رسالة جمهورية قاسم ألي الشعب التونسي

ألي أبطال الحركة الوطنية:

زكية الضيفاوي
فوزي للماس ومعمر عمايدي و عبد العزيز احمدي
وعبد السلام ذوادي وكمال بن عثمان ونزار شبيل

حكم الحاكم اليوم و قال كلمتو الأخيرة ! بسجن السّيدة الكريمة زكية الضيفاوي و بقية أساتذة التعليم الثانوي ، بتهمة الشغب في الطريق العام !!! بالطبع ظلما و بهتانا و أمام العالم أجمع ! و خاصة أمام الشعب التونسي الكل ! سبب محاكمة الناس هذه! هو إنهم واصلو النضال من أجل المطالبة بحقوقهم في المواطنة ! و الحكاية صارت في قفصة ! بالطبيعة المحاكمة هذه تعتبر محاكمة سياسية بحتة ! و حاب النضام إصفي الجماعة ! و يعزل مدينة قــفصة على تونس الكل !!! قانون فرّق تسد !!! ألي حد الأن إتوصل النضام باش إحاصر الجنوب الكل و خاصة الجنوب الغربي ألي معتبرو منــــــــــــاطق عسكرية منذ قديم الزّمان !!! و لا تونسي قادر باش إسافر لقفصة و لا يخرج منها ! الحاكم خايف لا تنتشـــر المضاهرات في البلاد الكل. و إدور عليه الحكاية ...كما كل مرّة.

أحداث الحوض المنجمي ، عرّفتا على خلل كبير ياسر و خطير في نفس الوقت ! ألي هـــــــو النسيج الأجتماعي التونسي ! لم يعد منه. قبل 87 ‘ أي حاجة إتصير في الجنوب و إلا في الشمال ! تونس الكل تاقف مع بعضها ! اليوم الشيئ هذا ما عاش موجود ؟ علاش ؟ الجواب ساهل : الشعب التونسي محاصر بكامله و في كل المدن بأكثر من 180 ألف بوليس . هذا واحد ! إثـــنين الشعب التونسي فقد المرجعيات متاعو و أقصد النضالية !!! ألكلها في الحبس و إلا في النفــيّ ! و أي نوارة تطلع في البلاد و في أي مجـــــــال يحصدها بن علي و التجّوع إحش العروق متاعها جملة ...لذلك إنــشوفو كيفاش الدّم التونسي المناضل ما عاش قادر على التجّدد الطبيعي متاعو ...بل و في بعض الأحيان : لازمنا نصبرو بعشرات السنين باش يطــلع واحد صحيح . بلاد عقرت في جرّة الشابع من نوفمبر العــقيم .
أشنوه الحل ؟ في قفصة ، في الرّديف ، في بنزرت ، في سيدي بوزيد، في القصرين : المدن هذه ألكلها محاصرة بالجيش و الحرس و البلويس!!! أش نعملو أحنا كتوانــسة باش إنجمو فكو الحصار الأعلامي و العسكري على المناطق هذه ، ألي وقفت وقفة رجولية أمام نضام الشابع من نوفمبر و قاتلو لا لا لا و ألف لا.

شوفو كيفاش و هذه الخطة متع جمهورية قاسم :
أي معركة سياسية لازمها إتصير في العاصمة ! و في قلب العاصمة بالضبط ! لا غيرها . إذا المطلوب منكم شيبــا و شــبابا : الهبوط لتونس العاصمة في قلب رمضان ! القـــــــــــــواطن متاعكم ! و نادو بشارع الحبيب بورقيبة ! إعتصمو أمام وزارة الدّأخلية ...و طالبو بتسريح أولادكم أولا و ثانيا بالعفو التشريعي العام !!! و ثالثا برحيــــــــــل الدكتاتورية . إنكّدلكم ألي شطر البوليس و الحرس و الجيش إيجي معاكم ...الناس هذيكه فادة من بن علي و الطرابلسية أكثر منكــــــــــم.
الشعب التونسي أولي مجبور عليه باش يخـــــــــــرج و ياقف ضد الدّباب و ضد التجّوع و ضد كل المنافقين .
إتوكلو على ربي و كل مــــــــــرّة زرفو : قيـــطون في النقل الرّيفي ! و العاصمة في إنتضاركم ...يا أبطال الشعب التونسي .

قاسم يبلّغم السلام !!!
و ألي حين
قاسم قاسم

لا تفاوض ،لا تصالح

لن أتردد أبدا في ظرب أي قلم ، فكّر لو دقيقة واحدة في التراجع أو في التخلي عن مشروع : ديمومة الحرية و الكرامة للشعب التونسي...هذه أخر معركة أخوضها و لا أخرى بعدها لنتهي بمفهوم العشوائية السياسية و بالدكتاتورية في نفس الوقت. إما أجلا و إما عاجلا ، أقسمت أن أنتصر و سأنتصر و لن يقف أمامي و لو أبتي حتى أكتشف عالم الحرية كما كتبته . لا يوجد عندي مفهوم ( إلى الوراء) ...دائما إلى الأمام ...حتى تستقر الرّصاصة التي كتبتها بيدي إما في ظهري و إما في رأسي، عندها سادتي تستطعون أن تكتبو على ظهري ( مات هنا)


1- اليوم قلت نمشي نعمل دورة في المتحف أنا و زينب...من عادتي وين إنزور مدينة جديدة نمشي إنشوف المعالم الأثرية متاعها...في الباب يا جماعة ، عرضتني لوحة أقريب باش تتكلّم، شوفت لزينب و قلتها ، عندكشي تعليق على ها الهم؟ قاتلي: إشتهرت مدينة قصر هلال بصناعة الشاشية !!! و نتفلق بالضحك و قلتلها ، هي يزي من الثقافة اليوم ...ذكرتني بأوجاعي و موش لازم باش إتخليني إنقارن بين ها العجب و بين كابّوس سي الطبيب متع التجّوع...الرّاجل ما يصلح كان إحطوه في الأرشيف الوطني. التجوّع ما عاد عندو حتى شيئ !!! كان حاجة واحدة يحكي بيها ، الحجاب و الخمار و الكبابيس و البرانيس، إتقول حزب متع ربافيكة. باش إتجي للصحيح جماعتو الكل عندهم أفكار متع ربافيكة. ماك طبيب ، موش أحسن كان تحكي على حاجة تفهمها و أتوضح للناس تصورك للحالة العاقر الي وصلتلها البلاد؟ أمدخلك روحك في حكايات لاك إنت فاهمها و لا مقتنع بيها حتى.
2- التجوع ما عندو حتى شيئ إنجم يدخل بيه في الحياة السياسية التونسية ، كان حاجة واحدة ، هي الخمار و الكلاسن و السترينقات: ثقافة الناس هذه ، ثقافة روبافيكة و باش إورة أرواحهم للعالم ، يجبدو في الحكايات البيدوتة كما حكاية الطبيب الي حاب إدبر علينا أش لازمنا نلبسو و أش لازمنا إطيشو...أتصورو الي الرّاجل إربط التقدم بالخمار ! توه لوغة هذه ؟ على حسابه ، ما متقدمين في تونس كان الي لابسين كشاكر حمر و بلا بيهم عجلة التاريخ باش تاقف بل بالعكس باش إتولي تمشي إلتالي...لوغة فارغة و حديث إقرّف. كان إمشاو الناس هاذي إيبيعو في الدّبش متاهم أحسن من إنهم يتحدثو بلغة لا فيها لا راس لا ساس. و هاهي النساء الكل في تونس إتحب أتغطي شعورتها ! إدبر عليهم سيادتك ؟ و أش دخلك في الحريات الشخصية متع مرأة الطاهر الحداد؟
3- لا حكي على تعليم و لا على صحة و لا على نقل و لا على مواصلات ، راسو راس النساء و أش باش تلبس و أش باش تعمل في ديارها و قالك منظر متع حزب. الحزب هاذا فرغ و ماعاد يصلح لحتى شيئ ...حزب بلا فكر بلا دماغات بلا مشروع، يحكم في البلاد بالحديد و النار لا أكثر و لا اقل. ناسو إتبع في فلان و فولان و لا هو قادر لا باش يدخل في حوار صحيح و جاد و لا هوقادر باش حتى ناقش مشروع واحد.
4- القنطرة الي طاحت ما إجبدش عليها...جملة و تفصيلا ؟ ما قالش علاش ولات القناطر إطيح و السيسان إلكلها خاربة و الأسواق طيايحة كي البطاطة فوق روص العباد. ما جبدشي على الرّشوة الي طيحت القنطرة و الوزارة الخامرة الي المهندسن متاعها ما يعرفوش حتى يحسبو قداش لازمها من سمان...الشيئ هاذاك ما غنجمش يحكي عليها لأنو متورط هو نفسو في الفساد المالي و في فساد التعليم و في فساد المشاريع...لوغة جديدة يحكي بيها التجمع وقت الي ما لقى وين باش إسيب الفشل السياسي و الأجتماعي و الثقافي متاعو.
5- الرّاجل ما هوش عارف الي طيحان القنطرة يعني في السياسة سقوط بن على و التجمع و الحكومة مرّة واحدة ...سقوط القنطرة يعني سقوط الدكتاتورية ...و الرّجل فاهم مليح الي العرس متع القنطرة هذه و أعني بيها الحكم هو الخمار و المرأة...عاد حاب أقول سياسيا الي الدكتاتورية التونسية ما إتنجم تحكم إلا بالخمار و بالكلاسن و الي شادهم اليوم في الحكم هو العداء متاعهم الواضح لأسلام و الشعب التونسي باش إصفقولو أسيادو ...المهم الطبيب قالو إحكي كان على البيعات الفارغة ، أما تجبد على الأسباب الي خلاّت القنطرة إطيح ما إتمسهاش و لا إتجي على حالها. العرس متع الحكم متاعنا راهو الخمار و الرّبافيكة ...من هنا إنشوفو كيفاش التجوع يتحاشى الدخول في أي نقاش صحيح و في أي تصور واقعي إنما عندو سلاح واحد ...المرأة التونسية الي عاملها كي الدربوكة. وين إحس بالخطر و إحس الي الزمان فاتو و ما عاد عابي بيه حتى حد ..يجبد من جيبو كلمة الحداثة و التطور و في الواقع الشيئ هاذا إفوتو جملة و تفصيلا و لكن إحب إعقد المسألة بدون سبب يذكر...المهم في النفاق و الأبتعاد على المسائل الصحيحة و المسائل الي إتمس المواطن التونسي من تعليم و صحة و ثقافة.
6- التجمع أختص في حاجة هي faux débat من نفهمو علاش الطبيب يحكي على الكلاسين و على البرانيس و على كل شيئ كا الصحيح. بلا خمار يستحيل إنو التجمع يلقى إنصار و يستحيل إنو إواجه حتى مع أقل واحد مثقففي تونسي...سياسة الخوف على البلايس الي إمدخلها في البلاد هي السبب الي خلاتو كي الكريطة بعجل منقوبة...الشي الي إنشوفو اليوم ، هو أنو ها المكينة الفاسدة و الي إمفسدة البالاد الكل لازمها تتكسر و تتحط في الفوراي...كيفاش ؟ ساهلة الحكاية هذه و ما هيش صعيبة...لازم أنو التوانسة إقاطعو التجمع في كل شيئ في كل الهياكل متاعو و خاصة الشعب في القرى و الأرياف...مقاطعة إقتصادية و إجتماعية و ثقافية ...التوانسة لازمهم ما يتعملوش مع ناس إتهز في القفة و لابسة كشكور احمر. حتى صباح الخير لا ؟
7- التجمع ...أوصل حتى باش إطرد المسرحين و السنمائين و حاب يدخل عبر بعض الوجوه في ثقافة السترينق و ثقافة القمار على الشاشة الكبيرة. ماشي في بالو الي في تونس ما ثماش ناس قادرة باش إتوقفو عند حدو ...ثقافة فاطمة بوساحة هذه هي ثقافة التجمع و لا أكثر منها و لا أقل منها. شيئ أخر ما إنجمج يفهمو واحد دخل في التجوع من أجل خبزة و إلا رخصة لواج.

قاسم قاسم

صـــــــالح لن يصالح

السلام عليكم


سبب التّخلف إمتاعنــــــــــا هي الدّولة التونسية ! و خاصة التجّوع و ما سبقه من جواعة !
من نهار الي عملو قانون التّعاضد إلى يومنا هذا و هوما ينهبو في البلاد ، !اخر شيئ قـــــــــــــالو نعملو الصّخصة متع تونس! و صخصخها ما خلو حــــد ما وصلوش الكلاط ! ناس لا علم لا دراية من الحمارة للطيارة ! بلاد شدّوها قبيلة بني هلال جبوها حصيدة ! ما لا مازال الأرض هذيك إطّلع شعيرة و إلا قمحة ! أبدا لا!

إش بيـــــنا في أمريكا إشدو الصّ على الكيران ! أش بينا إنقّرو في أمريكا ! أش بينا نكتبو و إناقشو ! و ننشرو و كل شيئ نعملوه و ما ثماش حكاية أمن الدّولة هذه كان في هاكي الخربة الي ظاقت بناسها و بأهلها ! أش بينا في أوربــــــا ، نحترمو الناس و تحترمنا ! أش بينا نصنعو في الكراهب في ألمانيا و أش بينا نفهمو في فرنسا ! و في تونس و العياذ بالله و كأن الواحد ظربوه على إيديه ! الواضح الشيئ هاذا من الحكومة موش موش الشعب ! أش بينا في اليابان و ما أدراك نفهمو في العلم و نخدمو في تونس الواحد إتقول ظربوه على راسو بالفاس ، الواضح و السبب الأول و الأخير هي ها الحكومة المتخلّفة المتعجرفة المتصابية الي ما عندهاش ثيقة في روحها !

بما أنا الناس فهمت الي ما عاد ثمة طريقة للكسب السّريع و الربح السريع كان الأدارة التونسية و بالتالي الحكومة هذه إذا الجماعة هاذوم حاسبينها بقرة يحلبو فيها دم أحمر ! كان جاو الناس هذه تفهم و عندها ما إتقول في أرواحها راهم حلو معامل و جابو المستثمرين لبلادهم ! لا أبدا لأنهم ما يعرفو شــــــي لا علم و لا ثقافة و لا صناعة و لا فلاحة بل باندية ! يعرفو القتل و التهجير و التعذيب و إتفننو في القمع و القهر و إغتصاب الأراضي و حطان إيديهم على أموال الشعب التونسي ! قالك عندهم التّجربة في الحكم ! قالك ناس متع بوفوار ! هاذوم ما إجـــــــــــو كان قلاّبة ! و ما عندهم حتى تجربة و لكن برشة جماعة قراب من العساسة و طيارات في دقان الحنك إزكــــــــــو و إتحو بيهم نهار و مطولو ...! و نازلين ذراع في المعارضة و في المساجين و في الناس الي إتهجرت ! قالك ما يفهموش ! و ما يعرفوش ! إنعم المعارضة ما عندهاش التجربة في القمع و الأرهاب و ما عندهاس التجربة في الترفيك و دقان البيدق ...و ما حجتهاش بجماعة لا تندب لا إتشد الطفلة!

المعارضة راهي ماهيش جاية تخطب فيكـــم باش إتجو معاها لا لا أبدا ...الشكارة و البحر و الأيام بيننا ...ثم مواطن صالح مازال ما هوش معارض هو ! أبدا ...العشرة مليون متع الشعب التونسي معارض و ما هذه الناس الي تكتب كان إتخلّصت نهائيــــــا من العقد و الكلام الخشبي ! قالي واحد يترجى فيّ: يا قاسم سايسنـــــــا و ساعدنا باش الناس إتجي معاكم ! لا يا بابا ما حاجتيش بيك و لا بجماعتك ! تتحمل مسؤوليتك ...و إسمع يا تنظّم للمجموعة الوطنية المناظلة و إطالب بالحرية و بالكرامة يا الشكارة و البحر ..قالي لازم إتكون عندك إستراتجية خطاب و بعد نظر كبير باش الناس تاقف معاكم ! لا ما حاجتيش باش ياقف معاي حد واحد ! أنا نعرف في إشكون إنكلّم و نعرف لشكون نكتب ....على الحبلين ما ثماش ...يا إمعاهم يا إمعنا ! الي ما هوش في جمهورية قاسم معناتها ضدّهــــــــــــــا ! توه نصنعولك خاتم على قد صبعك ! توه نبعثولك إستدعاء باش إتجي في الطيارة و إطالب بالحرية و بالكرامة متاعك ...قتلك الشكارة و البحر ...و كان العشرة مليون ضد الحرية و الكرامة نبقى وحدي في المعارضة بكل أطيافيها !

برنامج حداثي كبير يحكي عليه برهان الخسيس ! إنعم ! إحبها ! حمص و زبيب ! إحبها الماء على البطيخ ! إحبها حداثة و بالسوري و في واقع الأمر يمدح في القمع و في الأرهاب و في الغورة و في الصّخصخة و في الكذب و النفاق ! شنوه المشروع الحداثي متعك ! فاش يتلخصّ ! في الرّئاسة مدى الحياة ! في خلق عدو وهمي ! بالك في الميني جيــــــــــــب متع الدكتورة ! بالك في صالونات الحجامة ! شنية الحداثة خارج الحرية الكاملة و التامة ! تلبس برنوس و إلا حتى تمشي عريانة ! إهمني أنا هـــــــــــــذا ! لا أبدا يا سي برهان الخسيس ! ماكش قادر حتى باش تقنع حارة و كعبة ! تقنع في روحك فلسفة ما عاد إتجد كان على ناس تكذب على أرواحها !

حكومتنا كبيرة ياسر ! الحاكم تلقاه في كل بلاصة ! الراّجل حاط يـــــــــدو في جيب العباد ! راقد معاهم ! يخدم معاهم ! المواطن التونسي ولـــــــــى إعشعش في الحاكم و يخدم و يعطيه باش يقمعو و يظربو و إهجر أولادو ! الحكومة هاذي لازمها الزّبــــــــــران ! و إظفارها لازمها أطير بالواحد بالواحد ! شنوه حكومة أكبر من حكمومة اليابان ! أتقول علينا في حرب ! على كل اربعة من الناس عســــــــــــــــاس ! الحكومة هذه لازم الشطر متاعها إطير ! تونس ما هيش بلاد تتحمـــــــــــل ها الجسم الرّزين بلا عقل بلا مخ بلا حتى شيئ !

عندي قداش في أمريكا الحاكم ما ريتوش ! بالاّزمة يا الحاكم في أمريـــــــــــكا لا تلقاه و إتقول موش هوني ...الجمعيات ! المؤسسات الكلّها أهلية ...الناس إدور فيها ! أمريكا يا جماعة إدور بلا حكومة من الداّخـــــــــــــــل ! الناس يسمعو بيها في وقت الأنتخابات ! المواطن العادي ما إحسش بالمراقبة و لا بالثقل متع ها الجهاز الي إدور في الحاكم ! عندنا ...أتقول الواحد هاز على ظهرو ماية كيلو ...التونسي ملي يخلق متهم ! حتى ليل يثبت عليه إنتمائو للمعارضة و نهارتها أولي غصبا عنو متّهم بالأرهاب ! هذه دولة و إلا سلطة تابعة للغرب إتراقب فينا إتقول موش على أرضنا !!!!!!!!!

بالك واحد من الجواعة جايب حاجة من دار بـــــوه ! بالك جابو حاجة للشعب التونسي ! أبدا بفلوس الشعب التونسي الي ينهبو فيها يشرو في السلاح باش يظربونا بيه ! قالك عمل و عمل و البلاد أدور ! ! ! أدور علاش ! البلاد واكلة بعظها و الطّحانة أتقول البلاد إتدور !!!! أدور على الحديد الأبردي ...إدور في الفارغ ! وينهم المعامل الي إعملتوها ؟ وينهم المشاريع الي نجحتوها ! إشكون الي جاء لتونس ؟ في خمسة و عشرين سنة من القمع ! قالك عمل و عمل و عمل ! كيــــــــــــــــــاس ! ثنية عربي ! هذا مشروع كبير إتسموه ! ناس محدودة في أمخاها تعرف كان الطّبالة و الدّربوكة !

و تسقط قرطاج للمرّة الألف
و البلوق ديمة خــــــــــدام !

قاسم قاسم