الدكــــــــــــــــتورة سكسي 10

إدخلنا ...الناس الكل ..قعدنـــــــــــــا ..و إتنهدت ...تنهيدة متع ثم ثم !!!وجعتني زينب ! وجعتني في القلب ! و لكن ساكت على همي و ما نيش ناوي باش نحكي على غصّة ، أشاء الله ما إتصير على حد . بلعت الغصّة ! حارة يا جماعة ، أحر من الجمـــــر ! ظلوعي ما عاش إنحس فيهم ...دجاج أسود بين عيوني دار بــــيّ ! و راسي إدخل في دوامة أخرى و تفكير عميق ما يعرف على نهايتو إلا كاتب هذه السطــــــــور . و في لحضة رجعت كما كنت و كأني ما طلّقتش ...و نسيت زينب و ولدي قيس !!!! إنستهم ...خرجو من ذاكرتي .

• إرتحت ..... ..يا قاسم....يا ســـــلاّك الواحلين ( الزين)

• مصيبة كانت في راسي.....ما أسلها الشريعة ...بخط ...جباد ..و السلام عليكم ( قاسم)
• ظلمتها بنت النــــــــــــــــــاس ( الشيخ )

• مكتوب يا شيـــــــــــــخ....عسى أن تكرهو شيئ و هو خير لكم ( الهاشمي الحامدي )
• مكتوب و ولدها في إيديـــــــــــــــها يا سي الهاشمي ...! قاسم هذا ربي يهديه ...برى إنكملو الفــــــــــرض الأول متع الديمقراطية ....أي شد القلم و أبدأ أكتب يا سي قاسم ...هاك خلصت !( المرزوقي)
• بابا عندو بــــــــــــــــــوه ....ديويـــــــــــيو يا دكتور ...كلام رجال ما نا قلنا ( قاسم)
• أش تقصد ....شنوه .....؟ ( المرزوقي)
• نقرو في الديمقراطية ....و أحنا ما ناش في نفس الحالة العائلية ! إنت كيفاش باش إتولي رئيس الجمهورية التونسية و المــــــــــــــــــرا فرنساوية ....أطلقها حـــــــــــــلا ! و الشريعة خدامة !إنـــــــــــا طلّقت ، حتى إنت إطلّق المــــــــــــــرا عندك ...باش إنولو كيف كيف و إتكون عندنـــــــــــــا نفس الفرص ( قاسم)

• ما إتقول هل الكلام يا راجل ....( المرزوقي)
• بالك تحسابني نلعب انــــــــــــــــا ....التلامذة الكل إتولي كيف كيف ! ( قاسم)
• المرا فرنساوية ....لازمو إطلق ...كان إحب أولي رئيس ( الزين )

الهاشمي الحامدي يلعب بمكبر الصّوت ....و إعطاه للمرزوقي حاب يتخلّص من المرزوقي ....كان يلقى كيفاش إطردو جملة من مدرسة الديمقراطية ...بن علي ...شاختلو ...على العركة بين قاسم و المرزوقي ...و ماذا بيه يقلب ...الراجل ما إنجمو حد منهم ...إشمتو فيه النــــــــــــــاس الكل ....يا إطلق المـــر ! ..يا إغادر القاعة.

• شوفتو الصّور ...يا سي المنصف ....نادي على سوزان !!!!! ( الهاشمي)
• إش نعملو يا سي المنصف ! نكتب الطلقة ! و إلا تكتبها بروحك !!!!! ( الشيخ)

• أزرم....أش تعمل بيها ...يزي ...هونك قعد معرّس 40 عام ...أسلك ( الزين )

خرجنا للصور مرّة أخـــــــــــــرى ....و طلع سي المنصف فوق الصّور ...و نادى على سوزان!
و جات الفرانساوية ...و ما تنظرش المــــــــــرا ...أنو في يوم من الأيام تطبق عليها الشريعة الأسلامية و أمام العالم أجمع . طلع سي المنصف فوق الــــصّور ...كان ما جبنالو كرسي ...و زدنا في الصّوت ...و طلبنا عليه باش إقـــــوللها ...طالق بالعربي و بالسوري ...لازمها تفهم ...الي هوني راهي ما هيش فرانســــــــــا ....هنا كلام رجال.

طــلع و قال

• بالحرام 2-3 لا عاد دخلتيلي.... دار....إنت .. طالق طالق طالق!

إنزل إمريــــــــــــــش و العرق يتناثر إتقول كان في الحمام !!!!!! أي قول دخّلناه على أكتافنا ...الرّاجل حصل في مدرسة الديمقراطية و كي جات في راس المـــــــــــــــــــــرا موش في راسو إنقولو ربــــــح ...حطيناه في بلاسطو و سكت و كلمة ما قلهاش كان العوينـــــــــــــــــات إتلصلص إتقول ....ســــو و طار ! ...حط يديه على خـــــدو ! و دخل في تفكير عميق ...و ما نجمش يفهم علاش قاسم عمل ها الشكشوكة ...و ما نجمش يفهم ...وين أصب المــــــــــــــاء متع جمهورية قاسم .

المؤتمر متع الجمهورية ...في حالة تأهب قصـــــــــــــوى ...!!!!البرى وحول المدرسة ...المرازيق و نفزاوة الكـــــــــــل إتنفست الصّعداء ...أتصورو مـــاية ألف واحد إتنهدو إتقول ســــــــــــــوزان كانت ساكنة على قلوبهم ! إحبــــــــــو الهناء لولدهم ! أم سي المنصف إتزغرت و إتغني بالصوت ...الحمد الله على وليدي الي إرجعلو شاهد عقلـــــــــــــــو و إرتاح من ها المشومــــــــــــــــة ! شعب يعمل ستة و ستين كيف ...هات أش إعلّمو الديمقراطية !!!! متع الطّلاق ! هذا أسهل حاجة في الديمقراطية ! ما لا أش عملنا في الحكايات الأخرى إلداخل في القسم ! الكل حالين أفامهم أتقول اش صـــــــــــــــــار ! أتقول مات شيخ من شيوخ الزّيتونة ! الهاشمي الحامدي شاد المعلّمات و يحكيلهم هاهو اش قــــــــــــــال و اش قاعد إقــــــــــــــول :واش أكتب ...و هاهو كيفاش إفكـــّر ! و يحكيلهم على أصحابو في السياسية ...و في الجامعات ...الراجل في بالي إبزنس ...موش لاهي بالنقاش متع الديمقراطية ....و فرحان باش إموت ...ألي المرزوقي أومورو أضعضعت ...و ضيّع الكونسونتراسيون ...و كي عادتو إنافق في الجميع ....على الطاولة الأخرى ...التلامذة يحكو ...و إقولو ..جاء سي دور سي الهاشمي الحامدي .....مكبّر الصّوت في يد المرزوقي ...عطاه لسي الهاشمي ...إتحملت مكبر الصّوت هشومة و قال :• بنت النــــــــــــــــاس ما عملتلي شيئ ! بنت حــــــــــــــلال... بين و بينها كان الباهية ! توه عشرة عمـــر ، قدّاش عندي إمعرّس و لا جاء الشيطان لدارنـــــــــــــا ، و لا عمري نهار خممّت حتى في الحكاية هــــــــــذه ....أش نعمل يا بنـــــــــــــــــات !

( الرّجل يفرك في إيده و بدى يتيــــمم على الطاولة )

و أقول ....إستغفر الله ...إستغفر الله ...باش يخربلي داري ها القاســــــــــم !
( الرّاجل ما شافش كي مـــــــــــــد مكبر الصّوت للدكتور منصف المرزوقي
بدى بساقــــــو عافس في المكبّر باش إكّســــــــــــــرو ....قربت من البـــوق و حطيتــــــــــــــو على الطاولة....

وقتــــــــــــــلو : هنا كلام رجال ...و رد بالك إتعاودها ...خليقتك تتكسر و تطرد من المدرسة .

• راك راجل يا سي الهاشمي ...و زازية الهلالية ..وقف مكتوبها .....أي وريني شجاعتك ! فالح كان في المرزوقي....أي ...نلعلبوشي تــــــــــــــوه بمستقبل الديمقراطية ! ( قاسم)
• زازية الهلالية ....إمعرّس بزازية ألكلــــــــــــــــــها...خصارة...مسيكنة ( الزيـــــــــــــــن)خطوة القدّام و خطوة ألتالي ....خرج الهاشمي الحامدي متحمـــــــــــــــل مكبر الصوت ....أي كان موش من الشيخ و المرزوقي ...هازينو على أكتافهم و إطلّعوه للصور ...كان باش إطيح جملة ....طاح مرّتين من الصور و أرّجعوه ...و في الأخر شــــــــــدو الزين من تالي من ركايبو باش إنجم ياقف عليهم ! ....أتنهد ....و قال • بالحرام ...1-2-3 لا عاد إتخلدتي دار يا زازية ...إنت طالق طالق طالق ....دّخلناه في زاورة ...يرعش كالجريدة ....إمتد على الطاولة متع الدّرس ....

في سبيل الوطن على الأقل لازمك إتضحي بالمــــــــــــــــــــــــرا .....خصارتك ....إبكي توه تستراح يا سي الهاشمي ...البـــــــــــوفوار ...أقوى من الحب يا غالي ...
سيدي بوزيد الكـــــل ! قعدت حالة فمـــّها في الديمقراطية ! ولدهم الي معملين عليه باش ينجح في حياتو طلعلّهم بطلعة كالبصــــــل ! طلّق المرا مباشرة و على الهواء الطّلق ! الناس حشمت من بعضها و ما لقات ما إتقول قدام أهل الشمال و أهل الساحل الي إديزو في صدوراتهم ! قبيلة زازية الهلالية جبدت روحها من التّحالف البوزيدي و قال حاجتنا براس الهاشمي الحامدي و كان ما وقفت فيها الرّجال راهي دارت حرب بين قبيلة العريس و العروسة ! إنقسمو على خمسين فرقة جماعة أهل بوزيد !

و مشات هاك العلالش خصارة ! و هاك الحضرات و الزّرد ما عاد جايها حد ...الولد لعبو بيه في مدرسة الديمقراطية و طلّقوه في المراء ! البلاء الكلّو إتقيد على زين العابيدين كي العادة ...إتموتش دجاجة في وذرف إقيدو على الزّين ! الناس فـــــــــــلوسها دفعتها لسي الهاشمي باش إقيد و إولي حاجة كبيرة في الحكومة.

على الأقل إعاون البــــــــــــــــــــلاد !!!! أش عملنا و الفلوس شيكات في كرطبليتو !!! المرازيق ..ماهم شبعة ضحك من ربـــــــــــــي إمشو إعـــــــــــزو في قبيلة زازية الهلالية ! وقت الي وصلو ما عرفو ما إقولو ...شدّت بعضها بالضّحـــــــــك و الفدلكة و جبدو على صابتهم الي إرهنها سي المنصف المرزوقي ....و زادت المطر صّبت في قلب الصّيف ...الدّقلة باش تخمـــــــــر الكل ! و الفلوس مع سي المنصف ! كي نفزاوة ...كي سيدي بوزيد عزيهم يقبلو العـــــــــــــزي.


في النساء متاعهم ...النساء الكل كما في الشمال كما الساحل كما الجنوت سكّرت أفــــــــــــــــامها الكل و لا مــــــــــرا تنطق حتى بالسّلام عليكم ! خايفة تتطــــــــــلّق بالشريعة و على الهواء مباشرة! و لكن الـــــــــــــخطر مازال القدام ....الناس تستنى ! أش باش أصيــــــــــــــر .....و أش باش يطلع من صندوق العجب ألي حلو زين العابدين و إمسميه ....مدرسة الديمقراطية .

الدكــــــــــــــــتورة سكسي 9

أي الناس الكل قعدت ..كل واحد في طاولة وحدو ...و لكن قراب ..القسم نفسو موش كبير ياسر ...شدينــــــــــــــــا بلايسصنا و كأن ما صار شيئ! يـــزي من العراك و يزي من المشاكل ! ما تنسوش ألي كل واحد شيطـــــــــــانو في جيــــبو! التلامذة جبدت الأوراق متاعها باش تكتب المسألة متع الديمقراطية الي طلبتها الدكتورة سكسي: طالبة فقرة وحدة ، تعريف الديمقراطية ، و علاش ؟ و كيفاش إتجي !!! في تونس عمرنا ما إسمعنا بيها و حتى في التلفزة ما نفهموهاش !!!! و لكن ! المعلّمة طــــــــــــــالبة الشيئ هذا ! و الحكاية محسوبة في المعدّل العام لكل تلميذ ....إذا لازم من الجدية و كما تعرفو راهي دكتورة و معاها دكتورة و تفهم حتى في المغزل و في الفتاوي و في الرّضاعة و الحظانة و المثني و الثـــــــــــالوث !!!!! و الرّباع ...و إتموت على خالد أبن الوليد !!!!!


! القاعة ساكتة ! التلامذة في إمتحان ، أول إمتحان متع ديمقراطية ! !!! قعدت ! شفت على اليمين على اليسار ...ثماش ما إنقـــّــل حاجة ...قاعد بين نارين ! بين الشيخ الهادي بريك و الشيخ زين العابدين بن علي ! حطيت يدي على خدي و شوفت إالتالي.... إلقيت المرزوقي كتب عشرة أوراق و الهاشمي يكتب إتقول داكتيــــــــلو ...حافظ درسو ...و واخو إمسّبق علي الناس الكــــــل ! تلميذ نجيب من أول نهار ! الشيخ ..يكتب بلغة و بالخط الكوفي بالحرام لا تفهمها لا الدّكتورة سكسي و لا حتى الدكتورة الشرّفي… الورقة متاعي مازالت فارغة ...يستحيل باش نخلط عليهــــــــــــــم ! جماعة إتهز الــــــــلاّن في الظلام ...و خدمتهم كتيبة ...النحــــــــــو و الصّرف ما نحكوش عليه !!! غلطة لا !!!!! زين العابدين ...شطر ورقة ما كملّهاش و بالدارجة و عامل خمسين غلطة ...من نهار ألي كتب بيان سبعة نوفمبر المشوم ما مسّش ورقة ...و إلا حتـــــى قرى نص من نصوص الجماعة الكبـــــــــــار ...يحكولو ...لا أكثر و لا أقل .....العرق شرتّله ...الرّاجل عارق ...و يتخبط و ما لقى ما يعـــــــمل ....باش ياخو صفـــــــــــــر من عشرين ماية في الماية ...عيونو خرجو ! و بدى أشوف على اليمين و اليسار ....يلقاش إشكون إعاونو ....كلام رجال ...و لا تونسي لازمو يــــــــــدّخل و لا تنقيل و لا حتى واحد عندو الحق باش إوشوشـــــــــــلو ...كان التنهيدة طالعة نـــــــــــــازلة ...و ما لقى بيها وين ....

أنا كيف كيف ....الجماعة هاذوم ما إنجمهمشي ...لا بالعربي و لا بالسوري ! أش جابني و ش جاب الدكتور منصف المرزوقي ...الرّأجل واخو جائزة أحسن نص على غانـــــــــــدي ! الشيخ الهادي بريك ...يعمل في دراسات في الفلسفة الأسلامية ...الحامدي كاتب كتاب صب بيه الصّــــــــــــــبة بجماعة النهضة !!!! أه ..المجموعة الأمنية !!! خذي بيه الدكتوراه ! و أش صــــــــــــــّور : جازية الهلالية ...ماهو من بني هلال !!!!!

وقت ألي عرفت روحي خاصر و ما نيش باش إنجيب المعدّل في الأمتحان الأول ...قلت إنشلبكها ...توه إيجي مــــــــــعاي على الأقل بن علي ما هو ما كتب شيئ ! و خايف لا ما يتعداش في الأمتحان ....طلعت كلبة بنت الكلب و نظرب ظربة على الطاولة شعرة لا شعلت النــــــــــــــــار !




• إحبـــــــــــــــــــــــاس ....إرفعو الأقــــــــــــــــلام ! الوقت أوفي ...( قاسم)
• إشبيــــــــــــــك يا سخطة ...نقص من التشويش ( سكسي)
• ما هو لاباس يا قاسم ( الشيخ الهادي بريك)
• ما هي ديمقراطية ....إستنو حتى نقعد أنــــــــــــا و نكتب معاكم كلمة ( قاسم)
• و الله بالحق ...عطوه فرصة خلى إيكونصنتري ( الزين)
حط سي المرزوقي الستيلو ...حط الشيخ القلم ...سكت الحامدي و إتقلبت الأوارق الكل على قفاها
• إشبيك ...إش بي مصيبتك ...جاي تقرى إنت و إلا ( الهاشمي الحامدي )

•شوف يا هاشمي ...عندي مشكلة كبيرة إذكرتها ...ما نجمتش نكتب ...حلّولي مشكلتي و من بعد إنعاودو الأمتحان ...يلزم الناس الكل إتكون في نفس المستوى النفسي ...عندي مشاكل ...ما خلتنيش ..نكتب ... (قاسم)

• شنه حكايتك يا سي قاسم ( الزين )
• و الله يا شيخ ...كان ...إتشوف كيفاش
• ما هو لابــــــــــاس ( الشيخ )
• إحكي .....و سيّبنا يا قاسم ( المرزوقي)
• إنحب إطــــــــــــــــــــــلّق المــــــــــــــــــــــــــــرا ...م عاش متفهمين ..شادة في راسي ...لازمني نخلص منها ...يا ناس ...ما عاش إنجّم (قاسم)
• كيفاش ( الزين )
•المرا عندي ....زينب إنحب ..إطلقها توه ...توه ...( قاسم)

•إن أبغض الحلال عند الله الطلاق ! ( الشيخ )
• شوف ...المكتوب وفـــــــــــــــــى ....ما عاش إنجم ....إتحبوني ما ننجحش في قرايتي ! المرا شادة راسي نهار و مطولو ....إنفكر فيها ...و إنفكر في حكاية الطلاق ....يا شيخ يرحم ولديك طلّقني (قاسم)

• اف أف أف أف ...أش عملت بنت الناس... ( الزين )

• فديت ..منها بالعربي ...ما عاش عيني فيها ( قاسم ) أمور خاصة جدا

• يا ولد في طولك في عرضك ....! بدّل ساعة بساعة أخرى ( الهاشمي)
• يا قاسم ...راهو عيب الي تعمل فيه ( المرزوقي)
• بنت الناس باهية و ما سمعنا عليها كان الخير يا قاسم ( الشيخ )
• شوف يا شيخ ....إنت إطلّقني حـــــــــــــــــلا و إطبق عليّ الشريعة الأسلامية
• كانك على الشريعة ...تطبيقها ساهل ماهل ( الهاشمي)
• كيفـــــــــــــاش ( الزين )
• في الشريعة لازمك ...أتقوللها في وجها ...إنت طالق ...طالق ...طالق ...ثلاث مرّات و تحلف بالحرام و أن يكون عليك شهاد ( الشيخ )
• ما هوش لازمها كتيبة يا شيخ ...ورقة على و عسى من بعد ! إكتبلي وريقة و إعطيني إنصحح عليها و هاكم إنتم الكل شاهدين (قاسم)

• لا لا لا ....يا قاسم ....تمشي تاقف على السور ...و تنادي على زينب و إتقولها بالحرام إنت طالق (الزين)

الناس الكل قعدت إتشوف لبعظهــــــــــــــا ...و أنا في النازعات غرقا ...

• كــــــــــــــــلام رجال ! ( قاسم)
• كان الرّجال هوني...و حتى جلسة صلوحية موش لازمة في الشريغة...أنده جـــــدّك ( المرزوقي)
• خير البر عاجــــــــــله....إنده يا شيخ و إكتبلو طلقتـــــــــو ، خلي إنكملو نقراو على أواحنــــــــــــــا ( الحامدي)
• إزرم ....طلّق المـــــــــــــــــــرا ...أطلع على الصّور..و هانا ،ستنو فيك ...أي إنده ( الزين )

• و ينو مكبر الصّوت خلى تونس الكل تسمع ...و إنتم شاهدين علــــــــي...أي الناس الكل إلى الصور ( قاسم)

العشرة متع الصباح ...الناس مازال كي قالت يا فتاح يا رزاق ..القواطن منشورة إتقول في السوق ...الناس تشرب في قهاويهـــــــــــــــــا ...و تفطر ....نهار هادي يعمل ستة و ستين كيف ...طلعت فوق الصّور ...و المكبر متع الصّوت في يـــــــــــــدي ....( إتقول بلاغ عسكري ) ..مازال إخشخش ...و الناس إتلمت ..قلو مليون مواطن ..يستنو في الديمقراطية طلعت فوق الصّور ...و شديت الميكرو ...و بديت إنادي :

• يا زينب ...يا زينب ...يا زينب يا بنت بلقاسم ( قاسم )
مرا ...جاية تجري ...و ولدها في حظنها ...جات زينب إتقول قمر ليلة أربعطاش ...و الناس إتحل في الطريق أمامها باش توصل الصـــــــــــــــور ...زينب ما تعرفش أش ينتظر فيها ! و عمرها ما شكّت يوم في قاسم ..إنو يجبد بيها و إلا يهنتلها أمام الناس ! و إلا يرفع صوتو عليها ...قاسم و لا مرّة في حياتو عيـــــط على زينب ...تجري و البسمة و ريحة البرفان متعها سبقتها ...زينب هي عبق ..ياسمين هذا الوطن .

• إنعم يا قاسم !!!! أنا هوني ...إتشوف فيّ ! سامحني يا قاسم ( زينب )

بدون شفقة و لا رحمة ...وجها لوجه و بعد عشرة عمر متع 20 سنة و أكثر ...قاسم إقول و من فوق الصّور و أمام الشعب التونسي بتمــــــــــــــامه

• بالحرام ...بالحرام ...بالحرام ...2 -3 إنت من اليوم ....طالق طالق ...طالق !(قاسم)
طاحت الدّمعات غزيرة ....و قالت الي تعملو مبروك يا سي قاسم ....نزلت من فوق الصّور قطرة دم في وجهي ما ثماش ....!!!! نرعش إتقول ظاربني الــــــــــتيريسيتي ...إتحملني الشيخ ....و دخلنا للقاعة باش إنواصلو الدّرس !

الدكــــــــــــــــتورة سكسي 8

عند خروجي من القسم ! لأستراحة قصيرة ، مررت بالمساجين السياسين ! اللذين شدت أعناقهم إلى حائط دورة المياه كما خرفان تنتظر الذّبيح ! إقتربت من سليم بوخذير و قلت له : غـــدا تصبح حــــر ، هذا وعد يا رفيقي ! كادت عيناه أن تطير ! إتسعت حتى كدت أغرق في عمقهما ! و في لفتة مني ! إقتربت من الدكتور الصادق شورو ...و قلت : سأشتريك بالمـــــــــــــال يا دكتور ...صبرا قليلا. !!! أبتسم !!! فقلت إنتظر حتى الصّباح فأن لي موعد معك ! أعاد الأبتسامة ! فأرتسمت أمامي كل صور الخيال ! لأكتب هذه الحلقة ...هذه الأستراحة و لمدة 15 دقيقة ...أليكم جميعا أيها القــــــرّاء هذه الحلقة و كم تمنيت أنها لم تكن في تاريخ هذا الوطن :

نهار صخون موت ، شمس حارقة و لا شجرة الواحد إضّلل تحتها و لا حتى يرتاح ! داخل صور المدرسة كما في بالكم حبس ...المساجين في حالة يرثى لها ...ألي على صدرو حجرة ! كي حجرة بلال في وقت قريش و ألي رابـــطينو في عامود ...مصلوب صلبا و ألي إمكتفينو إيدين و ساقين و عاملينو روتي ...الجـــلاّدة ثمة أكثر من عشرة ..يا ويح ألي يقربهم و إلا يقرب من الفرايس متاعهم ...كل سجين فريسة بين إيديهم ...خدمتهم القتل و الشّماتة في التوانسة ....الشيخ الــهادي بريك شاف الدكتور الصادق شـــــورو مصلوب ، عندو دبوزة مـــــــــاء ، ماشي باش إشربو شوية ...بعد الشيخ علينــــا شوية ...عيّط عليه ...أرجع ...يا شيخ لا تمشي زيزي ...راك إتموت ...وقف ...حبس ..سقط أرضا و ما نجمش يتحركّ ...برد ..جمد الدّم في ساقيه ...جبــــــدو من الجبة متاعو ...و قتولو يا شيخ ! موش وقتــــــــــــــو : المحاولات الفردية ما إتوّصل لحتى شيئ !!!! ريض و أصبر ....؟ زعمة يا جماعة إشــــــــــكونو الدّكتور الصادق شـــــــــورو ؟

أعزّ ما خلقت تونس من دكاترة في الكيـــــمياء و في الفيزياء ...الرّاجل كان إقري في جامعة الطّب و عندو برشة ريشارش ...عندو أكثر من عشرين سنة ...مصلوب ! و موش كان هو ...حتى من خوه ...العائلة الكل مصلوبة ..وين البـــــــــــــلاد إطلّع دكتور دماغ كما هو و إلا المنصف المرزوقي و إلا المنصف بن سالم و إلا المختار اليحياوي ...بن على يحجمو ...يا إحطوه في الحبس ...يا إهجرو ...يا يحرمو من رزقو ...؟ كيفاش البلاد باش تطلع و إتسّقم ....يستحيل ....بلاد تحبس في الدّكاترة متاعها ...و تقتل في العلم و العلماء ...يستحيل إنها أتولي بلاد ...الشيئ هذا ما إصير كان في الدّول المتخلّفة كما أحنا .

إقول القائل عشرين سنة حبس علاش ؟ إشنية التهمة متع الدكتور الصادق شورو ؟ علاش ؟ الجواب ســـــــــــــاهل و مكتوب على حيوط شعبة الحفصّية ! إترّأس الدكتور الصادق شـــــــــورو جمعية النهضة في مرّة من المّرات ...في وقتو هو صارت عملية حرقان الشعبة الخربة متع الحفصية و إلا موش عارف ....و مات العسّاس متاعها ...الحيوط إتقول و الوثائق إتقـــــــــول بألي الزوز ألي قتلو العساس ...ماهومش إسلامين و ما هومش من النهضة ....جملة و تفصيلا ...و الحكاية كانت مخدومة بـــــــاش إطبعو الأسلامين ! بالضبط كما حرق هتلر البرلمان باش يفرض على رئيس ألمانيــــــــــــــــا اش إحب ...الدكتور الصادق شـــــــــورو ...الرّاجل هذه لا في بالو و لا في خبرو بالحكاية ...ألي اليوم مازال يدفع في الثّمن ...على إتكنبينة مخدومة ماية في الماية ....و بما إنو ما عندناش عدل و إلا قضــــــــــــــــاء ، أي حاجة إتصير ...تعملها عصابات الشّعب و إطبعها في المعارضين و الرّجال الأحرار ....

أول حاجة باش نعملها وقت ألي باش الحكم ...باش إنحل الشّعب الكل من بنزرت لبنقردان ! و كل رئيس شعبة ما إقدّمش الأستقالة متاعو في ضرف ساعتين ...يحسب روحو في النازعات غرقا ...باش إكون في علمكم الكل .....شنوه كل واحد إحك راسو إحل شعبة و يبدى يخدم في الصّبة و التكنبين و الكذب و النفاق و أطبع في التوانسة ....إتصـــّورو ألي كل مـــــــــــــــــتين تونسي عندهم الحق إحلو شعبة ...ولينا كما الهند ...أكبر حزب في العالم !!! و إلا إيقولو رئيس الشعبة هو ألي يمشي ....الدكتاتورية التونسية جذورها في الشعب ...و لجان الأحياء ...و بدون التخلص منهم .....تونس باش تبقى تحت الصّفر...

اليوم ألي وصلنالو في تونس ....هو إنو النسيج ألجتماعي تظرب جملة و تفصيلا ..ما عاش منو ؟ باهي إقول القايـــــــــل ؟ إشنوه ألي يربط التونسي بالتونسي ؟ إتـــقولو الأرض ! ما عاش عندو مفهوم الوطن ...حتى الهواء ما هوش رابط ....إذا ؟ ألي يربطنــــــــــا كتوانسة في بعضنــــــــــــــا هو تاريخنا المشترك ...و الحبل كان إسمو الدّين ....معناتها الرابط الديني هو أساس ما تبقى من الوطـــــــــــن ....وقت ألي بن علي و المافيا متاعو بداو يظربو في الدين نفســـــــــــــــو ...و خربو الجوامع و سكروها ...و زاد على ذلك شّلكو ببعث إذاعة قرءان ...و بناء جامع العابدين !!!! شطر التوانسة تحت الرّاقابة ...تحت الحصار..الناس ألكلها شاكة في روحها ....و بدات الحقيقة ماعش واضحة ...و الرّؤية متع التوانسة ولات عاملة ضبابة ....مع غلاء المعيشة ...و قلّة الرّحمة ...إتكسر النسيج الأجتماعي .....( و يمنعون الماعون : صدق الله الظيم ).

وقت ألي تمنع الماعون ...وقت ألي التونسي ما عندوش الحق باش يحتمي بأي إنسان كان ....يتّهم .... إذا عاون تونسي أخر و إلا قدملو يد المساعدة. يقتل إذا إتكّلم الحقيقة ...و إلا كتبها ...يعدم و إذا دافع على المساجين و الأسلامين منهم ...متعاطف ..خوانجي ..معارض ...لايكي ...مرزوقي ...شابي ...هذه ألكلها تهم صنعها نــــظام الشابع من نوفمبر باش يقضى على البـــــــــــلاد و يستفرد بالشعب و بالأرض ..و ينهبها ...و إقيدها بأسمو ! هنا نعرفو علاش الرّحمة وفات من هاكي البلاد ؟ و نفهمو علاش خرجت قفـــصة للشوارع و الرّديف للشوارع ...ثورة كاملة ...و لا مدينة أخرى و لا حي أخر في تونس خرج من أجلهم و وقف معاهم ....بان بالواضح ...ألي تونس إتمر بإزمة كبيرة ياسر ...و شرخ إجنماعي من المستحيل التصليح متــــــــــــــاعو إلا عسى ربك ...كان وقــــــــــت ! إتكوت بقرة في بنزرت تفزعلــــــــــــــها الناس من بنقردان ....اليوم إنتهى الشيئ هذا لأننــــــــــــــــا سادتي ما كناش مسؤولين ....و حكمتنــــــــــــــا الشماتة ....(ما هو خواجي نحيلو بوه )، قريتها الجملة هذه من واحد من مثقـــفيّ التجوّع و قارئ حقوق الأنسان ...( ماهو قفصي جوعو توه يرضى ) ...( ما هو ساحلي ما إدخلوش ) .....( ما هو سفاصي ما يصلحش ) و ألي غير ذلك ....من المقولات البسيطة ...و الماء جرى تحت ساقينا الكل ! و السبب في الشيئ .هذا ...بن على و التجمع و المافيا .....

*ظرب الناقوس ! و ما أقوى صوتــــــــــو ...شرية الهاشمي الحامدي ! ناقوس المدرسة إتقول صفارة إنذار ! الواحد مخلوع من ربي و زاد علينـــــا ها النقاوس ...ناقوس الديمقراطية ! الديمقراطية لا تجي لا مع بن علي و لا مع قاسم و لا مع الشيخ و لا مع الهاشمي و لا مع المرزوقي ! من اللّحظة الأولى شعرة لا إظربنـــــــــــــا و كل يد شد إختها ! بصراحة ما نعرفوش ..مازال ما إتعلّمناش ...و لكن ثمة وقت في الحكاية ! قداش باش إتخرّج المدرسة هذه ! و قداش لازم الشعب هاذا يستنى باش يرضى بن على و يرضى المرزوقي و يرضى الشيخ و يرضى سي الهاشمي ..قرون و إنشاء الله ...لازم تكتيك أخر ...ظرب ناس صحاح ...مدرسة بن على إكعك ما إطير جـــــــــوع ! و أنا إوعدت الناس باش يخرجو غدوه كان حب ربي
!!!!

الدكــــــــــــــــتورة سكسي 7

الدكتورة رجاء بن ســـــــــــــلامة و الدكتورة سلوى الشرفي
! شنوه قطعة يا جماعة ! شنوه زين ! إشنوه بارفن ! إشنوه لبسة ! إشنوه إركايب ! و إشنوه كمون ! السّر الكل جاباتو معاها و كان ربي يستر يتعدى الدّرس الأول على خيـــــــــــر ....و الله سلوى و و الله هــــــــــــم ! ميني جيب إقطع ! التضاريس الكل على بره ! زعمة باش إنجم نفهم حاجة أنــــــــــــــا من المعلّمة هذه و إلا الأخرى !

الشيخ الهادي بريك حط مرايات ســـــــــــــود ديريكت ! و أنا حولت بلاسطي باش إنزيد إنقدّم القدام و إنشوفلها في عيونها ....قسم بزوز معلّمات هذا كان في تونس !!! المرزوقي إتقول ما شاف حد ! إيدو على خــــدو و ما عاجبو شيئ ! الهاشمي الحامدي ..يتبسم من تحت ل تحت ! الزيـــــــــــن ما زال ما لقاش بلاصة باش يقعد ..هاهو وقف في الشباك ..هاهو قعد وحدو ...هو و الصّبورة ما يتفهموش ...الزين خايف من الزين ...و إنا إنموت على الزين
!• صباح الخيــــــــــــــــر عليكم ! ------ سلــــــــــوى

• مرحبــــــــــــــــا ....يا مرحبتين ...وين كنت ..برى وين ----- قاسم

•صباح الخير ------- بريك• صباح الخير------ الحامدي

• صباحك مبروك --- المرزوقي

• على السلامة يا مــــــــــــــــادم ..صباح الخير ---- الزين

• مازلت ما نيش مادام ....أنشاء أنولي مــــــــــــــــادم على قريب ---- سلوى

• مازلت إلتوه ...و صّفق إيده قاسم

• أحشم يا قاسم ....جايبن باش نقرو ..الديمقراطية !!!! الهاشمي

• يا قاسم يرحم ولديك ...إحترم الأساتذة ----- بريك

• في عقلك ...توه نقرو الديمقراطية ....كل شيئ في العقل ...( قاسم ) أش باش إتقرينا اليوم !

• إي كل واحد ياخو نص ورقة و يكتب .....(رجاء) إسمو و اللّقب ..المهنة ...خدمة بوه ...و كيفاش يتصّور الديمقراطية ! ...أكثر شيئ خمسة جمــــــــــــــل !

• حتى نقعدو أحنــــــــــــــا.... بديتي ديريكت بالمسائل الصّعيبة ...إتجي معاكم ديمقراطية ! أشبيك -------الزين

• إي عندو الحق الزين .....في عقلك حتى نتعرّفو على بعظنـــــــــــــــا و إنقدمو أرواحنا لبعظنا ----------قاسم

• إستنى ...أش تقصد بيها ...إتجي معانا الديقراطية ؟---- المرزوقي

• موش عاجبك ..! كي إنت كي ..........ها ..... الزين

• حدّك المسقى ....حدك ثم ...إجبد كلمتك ....تمشيش تحسب روحك رئيس ..! هنا كيفنا كيفك ! (الهاشمي)

• في العقل ...يا جماعة ...و أمرهم شورى بينكم ! الشيخ الهادي بريك

• شوفت ...كيفاش ...هاهي ولات شوري فيسع فيسع !!! الزين

• راسي وجعني با جماعة ....سيدتي ..سيدتي ....نعملو إستراحة صغيرة متع 15 دقيقة قاسم

الدكــــــــــــــــتورة سكسي 6

مطر خطين من السماء! و بحرت في أحواز المدرسة ! الوديان الكل بدات إتصب في إبعظها ! القواطن طارت في السماء ! إتسومني الديمقراطية هبط من عند ربي بلا فلـــــــــــوس ! و حبّت الناس إترّوح و إلا إتسلّم ! أبدا بل في الطبعة للرّكبة و الناس عـــرّشت على صور المدرسة ! الحماية المدنية ما قّرتش حسابتها ... نصبت خيم جدد ! و حتى الهلال الأحمر ما قّصرش حل زوز سبيطارات على و عسى ! على ما يحدث !

في لحظة من اللّحضات إتوفقت المطر على النزول و كأن واحد سكّر الشيشمة ! شعل الضوء ! و شدت الناس بلايصها و كأن ما صار شيئ ! جات العدّة و جات العوّادة من كل القرى المجاورة ! و رجعت الحركة كما كانت ! وقف التوسمني الي شعرة لا طيـــّـــــــر مدرسة الديمقراطية ! حيط تبنى في لحظة باش الماء و الواد خطـــــــى و ما إظربش المدرسة ! ما لا إتقول واحد قالولهم ..لا أبدا الشعب التونسي ملي حس الي ثم أمل أصبح بين عشية و ضحاها مسؤول أمام الأجيال الجاية ! هنا تسقط كل طروحات جماعة السياسية و المفكر الكبير عفيف الأخظر ! شد عندك يا سي عفيف في الأتجاه و الأتجاه المعاكس ! خلي عزاها سكات و اسكت أحسن ...و خليني لاهي بالفلم ! أما الفكر خليتو لأهلو
! ما رقد واحد ! ابدا ! شعب كامل ساهر على حلم واحد ! أنو يحظر حــــــلاّن مدرسة الحرية و الديمقراطية التونسية ! كان ثم عجب يهبط على تونس كان من السماء ! و كما إتقول أمي من السماء طاح عفريت ! في تونس لا ..المقولة هذه ما هيش صحيحة ...العفرّت الكل تخلق و تنبت من الأرض ! و الناس سمعت الطيارة هيليكوبتـــــر إطير فوقهم ! الطيارة تقرب و الظوء عامل بهرة على المخيمات و الناس تتجمع بالقرب من المدرسة ...شدت الطيارة فوق المدرسة ...لا جماعة الشمال عندهم الحق باش يدخلو و لا جماعة الساحل عندهم الحق باش إنقــــــــــزو من السور
! هبطت الطيارة في الساحة متع المدرسة ! بالظبط و نزلو منها زوز عسكر بالسلاح ...و الثالث إنزل التلميذ الي تستنى فيه المعلّمة بفارغ الصبر ....الناقوز متع المدرسة شرين ...و الجماعة شدت الصّف قدام القسم : قاعة الديمقراطية ...الأول في الصف كان الزيـــــن ! الثاني سي الهاشمي الحامدي ! الثالث الشيخ الهادي بريك ! الرّابع الدكتور المنصف المرزوقي ! من تــــــــــــــالي و كي العادة قاسم قاسم ! الناس الكل حاطه الحطّه ! كوستبم يعمل مليون و نص متع سي الهاشمي ! و كستيم حرير متع سي الزين و الشيخ الهادي بريك لابس جبة مرقومة و عمامة تعمل سته و ستين كيف ...الدكتور منصف المرزوقي لابس كوستيم إنقليزي و قاسم لابس دينقري لونو لون التـــــــــــــــــرّاب !
كل واحد عندو كرطابلو و كومبيوتر بورتابل و تلفون ساتليت...المعّلمة حلّت الباب و الجماعة قالت شد عندك ! بالواحد بالواحد دخلنا لأول درس في الديمقراطية التونسية !

الدكــــــــــــــــتورة سكسي 5

! سي الشيخ الهادي بريك شاد الخيمة متاعــــــــــــو في أحواز المدرسة..... دارت بيه المستشارين الكل متاعو ...النهضة في حالة تأهب قصوى ...خايفه على الشيخ يمشي زيزي ! و لكن ما عاد عندو حتى حل ! قدّم الملف متع الترسيم متاعو و إلتالي ما ثماش إريــــــــار ! في الجهة الشرقية إنصب سي الهاشمي الحامدي المعسكر متاعـــــــــــــو ! و الخيل ماشية جاية ...سفير داخل .... سفير خارج ! و قناة المستقلّة إتبث على المباشر على العالم الكل ! جماعة سيدي بوزيد لابسين اللّبسة العربي ...و كبش وراء كبش ... ذّبيحة وراء ذبيحة ! و الشاف متاعهم عامل عمامة إتقول فارس متع زمــــــــــــــان...خالد أبن الوليد في زمانو ! تونس إتعيش شكل أخر من الأنتضار و على مدة عام كامل ! المرازيق عرّشــــــــــــــو على المدرسة متع الديمقراطية و نصبـــــــــو الخيام متاعهم إتقول خارجين للرّبيــــــــــــــع ...نفزاوة إمربعّــــــة حول المدرسة ! الخيمة إمتع سي المنصف المرزوقي تتوسط المعسكر الثوري ! و دخلت في فترة متع تحظير متع الدوسي لتسجيلو في مدرسة الديمقراطية !الشمال الغربي و الشمال الكــــل ما هم من جماعة بن يوسف ! قالو كيفاش ما عندنا حد باش يقرى الديمقراطية ! خرجو من الشمال الغربي وحدانا و زرافات تصويرة بن يوسف أكبر من ستاد المنزه ! ما هي ديمقراطية ! قالو أحنا حاجتنا بصالح بن يوسف باش إنسجلوه في المدرسة ! في طولكم في عرظكم الديمقراطية مازال ما إبداتـــــــش ...رانا إنحظرو ...قالو زايد ! يا صالح يا إنخمجوهـــــــــــــــا و المدرسة تسّكر في الحال ! قول.... مليون هبط ...و الدّلاع و البطيخ ..و الدجاج و الفول ..و البقر و حتى من سبول القمح أصبح الشعار متاعهم ! كيف كيف عملــــــــــــــــو معسكر أكبر من متع النهضة حول لمدرسة
! جماعة قصر هلال ! قالو ما هي ديمقراطية ! ما إتجيش بــــــــــلا بورقيبة ! و بالرّوح بالدّم نفديك يا بورقيبة ! جات المرازيق بين جماعة الشمال و جماعة الساحل و قالو هذه الحدود متاعكم ...و كان عندكم واحد يعرف مليح إندخلوه مع التلامذة الجدد !شعرة لا شدت بعضها بين الشمال و الســـــــــــــاحل


المرازيق ...نصبو الخيام متاعم على الحدود بين بورقيبة و بين صالح بن يوسف ! خرج الشيخ الهادي بريك باش إهدي الجـــــــــــــو شوية لا تفسد المدرسة و إتصير حرب كبيرة ! إجتمعو الشبوخ الكل و قالو نعملو هدنة حتى لليل تحظر التلامذة الكـــــــــــــــــل !

أشكون مازال ما جاش للمدرسة ! قالو قاسم ! الوحيد الي عندو رخصة بحكم الي المدرسة تبنات على أرض جــــــــــــــــدو ! و لذلك ما يدفعش المليون دينار متع التسجيل ! جماعة بن يوسف قالو نشرو قـــــــاسم باش من بعد إريقلو أومورنا ! و جماعة الساحل عندهم المعامل و حطو الفلوس على الطاولة باش يشرو من قاسم التسجيـــــــــــــــــل و إدّخلو واحد أخر في بلاسطو ...إشكون إمحظرين ؟ موش عارف! المهم الحكم ما يخرجش من سوسة و أحوازها ....البلاد ورثينها على الفرنسيس ...و ما إنجمو يعملو حتى شيئ أخر ...كان إنهم يحكمو ...!!!!! زريعة تونسية ! ! وينو قاسم ! و الي إيجيـــــــــــبو ياخو مليون دينار ! جماعة الشمال فلاّحة كبار و أصحاب أراضي كبيرة و واسعة ...إتحط الرّبع الخالي متع سليانة للبيع ! في لحظتها تشرات الأراضي الكل منهم و إشكون الشاري جماعة الطرابلسي ....بالفلوس هاكي الكــــــــــــــــــل الشمال حاب يشري قاسم نفسو موش التسجيل في مدرسة الديمقراطية ! ما عندهومش جماعة معروفة داخل الساحة السياسية و لكن أش يعملو مساكن وقت الي حياتهم عدّوها يخدمو في أراضي الغيــــــــر !!!! الفقر عشش في الشمال الغربي ...من نهار الي الجماعة فكولهم أراضيهم ...بالغورة !!!!
! فيلق ! ثنين ..ثلاثة !..خرجو باش إلوجو على قاسم ! باش إغولـــــــــوه ! ظربة وحدة .....! لا الشيخ الهادي بريك فهم ! و لا الدكتور المرزوقي فهم و لا الهاشمي الحامدي فهم الخشلة وأش وراها ! شنوه قيمة قاسم ها المواطن البسيط قدام تنظيم كما النهضة ! شنوه قيمة ها المواطن قدّام دكتور راسو فيه العلم الكل ! إشنوه قيمة قاسم ها البسيط هاذا قدام الهاشمي الحامدي و تفسيرو للقرأن و قناة المستقـــــــــــــــــلة ! و لكن ما عندهم ما يعملو في الحكاية هذه ! الأرض أرضو ! و المدرسة تبنات بعرق جــــــــــــدو ...لازمهم يقبلو بالواقع و يتعاملو مع قاسم

! البوليس و الحرس و الجيش إلوّج على قاسم ! في البلاد الكل من شمالها لجنوبها ! باش يقضو بيه حاجتهم إما ينباع و إلا تنباع ذمتـــــــــــــو ....حي و إلا ميت قاسم لازمو يطلع من الأرض نفسها ! الناس إمحظره فلوسها ! و الساحل الكــــــــــــــــــل حاط في العملية فلوس و معامل و مستقبل الأجيال متاعو ! الشمال باع الأراضي و البقر حتى يتخلّص من الظلم و يتنفس شوية حتى بعد خمسين سنة إستقلال
! وزير الدفاع نفسو مترأس عملية البحث على قاسم ! قاعة عمليات كاملة إتنصبت و لازمهم يلقو ها التحفة قبل المغرب ....غدوه المدرسة و غدوه الديمقراطية

! بن علي من الدار ما خرجش ! التّجمع الكل و بكل كوادرو داير بيه ...يعطوه في نصائح و أش لازمو يعمل كل يوم ...كل يوم إمتحان عند المعلّمة ...كل يوم دراسة نص و كل يوم محفوضات ...و كل يوم قرأن و تربية وطنية و تربية دينبة ...زين العابدين ضعيف في التربية الأسلامية و قاسم في التربية الوطنية
.نص الليل فات ...و جماعة الشمال ...إمشات اراضيها زيزي ...و جماعة الساحل إتنفخ فيهم ...قاسم ما ألقاه حد و رجعت الخيل و رجعت النياق ! و رجعت الحمير منهكة القوى ...لا إلقوه لا في الصّحراء و لا في البحر ! و كل شيئ وفى ...و غدوه أخر أجل و الصباح الناس الكل لازمها إتشد الصف قدام القسم المخصص للديمقراطية ! بات تونس تحلم ...قاسم ...مات .....و شاخت برشة جماعة ...!!! وقالت من راحة منو !

الدكــــــــــــــــتورة سكسي 4

شخصية الـــــــــدكتور منصف المرزوقي.

شخصية الدكتور منصف المرزوقي، تناولتها في فلم المؤتمر من أجل الجمهورية ! و لكني لم إجدها كما ينبغي ! سأحاول هذه المرّة بكل ما أتيت من خيال حتى أجعل من الشخصية قريبة من القارئ أولا ! و ثانيا سأصقلها كما ارى و كما تتقاطع الصّور ! هبط سي المنصف لـــــــــــــدوز ! كي العادة إقصد القهوة متع الحومة ! سخانة موت في دوز !ّ ترابهم صخون المرازيق ! و هوما ديمه تشعل عندهم ! إشكون قاعد في القهوة ؟ الشاعر الكبير متع تونس : سي علي الأسود ! و إشكون معاه شاعر أخر عملاق أحمد فؤاد نجم ! سي علي الأسود ماهو شد الحبس في وقت بورقيبة ! إشكون هدالو القصيدة الكبيرة ! صاحبو سي فؤاد نجم ... وقتها خرج من السّجن! الزوز شدو الحبس واحد في مصر و واحد في تونس ! علاش لأنهم دافعو على الفلاّحين و العمّال و المضتهدين في العالم العربي الي بقى في المؤخرة متع العالم الكل
!تحية لكل الشعراء التوانسة الي مازالو ما ربطوش خيولهم
! القهواجي سي على دوز ! إسمو هكه الرّجل : علـــــي دوز ! موش تراز و إلا كاتورز بالضبط دوز ! الدكتور دخل و القهواجي جابلو شربة ماء ! تشرب حاجة يا دكتور ! قالو عمّــــّـــر يا سي على شيشة و هزها لشيخ الشعراء سي أحمد فؤاد نجم ! قالــــــــــــــو ! تقصد إشكون ! قالو هذاك الي مع سي علي الأسود ما تعرفوش ! منك نسمع ...كل واحد شيشة ...و لكن يا دكتور هاهو سمعت الي الجماعة إلوجو عليك ...قالو أنا ديمه إلوجو علي في التفتيش ديمه ...البوليس ! لا لا يا راجل ! جماعة الديمقراطية ! على دوز موش عاجباتو الديمقراطية ! عجباتو حاجة أخرى تشبه للدمقراطية و لكن ماشية أكثر للشريعة !!! الدكتور فهم الي ثم حاجة في البلاد !

حتى دخل للقهوة تارزون : شخصية صحراوية غريبة الأطوار و صاحب فلسفة أخرى ...الرّجل هاذا عايش في الصّحراء و لكن في بالو بكل شيئ و أش إصير في البلاد من شمالها لجانوبها ....إشد كرسي و إقول للدكتور و ين إنت وين أنـــا ! و نادى سي علي دوز و حـــــكالو على حكاية مدرسة الديمقراطية الي حالها بن علي !!!! قال في ما قال الي المرازيق إمرشحين المنصف المرزوقي...... باش يبعثوه يقرى في تـــــونس .

علم الديمقراطية جديد و المرازيق ما يعرفوش الفدلكة ! كلامهم إتقول ما إجدش عليك و لكن كل شيئ عندهم على بره ! إسّكر سي على القهوة و إقول للجماعة الليلة المرازيق الكل يتعشو عندي ...مع سي علي الأسود و سي أحمد فؤاد نجم و سي ترزان إفزعو الناس على الدكتور ! المرازيق الكــــــــــــــــــــل إسمع و أفزع عند علي دوز ...إسكّرت دوز ...و في السوق متاعهم وين صار فيلم الأنقليزي الجريح ! سي علي يعمل خطاب مشـــــــــــوم ضد مدرسة الديمقراطية ! إتكلفز سي تارزون ....و إقول يا مرازيق اليوم ما إطلعوش مليون دينــــــــــــــار من جيوبكم باش نبعثو الدكتور إيزيد يقرىالديمقراطية ....إنسكّر عليكم الصّحراء و أبوابها الكل ... الصّحراء ما عاد يدخلها و لا واحــــــــــد منكم ! أنا الصّحراء و الدكتور بابها ! كلمة بكلمة ...المرازيق ..إتفاهمو ! و قالو إندخلو معانا نفزاوة الكـــــــــــــــل ....كراهب الأيزيزي كي الأرانب عندهم ! من تــــــــــوزر لقفصة ...لرجيم معتوق حتى لقصر غلان ..نفزاوة قالت ...يا دكتور تمشي بالسّيــــــف تقرى الديمقراطية و إلا ساقيك ما عاش إتحطها هوني ...أحنا لا عندنا لا سبيطارات و لا كيران و لا معامل و لا وتلــــى و لا.....ولا....... و إنت شاد فرانسا ، إتقري في الفرنسيس و إتكلّم فينــــــــــــــا على الجزيرة ..هاذا أمر ما إوكلناش الخبز ...الديمقراطية يا سي الدكتور فيها حويـــــــــــــــجة و ما جرّبنهاش حتى مرّة و ما نعرفوهاش !

شطر نفزاوة في الحبس و إنت إمحاصرينك ليل و نهار ...يا سيدي ...هاهو المليون دينــــــــــــــــــار و أدخل معاهم في اللّعبة !!!! و الليلة قبل غدوة إنوصلوك لتونس على ظهوراتنــــــــــــــــــــا ! كلمة لا ...تدخل تقرى كما إنك ما قريت شيئ ...و رد بالك إتغيب على درس من الدّروس ...راهي الصابة مرهونة عند الطّرابلسية ...فلوسنا يا راجل في رقبتك
! أحمد فؤاد نجم ! إستاذ الشعر الكبير ...إهيج نفزاوة الكل ...بقصيدة عظيمة ! الي عندو ناقة ركب عليها ....و خطفو الدكتور منصف المرزوقي و الكتب الي عندو الكل و قالو يا تونس وينك ! بالزكارة و البندير ...خرجت قافلة فيها سكان نفزاوة الكل ...الديمقراطية تــــــــــــــــوه ! الديمقراطية تــــــوه ...أصبح شعار المرازيق
المخابرات متع التّجمع في كل بلاصة !!!! دوب ما القافلة فاتت قابس ! بن على شعرو وقف كي القنفود ! على كرسي ما عاش إنجم يقعد ...و هات أش إرجع نفزاوة الكل لديارهــــــــــــــــا ...الرّجل خايف تتبدل الحكاية و الناس الكل إتولي أتصب في تونس و يعملو عليه إنقلاب ....الثورات الكل خرجت من الجنوب و أخطر ناس كما على بورقيبة كما على بن علي راهم نفـــــــزاوة ....كلام رجال نفزاوة قالت و لا إتصير حاجة ...إنوصلو ولدنا لحد المدرسة ...و إنحطو الخيام متاعنا ...باش ولدنا إبات في المبيت متاعنا ...ماهو ما عندكومش مابيتات في المدرسة ...و موش باش إطيشو أولدنا في تونس ! كلام رجال...في كلام رجال ....خمسين ألف نفزاوي رحلو أوصلو في الدكتور و سكنـــــــــــــــو في خيام و قواطن ..دايرين بالمدرسة ...وراء المدرسة ...وراء نفزاوة النهضة عرّشت و عبت الأرض الكـــــــــــل ...أي بالعربي ..المدرسة إتسركلت بالشعب التونسي.