شديت بلاسطي ...باش إنقيد المرضى بالدّم الفاسد تونسي أصيل( هــذا واحد )
• الأسم : تونسي أصيل
• المهنة : حـــــــــــوات
• باش إتحب إنحيلك الدّم الفاسد بكيسان التاي و إلا بالمغايث حديد
...• بقداش
• بالحديد أرخص ...دينار و خمسة ماية ..هات الباقي متع القهاوي

• منين باش إتحي الـــــــــــدّم يا سي قاسم
• من راسك ...من تالي ..لازم إنحجموك قرعة جملة و تقصيلا ...و لازمك إتزيد 500 فرنك متع الحجامة ...و 500 فرنك متع تشليط ...أي باش تركحلك في خمسة ألاف بالبوربوار.
شديت تونسي أصيل بين إدي و إنزلت عليك بالصابون لخضر ...الدّكتور إمضي في الموس ...باش إنشلّطو ....• هذا حاضر يا دكتور ...حظر المغايث ...( طبس راسك إنت و إسكت )
الدكتور ...شعّل ورقة ..صفحة من صفحات تونسنيوز ..و حطّها في المغايث باش يسخنو بالبـــــــــــــــاهي و يجبدو الدّم الفاسد
• يا قاسم غرّق التّشلـــــــــيط باش الدّم الفاسد يخرج الكل
• حاضر يا سيدي
• بشوية ..بشوية ...بشوية ..أحيـــــــــت ....بشوية
• ســــــــــكّر ...و إسكت ...الدّواء يحرق
قرب الدكتور من الرّأس ...و يغرس في العنفقة زوز مغايث حديد ....ماهي البريسون باهية ...تونسي أصيل ...مـــــــــــــــــد الأربعة ...و فمو ما حلوش ...10 دقائق خرج قطرة دم فاسد ما عندوش بالحانوت ما عاش إدور ..و حتى الشارع إنساه و كلمة ما قلهاش ...بالطبيعة الدّم هذا باش يتبرّع بيه للشيخ متع جريدة تونـــسنيوز !!! و لازمو برشة دم فاسد ...ما تنسوش الدّم لازمو إكون من نوع أ خوانجي ! ب- خوانجي – أب- خوانجي – أو خوانجي ...: ما تنسوش التونسي يتخلق من أصلو خوانجي ...يكبر شوية أولي يــــــــساري ألي حدود الأربعين سنة !!!! كان أمورو إتريقلت ..راهـــــــو و قلب الفيسة و أولى من التّــجّوع ...راهو باش إواصل في اليسار ...هاذك علاش قاسم إسميهم يـــــــــسار كلب لحــــــــاس !!! و كان أمورو ما تريقلتش ...راهو يرجـــع خواجي و يدخل الحبس ...هاكه علاش قاسم إسمسهم ! الخوانجي الحمير.
و هذاك علاش تكتب نص : الحمـــــــــــــار و الكلب !!! ألي كان السبب في طردي من تونسنيوز و نواة ! في اللية هذيــــــــــك ...النص أولي فيـــلم كبير بعنوان : هجرة الحكيم.

قاسم قاسم