الأستاذ عبد الله الزّواري في التعداد العام للسكان

جمهورية قاسم تقــــــــــــــدم

*
التعداد العـــام للسّكـــــــــان

ماشي إنحج لهوليـــــــــــــود ...اليوم !!!! و هاني راجع ....يا برباش....

الفيلم هذا تكتب في ( كان كون) = رأس الأفعى ...باللّغة متع الهنود الزّرق ...يا لزرق يا بوحجر.

*
جمعة يا جماعة لا كتبت و لاقريت ! هك، جات سفرة بدون ميعاد ! قلت إلتالي لا؟ ويا سلاّك الواحلين ! هبط من الطيارة لقيت روحي في بلاد أخرى ، في جو أخر ، في عالم أخر ! قلت خلي نبعد شويه و نخرج من الفضاء السياسي و ننسى شوية و إنبدل الجو و علاش لا ما نقطعش جملة و تفصيلا بحكاية الجمهورية و حكاية السياسية و المعارضة ! قلت لازمني أنا، إنعدي حياتي بصل ؟ لا نوم...لا مصوار، لا خدمة لا قدمة ! لا صّورنا كما الناس! لا كوّنا ! لا ضحكنا ! لا روّحنا ! لا عملنا كما الناس ، كل عام إترّوح الناس و أتجي و ناصبين و عينك ما رات العمى ! حشاكم و حشى الناس الكل ! قلت الشّط ما أجملش منو ! و النساء عمرني ما شافت عيني الجمال هذا ، المطاعم ، الحوت ! الموسيقى في الشوارع الناس ترقص و إتغني شايخة و لا إهمها في حد !!!قلت هاذوم ناس تعرف أتعيش ! هاذوم الي فهمو الحياة على قاعدة أما إنت يا قاسم ...بلادك بعيدة و حكايتك ما أفرغش منها ! جات بنت الكلب و طلعت إلفوق ل الراس ديريكت ! إدخل يا قاسم في المعمة متع البيوع و الشرى متع البيزنس و سيب عليك من الثقافة و القوانين و الأدب و الأخلاق و الحلم و الحرية و العدالة ....

أين أنا من هذا العالم ؟ على أي أرض أكون اليوم ؟

هنا سادتي أيها الرّفاق ، أحدثكم من أدغال أمريكا الجنوبية ! هنا سادتي أحدثكم من مدينة رأس الأفعى)cancoun) !!!!من جمهورية المايا ...و أعني جمهورية الهنود الزّرق! لا فرق بينا و بينهم إلا بعض الجزئيات التي لن أتحدث عنها فما سأكتبه. كما عندهم كما عندنا لا فرق بينا و بينهم إلا بالصّبر...صبرهم قد يطول قرون و صبرنا قد نفذ منذ زمان لأننا نكتب اللّغة التي تتجاوز حدودنا.

جميل هذا الشاطئ إلى حد المبالغة، جلست إليه وحيدا، فكانت أمواج الحزن قد أبتلعتي ...أخذني حزن شديد لم أرى مثله من قبل ! لا أعرف كيف و متى و من أين جاء جيئ به .... لم يفارفني حتى كتابة هذه السّطور.....على ظفة الشاطئ رأيت الأستاذ عبد الله الزواري واقفا ...وحيدا ...ماشيا أحيانا ...رأيته كما أنا على ضفة المحيط ! هل تجسّد هذا الرّجل في موج البحر أما أنا المنفي نفسهه ...رأيته باكيا ، منفيا في بلاده ! لم أستطع أن أصدق هذا إلا عندما وقفت وحيدا فوق عذا الشاطئ ...أموج تنكسر من عنده على شاطئ حزني و أمواج من الحزن من تخرج من عندي لتزيده تشبثا بالحق و الفظيلة ...أبحزني أنشد الحقيقة؟ ... أغوص في الأرض و لم أعد لأرى أحدا من حولي و لا أستمع للموسيقى الصاّخبة...ورائي شارع من أغنى شوارع العالم ...لا ينام و لا يسكت ...صاخب ...متحرك ...يدور على أرحام و بأرحام النساء...كيف و لماذا ...شيئ سادتي لا بد من الخوض فيه حد النخاع حتى تعلمو إني أحدثكم عن جنة الديكاتاتروية التي هم بصدد صنعها على طول ألف و ستة مأئة كلومترات...

رأس الأفعي ، حقيقة هذه المدينة لا تكون إلا رأس الأفعى التي إلتفّت على كل شيئ لتجعل من شعوب العالم عبيدا لها و كأن بسّمها أصبح مخدّرا لهذه الرّجال و هذه النساء التي تهافت عليها من كل صوب و حدب ...نحن سادتي.... الهنود .... على أجسدنا تبنى هذه الأفعى حضارتها ...نحن هم الهنود اللّذين لا حول و لا قوة لهم أمام البنك العالمي و أمام رأس المال العابر للقارّات!!!!نحن اللّذين قدّمنا ابناءنا فدية لآفعى و جعلنا منها ربا يحمينا من كل أنواع الأمراض و من كل الأعاصير حتى !

عندما أخذنا من الغاب مخبأ لنا أصبحت الأفعى تمتد و تمدد لتحرق الغاب و تخترق الأدغال....لأننا لم نواجه ...لأننا كنا نعبث بأحلام أبنائنا و بناتنا...لأننا لم نعي من نحن ! عندما أصبح الأدمي كبش فداء ! عندما نتقرّب للرّب بذبح الأمل فينا و بذبح جيل بعد جيل ...كبرت الأفعى و اصبحت لا تخاف الأغبياء!

إقتربت زينب و كان كأس الشائ بين يديها ! لا أريد ...لا ...دعيني أمشي على البحر ! لا اريد أن أنزعج فأني بصدد خوض مغامرة أخرى ....حدّثني ...يا قاسم في ما تفكّر ؟ لا داعي لأن نتحدث ...إشربي الشاي و لا تتكلّمي....دعيني أمشي وحيدا لو سمحت !!!! سأمشي وراءك و الكأس بيدي إلى أن تخرج من هذه الدّوامة ...كل مرة تنزل للشاطئ..... تدخل في غيبوبة يا قاسم ..!!!!! أنت هنا لتستريح ...لتنسى قليلا ! لتجدد بعض الفكر ...لتنظر للعالم بعين أخرى !!! لماذا أنت تهتم إلا بالفقراء و العمال و المزارعين ! لماذا لا تهتم أيضا برؤوس الأموال ...هاؤلاء ، هم اللّذين يصنعون التاريخ ...هم اللّذين جعلو من هذه الأدغال جنة فوق الأرض!!! لو تسمحي زينب ...لا أود الحديث في هاذا الموضوع ! أعرف كيف أنك لا تريدين أن تضعي النقاط على الأحرف !!!! كيف بجنة و فيها العبيد ؟ هذه الجنة ! يا زينب صنعت ، أحدثت على ظهر العبيد ...على ظهورنا نحن الهنود !!!!!

رجعت زينب أدراجها للنّـــــــــــزل! سافر قاسم في حزنه
حزين ، جدا حزين ...تسافر أمواجي كل دقيقة من جديــــد

ترى هل فاتني شرف الكلام ؟ شرف الأقلام العابرة ؟ هل فاتني الميعاد؟ قلت أمام هذا الخليج ...سأكون في الحال و لو على جثتي !!!ألا أكتب إلا شرف الحقيقة و شرف المساجين و شرف كل العصافير المزقزقة حرية و كرامة !!! لا سأصمد إلى أبد الدّهر و لن يركع قلمي و إن فعل سأقسم ظهره مرّتين! هذا العالم ، هذا الشاطئ لا يسوى قطرة من دموع أمهات المساجين ... الدمعة بمحيط ...و الحرف يختلج ليصمم خليج الثقة و الأنفة...
قاسم لن يصالح ...و زينب لن تصالح و المحيط لن يصالح و السماء لن تصالح ...إلى أقلامكم يا أبناء وطني فأني رأيت الجنة كما تتصّورها كوادر ديكتاتورية الشابع من نوفمبر!!!!و لربما لن يصلو إليها و لو نطق الحمار بحرف القاف. لا تصّور لهم ، لا مشروع عندهم ، لا رأية لديهم سوى الغورة و الدّسيسة لأنهم بطبيعتهم فاشلون.

*

عرفتوشي علاش الهاشمي الحامدي سافر للسودان ! يا سيدي مشى يقرى في علم التّقازة ! دكتوراة دولة كاملة في التّقازة و بإمضاء بوعبد الله بوعبدالله ! شد جاك !

· الطيارة يا سي كورتي ...تحظر حــــــــالا ...و تعملاها دهنة خظراء!
· ما هو لاباس يا عرفي ...إشنوه باش إترجعها متع عسكر
· المهمة الجديدة الي عندنا ...راهي صعيبة ...باش إنعدو التوانسة الكل
· التعداد متع السّكان ...كيفاش باش تعملمو من فوق بالطيارة !
· وقت تكنولوجيا ....بالسكانير من فوق لفوق
· إشبيك يا عرفي ...التوانسة ما هومش علالش ؟
· حشاهم ...يا كورتي ...و لكن الميزانية ما تسمحش باش إنعدهم بالواحد بالواحد
· حاظر عرفي ....الطيارة إتكون حاضرة الصباح ...لكن كيفاش باش إتخرج التوانسة باش الكونسونتراسيون يخطفها السّكانيــــــــــــــــر؟
· أنا و سي عبد الله الزواري باش نستعملو الموبيلات من اللّوطة و إنت بالطيارة من فوق....و حل الطاسة متع مخـــــــــــــــك توه تفهم أش باش نعمل....الطيارة لزمها تحضر و الي باش نبعثهم إتركبهم الكــــــــــل بدون تعقيد
· حاظر سيدي!!!!!!!!!!!!!!!!!!

عبد الله الزواري إفلّــــــــس على موبيلات زرقاء و حاط قاجو أصفر من تالي فيه عنز مخنوقة إتعيــــــــــــــــط يا مصالحة إتعالي ....يا قاسم إتعالى ....قاسم واقف في وسط الشارع ....

· إحبــــــــــــــــــــاس ...على اليمبن ...شد الفرانات يا عبودة
· الســـــــــــــــــــــــلام عليكم !!!! إشنوه !!! باش إنخلّص الدوانة !
· لا لا لا يا سي عبد الله جمهورية قاسم الصّغيرة كملت !!!! وين ماشي ؟
· للســــــــــــــوق يا سي قاسم ...باش نبيع العنز !
· العنز متاعك معناتها ماشيه للباطوار ....إشبيها إتعيط يا مصالحة إيجي !
· ما فهمتش أش تقصد يا سي قاسم
· أشبيكم يا عبوده هازينكم للبطوار و إنتم إتنادو بالمصالحة ...على الموس في أرقابكم ما كومش باش تحشمو على أرواحكم !!!!!
· يا قاسم ...ما إتنجمش إتحسن الـــــلوغة حتى شوية ...إرحمو من في الأرض يرحمكم من في السماء
· تاخو فيها العناق خمسين دينـــــــــــــــــــــــار و تعطيها الحرية متاعها !
· أش تقصد يا سي قاسم ؟
· إدفعو كفالة !!!!!!!!!!!!!!!!!!!!!!(إه إه إه)
· موش كلام يا سي قاسم هــــــــــــــــــــذا ...أش حاجتك بالظبط ؟
· تخدم معايا ...في التعداد العام للسكـــــــــــــــــــــان !!!!!
· إتخلّصنــــــــــــــــــــــــــي .....( إه إه )
· أنا أنســـــــــــــوق الموبيلات .....! (قاسم)
· المهم ساعد ....هاذيك ساقيي و هاذيك إديه....
· باش إنشعل الضــــــــــــــــــوء يا سي عبد الله
· علاش !!!!!!!!!!!!!!
· أركب توه تعرف علاش

الموبيلات بدات إتفلس و سي عبد الله الزّواري راكب ورائي ...و شاد القلم باش إنعدو التوانسة الكل من بنزرت لبنقردان لـــــــــــــــتى موبيلات ( أشبيك تضحك !!!!!)
· أ هـــــــــــه ...الضوء يشعل يا سي قاسم !
· قيد يا سي عبد اللّه ...هذا القـــــــــــــــواد الأول متع الحاكم
· وين إنقيد يا سي قاسم ؟
· أعمل عامود للقوادة الكل ...و عامود للطاحنة ...و عامود للسّقاط و عامود لجماعة القفة ....و عامود لأولاد ( أش إقول فمي ) و عامود لجماعة عبد الله قش ....ما هم الكل توانسة ...ما هاذا هو التعداد العام للسكان ....أه زيد عامود للمصالحين الكل ....لجماعتكم يا عبد الله .....الي هبطو السراول ....لابس سبته إنت و إلا لا؟
· ديما متحزم يا سي قاسم ....و الله الخدمة معاك تعمل الكيف يا قسومة ...أسمع أنا باش نتربع على البورت باقاج ...و باش إنزيد إنشعل كان إلزم كانون و إطيبو التــــــــــــــــــــاي على الموبلات

الموبلات إتفلـــــــــــــــــــــس من بن قردان ماشين لبنزرت ....باش نبدو من بنزرت
موبلاتنا هذه كما بساط الرّيح ....أطير كي تيتانيك .....سي عبد الله الزّواري ناصب من تالي و إمتكـــــــــــي عامل جوه كبير و الجداول متع تعداد السكان متفرشها الكل

· سي عبد الله !!!!!
· إنعم سي قاسم ...ما هو لاباس ...الموبيلات تمشي مليح ...ما هي عجباتك
· تعمل ستة و ستين كيف ....حظرت جدول المصالحين ...إسمع يا سي عبد الله لازمنا إنعدوهم بالكعبة بالكعبة ...باش نبدو بيهم قبل الشعب التونسي ...
· ما هو على بعظو خير !!! نعملو مسح على الناس الكل ما نقعدوش إندورو عام كامل في البلاد
· علاش معجول أنت ؟ إلبرى في الحبس إلداخل في الحبس
· غلبتني يا قسومة ....إعمل الي في راسك ...المهم الحساب إكون صحيح
· شوف سي عبد الله نحن رجال المهمات الصعبة
· الجدول حاضر ...و كل مصالح هاني حظرتلو فيشه
· بسم الله و بالله .............................

سيدي بوزيد بلاصــــــــــــــــة ....سيدي بوزيد بلاصة ....بدينار الهندي ...بدينار السروال ...كل شي بدينــــــــــــــار

· و الله سوق في سيدي بوزيد ....يا سي عبد الله ...أشبيه هذاك شاد سروالو
· عندي الســـــــــّكر يا سي قاسم ....ما إنشوفش من بعيد...أقرب باش نعرفو
· الســــــــــــــــلام ( حبست الموبيلات )
· على سلامتكم ! و أش جابكم من هاك البـــــــــــــــــــــر !
· القدرة يا سي الهاشمي ...أشبيك أمطيح السروال
· أنا شوفير متع سي عبد الله الزوراري ....ما إتزيد معاية حتى كلمة
· تعرف يا قاسم السروال متع سي الهاشمي الحامدي جاه ضيق من عام 80
· صار غالط في السّـــــــــــــــروال من الأول
· لا لا لا سروالي جايني قد قد ...و لكن البلاد ناقصة روبافيكة قلت إنعاون بلادي يا سي عبد الله بالي أكتب ...حتى بسروال
· إي تقد عريان ياسي ....الهاشمي !!!!
· لا حياء في الديـــــــــــــــــــــــــــــــــــــن ...يا سي عبد الله
· شوفو يا جماعة ....خلوني نمشي إنصب الأيسانس و تو أنجيكم

الهاشمي الحامدي إحب إغوّل عبد الله الزواري ...تراش عندو من حشيش جايبو من السودان ...شعّل عويفية ...وبسمل و تحى و زكى ...قعد القرفصاء ...قعد معاه سي عبد الله كيف كيف

· إنت في أشكون أتصالح ؟
· أنصالح في صــــــــــــــــــالح
· صالح لن يصالح ...هذه حاجة معروفة \
· أشرب كويــــــــس ....أعمل شفطة ...مليحة و أفهم ...عندي وصفة المصالحة البارح إنشرتها على المحيط و الأنترنات ...وصفة جبتها من السودان ...صاحبك قاري علم التّــــــــــــــــــــكازة على إيدين ناس كبار ...و الناس يا سي عبد الله في الحبس منذ سنين ...و لازمنا إنحو السروال بالكامل باش يرضو علينا الجماعة و إسيبو الجماعة من الحبس ...يا سي عبد الله الغنوشي الله يهديه هو السّبب في ها المشاكل الكل !!!!
· و بعد المصالحة أش باش تلبس
· الي إيجــــــــــــــــــــــــي يا سي عبد الله ....نرضى بكل شي
· هندية ....أش قولك (قاسم) ...يا سي الهاشمي ...إسمع يا دكتور ...الطيارة تستنى فيك ...ماشيا للرّئيس ...تيتــــــــــــــــــــانيك تستنى فيك ...توه تخرج...طيارة خظراء ....تلقاها في مطار قفصة ...ما تطلع كان فيها
· شنية تيتانيك يا قاسم ( عبد الله)
· طيارة المصالحة ....الرّئيس حاجتــــــــــو بيهم
· ألبس سروالك يا سي الهاشمي ....و زيد في الوصفة متاعك ...شوطي كان جابلك راس ( عبد الله )

· أركب عبودة ....الموبيلات خاطفة و الأسانس ما عندناش ....

خرجت الموبلات من سيدي بوزيد و قالت بالسّنــــــــــــــــد...سي عبد الله إعمر في الأعمد متع تعداد السكان بالرّاقدة

· قداش وصل تعداد الحمير
· أش منهم يا سي قاسم ....ثمه المعيز كثرو في الرّبط هذا...
· برى سيدي إنشوفو القرية هذه قبل ما نوصلو

دخلت الموبلات للقرية ...و دارت بيها الأولاد الصّغار ...و بدات النساء أتزغرت و إتصّفق

· الحاكم جاء باش إعدنــــــــــــــــــــا ...الحاكم جاء باش إعدنا

وقفت الموبلات أمام منزل من منازل القرية الصّغيرة ...هبط سي عبد الله و الدوسيات الكل في إيده ...جات المرا !!!! قربت حاشمة ....
· إتفظلو ....زوزو ...هات شربة ماء للجماعة
· يا مرا ...أش سماك ربي
· ربيعة ....
· باش إنعدوكم ....اليوم ...ما هو ميسالش...قداش عندك أولاد
· عندي خمسة حشى عيونك يا سي عبد الله
· أتبرك الله
· أه أه يا سي عبد الله ...ثلاثة في الحبس ...و زوز طردوهم من الليسي
· بابا العيلة وينــــــــــــــنو
· طردوه من الخدمة ...يا سي عبد الله ...مشى إقلّع في الحجر
· علاش طردوه من الخدمة ....و علاش في الحبس
· خوانجي ...قالو عليه ....و الوليدات إرهابين ....و اللباس الطائفي كان السّبب في طتريد فاطمة و عائشة
· صالح لن يصالح .....قولي ....صالح لن سصالح ....كان جوك جماعة بعدي
· صالح لن يصالح ....عائشة لن تصالح ....و فاطمة لن تصالح ...و زينب لن تصالح

خرجت الموبلات ...من قدام الدّار ...و طاحت الدمعات من عيون سي عبد الله الزواري ...راجل في الخمسين ...ما أحر دمعاتو ....و ما أكبرهم ...كان دموع الرّجل تحرقني في ظهري ...كي القطران ...ما كلّمتوش ...و ما جيتش على حالو ...حاس بشئ أخر و كأنو هو المسؤول ...مسح الدمعات ...و قال

· يا قاسم ....أش عملنا ...شعلّي سيقارو يرحم ولديك
· الخدمة سي عبد الله ...لازمنا أرخو للشعب هذا ...المجزرة متاعو ...لازمنا إنعدو ضحايا الأرهاب و إنعلّموهم ...صالح لن يصالح ...سي عبد الله الشعوب العظيمة لازمها إتمــــــر بكل الأزمات حتى تفهم معنى المواطنة و الحرية و الكرامة ...سي عبد الله ...الشعب باش يقتدي بشكون بيـــــــــك و إلا بالي هبط السروال ...التاريخ ما يرحمش ...و الأبل على كبارها تسير.

· يا قاسم إنت بلا قلب ....الرّحمة ما عندكش !!!! ما سخفوكش الناس

· الهدف أنبل من أي مشاعر...الحياة ...صناعة الشعوب ما إتجيش بالأحاسيس و ما أتجيش بدق الحنك ....الناس لابد أنها تعرف أتضحي ...و تعرف تتعامل مع واقع القمع و الغورة و الفساد ...أحنا خدمتنا ...أنا أنرخو للأجيال القادمة و أنحلو البيبان أمامهم ...نعطوهم الأمل ...نعطوهم الصّبر ...نعطوهم سي عبد اللّه الحجر باش يبنـــــــــــو على أسس صحيحة المعركة متاعهم

· صالح لن يصالح ....زيد في الفيتاس ....

خرجت الموبيلان من القرية الصغيرة ...و خرجت وراها الأولاد الصغار هازين علم مكتوب عليه .....صالح لن يصالح و زينب لن تصالح ...مضاهرة سلمية كانت أثلجت قلب رفيقي و بطلي في نفس الوقت....

· عبوده ....لازمني نعمل تلفون لتــــــــــــــيتانيك !!!!!!
· لاباس يا سي قاسم
· ثم تكتيك ....فاتكم وقتو الي كنتو إتفيشو علينـــــــــــــا !!!!!!
· الصّبر ...ما إفوتك شيئ ! ...برى أعمل تليفونك يا سي قاسم ...هاهو باش نشري زوز كسكروتات ...باش إتحب بالتن و إلا بالدجاج

دخلت الكبينة متع التليفون ....شعلّت سيقارو ....و دورت النّيــــــمرو

· ألــــــــــــــو ....تيتــــــــــــــانيك....تيتانيك أجب
· ألو ...هنا كورتي ....قبطان تيتــــــــــــــــــــــانيك ..ألو
· أدهن الطيارة بالأبيض الناصع و صور عليها ...السيقل متع البوسطة
· شنوه ....يا خي دهان نخدم و إلا طيار
· تخدم حوكي و حرايري ....قتلك نفذ الأوامر و حــــــــــــــــــالا
· حاظر عرفي ....الموتير ديما يخدم.؟
· ديمه خـــــــــــــــدام ....و أنتظر الأوامر !
· تيتانيك ....أنتهى .....؟
· إنتهى

قعد سي عبد الله تحت الشجرة ، شعّل الكانون و حظّر الفطور

· شوف يا سي قاسم ...نفطرو ...نرتاحو شوية ...خوذ تعسيلة إنت
· و الله صواب ...تعسيلة تحت الشجرة تعمل ستة و ستين كيف

ملي حطيت راسي على التراب ...رقدت إتقول ميت ...النسمة الباردة خلاّتني نحلم بفيلم أخر ...حسيت باليد الطيبة متع سي عبد الله كيفاش نحـــــــــــى البلوزة متاعو و غطاني بيها ....طفى النار ....و رقدت و لأول مرة كما الطفل الصّغير.

*
سيدي بوزيد الكل، سمعت بالي الرّئيس بعث ببرقية لسي الهاشمي ! شنوه؟ باش أشنوه سي الهاشمي ماشي لقرطاج و طيارة تيتانبك تستنى فيه في مطار قفصة الدولي ...إسمع و أفزع ...البلاد شطرها في الحبس ...البوزيدية الكل شدو في الهاشمي و كل واحد جايب دوسي ولدو بين إيده باش سي الدكتور يعرضو على الرّئيس ! المصالحة باش تبدى بتسريح المساجين السياسين ...الناس الكل فهّمها سي التركتور الي الحكاية وفات و البلاد ولات أتقول بريطانيا ....الدّار متع سي الهاشمي الحامدي تملى و إتفرغ من الخلق ...عدّانهم توه ساهل ماهل !!!!!سي الهاشمي ما إنجمش يمشي للرّئيس فارغ ؟ كل واحد عندو سجين جاب علوش بوزيدي بو ماية كيلو ...حط و أربط في الكوري متع سي الهاشمي ....ولاشي مركانتي الرّاجل ...و حل في نفس النهار شركة توريد و تصدير لحوم البشر ...لحوم المساجين السياسين و إلا العلالش ...الله و رسوله أعلم ....

المصالحة متع الترّكتور ولات تجارة عين جهار ...الحاكم حاجتو بمصالحين كما الهاشمي باش يظرب عصفرين بحجرة وحدة !!!! الفلوس!!!! و قصان نفس المعارضة بكامله ...قلنا للمرزوقي من هوكا العام ...راهم باش يجبدو بيك اجلا أم عاجلا ....صلح الحديبية مازال خدام إلى يومنا هذا....... و لا واحد فيهم فاهمو على قاعدة ....شد عندك التكتيك و كيفاش الحاكم حاب إعرس بالنهضة مرة أخرى القحـبــــــة ما إتوب و الحجرة ما إتذوب....حل مخك و أفهم الظرب!!!! الخشلة الصحيحة و الي صارت هي قسم ظهر النهضة ...الشيئ هذا كان أمبرمج منذ زمان و أول من نادى بحل النهضة جملة و تفصيلا هي جمهورية قاسم حتى لا تكون التكنبينة هذه ضد الشعب التونسي ....و لكن هات إشكون يفهم ....توه الخريطة الجديدة واضحة ...النهضة إتقسمت على زوز ...مصالحين و موش مصالحين و هذا ربح للشعب التونسي و لكن الرّابح الكبير هو النضام في حد ذاتو .....التكتيك متع المصالحين شنوه في الواقع ....هو محاولة قسمة التجمع من الداخل متاعو و عزل الشق المتطرّف داخله !!!!!هذا كان جاو يفهمو شوية سياسة !!!! و لكن ما ظنيت عندهم التّكتيك هذا !!!!! بل بالعكس الكل إمهبطة السّراول متاعها للرّكبة .... هل يحصل هــــــــــــــذا، إنو التّجمع يتقسم : فريق مع المصالحين و فريق ضد ؟ ما هوش باش يحصل الشيئ هاذا لأن حسابات المصالحين متع النهضة حسابات متع مشعوذين ....لأنو إذا وصل التجمع باش يتقسم ...معناتها طاح الحزب بأكمله و....الغرب سيدعم هذا الحزب إلى حد الثورة علية و لا المصالحة معه.....حل مخك و أفهم ...النقاش بعد الثورة فقط ....هاشمي بابورك زمــــــــــــــــــــــر ...هات أش عندك !!!!!!!!!!



قاسم قاسم