قاضي القضاة مختار اليحياوي في الدّم الفاسد

بعد السّوق ...تنزل مجموعات أخرى ...الزّوالة إمساكن ...شوية بطاطة شوية بصل، شوية طماطم ...أما ثمة زواولة من نوع أخر ثمه شوية سياسية ...ما هو عندنا برشة جماعة تلتقط في الفضلاة السياسية ! ما هيش قادرة إتعوم في الغريق، ...قادرة كان باش تلعب إلبرى و خارج السوق السياسي من بعيد لبعيد ، موش خوف فقط ....إنما خدمتهم : تكسير البطاطة ...مثلا كما ألي جاو عندي اليوم : قاسم خوانجي ...قسام صباب ...في بيه في عليه ...يخدم عند عّمار ؟ إشكون قاري ألكترونيك أكثر : أنا و إلا عمّاركم !!! ؟ الزواولة هاذوم ...لازمهم العصى باش ما عاش إتبعو الفضلات، الظرب على إيدين المشوشين ؟ بالظبط من بعد السوق ! جماعة هاك بيه و هاك عليه ...لازمها تلعب في الفيلم ! و لكن يا جماعة بلا بيهم ما هيش تونس...إنولو ما عاش إتوانسة ، إش مخلينا سيرك هوما ! ..باش تونس هي؟ كان بالجغ مـــغ ...و محاولات التغير الفاشلة...هاذوم : كي الكلبة المدودة وذنها ...هب هب : شر ...شر ، لا إتراسيلك إنحيلك الدم الفاسد و إتولي قطوس ! تجري فوق السّطوح . سبب فشل المعارضة و كيف كيف فشل الحاكم هو الـــــــــــــدّم الفاسد.....التوانسة مرضه بالدّم لا أكثر و لا أقل! الفيلم هذا باش يحكي في العمق، في محاولة تجديد كامل للعمل السياسي ! و تنزيل التظير إلى الشارع التونسي ...بعيد على السّوق ما ثماش سياسية !!!!
!!!!!!ثمة برشة خوانجية ...إسبو في قاسم ...قالك قاسم يتفيسخ عليهم !!! و ثمة برشة شبه يسار موش إسبو في قاسم ...إنما يجترو في هزايمهم و نازلين على الجمهورية ، قاسم إنسان ، شخصية تونسية ، فيه اليسار و فيه اليمين و بلا بيهم البلاد ضاعت في المرشي نــوار....،أنا نكتب صور موش في نصوص !!!! و الصّورة بألف كلمة ! حبيت إنوضح للخوانجية الي قاعدين إسبو ...الشي ألي جـــــــــــاي راهو باش إركّب الدّم الفاسد ...ما ني باش إنخلي حتى شخصية وطنية ترتاح ...كما إنحيلها الدّم الفاسد ّ باش تعرف أش تعمل ...البداية حبّـــــّذتها إتكون بشخصيات عادية حتى نعطيها قيمة لوجودها في شكل هزلي بسيط و مبسّط ...الشخصيات هذه يوجد منها ألاف داخل تونس ! ثمه أكثر من مليون مريض...بالعربي الأسم في حد ذاتو يعطي للمخرج ...طريقة ..و كيفية إنو إخـــرّج المستحيل من الممـــــــــثل ! و الطريقة هذه ناجحة ياسر ..و إستعملتها سابقا و باش إنواصل في إستعمالها ...و ألي ما عجبوش ...عليه بماء البحر : يطرشق المرّارة.
المهّم ...الدّم الفاسد باش ياخو وقتــــــــــو ...و باش يجبد خلق ربي الكلّ من شامالها لجنوبها ...و لذلك أطلب من كل الشخصيات الوطنية إنهـــــــــــــــا إتوسع بالها ...رهو فيلم ...حاجتي بيه باش إنخرّج القربج باش نحكي بيه على المساوي ...التّصفيق ما عاد أوصل لحتى شيئ ...البكاء على الأطلال ما عاش إوكل الخبز ...اليوم الفعـــــــــــــــل ....أش قادرين تعملو ..؟.إذا قاسم إنحيلكم الــــــــــدّم الفاسد
!!!!!!!!!!!معارضات العالم الكل نجّمت تتواصل مع الشعوب متاعها إلا معارضتنا مازال ما لقيتش الأسلوب و الكيفية و الطريقة باش تلقـــــــــى الحلّ مع دكتاتورية أتت على كل ما هو أخضر.

جمهورية قاسم تقدّم
قاضي القـــــــــضاة مختار اليحياوي
في الـــــــدّم الفاسد

لازمك نعطيكم فكرة على المدينة هذه ، حتى إتكون الصّورة واضحة : إتصّورو 2 صفوف حوانيت الشارع طويل فيه 2 كلم على الأقل ...في طرفو الأول ثمة الجامع الكبير ( قاسم خوانجي ، كتب جامع، هههههه ) و في الأخر مفترق الطّرق ..ويـــــــن باش يخدم سي عبد الحميد العداّسي ( طبيب كبير ، جرّاح )، هذا خدكتو باش إيجيب الكليـــيونات ...بوبليسيتي متحرّكة ..خدمة ...دي كوكي ...
• كراهب ...عباد ..تمشي و إتجي ..مدينة إتعج بالعباد ...بلاد إدور في الفارغ ! إسانس خصارة ماشي بلا ثمرة ..سي عبد الحميد في الوسط متع الرّونبويان ! لابس الزّي العسكري الي عمل بيه بن علي الأنقلاب على بورقيبة ...! الجينيرال تعرفو الناس الكــــل : تسمع كان
• صح الكسوة يا عبد الحميد
• أشنوه حوالك
• مبروك البوسط الجديد ...إن شاء كل شيئ بالبركة
بلاد ما فيها إشارات مرور ..بلادنا إدور بلا قانون ..كان ما سترش ربي و جاب واقف سي عبد الحميد راهي مشات في هاوية ....الي ماشيين للشارع متاعنا ..ديمة الأولين يتعدو ...في إتجاه الجامع ...ديمقراطية الجينرال ( أفهمو و إحلو أمخاخكم ، ما نيش باش إنفسر كل جملة) ...و قداش من عركة على الفازا لأنو يعطي وقت أكثر للناس الي داخلة لشارعنا و الأخرين ....خارجين و إلا متعد ين لبلاصة أخرى ..و قداش من مرّة إشمت و عمدا في جماعة لا تعرفو لا يعرفها ...حبسهم بالنص ساعة في السّتوب ...بالضبط سياسية بن علي ...بوليس في ستوب ...الناس ما تشري كان سلعتو المضرحة...
...قاوم بالضحك ...قاوم و أضحك
قاضي القضاة الأستاذ مختار اليحياوي ...ماشي في شورو ...على الساقـــين ! واقف في الستوب متع سي عبد الحميد ...فكـــــــّولو الكرهبة ...منذ زمان !!!! من بعيد
• أهـــــــــــــــــــلا يا مخ !
• أهلا و سهلا ....كيفك يا سي عبد الحميد !!!! شنوه الجديد
• نخدم عند قاسم
...• إشنوه ما في بـــــــــــــــاليش ...وقتاش ...عندي جمعة ...حبيت نشكيلك منو !!ما عرفنا اش نعملو معاه كان إنطردوه ...توه إتقولو ..موش ديمقراطيين ! و كان خلينـــــــــــــاه راهو قهرنا ...و ما خلــــى لا صغير و لا كبير كان جبدو و أعطاه الحس ...شوفلو حل...
• شوفو لأرواحكم حـــــــــــل ...و هاك تخدم عندو !!! إنت ؟!!!! أصبرو
• يا سي المختار ...أنا نصيحتي ..تمشي تعمل طلّة على قاسم ...البلاد و شلبكها ! لا يعرف يكتب و لا يعرف يقرى لا بالعربي لا بالسوري و الناس عليه بالصّف ! خوماضة حالها ...و ألي إشدو ما إخلي ما إقول فيه ...صلخني ...خدمت نهارين في الحانوت ..شعرة لا إركبني السّكر ...ما شمّيت الهواء كان اليوم
• و الله إشبيه ...قاسم راهو صاحبي ...و كان إلزم الأمر توه إنكلّمو ..على الحكاية
• قولو إبطل حكاية الــــــــــــدّم الفاسد ...راهي النهضة فرعت ما عاد فيها حد!
• ما إفهمتش الحكاية ...و أش دخّــــل هاذا في هاذا
!!!!! • برى يا سي المختار توه تفهم ...و راسك يحبس من اللّوجيك متع صاحبك! حتى من الشيخ ما إسلمش من لســـــــــــانو ...شيخ تونسنيوز ...سبب تسكيرها من قاسم
• قيدو على قاسم ...
سي المختار بطبيعتو ما إفوتوشي حتى شي ..شد الشارع و قال يا قاسم ..وينك ...متعدي بحذى واحد إبيع في الجرائد ...شرى جـــــريدة ...في المرشي نوار ...جريدة الموقف ! الموقف تتباع تحت البرانس ...حطّها تحت الأبط متاعـــــــو ..و زاد فيه ...يمشوش إفوكها ..قبل ما يوصل ...فات الحانوت ...ما يعرفوش
• يا قاسم ...صاحبك إتعدى
• إشكون يا عبــــــــــــاس ...صاحبي
• المخ ...أخلــــــــــــــط عليه ....جيبو يشرب كاس تاي
في رمشة عين ...عباس ..صحة أبدان ...جابو في حظــــــــــنو ....و حطو ديريكت على كرسي الحجامة ...و قالو
• كاس تاي أخضر و إلا أحمر ...يا أستاذ
• كي قعد على كرسي الحجامة ...أيه ما لا سي قاسم ..تعمل مزية إتحجمني على ذوقك ...• حاضر سي المختـــــــــــــــار ..على الراس و العين ...يا عباس ...أغسل شعر سي المختار ...هاني جايك..........لحظة و إنجيك
هذا سي عبد الحميد العداسي ..بدى يربطلي فيها ...الزّبائن الكل الي باش يصتادهم ! ما يطلعو كان أصحابي و أول واحد بعثو ..أعزّ صديق عندي...هذا باش يربطهالي مع العباد الكل و باش إحشمني مع المعارضة ...و الشخصيات الوطنية الكل ...نجري ماشيلو
في الرّونبويان
• ما لقيت إشكون تبعثلي ...كان صاحبي ...ما عندوش الدّم الفاسد!! قتلك بالعربي كان المرضى ...بالدّم الفاسد.....ما عندوش فاهم ....صحابي ما عاش تبعثهوملي ...
• يا سي قاسم ...إمشي وحدو ...جاك على ساقيه
• لاه ..لاه ...وين إنكّلفك بحاجة لازم إتفسّدها ...علاش إتحشم فيّ مع الرّاجل ! أبعثلي كان جماعتك إنت الي يقرولك و إتبعو فيك ...واضح ...الخوانجية بالأخص
• الخوانجية فيهم الي ما هوش مريض بالدّم الفاسد يا مدير
• أعترفت توه الي شطركم عندو المرض هـــــــــــــــذا ...نهار الي باش إنعديك إنت ...توه إتشوف ..يا سي عبد الحميد أش تولي ...واصل ...عملاتك ..و زيد سب ...بالعربي ...بالفصحى باش تفضحنا قدام العالم
.ركّزتهالو ...كما حبيت و خليتو في حالة ...ينهز و يتنفض في قلب الطريق ...رجعت نجري للحانوت ...الراجل يستنى
...• أيوه سي المختار ...لحية و راس
• إنعم
• رغي الصابون يا سي عبـــــــــــــــاس ...شرّك جريدة الموقف ..خلي نمسح فيها ...الموس و الصّـــــــابون ....
• جريدة معارضة يا سي قاسم...كيف ؟
• تونسنيوز حتى هي معارضة سكّرت نهار شبعة نوفمبر ...أنا في بالي إتعاركو الجماعة في القطب الشمالي ...و زيد شوية ضغط من الشيخ و من شوية من الله و شوية من عبد الله ...وزيد عليهم الحامدي إولات عجة متع خوانجية ..هكة و إلا لا يا سي المختار ؟ إسمع هاني باش إنعدي على الكل ..ما عندك ما تعمل بيه الشعــــــــــــــر ...إمجعد إتقول صكومّة
..• يا قاسم ..قعدت بلاسطها ...تونسنيوز ...كانت إمعبية فراغ كبير
•الشيخ ...متع تونسنيوز هاهو في الحانوت الي بجنبي ..و باش نعملّو عملية إن شاء الله عن قريب تتبرعشي بشوية دم ...تربح أجر ...فيه ...هاك على كرسي العمليــــــــــــــــــات
• ألي إتشوفو ....برى نحيلو شوية دم
• راك صاحبي ....و الشرك جاء في الحجر ....راني باش إنحيلك الدّم الفاسد! عندك، زعمة منو ... حتى إنت شوية سي المختـــــــــــار....الشيخ في خطر ...الدّم الباهي ما إنحي منو حتى قطرة...كلام رجال
• أش عندي أنا مع النــــــــــــــاس ...لا حزب و لا جمعية ...و لا هم يحزنون ! كيفاش باش يركبني الدّم الفاسد.
• يا عباس ...شعّل ورقة من الموقف ...و حظّر ماعون الخدمة ..سخن مليح ...
• سايس يا قاسم ...من ظهرك أحسن ...باش إنحو ...!!!!!!راسك هاهو ولى كي البصلة توه من بعد إتشوف روحك مليح في المــــــــــــــــــرايا
• إن شاء الله خير
• طبس ...طبس الكـــــــــــــــــــــــل ...و ما إتقولش أه ...لا أه ..
طبس سي المختار على الــــــــكونتوار ...و ظهرو عريان ...شلّطو تحت الأكتاف و قلت لعــــــــــــــــباس
• أغرس المغايث ...و شدهم في ثمه حتى إنقولك
• أيه برى يـــــــــــــــزيه ...صحة و بالشفاء سي المختار
وقف ..قابل المرايــــــــــــــــا ...شعرة لا ...لا لحية ...لا راس ...يلمع ...الّــذّبانة تزلق على راسو ...سّكر عيونو ..ثم حلّهم ....إتبدل يا جماعة .... و قال
LA TRANSFORMATION • أشبيك يا سي الشباب ....جريدة الموقف ...إتشّرك فيها ...تحرق فيها ..تمسح فيها في الصابون ...
• سامحني يا سي المختار .... أنــــــــــــــا قاسم صاحبك ....راهو ...!!!!• تصويرة صدّام البطل الشّهيد على القاعة ...كيفاش ؟ وينها السّكريترة !!!
يا عباس المختـــــــــــار اليحياوي ...ولى... إتبدّل ...الأســــــــــتاذ نجيب الشابي !!! سبحان الله أش عملت ....زعمة من الجريدة الي حرقنها ..وصلت لدمو..عملية تلقيح زعمة ...كيفاش ...يا عباس أعطيه كرسي يقعد ..البــــــــــــــرى توه يستراح ....هذه عملة ما عاش إنعاودها !قعد سي .....منهو توه ......اليحياوي ...قدام الحانوت ...ولاتشي حظبة ..قدام الحانوت ...المختار اليحياوي أصبح رئيس الحزب التقدّمي الديمقراطي و مخو ولى مخ نجيب الشابي .......!!!أش باش إقول توه سي نجيب الشابي الحقاني ....

في الحلقة القادمة ...الأستاذ نجيب الشابي في الدّم الفاسد

هنا قاسم قاسم ....

و كان لي وطن

وكان لـــــــي وطن ...

و كنت له عــــبدا

أسقي الزّيتون و العنب

أجري به ...بالعرجون ....في الحضن ...

حافي القدم ...ضاحكا ...صاخبا

...في الحين أكون ...سابحا بين الشمس و القمر

كان جميلا ....ذاك الوطن

كان في إبتسامة الولـــــــد*

و حين أكتشفت ...حقيقة الأمر.

وكيف تربَـــص السلطان بــــالورد

كيف أحرق القرطاس..و القلم

كيف شـــــدّ على الياسمين...

كيف مضـــــى ...يقتل كل النخــيـل

أرهب ..السلطان ...جميعها

و حتى النمّل ..في البلح

أشنق أنا كالعرجون

خريفا

يسقط الرّطب كالمطر

و كان لي وطن ..........و كنت له عبدا

قاسم قاسم

إذاعــــة الدّم الفاسد

حلقة من حلقات الجمهورية

في السوق وين إدور الفيلم متع الدّم الفاسد ! ثمة نصبة جاية على شيرة ! ما هيش واضحة و السلعة المعروضة إمــــلـــّقطها مولاها من كل بر! النصّبة ما عندها حتى لون ...ما نجمش مولها يعطيها لون ..إتحس نصبة موش واقفة على أربعة ساقين ...و نهار و ما إطولو الـــرّاجل إحوّل فيها !!! إتبع في الظّل ساعات في الشّمس ...ساعات ما يلقى ما يعمل ...ينصب بالسلعة في قلتة ماء باش الناس ألي جايه إتقلــــّب في ما بقى من سلعة بالسيف تاقف في الطبعة! قالك شـــنّوه ...الأختصاص متاعو عــــوج ! يعمل كل ما هو عـــوج ! ساعات يدّخل ! قال شنوه ما إحبش إخلـــّط روحو مع الشّراية ...مذرحين و ما ما عاجبهم شيئ ...و إشنوّه ألي إتحب يعجبهم ...هو ما عندوش سلعة ! الشئ إملقط تلقيت ...إتقول يجمع في الأنطناب ...قال شنوه حال مشروع باش إحررّ بيه أخر جمهورية في التاريخ ...و بلا بيه باش تاقف الأنترنات و ما عادش تنشر الناس نصوصها و افكارها ...إتقول عامل مزية موش كان على الناس ، حتى على روحــــــــــو !!! لا يغلط و لا إخلي من يغلط ...لا ينصب في بلاصة تعمل الكيف ...و لا إسرّح الثنية ...هذه هي الشخصية التونسية ...راقدة في الخـــــط ! تجبد بالبارد ! عاملة روحها ما في بلهاش ...! موش لاهية بالموضوع ! أي بالعربي ...الخشم في السمـــــــــاء ...مترّفعة على حتى شيئ ! و بحتى شيئ ! في الفارغ ...هذه هي الخطوط العريضة مت أي تونسي على وجه الأرض ...إقولو : في التــــــــــــــراب و لا أولاد أش إقول فمي ! ما عليناش

حانوت الحجامة ألي حالو قاسم ...ما سمع به و لا تونسي ...في العمق.. في القرى و الأرياف ..سيدي بوزيد المحاصرة و الرّديف الثائرة ...و المضّيلة المظلومة ! و قفصة المقهورة ...و الشمال الغربي ألي سعدو طايح ! و بنزرت ألي ما عاد فيها حتى صغير إدور في الشارع و إلا يلعب في الكورة ...ما في بالهموش ألي قاسم حال حجــــــــــّام و إنحي في الدّم الفاسد ...للدّكاترة و للكتاب ز للنّخبة ألي ...لازمك مطلب باش إتكلّم واحد منهم و إلا تعرض عليه حاجة ..أه مالا شنوه ...صحافي ما يعرفش يقرى الأخبـــــــار و ما يعرف يكتبها ! أه كاتب ما إنجمش يتحمل مسؤولية نص ...لا لا لا ...لازمهم إيزيدو يقرو شوية أخرى باش إنجمو يتكلّمو في الــــــــــرّديون ...أه لازمهم لســــــــــانات جدد و قرجومة جديدة ...و كان لزم إنبدلو الــــذبذبة باش يرضو و يقعدو قداّم الميكروفون ...و إقولو أش إحبو إقولــــــــــو ...و تسمع بيهم الناس !! العالم ! و يقتربــــــــــو من الفلاّح و الخدّام و المواطن البسيط ...نخبة إتنظّر على أرواحها ...تكتب لأرواحها ...و تقرى لأرواحها ...!!!!! بالك لازمهم إشاورو الشيخ الكبير ...

قلنا خلي ياخذو الوقت الكافي ....و إستني يا دجاجة ليل إجيك الشعير من باجة ....نخبة تعد في السّقايط ألي طايحة و تمشي وراء الدّفاين كل يوم ...و قتلك لا ما نعملش راديو و ما نحكيش و على الهواء مباشرة !!! لازمنا نكـــــــــــــرو ناس أخرى ...تتكلّم في بلايصنا ...لازمكم رخصة في الكلام و التعبير ...و لازمكم إتشاورو ....إشكون ؟ الله و رسولو أعلم

!!!! برى برى ...و لا واحد إدخل الحانوت ...اليوم ...خافت الناس من الدّم الفاسد !اش قالو ...الدّم الفاسد، الموت حتى و لا قاسم ...يمشي مريض ... و لا مغايث قاسم ...الموت نفسها و لا إدورو بالحانوت ...إتعجّبت في الشعب هــــــــذا ! عزيزة عليه الدكتاتورية ! عزيز عليه الفقر ! عزيز عليه القمع ! عزيزة عليه الغورة ! عزيز عليه المرض !!! عزيز عليه كل شيئ كـــــــــــان إنو ياخو الثيقة في روحو و يدخل في المغامرة بكل جوارحو ...فهمت ألي الشعب هذا لازمو موش ثورة فقط ...لازمو بركان يشعل تحتو باش يتقلب ..بدون رجعة !!! زعمة ...أنا غـــــــــــالط و إلا شنوه...يا سي الناقد ؟؟؟؟؟؟؟؟
إتحب تعرف قاسم إشكونو ؟ توه كل شيئ جيك ؟ رابور ...من جميعو ...!!!!!!! موش مشكل !!! خوذ وقتك و إسأل و إتساءل ...و أبعث بأشكون إتحب ....في جرّتي ...ستجدوني : أمامك في الصّف ، أتعلّم كتابة حرف : لآ لآ لآ ...ستجدوني في الصّف ، أجلس و التلاميذ ...سأعلّمهم أن يثورو على إستاذهم !!!! أأعجبك الحديث ...سأكون في كل ثقب ...من فصلك !!!!
!!!!دخل أبو جعفر !!! و دخل للحانوت متع الحجامة ...دخلة متع ثم ثم...الدكتور أبوجعفر العويني ، أحد أقطاب التاريخ في تونس ... !!!!
• نكتب التاريخ الصّحيح ؟ أشبيك إنت مهبول و إلا شنوّه ! إش بي مصيبتك ...لازمو واحد مختص! مشو لاهي بيك ...يا قاسم ...أنا نعرف التاريخ ...التاريخ
• جرّبت إنت ! يا سي بوجعفر !!! ما هو سهـــّلها تسهال ...صعبها تصعاب...!!! و من إجتهد و أصاب
له أجران
• إشبيك إذاعة ...راهي ...إتخوف ...و زيد معاك إنت ...مع واحد الرّحمة لا ؟ لا لا لا ...المشروع هذا ما
نمشيش فيه!!!
• مازال عندك ما إتقول ....؟
• لا لا
• إتحب إتحــــــــــجّم ؟
• قداك إنت ...شبيني ...مريض بالدّم الفاسد أنا ...ما إنحجمش عندك ...تقتلني ؟
• قتلك إتحجم ...لا دم فاسد و لا دم خاثر ...أش تعمل بيها اللّحية ؟
• أظرب ...ظربات ...خلي إنحي اللّحية ...بركة ...ما إتمسينش من راسي ....راسي ما إتمسوش ..واجعني.
• أقعد ..اقعد ..حاضر ...و لا إهمك .
قعد ...إتكى على الكرسي المتحرّك ...رغـــــيتو بالصّابون ..فركتو بالباهي بالباهي !!!جات الــــظرسة متاعو تحت إصباعي ...عيّــــــط
• عندي السّوسة يا قاسم ...بشّوية....توجاعني ....واك ..واه
• هاهو عندك المرض ...!!!! مريض بضرستك ...لازمها تتنحى ! هي ألي إمطلعتلك الدّم الفاسد ...الشي واصل لراسك ألفـــــــــوق...هي السّبب في كل شيئ !!! إنت ستريسي ...و أنا معجول ...إذاعة لازمتني.
• لا لا لا ...خليها هكاكة ...توه نمشي للطبيب !!!!
• توه باش تستنـــــــــــاك الضرسة ليل توصل الطبيب بعد ما حرّكتها !!!أنا الطبيب و الحجّأم ...!!! و تسكت
في نفس الوقت ....نزلت عليها من بره و رصيتها بالأبهام ألــــــــداخل ! شعرة لا جبتها في فمـــــــــــو ...و هبط الدّم !!!! و فمو ما عاش أمنجم إحلّو و بدى البكى ...
• إنزيدها
• أهو ...أهو ...أه ...لا إترّبحك...و لا إتنجحك ..إنت راك ملح ...نوّضت علي السوسة !!!!
• رقايعك الكل كمــــــــــا إنوضهم ....تكتب و إلا ما تكتبش الحلقات ألي قتلك عليهم !!!!
• شنوه ...ألي في يـــــــــــــدّك ...؟
• البيـــــــــــنسة ....باش إنحيها ...صحّح ..توه ...صحّح....نكتب و إلا نمرجك
البينسة في فـــــــــمو ....شديت الضرسة ...حكمت عليها بكل قّوة
• زيد حـــــــــل فمك على كبرو
• بشوية يا قــــــــــــــاسم ....هو أه أه أه أه
• تكتب و إلا ما تكتبش ....تخدم في الرّاديـــــــــــــــون و إلا لا ؟
• أه أه ...ألي إتقولو إنت يا قاسم ...هو هاكه...حاضر ...توه إرّوح نكتب !نعمل كل شيئ !! ألي إتقول عليه ! المهم بالسياسية ...يا قاسم ....
و بسرعة ..البرق ...الضّرسة جات بين صباع البيــــــــــنسة ...شنوه ضرسة ! العرق متاعها فيه زوز ميتـــــــــــــــــــرو
. • ريّحتني ....يا قاسم ...عندها عام ...و أنا نجرّع في المرّار
• بالشفاء ....إنت ما تفهم كان بالعصى ...الحلقات العشرة إتحظرهم ...و إتجيبهم مسجــــــــــــلات بصوتك! ما ثماش واحد ....مازال ما جابتوش أمــــــــو ألي باش ياقف قدام قاسم ! الرّديون ...باش يخدم ...فاهم !!!
• دكتاتور إنت يا قاسم ....ما يتخدمش معاك ...و و لكن ...ولا إهمك .....عرفي
• إسمع ....إتعدى على النصبة متع عبد القــــــــادر ...قولو قاسم إنـــــــــــــــناديلك ...و بسرعة.
• إيجيك تـــــــــــوه
• توه ..توه .....بسرعة
سي بوجعفر شد فمو بمنديلة و خرج ...قصد ربي ..و باش يتعدى على النصّبة متع عبد القادر ...سي الشباب ناصب ...واحد عاطيه فيستة و الأخر بلوزة ! واحد عطيه موتير ..واحد عاطيه شوية كتب صفر ..النصبة ما فيها حتى شيئ لعبد القادر ...في جرّة الجماعة ...إدبر في راسو ...نصبة ما تفهـــمهاش متع أش ..لا هي ميكانيك ..لاهي روبافيكة ..لاهي متع كتب ...لا هي متع دوايات ..لا هي متع تيــــريسيتي لا هي متع أنفورماتيك ...نصبة تونسية ! خربقة
!• السلام عليكم !!! لاباس عليك
• الحمد الله ..و الله نحيت السوسة ...رتحنّي منها قاسم ..الله يرحم والديه...ما أصعبو ..قاسم
• عندك ياسر تشكى منها ...يا سي بوجعفر ...كليت زروسك
• ...قاسم حاجتو بيـــــــــــك ...توه توه ...و إزرم ..لا إيجيك ..إكسّر ها النصبة
• سيبّ عليك ...إشكونو قاسم ...مجنون كما هاكه نمشيلو و إلا حتى نسمعو
• الرّاجل ...عندو راديون ...حابــــكّ إتحطو في النصبة ...راديون باهي ! إوصل للعالم الكــــــــــــــل ...برى شوفو إنت و من بعد أحكم ...خبزة !
• ترى إنشوف
....!!!! • أش إتشوف
...• حل حل فمــــــــــــــــــــــك
• أه
• مازال عندك السّوسة ...هاهي كحلة يا سي بو جعفر
• لا إتربحو ....لا إتربحو ...نحالي الضرسة ألي موش مريضة !!!! جرتو ملح ...هاهي في جيبي ...الضرسة ...• و الله بالحاق ...هذه صحيحة ...ما بيها حتى شيئ ...! قتلك ما تقربش قاسم ...راهو لفعة ...يلدغك ....برى قـــــــــــــــولو ...إرّجعلك سنّتك !!تستاهل العصى ...ما إتشاورش ...أش هازك ...لقاسم ...باش يرزيك في زروسك ....تستاهل العصى
سي بوجعفر ...وين تلقاه ...من الغصرة ...جلس القرفصــــــــــاء بجنب النصبة متع عبد القادر ...و الدّمعات نزلت إتقول مطر ...ما إطيقش الغلبة ! و لكن أش يعمل، شيئ
• هاني ماشــــــيــــلو ...بالحرام كان ما إنمزبلو ...ها توه إنفرجك فيه ! ها الباندي الي حال في البـــــــــــــــلاد مرّمة ...أقعد بحذى النصّبة ...هاني جايك
!و خرج سي عبد القادر متهدد ...ماشي للحانوت متع قاسم ...صفن على ذرعانو ...و إطلعلو الدّم الفاسد ...و بدى يتـــــــــــــكّلم بروحو : أش حاسب روحو ...قاسم متع وذني ...شونه ها النقمة ...؟ وشنوه ها المشكلة .! الناس الكل إمتوبهـــــــــــــا ؟ بالحرام كما نخرج منو بكل الوسائل ....ما أركو و ما أرزن ملايكـــــــــــــــــــتو ...و...إشد ما إسيب ...نهار و ما طلو يتفيسخ على النــــــــــاس ...ما عاجبو شيئ ...كان كما إحب ..بالحرام كما إنكسرو الراديــــــــــــــو ! و لا صار منو ..كي إنسكّرها النصّبة ضربة وحدة
يمشي و يتهدد
عرضو في الثنية معز الجماعي

• أش بيك تحكي بروحك
• هاكه المريض قاسم ...حل في فم الرّاجل مرّمة ...نحالو الضرسة الصّحيحة ...و خلاّلـــــــــــو السوسة ...يتفيسخ على العباد ..قال عندو راديو ...إحبني ننصب بيه ...يحسابني حال كارفور ...و إلا نخدم مع الي جي
• ما تمشيش وحدك ...نمشي معاك
• لا لا لا ...خليك يا سي معــــــــــــــــــز
و صل سي المعّلم للحانوت ...و في يدو الضرصة ( السن) متع الدكتور
· إشنية هذه ؟
· ضرص ....متع الدكتور !!!! و الرّاديــــــــــو هذا ، إتبيعو ...و النقاش لا !!!! فاهم

خذى الرّاديو و خرج بيــــــــــــــــــــــــه

إنتهى

قاسم قاسم

الشيخــــان في الحج

بالنسبة للحاجة ، و كأن الطيارة ما طرتش ! في رمشة عين نزلت في جدّة ! تحكيلهم على شوقها لمكة و المدينة ! بالنسبة لسي عاشور و صاحبو سي الحبيب الرّحلة كانت أطول من أعمارهم القصيرة ،و كأنها دامت الدهر الكّل ، الممل و الضجر كان واضح على وجوه الشباب ، حجة فوق النفس و ما كانتش على البال جملة ! مطار ، أضرب الغربال يمشي راكح ! إعج بالعباد و من كل الدّول ...5 مليون مسافر !!! عجب زعمة الناس هاذوم بأكلّم ما يفهموش ؟ زعمة عماد الحبيب و سي ناجي قاريين أكثر من ها الدكتارة الي جاية باش إنقابل سيد الخلق !!! 50 سخانة موت ...ها البشرية الكل ما تفهمش كان أحنا التوانسة ! فاهمين العالم و أكثر ؟ خلّونا من القناعات و من البحث !!! أنا أنحب نفهم النسبية في قلب المعنى معتاها و بدو أي حرج ....ها الخمسة مليون مسلم ...نساء و رجال ...حارمين ، في الواقع ما لبسين شيئ ! خاصرين فلوسهم باش يتفسّحو في خمسين درجة حرارة و فيهم الحافي و شعرة فوق راسو ما ثماش !!! البشاشة ألي وجه الحاجة أم سي ناجي ، إتخليه إدوخ في أمرك ...ملي حطت ساقها في جدّة ، أتحزمت ، في وسطها ، حارمة ...ولات أتقول إمرأة في الأربعين ...شادة الدمان على ولدها ...و إتقولو الخروج منــــــــــا الحاجة ولاة تفهم أكثر من ولدها و صاحبو ...خرّجتهم من المطار ...ثمة شيئ خفيّ ما هوش قادر قاسم لا باش يكتبو و لا باش يوصفو و لا إنو ينفيه ، لا إنقصه فيه و لا إنو إزيد فيه ...بعيدا على الفلسفة و على الخالق و على سبب الخلق جملة و تفصيلا ...أنا نروي في قصّة لشعب ولى شاك و إمشكيكينو في روحو حارة و كعبة تجربتهم ما إتساويش بيت من بيوت الحــــــــــلاّج .

في قلب الباب متع الخروج ...وقفت الحاجة ، بجنبها ولدها و صاحبو : المطّوف يا ناجي ، لازمنا مطوف !حاضر ناضر ياقف عمروش ، أتقول باعثينو خصيصا للجماعة و إقول : يا حاجة ، الله إبارك فيك ، كل لحضة و كل دقيقة و إنت على ها الأراضي المقدسة ، أربحيها ...بالتكبير و التسبيح ...قولي ديما : لبيك اللهم لبيك ....حاضر يا وليدي و مشات وراء المطّوف ...تبعوها الجماعة ...الحجاج فوق النفس !

وقـــف المطوف قدام حانوت !!!! إستني يا حاجة هوني ...الجماعة : عماد الحبيب و سي الناجي ، لازمهم إكونو حارمين ...لازم يدخلة باش يشرو على الأقل جبايب ...
سي عماد حبيب و سي ناجي عاشور : شعرة لا إتحرقو من الشمس ...إسوادت وجوهم ..و ذبلو ، إتقول مرضى ...واحد شاد في واحد و يلهثو إتقول يجرو : سبحان الله ، المرا الكبيرة ...نور خارج من وجها و تمشي عادي ...إتقول على الشط ....و الّصغار ألي معملة عليهم طاحو ....الحكاية و ما فيها الأستعداد ! واحد ما هوش مستعد باش إخوض حرب راهو باش يخصر لا أكثر و لا أقل ...

و لا كلمة مع عمروش ! و لا حتى حاضر و لا نقاش ...ما في هومشي حتي باش يحكو ...شمعة و طفات
دخلو الحانوت ...شارلهم زوز جبايب ...طيش التجينات ...شربو شويه ماء إتنفسو ...و لكن السخانة طالعة للصقف ...ألبرة خمسين و سي الناجي و سي الحبيب في 41 درجة ...سي العمروش المطوف شد واحد على الأيمين و واحد على اليسار و يمشي بيهم باش ما إطيحوش في العفس ...الحاجة ولات هي رئيسة القافلة ...يا وليها علة وليدها ...يا وليها على حجتهــــــــــــــــــا ....

ثمة حاجة العمروش ما فاقش بيها ...تنقصو التجربة متع مطّوف خادم قبل في الشرطة الدينية)؟)؟؟؟؟ : أخيرا وصلت ألي حاجتي.....: بالضبط الفقرة هذه ...الشرطة الدينية داخل الحرم و خارجهو ...ماهم الجماعة لابسين جبــــــــــــايب جدد ، و لكن ترنسبارون : الحاج الحبيب و الحاج ناجي ما في بالهومش و المطّــــوف ما ردّش بالو ...و الزوز مرضى ..بالسخانة ..هاهو إتوقفهم الشرطة الدينية بتهمة إنهم ما هومشي ساترين أرواحهم ...: أش بيكم عرايــــــــــــا ؟ كي شافو ألــوطة يلقو الكلاصن متاعهم إتبان من الجبة : مع السخانة ناجي ما فهم شيئ ؟ و قال ما هو من العمروش ...ما ثماش جبايب أخرى ؟ يتوقفو سير بلاص ...و إهزهم بوكلبشة ، في طولك في عرضك يا بوليس !!!! شيئ ...العمروش و الحاجة واصلو الحج متاعهم ...و الشيخ الحبيب و سي ناجي عاشور ...إتوقفو في الحبس و لمدة عشرة أيام حتى إفوت الحج.

قاسم قاسم