20‏/11‏/2008

إعتذار أخر


· إعتذار أخر لكل القرّاء و المتصّّفحين للمدونة ، كنت ناوي باش نمحي التعليق متع المدّون ، نسيت إسمو ، ياخي إتفسّخت التدوينة الكل ، على كل هاهي مازال عندي على الوورد و باش إنعاود ننشرها كما ، كانت . قاسم يستحيل باش يتراجع على أي حرف كتبتو و إلا قلتو !!! في التعليق إتهمنـــــــــا بالصّغر و الهبال و الطريقة !
· من ناحية الصّغر ...الحمد الله مــــــازال فيّ ما إطيح عشرة من بن علــــــــي !!! و كان لازم نشرو دواء الصّغر.
· من ناحية الهبــــــــــــــال ...كيف كيف ، هذه ما هيش إول مرّة نسمعها و إلا نقراها !!موش غريب عليّ أبدا ...J’ai tous perdu sauf la raison.
· و من ناحية طبيب الأمراض النفسّية عندي و الحمد الله طبيب ..نمشيلــــــــــو !!!! و في بالي هو أيضــــــــــا هبل في جرّتي .
· من ناحية الطريقة ، الي حبّهــــــــــــا الأستاذ المعلّق : إسّموها ...التعقّل و الرّزانة و الرّصانة ...هذا كل ما تمشين معاي و موش مستعد باش إناقشها جملة و تفصيلا ...

- من ناحية الحقد ...يا أستاذ : هذه ما هيش لوغة متع سياسية ...تونس الكل ما إتحبكّمشي ...و ما عاش إتحب تسمع بيكم ....و الصّراحة راحة ...التوانسة ما إحبوش لا بن علي و لا التجّوع و لا واحد إدور بهاكي الرّحى


قاسم قسام

رد رئيس الجمهورية التونسية على المواطن الكريم دينا مقازين


* بالأزرق : دينـــا مقازين
* بالأحمر : رئيس الجمهورية التونسية و القائد الأعلى للقوات المسلّحة

من خلال تعاملي المرير مع العرب بصفة عامة و التونسيين بصفة خاصة، فإن النتيجة التي استخلصتها من ذلك التعامل الشاق و المضني، هو أنّك في نهاية الأمر كمن يحرث البحر.

هذا يعني أنك ما تتكلّمش بلوغة تفهمك بيها المجموعة الوطنيّة ...لا بد أنك إتكلّم الناس بلغتهم ! و ثانيا ، ما حولتش إنك تقترب من الناس و تاكل معاهم ، و تشرب معاهم الشاي !!! و إتحس بيهم ..إنما سيادتك مترّفع على الشعب الكريم ...إذا باش ينفروك ..مهما كانت المعرفة متاعك. الصّدق أساس كل شيئ !!!! الجمال يا ولد ما هوش على وجه الصّبيّة و ما هوش حتى في الطبيعة ...الجمال يا ولد الناس ...في الحقيقة و بس !!! و إنت ماكش حاب إتوّرليهم الحقيقة.


كلّما تحدّثت لأحدهم إلا و فوجئت بشيء: إما أنه لا يفهم العربية...أو أنني لا أستطيع أن أعبّر عن أفكاري.

في الواقع انا دارجه فوني ، على وزن فرنك فوني ، لكن نفهم بالعربي و بالسوري !! من ناحية العربي نقرى للناس الكل ، أما من ناحية الفرنسوية ...لازم يكتبها واحد كما عمر الخيام ..باش نسهر على نص من النصّوص متاعو ...مشكلتك يا سي المدير إنك ما لقيتش الذبذبة ألي لازمك تتكّلم بيها مع الناس ...إنت في بـــر و هو ما في بــــر !!!

أيها السيد الكريم، الذي نصّب نفسه رئيسا لجمهورية ما و قائدا أعلى لقوّاتها المسلّحة، أرجو أن أعلمك أنه عليك أن تقرأ برويّة مختلف التعاليق التي تركتها لك.

أنا لم أنصّب نفسي أبدا ، لقد دعيت لمهمّة و ها أنا أقوم بيها ، حسب معرفتي ! رئيسكم ما هوش معبى بلاسطو ، لا ياسر لا شويه ، عندو عشرين سنة مفلس ، و البلاد أفلست في جرّتو على كل الأصعدة ...قالولو الجماعة ..شد رئيس علينا ...قلتلهم حاضر !!!

أنا لم أتّهمك بشيء...ربما أنت من فهم الأمر على أنه اتهام غير مباشر. و لكن لتعلّم أيها الرئيس، أنني إن أردت اتهامك...فسأتهمك مباشرة و ليس من خلال المعنى أو بين السطور.

إسمع يا سي المواطن ، المدّونين هوني ، راهم مهندسين و أساتذة و طبّة و مفكّرين ، و ناس ما يتعدى عليها شيئ ...الناس هاذوم ما هومشي كما يظهرلك إنت ...أنا واحد من النــــــــــــاس ...نفهم على الطائر ...شوفت ...ما قاعد إتبع ...على عضمة بالفطيرة ناضت حرب ...و إنوض حربين كان ألزم ...الغلطة بفلقة ...الشيئ هذا يا أيها المواطن الكريم ، أنت مازال ماكش شالق بيه...و حكاية الحزب متاعكم ، خبير في الأشياء هذه ! التوانسة ما تفهم شيئ ...و خلي نعملو أش أنحبــــــــــو ...و نكتبو أش إنحبو !!! ما هوش شعب ...من نوع ..جوّع الكلب إتبعك ...هذا مفهومك للشعب التونسي ...إذا لازمك إتركز وقت ألي تكتب ...و ما تتهمش و لا إنسان ..ديريكتيمون و إلا إن ديريكتمون.

و بما أنني رجل يحترم الدساتير و المعاهدات الدولية و القوانين، فإنه لا يمكنني البتة أن اتهم أحدا و أنا لا أملك الدليل.

أنا ما نعرفش بالي إنت قاعد تحترم في الدّستور و إلا في المعاهدات الدّولية ..لكن حسب ما إنشوف ...ما احترمتش جمهورية قاسم ألي إتمثل الشعب التونسي بأكمله !! و هذا راهو عيب و ما إجيش منو ...
إن تسائلي كان صادقا و عفويا...أن تتحدث عن الرئيس و تقوم بثلبه و بالتعرّض لأفراد أسرته و أقربائه و حكومته و الحزب الذي يرأسه،

الرّئيس : لا رئيس لتونس دون قاسم قاسم ، أما ، كانك ناوي تحكي على المواطن زين العابدين بن علي ، لم يقع ثلبه و لا حتى التنبه لوجوده ...و لا أحد من عائلته و لا أحدا من حزبه ....لم يثلب أحدا المواطن زين العابدين بن علي ..و لم يتعرّض احدا لعائلته الكبرى بما فيهم الحزب الحاكم ...و حتى في صفته رئيس دولة سابق لم يتعرّض له أحد و لم يثلب ...
شدّها مليح الحكاية هذه ::: التهمة هذه الي قتلتو بيها زهير اليحياوي ...ثلب الرّئيس و جبدان العرض ..و هاكي الدّوة الفارغة ...الرّئيس قاسم قاسم ....ماهوش مواطن ...توه ...تقلبت المشاميّة ...و الجمهورية ..عندها وجود قانوني ...على قوقل ...تعرف حقوق الطبع محفوظة ..تعرف أش عملتلكم ...عملّية سحب البساط ....أنا رئيس دولة و قاعد نعتذر للمواطنين و على المباشر و ما عندي حتى حرج في ذلك ....تره إقول لبن علي يعتذر للشعب التونسي على الأخطاء الي عملهم ...!!!!!! يا إلي إتصّرف
.

و مع ذلك لا تزال تكتب بكلّ حرية من دون أن تتعرّض مدوّنتك للحجب أو الحجر فهذا أمر محيّر و لكنه جيد. على الأقل دليل على أن الحرية لا تزال موجودة.

المشروع متاعي واضح ...و مخدوم على قاعدة ...إكلّمك فيك مهندس و عندو خبره في الميدان ...الموديل ألي عملتـــــو ، طلع صحيح ...: شنوه الموديل :::: تونس اليوم محاصرة ...الشعب التونسي محاصر إعلاميــــــــــا ...إتقول في حبس ...بالعربي داير بيه صـــــــــور ....إنا قلت باش ننقبو الحيط هذا ...و باش برشة إتجي تنقب معاي..و بالشّوية بالشوّية ...الصّّور الي محاصر بيه الشعب التونسي ...ندفنو ...و ندفن معاه الدّيكتاتورية ..بعروقها ...


أنا سعيد أن مدوّنتك لا تتعرّض إلى القمع...فأنا أؤمن بحرية التعبير، و إن كنت ضدّ أن يتعرّض الشخص للحياة الخاصة للقادة و المشاهير و الشخصيات العامة، إلا أنني مع حرية التعبير و الصحافة و النشر و التحدث بكل صراحة و جرأة عن المشاكل التي يعاني منها المواطنون و المخاطر التي قد يتعرّض لها الوطن و تقديم الحلول البديلة و الكفيلة بتحسين أوضاع البلاد السياسية و الاقتصادية و التربوية و الاجتماعية و غيرها، لا أن نتوقف عند حدّ التعرّض لأعراض الناس أو السب أو الشتم أو نقل الأخبار سواء كانت حقيقة أو مجرد إشاعات

أحنا ما زال ما وصلناش ، باش نحكو علي أحنا قادرين ؟ و إلا على المشاريع ؟ أحنا مشكلتنا اليوم ...رفع الحصار ...أولا !!! ثانيا التونسي لازمو ياخو الثيقة في روحو ...!!! ثالثا التونسي ياقف على ساقيه نفسيـــــــــا ....الأبداع إجي وحدو ....الحرية باش نفرضوها فرضا ...رغم أنف البوليس و الحرس و الجيش و بن علي و التجّوع ...و رغم أنف العالم....أحنا عندنا رؤية لتونس ما هيش ألي عندكم إنتم ...جماعة التجّوع ...بن علي ما عندوش مشروع و ما عندوش رؤية ..إلا توريث الحكم و السلطة ....أحنا الشعب التونسي ..عندنا تصّور أخر لتونس باش إيجى وقتو ...و إتشوفو بعينيك.

بصراحة، أنا أؤمن بأن هذا نوع مما يسميه التونسيون بـ "التقلقيل" لا أكثر و لا أقل و هو أمر يمتع السيدات و الهوانم حيث يمضين يومهن بالتقطيع و الترييش و الاستمتاع بنقل الأخبار و تحريفها و تبادلها من دون أن يغيّر ذلك من حقيقة الأمر لأن كل تلك الأخبار معلومة و معروفة و ليست مقالاتك، عفوا، أقصد طريقة نقلك لأخبار أو إشاعات هي معلومة من بنزرت إلى برج الخضراء.

لا تقلقيل و تقطيع و تريش ..إبدا ...نحن نكتب الحقيقة لا غير : و أقولها للعالم إجمع ! بن علي كرئيس دولة غلطة تارخية قاعدين ندفعو في الثمن متاعها ألي اليوم !!! و باش إتزيد التوانسة تدفع على ألقل لمدة عشرين سنة ...بن علي كرئيس دولة !!! ما إنجمش إكون ...و يستحيل إنو عبى بلاسطو ...طاقات بن على الفكرية و السياسية ضعيفة جـــــــــــدا ...و لا يصلح للشعب التونسي أبدا.

لا أريد لمدوّنتك أن تحجب...و لكن أعذرني، فالسؤال يطرح نفسه: لماذا فقط مدوّنتك هي التي لا تتعرّض إلى أي مشاكل من عمّار 404، في حين أن من كتبوا أقل منك بكثير تعرّضو للحجب و الحجر؟ السؤال يطرح نفسه بكلّ عفوية و صدق و دون أي خلفيّات. و لكن هناك مثل تونسي يقول: المجراب...تهمزوا مرافقوا

المدونة ما حجبوهاش لأنها صادقة ...و تكتب كان الحقيقة بطريقة أخرى !!! الدّاخلية في بالها بقاسم ...و عندهم التّسجيلات الكل على البال تولك ...مشروعي واضح : فرض الحرية للشعب التونسي و بكل الطرق ، أحالة بن علي الأستقالة ...رّبما هو زاده يقرى في الأفــــلام متع قاسم ...ماهو بطل ...ما كيفو حد ...و لكن ديمة خاصر في أخر الفيلم.

المدّونات المحجوبة ، لازمها تكتب كما قاسم ...بأكثر غزارة و بأكثر دقة و بأكثر وضوح ..و ألي إصير خلي إصير ..هوما إسكّرو ..و أحنا إنحلّو ...و في الأخر باش ينتصر الصّحيح ....

شطر الحكومة مع قاسم باش إكون في علمك ...و نعرف ألي الناس مغلوبة على أمرها ..كيفك إنت بالضبط ...رغم إنك إتمّثل الحزب و إلا الدولة و إلآ إنك قريب منها و رغم ذلك ما نجمتش تخرج على الصّعيد الوطني و إتعرّف بالطرح متاعك ..هذا راجع يا سي المواطن ...للتسكيرة متع السيستام ألي إإنت عايش فيه ...لا يخدمو و لا إخلو إشكون يخدم ....السّرطان ألي عــــّجز تونس على الخلق و الأبداع هو التجّوع .

أنا لم أصفك بالخيانة أو أنك عميل، أو ربما من البوليس السرّي أو غيرها لأن كل ذلك لا يهمّني، بل أكثر من ذلك، أنت اتهمتني سرّا و علانية بقول ما لم أقله. يبدو أنك مغرم بالقراءة بين السطور و لكن يا عزيزي يبدو أنك تعاني من جرعة فوق العادة

أنا أقرأ ما بين السطــــــــور و ما وراءها ...حاجة وحدة ما جرّبتهاش ...هي الجرعة !

نقطة إضافية سيدي الكريم: من نصّبك متحدّثا رسميا باسم الشعب التونسي؟ و بالله عليك، أرجو أن تعلمني أين يقع عرين الشعب التونسي لأنني أنوي القيام بجولة سياحية إليه رفقة وفد إسرائيلي و أمريكي و شكرا

أنا رئيس الجمهورية التونسية ، تحديا لبن علي و للتجّوع و لكل المنافقين ، و لم ينصّبني أحـــــــــــدا كما بن علي عبر إنقلاب أول ، ثم إستفتاء كاذب و بعد ذلك إنتخابات مزّورة ...

و السّلآم عليكم و رحمة الله و بركاته
رئيس الجمهورية التونسية
و القائد الأعلى للقوات المسلّحة
قاسم قسام