15‏/08‏/2008

جمهورية تمشي بالبيـــــــــــــرّة و الفـــــــول



شاختلو و نصب.... خرّج الناس من الحبوسات ! كـــــرّز دخلّهم للكرّاكة ! هذه جمهورية ! و إلا عصبانة ! و نفس البعبوكة ! و الحكاية هذه باش تتعاود إلى أن إيفيق الشعب هذا على روحو ! شعب الشطّر متاعو سكران بالع ميت ...شعب من المخابيط ! يستنو باش تنزل عليهم الحرية و الكرامة من السماء ! الشعير إدور إدور و يرجع للرّحى ...إتوليش الحكاية هذه قانون في السياسة التونسية ...و الخوانجية يخرجو يتنفسو شوية و إيجي رئيس جديد و إقول هاذوم إهددّو في الدّولة ! لوينها الناس الكـــــل في الحبس و لا رحم من قعد ! كي خوانجي كي ديمقراطي دي عيسى كي الحاج عيسي ..الشكارة و الحبس ! و المجموعة الوطنية إتضحي بالغالي و النفيس ! و الي يكبر شوية و إيتعلّم شوية نلقوه في قلبــــــــو ! لوينها دموع و عشرين سنة ديكتاتورية أخرى ! و الحبل على الجرارة ! إولينـــــــــــــــــاش نلعبو بمستقبل ها العباد ! وليناش إنفسدو أكثر ما باش إنصلّحو !

النزيف هـــــــذا لازمو يحبس و في أقرب وقت ممكن !!!!!

جمهورية تعمل ستة و ستين كيف ! جمهورية تمشي بالبيـــــــــــــرّة و الفـــــــول ! كلام هذا ! انا إفلاطون و أنا المدينة الفاظلة و أنا غاندي و انا و أنا مع جمهورية أخر زمان عندنا ! كل شيئ أتجي كان جمهورية ! قولو عصبانة ! قلو كعبة قـــــــرع ! قولو شكشوكة كان حكومة تعرف أش تعمل ! ناس تحكم بالشماتة ! إمشمتين في التوانسة الكل حتى في إرواحهم ! قانون : علي و على أعدائي هذا هو الي صاير ....تي أشربوهم الكعبتين بيرة و أخطو العبـــــــــــــاد ...أشربوهم في الشارع و سيبو المهندسين و الطبة و الفلاسفة و الشعراء و الكتاب ! كادها صبع القابلة ! باش ما تخرجش الناس الكـــــــــــــــل ! ما عجبوكمش الي قعدو عشرين سنة في الحبس ! شماتة فيهم !

ما سخفتكمش الصّبية هند الي ما خلّت باب ما دقاتوش ! سيبولها خـــوها إتحب تفرح بيه ! إزه ! سيبوه يـــــــــــزي ..فك علينا من ها الحكاية متع الشمايت ! أنا جمهورية تحكو عليها ! و أنا حكومة و أنا برنامج عندكم ...تي ما هو الوقت غلب باقي تونس راهي بـــــــــــــلاد أخرى !

حارة و كعبة ...مركعين شعب كامل ! هذا وقت كلب ! حارو وكعبة حايرين فيهم ! معناتها مدرسة الـــــــــراجل إفكوهالو عين جهــــــــــار ! السكك الحديدية خربت ! السيمان خرب ! الجامعات ولات رياض أطفال و أقولو جمهورية ....راهو غلّبو علينــــــــــا الذبـــــــــــان ها الحارة و كعبة !


سراح شرطي .....شرط الهجالة على أمـــــــــها ! التعويض على عشرين سنة حبس و حرمان من العائلة ! هذا أمر مفروغ منو ...و ديما على القدام ! ليل البلاد هذه تولــــــــــي بلاد بحق و حقيقي !

الرّاجل مازال يحسب فيها ! ننشر لهاذا و لهاذا ما ننشرلوش ! قالك صحافي متمرس ! شوف يا ولد هاذي أخرلك غلطة قبل ما إنطلعك على تيتــــــــــــــــــــتانيك و ماك تعرف بالحرام ما تسترجلش و ما إتراجعش المواقف متاعك الكّل من ناس ظحات بالغالي و النفيس راك أتلوم نفسك مع قاسم ...إرجعك صحافي سكسي بالحـــــــق ! سبب خراب البلاد من الخلواظة الي كيفك ...أتهز و تنفض ...إتسوق في طيارة سيادتك ...ماشي إتفاوض بأسم المعارضة وراء ظهر الناس ! شاور الكبــــــــــــــار الي إيفوتك تجربة و خبرة ...راكب مع الهاشمي الحامدي ..حتى السياقة ما يعرفش إيسوق ....الماكلة المليحة إطيب على نار هاديــــــــــــــه !!!!

قاسم قاسم

!!!!!!! سيب صالح !!!!!!!!!



صالح لن يصالح


· السلام عليكم ! أش حوالك يا سي الهاشمي ! أش حوال تلفزتك ! انا قلت توه سي الهاشمي يغلط و إينادي سي عبد الحميد العداسي ! في البرنامج الجديد! متع المستقّلة : كل شي على بره! تعرف و الله برنامج يعمل الكيف ! يعطك الصّحة في الأختيار ! أما ناقصك كان شويه فاسوخ! علاش لا ....تلفزة كما هذيكه لازمها شويه فسوخ ! تعرف سي الهاشمي لازمك شورتني في البرمجة ! ما هو الشيرة باهيه يا مذهوب الشيرة !!!!

· و الله يا سي قاسم ها الناس هذه ما عرفتش كيفاش نتعامل إمعاهم ...حياتي خصرتها في جرّتهم ...عمري كامل و أنا إنادي علــــى صالح و في طولكم و في عرضكم و ناس إرجعو لطريق الصّواب و الشيئ هاذا راهو له أهلــــــــــو و أمليه و أش دخلكم في السياسة و في المعامع ...سيبو عليكم من ها المشــــــــــــــد !

· و الله يا سي الهاشمي حتى إنت بلّغتلها ! شويه ! أولا ما عندكش إسلوب لا متع سياسة و لا متع نضال !
· كيفاش سي قاسم ! إتقول الكلام هاذا ...دكتور كبير !!!! و صاحب تجربة
· كلام فارغ ...الدكتوره متاعك حتى أنا موش معترف بيها ....التواضع يا مدير هو الأساس في كل شيئ ...و
ثم حاجة أخرى القبـــــــــــــــــول ...ما عندكش منو حتى قرام !

· كيفاش ! يا قاسم !
· ما عندكش ...ما تعرفش ...ما تفهمش
· فك على قتلـــــــــــــــــي يا قاسم ...إنت أحرف من ها الخوانجية ! الرّعاع ! هاذم ! ما تصلح بيهم كان
الديكتاتورية !
· و إنت أصلك شنوه ....ماك سارح ....و بالمعيز !
· يا قاسم أحشم !
· شنوه نحشم .....يا خي ناكر في أصلك و إلا شنوه ...الأنبياء بكلّهم سراح ..إشبيه...و إنت باش حاسب روحك
نبــــــــــــــــــــــــــي !!! لازمك ترجع للسروح و من بعد توه إنشوف كيفاش نكتبلك سيناريو ...باش إولي
عندك تأثير في الساحة السياسية !
· لا ماكش أقوى من عرفك ! سيدك الغنوشي !!!! طرحك أرضــــــا ! خرجك من اللعبة ، خلاك لا غادي لا
هوني ....
· سيب عليك يا قاسم من الحكايات !!!! هذاك زعيم من ورق ...الخدمة الكبيرة ...خدمها أنا و
بوعبعــــــــــــــــــــــــــاب
· تعال خبــــــــــــــر يا بوعبعاب ....تعرفها الغناية متع بوعبعاب !!!!!
· إشبيك تتفيسخ ...على المصالحين !!!
· إسمع يا هاشمي ....مع إشكون طايح إنت ؟ أنا الشقشق و البقشش الي في راسك نعرفو ! إنت يا هاشمي واضح ياسر ...و السياسة كي الكارطة ...و إكشفت إوراقك الكل من الأول ....ما عاد عندك حتى حـــــــــــــل ....خلواض يا هاشمي راك و ماك فاهم حتى شيئ ! و هذاك علاش ماكش باش تنجح ! إسمع و ماكش وحدك في ها الحالة ! برشة توانسة ...غلطت في أرواحها و قالت الي ما كيفي حــــــــــد....عندنا زعماء أكثر من المشاكل ....و إنت وليت مشكلة في حد ذاتك ...كيفاش إتحب تلقى الحل ! يا هاشمي شوف يا هاشمي ....إنت كليت الغلّة و سبيت الملــــــــــــــــة ! غدوه كي إتجيب في إيديك ستين حزب و إتخرج المساجين الكل ما عاد إصدقك حـــــــــــــد ...التوانسة ما هومش إمهبلة ....و ما ثماش ولد أمو باش إنجم إعديها على تونسي ...التوانسة الكل إمعلمية في الزندقة !

· يا قاسم ...أنا النية متاعي صافية ..........
· حليب ....إتحب أتقول صافية كي الحليب ....مال أش قولك في اللّبن القارص!
· هاك متع اللّبن القارص تلميذي !!!!!!
· أما ....الذيب راهو إزقق بوه ساعات ....ثمة حاجة ما إفهمتهاش إنت ! إنت جيت متأخرا للمعارضة ...جيت تحساب العباد إمخاها حبست ! و إنك ما إتمثل حاجة كبيرة ! جيت باش إتكسر ...الحوار السياسي القائم ! و خاصة الألتقاء بين اليسار و الأسلامين على الخطوات الثلاث ...المشروع متاعك الناس الكل فهمتو من الرّبيع متاعك !
· يا قاسم ...أفهم ....الأسلامين ...ما ليهم كان بالمصالحة و إنتم اليسار راكم ما كم باش توصلو لحتى شيئ
· إنت ما زلت قديم ياسر ...و أمورك ما عاش تعجب ....اليسار التونسي إطور ...ولى يفهم حق المواطنة و الأسلامي التونسي حل مخو و أصبح يفهم في الديمقراطية ! و الشيئ ولى خطر على الحاكم ....الشابع من نوفمبر إخاف من القاسم المشترك هذا ! و جاء بيك !!!!

· لا لا لا لا ....موش كلام هاذا يا سي قاسم !!!!! أنا من نفسي إنحب إنصالح
· برى صالح ....و سيب صالح ...و روسنا وجعتنا من الحكايات الفارغة متاعك
· شوف ....إنتم
· إشكون أحنــــــــــــــــــــــــــــــا ؟ التوانسة !!!!
· لا لا نحكي على النهضاوين !!!!!
· النهضاوين ....ما هومش توانسة ....أنا ما نعرفش قصّتك مع النهضة ! و لكن أش دخل هاذا في هاذا ...المشكلة اليوم ولات ...مشكلة شعب كامل !
· و المساجين !!!!!
· المساجين ......ولو قديد ....أش مازال فيهم ...كي الي إلبره كي الي في قلبو ! قول لعرفك و إشكون باعثك .....بلادك بعيدة !
· كيفاش !!!!!!! إنعم ....المشكلة و لات ما هيش متع مساجين فقط ....شعب كامل مسجون !
· إشبيك ....هك يا سي قاسم ! الريح ما إدورش !!!!
· إسمع ....بن علي متعّك و جماعتو ...و الطرابلسية الي إمكلفينك بالمهمة هذه ...ما يعرفوش يخطارو ...و يستحيل كان مازال واحد إطيحلهم ....إنت ماكش حاب تفهم الي تونس إتخلصت نهائيا من السمسارة متع اللبن القارس !!!!!!

· إتحب إتقول ....الي المصالحة ....ماهي أتجيب حتى شيئ
· بالاّزمة كي الغنوشي إصالح بنفسو و يخرجو المساجين الكل ...أنا باش إنواصل الضرب ليل تونس ما عاد إتخرج حتى دكتاتور لأبد الأبدين !!!! شوف الرّحلة هذه ما عندهاش نهاية ....لا بمصالحة و لا بمصلحة ! يكفي إنك تاقف لحظة ...إبليس يخرج من جديد ! لذلك ....سيب صالح يخدم ! و برى بدل ساعة بساعة أخرى !
· الله يهديك
· يهدينا و يهديك و إكثر الخير عليك و يرحم ولديك
· يرحم ولدينا و ولديك ....أنا أخترت الطريق متاعي .....
· شد فيه الصحيح ...و كان طحت ...و شدوك ....في الحبس ...ما تلقى كان قاسم باش يظرب عليك !!!!!! إرجعك بطـــــــــــــــل وقتها !!!!! أما توه يا هاشمي من البصل ما إنجم نعمل كان كفتاجي ....ماكش بطل !!!! ما عندكش الكريزم ...شخصية واضحة ! ما إتخبي شيئ و ما تعرفش تخدم ....إذا ....ما تصلح باش حتى في دور ثانوي !!!!!!
· زعمة ما إنجي شيئ
· ما إتجـــــــــــــــــــــــــــــئ شيئ ....أسف !!!!!!!!!!!!!
kacem kacem

رسالة قاسم إلي مجلس المستشارين



من رئيس الجمهورية القاسمية ألي السادة النواب

لا سلام لا كلام

أما بعد

كيفاش عملنا توه با جماعة، معناتها بالعربي ما فيكم حتى واحد راجل، يسترجل و إقول أنا إنحب أنولي رئيس! بالضبط هذا الي إفهمتو بمناشدتكم لفرعون تونس باش يلبس السروال الخامس. بربي قولولي علاش داخلين السياسة ، لسبب وحيد باش إتهزو القفة لا أكثر و لا أقل. المجلس متاعم إنشوفو أقل من جماعة تحت الصّور...على الأقل الجماعة هاذوكم ينتجو في الفن و كتبو عدة قصص متع علي الدّعاجي و أنتم طراطرة ...عملينكم تصويرة باش العالم يلقى علاش يضحك، لا إتحلو لا تربطو و ما فالحين كان في دزان البيدق ظربان الحنك.

بالاّزمة لا فيكم واحد داخل البرلمان باش إدافع و إقول الصّدق. الأغلبية الساحقة داخلين على خاطر الشهرية و كستيم تحسين الهندام لا أكثر و لا اقل. و البقية الباقية إدز في النّح باش إقولو هاهو عندو بلاصة مع الجماعة...و لا واحد فيكم إنجح في الأنتخابات المزورة ماية في المياية. و في الواقع من المستوى الثقافي متاع كل واحد منكم نفهمو الي إنتوما ما تصلحو كان صباطية لا أكثر و لا أقل....و فم مرّة بورقيبة كان حاجتو بالنواب ....تعرفو أش قال عليكم رئيس البرلمان : قال الكلاب الكل إنجيبها و إتصحح كما أتحب و تشتهى يا سي المجاهد الأكبر.

و لا واحد فيكم وقف و لا حتى بكلمة مع الشعب التونسي ، بل بالعكس جاين كان ضدو و في عراظتو باش تضمنو تواصل القمع و القهر و الضلم و الدكتاتورية ...و لا أتعلّمتو حاجة في حياتكم كان إنكم تفرحو بتعبي الكروش و الزّردات و الشيخات و في الحقيقة راكم تخدمو ببطونكم...أنا إنضن الي الفلوس الي تخلصو فيها من ظهور الشعب التونسي باش إتولي عليكم بالوباء في نهار من النهارات.

ما تحشموش ! فالحين كان أترشحو و إترشحو ...حاضر سيدي ...حاضر سيدي ...ما عندكم حتى شرعية في تونس و لا خارجها ...و باش أكون في علمكم راهو باش إنسكرو البرلمان جملة و تفصيلا ...أنا الديكور ما إنحبوش ...المهم أني قررت باش أنحنطّكم الكل و أنحطكم في متحف باردو باش الناس أتجي أتشوف في المومياء حيـــــــــة.

و الله طلعة طلعتو بيها ...هاهو توه أنقصو عربي على الناس الكل و إرّشحو فرعون ...لا راهي البلاد ملك السيد الوالد متاعكم و إلا متاعو ...إشنوه الي تعملو فيه ..قولولي خلي نفهم ...كان تكتبو في مؤامرات المعلّم ..... دستور رديتوه كي الشليقة الي يمسح فيه ساقيه. السبب متع التخلّف متاعنا هو إنتم ...أنتم السبب و السّرطان الكبير الي خرّب البلاد ...باقي موش الرّئيس يحكم في البرلمان ...كان مجلسكم هو الي لازمو إشد الدمان ...و لكن إطلعتو رخاص ...جواعة ...ما تستهلوش الكرم و الثيقة لا متع الشعب التونسي و لا متع العالم ...قالولي جمهورية ...أنا جمهورية و أنا طبالة في بالكم عملينها ...عندكم يا جماعة قبعورية ( قبر+عورة) معناتها قبر عريان حتى التراب ما فوقوش ...بالضبط مجلس التكنبين و الخبث و الترهدين

أتحبو تستانسو بالدمقراطية ...ذيل الكلب حطوه أربعين يوم في قصبة و لا إسقم ...إنتم كيف كيف و لا كلمة باهية فيكم و لا في دستوركم. قهرتونا بالبرابقندا. ما تصّلحوش لأنكم متورطين في كل شيئ و أقل واحد فيكم حال كيوسك في المرشي نوار....ناس قاعدة على كراسي تكذب على بعضها و جد عليهم الي هوما مجلس نواب و مجلس مستشارين و دربوكة فارغة. قال أش عندك ...قال عندي.


و السّلام ...و إنشاء ربي إخفف علينا ...و يسّكر البرلمان و المستشار ...باش إنبيضو البنية ...سامحوني البره ...بلا بيكم البلاد أحسن ...بلا بيكم يا جلطامة البلاد إزيد فيها الخير و إتصب عليها المطر...شهرياتكم الكل مقصوصة من اليوم فصاعدا.

و السّـــــــــــــــــــــــــــــــــلام
قاسم قاسم

أجابك الوطن.


هل ماتت زينب؟
ستموت ...و لم أقتلها...أنا... عبثا.



أه منك يا ولدي
لن تركب الخيل و لن تفرح أبدا
أنت للبحر لن تكن سوى الزّبدا
و البحر لن يكون لك سوى القبر
أن شأت فأغرق.....
ستيأس و ترمي بنفسك بحرا.

بين أنياب كلاب البحر تموت كالحوت مفترسا.
أنت يا ولدي طعم الطغيان و الرّفس.
أنا الوطن ...ظلاما...ظلما ... يحدثك
ليس لي ما أبيع ....سواك... يا بعظا من زادي و من زبدي.
ولدت شتاءا ...زائدا ...لم أنتظرك ربيعا ...ولم أفرح بك ...أنا في حلّ منك يا كبدي
أفهمت ما معنى أنك لا أهلا و لا سهلا.
أبيعك علفا ...للمصانع... للمزارع
للشوارع ....لفروج الشقروات.
أبيعك بأرخص الأثمان.... أنت يا ولدي

كالأعشاب الطفلية ...لا حاجة لي بها
و أن عكست ...أشتري بها
بعظا من مسيل دموع الأمهات
أو أرمي بها في حدائق صنعتها من أجلها
سجونا تنعم في قلبها.

أنت يا ولدي شيئ جئت من عدم
من جرد نطفة تخرج بين الصلب و الترب
لا شيئ ...يعني أنت ...لا تعني لي شيئئ
إما البحر و إما بحرا من ظلمي.

يا ولدي ...أنت ...إخترت البحر ...لا...بل إني سخرت لك البحر
لأبيعك جثة .....حتى و إن قطعت ...حرقت الحدود و إنصرفت.
أني إخترتك يا ولدي
طعما ....لمحاولتي وصول القمة في القهر.
أظن ...أنك لم تفهم شيئا
ففلسفتي صعبة الفهم و القلم.

إخترت أنك تهجر ...بيعا ...هيهات أن تفهم.
إخترت أنك تكون النار و الحطب
و أنك الطّعم و الزّبد
أماالزبد :
على أرضك لا تعني لي شيئا
كنت على خيل أو على جمل.
و طعمـــا:
فأني أمتص جميع ما أهدته لك شقراءك من عمل.
في الحقيقة أنت تباع و تشترى كالعبد.
مكمما عندهم و عندي كالخيل في اللّجم.

إرحل بعيدا ....إرحل عني و أغترب للأبد.
سافر تجد عوظا عني و عنك و عن الفرس.
وطنك جيبك يا ولدي
غير أنك لم تفهم أنك أصبحت
دون وطن ....دون جيب
ما في جيبك أصبح في جيبي
أشتري به مسيل الدمع ..
لأصنع ثورة الخبز
و أرمي بالرفاق في السجن.
و هكذا أصبحت لي عبدا دون علم.
غبي أنت يا ولدي حين إخترت أن تهجر بعيدا عن القصر.
كان أولى لك أن تفهم أن الحل يكون خارج البحر
ولكن ذهبت بعيدا في البحث لي عن مخرج من سجني.
شكرا يا ولدي ....أنت هذا المغفّل
في كلا الحالتين أنقذت الظلم و ما يسمى بالوطن.
شكرا يا ولدي
يا مدّي و يا جزري.
يا منقذي من قبظة الأسد
زدني من جيبك زيدني
فإني في حاجة لتجديد ألة القمع.
زدني من حبك زدني
فأني بحاجة لتوسيع شواطئ البحر.
أفكر في بيع ما تبقى من النهر
هل تشتري مني قطعة أرض ...كانت لك كالوطن؟

لماذا ؟

عيب عليك أن تهجر ...و عيب علي أن لا أكتب.
عيب علي أن لا أقول و عيب عليك أن لا تفهم.
أنا الوطن اللذي لا يرحم و أنت الولد الذي لا يعقل
من أين و كيف تبدأ الثورة.

يا ولدي أنت لا تعرف من زينب و لا تعرف الغضب
فشلت في رحلة البحث عن زورق ينقذ ما تبقى من الوطن
فركبت ظهر البحر على ظهرألة القمع.
فشلت في البحث عن مخرج ...فركبت طريق ثورة اليأس.
دون جدوى مضيت تبحث عن أرض ... وراء بحر من الظلم.

انا الوطن يحدثك ...أنا قاسم أحدثك عن قلمي
و عن رحلة الألم ..عن زينب أمك ...عن زينب حبيبتك و عنـــي.
أقسم أنك تعود لي عبدا و تركع
أقسم أنك لم تفهم كيف انك لم تفهم
بهجرك أصبحت ألة القمع لما تبقى مما يشبه الوطن
أقسم لك إني أبيعك للمرة الخمسين
حيا كنت أو ميتا.
أقسم لك
لا حاجة لي إلا بما في جيبك
لأشتري لزينب أمك المقعدة ...بعض الحشيش
لتنسى أنها أنجبتك مكبّلة

قاسم يبلّغك السلام و يقول لك
لك زينب و كل الكلام
هل أبلغك البحر ما أبلغني النهر؟
عن ثورة الحيتان

غريب أن ...و كيف يثور القرش
و لا تثور الرجال؟
ألم تنجب زينب فارس هذا الزمان
بلى قد أنجبت
و لم تنجب من قبلها النسوان
غير أن البحر كان دوما لها بأول سلطان
أفترس الأبن و الشقيق و الخل و حتى سورة الرحمان

لماذا؟

لماذا هاجرت الرجال ؟
لماذا سافر أبن خلدون عبد الرحمان؟
لماذا غادر حنبعل عليسة و السلطان؟
لماذا هاجرت كل الرجال؟

عانسة بقت حبيبتي زينب كأيها النساء
في زمن الرّق خادمة للسلطان.
عارية الجسد ...حافية القدم ..دون فارس أحلام
أتكون أنت فارس هذا الزمان؟
kacem kacem