شبعة نوفمبر جديدة

إذا ما الصّديق رعاك تكلّفا...فأتركه و لا تكثر عليه التّأسف
يأ أسفي على الدّنيا أن لم يكن لك فيها...صديق صدوق صادق الوعد منصفا

بن علي ما عاش قاد روحو ...و في بالي البلاد دخلت نهائيا في مرحلة
Conflit de pouvoir
و حتى شيئ ما هوش قادر باش إوقف ها الدّمار الشامل ، إلا عسى ربّك
هنا بالضبط ، إنحب إحذّر أي مغامر سياسي إنو إقوم بإنقلاب، راني باش إنجي ضدو و لو كان أصدق الصّادقين
خلّوها تمشي هكاكه حتى إطيح جملة ...لا تنقيح ينفع و لا تلقيح و لا عملية جراحية
و لا حتى إستأصال الورم ...
لازمكم إتسّندو البلاد على جنبها الأيمين و تقرو الفاتحة !!!!
أي عملية إنقاذ لبن علي و عصابتو يعني تجديد الدكتاتورية و من أنذر فقد أعذر
سبعة نوفمبر جديدة راهي مصيبة أخرى
أتسع من هذه
سنرى من ينتصر سيفك ! يا ولدي! أم قلم الرّصاص

جمعة توه على الأرض و لا فاكس! و لا مايل من تيتانيك. المركبة الفضائية ، أنضنها ضاعت بين الثقب السوداء في عالم الفضاء! أنا خايف على الطيارة موش على الي فيها. أول مركبة فضائية من صناعة الفضاء السياسي التونسي لازمها تلقى orbite متاعها و إتشد بلاسطها و إدور كما المراكب الكل متع العالم. خايف تنقصشي قطعة و إلا حاجة، إطيح على دولة من الدّول إتراسلنا في حرب أحنا ما ناش مستعدين ليها و لا عندنا حتى باش.
هوما حارة و كعبة في جبل الرّصاص شعرة وحدة لا جابوه إلبره، حتى كانهم موش دي بروفسيونال، البلاد ليوم هاذا في حالة إستنفار قصوى. إتصّورو الجماعة هذاهم جات عندهم خبرة سياسية و لوجستكية و كان على راس العصبابة قسومة بن قسومة! باللذي لا ألاه إلا هو ، لا دخل وزير غدوه يخدم ، كان حكومة كاملة إنحلّها فصلا فصلا. و العملية عمرها ما جدت علّيه ، تراكيفاش الحكاية ما هيش راكبة في راسي ! توه الي إحب يعمل إنقلاب في تونس ما هو إشاور و إلا يقرى كيفاش إتصير الحكايات هذه؟ موش كما ها الجماعة الي إنضن الي الحاكم عندو إيد فيهم اكثر من أمخاخهم. توه كيفاش العركة الكل إتصير في دار معزولة على الأخرين و كأنهم حمير و كانهم ما يعرفوش حتى يتخباوه! لغة هذه أتجد على قاسم، يستحيل!!!!الحكاية فيها واو، و ال version متع الحاكم ما هيش صحيحة ...إنقلاب يا سي كورتي ...؟؟؟؟موش جادة علية الحكاية هذه ، العملية هذه مدبرة ماية في الماية باش نظام الشابع من نوفمبر إيبيع شوية إرهاب و إقول هاكوم أتشوفو كيفاش النضام مهدد من المجرمين و الأرهابين....يا كورتي يا سيدي الحاكم هذا أحطر في الأستعمار...
توه الأسطول السادس الأمريكي أش يعمل في حلق الواد؟ كان ماهوش قاعد أهدد راهو إدبر في حاجة أخري و القطايع البحرية الفرنساوية و الأخرى الأيطالية ، ألكلّها ناقصة قطايع ، فاسدة في حلق الواد، زعمة ما نفهموش أحنا لغة الديبلوماسية ...لا لا يا راجل ...البلاد تحت حصار كبير متع الدّول الكبيرة و الحكومة لازمها إتبع الأوامر بالحرف ...و إشكون إخلّص على الجماعة ...الحمير يا سي كورتي ! و أش عندنا منهم ...حشى حمار جمهورية قاسم الهيليكوبتر ...بلا بيه موش جمهورية!

برى أنشوفو سي كورتي أش ناقص البلاد من فول و كاكوية و حمص و سكر و طماطم و تليفونات و عينك يا سي كورتي ما شافت البلى!!!! شد الصحيح و عينك على تيتانيك و أعطيني الأخبار متاعها في الحين ...تبع على قوقل وين ماشية المركبة و اعطيني ال trajectoire متاعها ...راهي غالية و أمتكلّفه ببرشة فلوس يعلم علي الخالق كيفاش عملتهم بعرق الجبين ، يا عرفي هاهي توه أدور فوق البرازيل ...كي توصل أطير فوقنا ...بربي أبعث ل pilote رسالة قولو فيها : إساعد على المكينة و يبعد على الحجر و الهندي و ما ضابية يبعد على الثنايه العربي.!

يا عرفي بالله سامحني في سوهال؟ قلت الي الأنقلابات ما إجوش هـــــك ، إملا كيفاش إيجو؟ إتحب نكتبو إنقلاب ...ما ثماش ما أسهل منو !!! و إنزيدوه أية و حديث أنجيبو خليقة ، يا سي كورتي هاهو يفاش لازم إيجي الأنقلاب ...و موش لازمو مائات الألوفات : عشرة من الناس يكفو .

واحد في محطة اللّوجات ، أسكرها مسدس واحد ، باش حتى لواج ما تخرج متجهة للجنوب . الترينو ما إتخافش عليه ما عندو وين يوصل، المحطة خليها تخدم كما العادة، كان الناس متع الشيمان دي فير يصلحو راهم صلحو في وقت الباي و خزندار هاك المشوم. في بالك يا سي كورتي تونس أحتلّتها فرانسا على خاطر الخط متع الشيمان دي فار TGM كان الباي إوذانو كبار و سي خزندار يسرق في الدولة كما إتشوف توه...البلاد من إزمة لأزمة و زيد عليها العائلة متع الأمراء ، كما توه بالضبط بالعربي ما إتغير شي من عهد الباي ...ليل جاو الفرنسيس و قالو نعملو commission financière طلّعو الحاكم سارق و خزندار أكبرهم ، أي علي بابا. خزندار قاعد إلى يومنا هذا...هذه حكاية الشيمان دي فار.

في الوقت هذا ، زوز من ناس إشدو وزارة المواصلات باش إقصو التيليفونات الكل المحمول و الفيكس ، بالعربي تحبس الدّوه شوية و يرتاحو التوانسة من الجغ مغ شوية لمدة ثلاثة ساعة ...جماعة وزارة المواصلات ما إخوفوش، إشطرها تستنى وقتاش إصير إنقلاب خفيف إنضيف.

قلنا واحد في محطة اللّوجات ، ثنين في وزارة المواصلات.... وين ثمه les serveurs . مازالو شبعة ، الله إيفكنا من شبعة نوفمبر !!!! باهي الأذاعة و التلفزة أتقول إنت.!!!! لا أنا إنقولك لا ؟ إذاعة شبعة نوفمبر ما عاد يسمع فيها حد و ما وجودها كان باش إبعدو الشبها على موضوع الكومنيكاسيون في تونس ...لازمك محطة صغيرة radio amateur و أتفك الذّبذبة متع البّث، ساهلة كي وذني ّّ!!!!!4 من الناس إشدو : قاعة العمليات متع وزارة الدّاخلية و ثلاثة وزارة الدّفاع ...و المبات في سيدي الهاني...إنقلاب يعمل ستة و ستين كيف و ما أسهلش منــــو طريقة! كانت على وزارة الدّاخلية إشطرها في المعارضة ، و كاننك على الدّفاع الجيش التونسي هو قلب المعارضة النابض....Les officiers de la république de kacem تلقاهم في كل بلاسة يا سي كورتي ..في أقل ولاية و في أقل أدارة من جمهورية الطرطرة متع الشابع من نوفمبر

و لكن شوف يا كورتي ! في تونس ما عاد باش إصير حتى أنقلاب و كان صار راهو ماهوش باش ينجح أبدا ...تعرفشي علاش!!!لأنو اليوم ثمة معارضة صحيحة ، إنعم ربما برشة ناس ما هيش فاهمه البولتيك مليح و لكن في الواقع ، المعارضة التونسية خذات الهف على النضام! و ماعاش قادر حتى أنسان باش خيط في أبرة كان ما يقرى حساب ها الجرائد الألكترونية كما تونزين و كما نواة و كما الحوار و كما تونسنيوز ...اليوم ثمه برشة اقلام صامدة و ما تلعبش و قادرة باش إدورها لأي واحد مغامر ......ما لا علاش أعطيت السيناريو متع الأنقلاب ؟

يا كورتي ....السيناريو هذا كتبناه باش ما أصيريش و أكثر من ذلك حتى إنحو و إفسخو كل ما هو tabou في السياسة ...الفكرة متاعي يا سي كورتي ...في الأساس تتمحور حول تبسيط المفاهيم و تقريب مفهوم الحكم le pouvoir من الشعب التونسي ...الشعب هاذا مازال يعتقد أنو الرّئيس أتقول رسول و أنو ما يتمسّش و مازال متعديه على برشة ناس الزّندقة متع جماعة الشعب و جماعة المافيا....الناس ما زال خايفة ترعش أنها تتكلّم على حقوقها ، لأنهم يعتقدو بأن الرّئيس و إلا ها الوزراء ما إنجمهم حد و بلا بيهم الأرض ما عاش إدور....

يزي من المشي با قاسم راني إتعبت !!!!أش عندك من حديث !!!نصنع في الحديث ، أنا يا سي المدير باش أنموت نحكي ..لأخر نفس ...ثم حاجه ما قتلكش عليها و ما فسرتهالكشي ! شفت كيفاش الشوارع في تونس مازالت ضيقة !!!! إتحس بيها و إلا لا؟ أنا أنشوف و كان البلاد إضياقت ، إنحسها صغيرة ، عندي ضيق النفس في البلاد! تعرفي علاش؟ لآنو الحاكم التونسي مخو ضيق ما عندوش وين إدور الريح ! ما إنجم il ne peut opérer كان في حلقة صغيرة ياسر ...أذا كان تكبار عليه شوية إضيع ...هاذك علاش اليوم المعارضة بكل المساوي أمتاعها رابحة ماية في المية النضام العاجز هذا!!!المعارضة أتوصّلت إلى إنها أتحـــــل عدة جبهات في نفس الوقت ، بالعربي وسّعت الفضاء السياسي ...و هذاك علاش ضاع بن علــــــي و ما عاش قادر باش إواصل في الأختيارات متاعو الي ان هو نفسو ولى أشك فيها ....هنا سي كورتي يفشل أي إنقلاب و يفشل اي تبديل محوري حتى من داخل النضام بأيدو ....L’objective متاعي أنا شخصيا أنــــــو أنوصل النضام إلى حجمو الحقيقي ، بالضغط عليه و خاصة خارجيا بفضحو على الصعيد الداخلي ...كل النضام إيزيد يصغار و et l’espace d’opération se rétrécit كل كانت تونس جاهزة لعملية الأخضاب ...بالعربية الشي الي إنفسرلك فيها هو الأتي و هو محور التغير الصحيح في المفهوم التونسي : تخصيب بيضة النضام بمعارضة قوية ، قادرة أتولد جنين ديمقراطي ، يقود ثورة هادئة : هنا حقيقة جمهورية قاسم. حتى بيولوجيا ، لا أخضاب دون ضغط ، و الضغط هو المحرّك الأساسي للجمهورية و دواليبها و رغم أنف بن على و رغم انف الشابع من نوفمبر و رغم أنف المعارضة ....إذا ...معارض كيفما كنت و أينما كنت وجب عليك ممارسة الضغط ....ما سبب إذا تأخير عملية الأخصاب في تونس ...الجواب سهل : المعارضة تعاني من زوز حاجات : الأولى الحسابات الغالطة باش إتمارس الضغط و لذلك les forces أمرو بعملية atténuation قوية و تتلاشي الأفكار....ثانيا ألأختصاص : في المعارضة ثمه عديد الختصاصات و لكن موش كل واحد لهي بسكتار معين ، إنما شكشوكة ...ثم تسابق بين المعارضين خلى الأمور إتسير إلى الأجهاض......

أي نعملو قهوة يا سي قاسم !!!!! حاضر سيدي ! ما جاش فاكس من تيتانيك ...مازال ما إوصلني شيئ! قريب باش تيتانيك تتعدى فوق تونس ...!!!!!! مازالو ثلاثة سويعات ...بره نعملو دورة في نهج قرطاج.........أه يا كورتي يا صوبة تعرف اش أقول الأيمام الشافعي رضي الله عنه:

نعيب زماننا و العيب فينا ....و ما لزماننا عيب سوانا
ونهجو هذا الرمان بغير عيب.....و لو نطق الزّمان لما هجانا
و ليس الذّئب يأكل لحم ذئب....و يأكل بعضنا البعض عيانا.

قاسم قاسم