فنــــــّاني معارضة المعارضة

حزب يخدم بالحكومة و حكومة أتمول في حزب ، هذا ما قاعد أصير كان في تونس ! و الناس الكل في بالها و الناس الكل تعرف الشيئ هذا ! حزب ، شنوه حزب أكبر حزب في العالم ! عندو الميلشيلت و عندو السّلاح بالعربي عصابة منضّمة ، إمسيطرة على البلاد و مرّكع الشعب التونسي الكل . لا عاد عندنا طّبة كبار و لا مهندسين كبار و بنكاجية و لا رجال أعمال و لا حتى شيئ ! جماعة باندية فكو البنوك و فكو الجامعات و الكليات ، الجرائد و التلّفزة ، غارو على الأراضي الخصبة متع البلاد ! ركعت الفّلاحة و زاد الفقر و زاد الهّم و زادت الغمّة على البلاد !!! حتى من الجبانة الواحد ما عاش لاقي فيها بلاصة ...عصابة في الدّوانة ، الواحد لازمو إخلّص العصابة قبل الدولة ّ. ركحت العصى في الأقتصاد الوطني و بدات المعامل إتسّكر و التّجار تذمر و ألي زاد على الطين بلة ما ثماش لشكون تشكي ...عصابة بن علي و الطرابلسية دخلت في كل شيئ ! صرطان ظرب البلاد ...ظرب القضاء ، ظرب الكورة ، ظرب التعليم ، ظرب الزّرع القمح و الشعير ...هنا نتذّكر المكسيك ...ظربهم الصرطان متع الرّشوة و العصابة منذ القديم ...و لا جيش إنفع و لا حرس و لا بوليس ...الطايح مرفوع و حوت ياكل حوت و قليل الجهد إموت ...

الصّروة هذه اليوم ولى الشعب التونسي إعيشها كل يوم ...مؤشر الجريمة طلع فلاش ! مؤشر البطالة 25 في 100 ،إنتشار المخدّرات و حتى في المعاهد و حتى في رياض الأطفال !!!! كيفاش عملنا ...وينها الدولة ألي هي مجعولة أساسا باش إتحافظ على حياة المواطن ! على صّحتو ، على تعليمو و على ثقافتو !!! الدولة لا وجود لها ...بل موش لاهيــــــــــــــا ...إشكونو البوليس ألي باش يمشي يجري وراء المجرمين ...يستحيل ..ما إخلصوش ...إشنوه ألي إخلّصو ؟ الرّشوة لا أكثر و لا أقل !!! البوليس و الحرس يخدم موش للخدمة إنما لتجميع الرّشوة ...أصّور بيها أكثر ....أسهل و أسلم !!!

ثمه بوليس خاص بالمعارضين ...هاذوكم يخلصو ديريكت من القصر و عندهم الضمانات الكل و البوربوار ...البوليس السياسي الي شاد جرّة اي تونسي حر ، قال لا لها الميردا ! لأي تونسي حر شاف أنو لازم فضح ها المافيا ألي لا دين لا ملّة ...البوليس هذا حاضر باش و في كل لحظة باش يقتل و يسجن أي تونسي و بأي تهمة من الرّشوة متع طارق ذياب ...ألي القتل بالأسلاك الكهربائية في قفصة ...البوليس السياسي ...بل بوليس المافيا متع بن علي و الطرابلسية يخدم باش إشل الفكر التونسي الحر و إخليه تابع طول عمرو ...
هنا بالضبط ...سيداتي سادتي تخرج علينا ، فنانة جدد من نوع خاص جدا !!!! الفن الجديد هذا إسمو : فن معارضة المعارضة : يعني نـــــــــــاس من داخل أو من خارج المعارضة صنعتهوم إنهم ...إبخــــــــــــــرو بكل نفس جديد ...إصبو الماء في الرّكايب ...و فيهم الدكتور و فيهم المهندس و فيهم الصّحافي ...و فيهم االله مصلي على النبي الطبيب ...هذاوم الأقزام ، خدمتهم التشكيك في قدرات كوادر المعارضة التونسية ، القدرات العلمية و السياسية و حتى العقلية ...و بما أنهم يعرفو برشة نـــــــــــاس معارضين ..إذا عندهم قاعدة معلومات كبيرة و ربّما حتى كتبات مازال ما إتنشرتش ...

فنــــــّاني معارضة المعارضة إقولو بالي معارضة الخارج قاعدة إتهدّم و بن علي الطرابلسية قاعدين يبنــــــــــــــــــو ....أنا واحد منهم و عندي بلدوزر قاعد إنهدّم ...أني مقتنع إقتناع كامل بظرورة إعادة بنـــــــــــــــــاء كل شيئ في تونس ...الصّحة ، التعليم ، الأقتصاد ، الثقافة ، الكورة حتى ....أما بن علي أنا نعرف بالي هو إحب المرّمة و باني عشرة قصور للمرا عندو من جيوب التوانسة ...و على ظهورهم ....شنوه ألي بناه بن علي و ما إنجموش أقل معارض ؟ إشنوه ألي يعرفو بن علي و ما يعرفوش أقل مترّبص في المعارضة ؟

بن علي قادر باش يبني حبس كبير إسمو تونس و إتّم بناءه على أحس وجه و لكن جات الرّجال و نقبوه و كان ألـــــزم باش إنهدمو أصلا و إنخرجو المساجين السياسين الكل...بن علي بنى صور كصور الصين على تونس الكل ...باش التوانسة ما يوصلهومشي صوت الحق ...و لكن زايد ! إذاعة هاهي في الثنية ...و القرجومة عندي ...و بالحرام كاما ندخل ديار التوانسة الكل !!! من بنزرت لبنقردان ....و إدورها لبن علي ...

فنّاني معارضة المعارضة ...ما ألقاوش أرواحهم مع نــــــــــــــــاس ما عاش إهمها القريص ! و ما عاش إهمها السبان و البكى على التراث ...إنعم ما ألقاوش أرواحهم مع ناس النفس متاعهكم طويل يــــــــــــــاسر ...إتعرفو الفانة هاذوم من النهار الأول الي حطو فيه ساقيهم داخل المعارضة ! فعزلتهم الأقلام الصّحيحة و الرّجال الصّحاح .....هجرتهم الأقلام الصّادقة و ألي ضحات بالغالي و الرّخيص من أجل كلمة صادقة ...من أجل رفيق أو أخ في السّجن ...

قاسم قاسم

ما نيش حال جامع ...و ما نيش حال كفيشانطة

1
هنا جمهورية ..

.دولة مسؤولة أمام الشعب التونسي

مشكلتنا في تونس ، بالي أحنا كشعب ما نجمناش نعملو دولة كي العباد ، مفهوم الدّولة في تونس مازال ماهوش مفهوم، كانو إسّموها السلطة و ألي حد الأن في بعض الجيهات ينعتوها بالباليـــك ! علاش زعمة ، لأنها في وقت من الأوقات عوّضت الأستعمار و ما نجمتش إتحرر المخ التونسي من الهيمنة الأستعمارية. الشعب التونسي و حتى المثقفين متاعو مازال ثمه أثر متع الأستعمار في مخو و إلا في أمخاخهم !!! !! إستغلّت الحكومة متع اليوم الخلل هذا و زادت طورّاتو باش إذل التونسي أكثر و أكثر ! و كان ألزم إتبع إتبع ...باش ما إطالب بحتى شيئ . وقت الي حكيت و أنا و جماعة كبار في السّن ، قالولي بألي في وقت فرانسا ، كانت الحياة الثقافية و السياسية متطّورة أكثر من الأن ، حسيت و كأنو الرّأجل عندو حنين ألي تلك الأيمات ...و فهمت كذالك بألي السيد ما أقتنعش بالأستقلال 100 في 100. السيد هذا بالطبع عاش ما قبل الأستقلال و ما بعده ....لاحظو مليح بالي الحكومة متع بن علي اليوم ألكـــــــلّها عايشة التخضرم هذا و هو نفسو و بالذات ما هوش فاهم ألي الأستعمار رغم خروجو فعليا مازال إمعشش في مخو ....الشيئ هذا خلى الدولة التونسية ..الحكومة ما عندهاش قيمة عند المواطن و أعتبرها دائما كي بيها كي بلا بيها ...الثيقة لا : رزق باليك ، سلطة ، : الي اليوم هذا ما نجمتش الحكومة هذه إتولي حكومة بأتم معنى الكلمة ...أعتمدت الحكومة التونسية و ألي الأن على الفرنسيس ...باش إدور شؤون البلاد ...لذلك كانت و دائما ناقصة شرعية ...الشيئ ألي خلاّها إتزّور كل شيئ....مشروع الخصخصة الأخير ...أنا إنقول الصّخصخة متع الأقتصاد التونسي ..إشكون عملو ؟ باش إكون في علمكم ما هومشي توانسة بل فرنسيس خدمو في القصر و الأي الأن !
الحكومة هذه الفاشلة هي بالضبط الحكومة متع حمد بن صالح وزير كل شيئ ، في الوقت هذاك الوزير حاب يعمل إقتصاد إشتراكي ...و في التعليم و في الصّحة و في الفلاحة ...و في كل شيئ ! شد الحبس سي حمد بن صالح و بورقيبة قال غلّطوني ، راني ما نفهمش في الأقتصاد ...فاشلة التجربة هذيكه و إلا لا ؟ ما إهمنيش ....ألي إهمني الحكومة !!! ما كنتش مسؤولة لا أمام شعبها و لا أمام العالم زاده ...هز و إنفض

تجربة بن علي اليوم و الصّخصخة ألي عملها ، كيف كيف تجربة فاشلة وموش فقط علي الصّعيد الأقتصادي إنما على كل الأصعدة ...كان بن صالح فك الأرضي مت الفلاّحة الكبار ! هذا فك أرزاق العباد و أكتبهم بأسمو و بأسم المرا ...قال إشنوه ...إقتصاد السّوق ...لبرالية بن علي غورة على العباد عين جهار.

ربّما الهادي نويرة ...أنقض ما يمكن إنقاضه بعد بن صالح ...و ركحت البلاد شوية !!! و اليوم يا جماعة أش عملنا ...وقت الي البلاد سحقها سي بن علي و ما خلى و لا دكتور على قيد الحياة. و لا صحافي و لا ناقد و لا قاضي و لا محامي ولا واحد إصّلح المسار ...أنا ربّكم ألأعلى هكه قال و أنا ألي نفهم في كل شيئ و لا أمر دون أمري ...و الّراجل إمشو فيه الفرنسيس ..دير هكه أعمل هكه ...ليل جابها البلاد هي و الأرض سواء سواء ...ما عاش فيها ب 68 مليار كريدي ...الرّشوة تخبط في كل إدارة و في أي مشروع ...إبتسم إنها تونس. ..

التخلويض متع بن علي زاد فشّل التوانسة ...و زاد كرّهم في كل ما هو حاكم ...و زادت الحكومة فقدت المصداقية متاعها و ألي إيجي منها مرفوض جملة و تفصيلا ....بالطبيعة التونسي باش يطرح السؤال على نفسو ....علاش ؟ إشبينا مازلنا متخلفين ؟ علاش ماناش كي أروبا ؟ علاش ما عندناش حكومة مسؤولة ...ألي يركب إفكّر كان في جيبــــــــــو ، في عائلتو و في عشيرتو ، إعبي إعبي ...إغور على أرزاق العباد ....و من بعد أولي القدر متاعنـــــــــــا و كان موش منو راهي تونس إمشـــــــــــــــــــــات زيزي.

قاس قاسم