الجربــوع

جمهورية قاسم
تقدّم بيق تراب بوي
في الشريط السنمائي الطويل
الجربوع

الأهداء لمصباح بن جربوع
لزكية الضفاوي
-4-
· قالها و حصل : بيق تراب بوي !!! مصباح بن جربوع ؟ و لا عظم قعد فيه صحيح ؟ أش لاز حمّه إفيق بكري ؟ و أش إمدخل حمّه في ها الشكشوكة ؟ حكومة و طرابلسية و بن علي و يسار و يمين و معارضة ؟ عملة و عملتها بروحي ، بره فكني من ها الحكاية و إنكلّم جربع ، إنقولو إنفدلك عليه ، راني لا نتكلّم لا بأسم الطرابلسية و لا بأسم الحزب و لا بأسم على و إلا صالح !!!!! و سيّب عليك من الحكاية هذه جملة .
· قاعد كي وصل ! حط الكرهبة في القراج ! خذى التلفون و باش يطلب عاشور ناجي ، جربع متاعنا ....قبل ما إنوقز عند المستشار ! تتبدّل في مخو الحكاية الكل ! و إقول نصدم على العملة و ألي باش إصير خلي إصير ...ما هي أخرتها حبس و إلا موت !!! ز عمة !
· ماية خوانجي مصالح مشكلة هذه !!! و علاش لا ؟ ما إدربهومشي اليوم قبل غدوة ! حكاكيتهم سالهلة و قادر حتى باش نقنعهم ...و حتى كان أمشو هوما زيزي ، أنا خدمت خدمتي و خلصت بالمسّبق .
· لا ماكلة لا شراب ...لازمني إنولي خوانجي توه !!!! نبدى إنصلي لكن كيفاش ؟ كان جاء عندي الدّم الفاسد ، راني إمشيت لحانوت قاسم و نحّاهولي ...و رجعني خوانجي ! نقضي قضيتي و من بعد إنقولو رجعني كما كنت ...زعمة العملية ريفارسيبل ؟
· وقف قدّام المرايا ...دخل جبد الجبة متع السيد الوالد ( سلّم عليه جربوع ) لبسها ! طويل و خشين ، خرجت عليه ...حجّم شعرو بالاّم و زاد طاقية بيضة ، كيف كيف جات خليقة ...كمّل بلغة و شد سبحة و قعد قدّام المرايا إشوف في روحــــــــــو! إقيس ...لبس شخصية خوانجي بالكامل !
· رجع ألتالي ...قعد على القاعة ...قرى يــــــس !!!! أقام الصّلاة و صلى صلاة الأستخارة ...دعى دعاء الأستخارة ...و قال يا ربي لعمل عليك ...و لا جاه النوم و لا دار بيه ...الفجر ، خرج للجامع ! قبل حتى ما يذّن الأذان ...الراّجل في قلب المحراب.
· قال ، كان ثمة مصالحين ، خوانجية ، توه إيجو إصلّو صلاة الفجر حاضر ...و بشوية بالشوّية نتعرف عليهم ...في جمعة إنجم إطلع ماية و إلا حتى أكثر.
· أصلي و مخو في البيع و الشري متع العباد ...و كيفاش باش يقنع ناس ربما لا ناقة لهم و جمل في كل ما يحدث في البلاد ...و عارف هو الشيئ هذا ...و ها المساكين كانو النــــــــــــّار و هوما حطبها !!! كل شيئ يطبخ على ظهورهم ! في الرّكعة الثانية ، بالضبط ...إتجيه الفكرة ...جات كلبة بنت الكلب : قعد ساجد على أركايبو ...حتى كمّل الأمام الصّلاة الكل ...و حتى من الدّعاء ...حتى كمل في مخو السيناريو ...نقطة نقطة ، حرف حرف !
· قام ، لا تحى و لازكى و لا هم يحزنون ...سلب الجبّة و البلغة و خرج في سروال حافي القدمين ...يجري للدّار ...خوانجي ما إنجيش ....إنا كل شيئ إنجي كان خوانجي ....

رجع بيق تراب بوي كما كان ...جربوع .

صمصار الخوانجية ...عندو الحل .


· قداش طالب يا سي الجربوع ...با خي مثّبت في النيمرو 100 و إلا زوز ! ماك عارف ما نعرفش نحسب ياسر ! قداش من واحد خوانجي و من أي نوع ...و على أناهو مذهب ...عندي المذاهب الكل...مالكي ، حنبلي ، شافعي ...
· خظراء و ما قالت الشكارة ...المهم ، خوانجي ...بلحيتو ..راهم باش إقابلو الرّئيس ...شوفو هاذوكم الرّايضين ...متع مصالحة و دوّة فارغة...و العدد 100 كعبة ...واحد ناقص لا ....
· على قدّاش الرّاس ...يا جربوع ...راهو موش كيف كيف !!! الحنبلي أغلى شوية من المالكي
· ألـــــــــو يا هشومة ....المذاهب موش مشكلة ! أبعد على مجلس الشورى ...المهّم جيبهم ...من النوّع الباهي ...كيفك أنت يا هاشمي
· ما قوتليش بقداش الراس ؟؟؟؟ خلاصي ، قبل كل شيئ ؟
· مليون على الراس ...يا هاشمي ...ما ثماش تسبقة ...وقت ألي إتليفري تاخو متعك على فرد فرنك ...
· إسمع كان إنقصت شوية ...إتعاوني ، أنخرجو جماعة من الحبس ! إنت تقضي قضيتك و أنا كيف كيف.
· المهّك إكون مصالح ...و يعترف بحكومة بن علي ...و يطلب السماح ! موش مشكل
· إتفقنا ....يا جربوع
· إتفقنا ....بسرعة ...راهي الحكاية ...سريّة للغاية ...و مسرعة ! عندك في يدّك أربعة و عشرين ســـــــــــاعة .

قاسم قاسم

الجربـــــــــــــوع...و الكسكي دياري

يا سيدي ، المعذرة و كل المعذرة على التأخر متاعي ! ما جاوبتكشي في الوقت ! !! أولا ما نعرفش إنفازي ...و اللّغة هذه ما إنحبهاش جملة و تفصيلا ! أنا جدي للغاية !!!! أما علاش الكتيبة إتجي بتواتر غزيز ! هذا يا سيدي راجع لأصل الحكاية نفسها. بالعربي قاعد إنـــوّلد في الفكرة ، نفسها باش تخلق فكرة أخرى ...il faut pousser l’idée , pour faire extraire une autre , disant, je cherche le finish. و لكن أحيانا بدون جدوى ! إذا لابد من المحاولة مرّة أخرى .

سيدي الكريم ! باش ناخذك على حد عقلك كما قلت و إنحاول باش إنفسّرلك شوية الحكاية ...متع الجربوع هذه !!! يا سيدي الحكاية هذه إتحط على الطاولة الثقافية و السياسية و الأجتماعية كذلك : موضوع ثقافة الأستسلام و الأنتضار ! عبر زوز من النــــــــــــــاس كبارات في التاريخ التونسي : العلاّمة عبد الرّحمان أبن خلدون و بطل المقاومة الوطنية مصباح بن جربوع !!!! بالطبيعة في شكل أخر موش الشكل الي تعرفو إنت و تعرفو الناس الكل ! الكلاسيكي للكتابة .
جربع في دور أبن خلدون ...يتقرّب من السلطان و في نفس الوقت إكنبلّو ! و كان يلقى فيه ظربة ما إرجعاش ...و هذا يا سيدي المرض ألي خلى تونس ألب اليوم بدون دولة مسؤولة ...بل شعب في خدمة الدّولة موش دولة في خدمة الشعب ...أبن خلدون ...حياتو كاملة عدّها من بلاط ألي بلاط و ما وصلش لحتى شيئ في البحث العدل ألي كتبو ....ختم حياتو السياسية بالتفواض مع المغول ( تشنقيسخان)...شوفتو أبن خلدون ...و لا مات و لا قال إنموت ..بل موجود حيا يرزق و موش واحد ...قول مليون منو ...في العاصمة ...يتحرّكو و يشربو و يكتبــــــو كل يوم في الهزيمة ...ناس ما عاندهاش مشروع ، رؤية واضحة ، بل مشروعهم الوحيد كتابة الهزيمة و إستمراريتها . هذاك علاش تونس اليوم ما إتنجم تاقف على سقيها أبدا !!! نخبة، يا كسكسي دياري ما إتوصلتش باش تقطع مع سياسية أبن خلدون .

جربوع ...يلعب في دور مصباح بن جربوع ...و لكن في شكل اخر تماما و بعيد جدا على الجبــــــــــال و على السلاح و على الكّر و الفـــرّ ....مصباح بن جربوع ، إذا كان ما كانتش عندو رؤية صحيحة و فكر سليم ما يطلعش الي الجبـــــــــل !!!! بشكل أو بأخر ...الفكرة ألي يحملها في راسو هي ألي هزّاتو ألي المغامرة بعد المغامرة فألي الشهادة من أجل الوطن. جربوع أو بيق تراب بوي ...يا سي كسكسي دياري مازال ما وصلش باش تتوّضح عندو الأمور ...و مازال قاعد ضايع فيها .....تاوه إنشوفو كيفاش باش البطل هذا ! إولي إميز بين الخيط الأبيض و الخيط الأسود ..ثمة خيط باش إخرجو من الوحلة و ثمه خيط باش إيزيد على ما بيه ....في إنتضار الحلاقات القادمة !!!

الحكومة ، بن على و الطرابلسية :::: يلعبو في دور القبائل المتناحرة على السلطة ! و هذه حقيقة لا جدال فيها ...معناتها كل شيئ إتقدّم إلا طريقة الحكم في تونس ألي هي سبب كل تخلّفنا و سبب المصائب ...الحزب نفسو هذا ! حزب قبلي لا أكثر و لا أقل ...و في صراعات جهويّة أكثر منها فكرية ! علاش لأنو ما عندوش رؤية واضحة ...إذا ساهل ياسر باش الحزب الخارب هذا يركب عليه أي إنسان عسكري ...

المثقّف التونسي ...ضاع في الصّراع القبلي هذا ...و أصبح سبب من المشكلة في حد ذاتها ....إنعاود إنقولك ...مشكلتنا في تونس أولا و أخيرا : هي مشكلة المثقّف ....،.الفرايجي ...، ألي إفازي ، ألي ما زال ما فهمش و ما هوش حاب يفهم ...ألي الـــرّبح ما إنجم إكون كان بالقطيعة نهائيا مع العشوائية السياسية أولا و ثانيا بتحديد الهدف !

صديقك قاسم

الجربوع

الجربــوع
جمهورية قاسم
تقدّم بيق تراب بوي
في الشريط السنمائي الطويل


الأهداء لمصباح بن جربوع
لزكية الضفاوي
-3-
العتبة الأساسية لأي تغير ممكن ، لا يكون إلا عبر المسرح التسيسي و القطيعة نهائيا مع ثقافة الأستسلام. المثقّف التونسي كما أبن خلدون لا يجيد شيئ سوى الّتّقرب من السلطان في البحث له عن منصب .... و أخيرا يصل ألي حد التفاوض مع العدو. تفاوض شيخ و رب السياسية العالمية مع جميع أعدائه و حتى مع المغول و لم نرث نحن منه سوى إستسلامنا.... سنسفها من أساسها أصلا ، ثقافة الأستسلام و الأنتضار! و أبتداء من أعظم شخصية تونسية وجدت علي هذه الأرض : عبد الرّحمان بن خلدون و تبقى مقولة العدل أساس العمران حيّة ألي يوم يبعثون.

حظّر روحك يا جربع عاشور ناجي ! و أجري بسرعة إشري كفن، إزرم ، أجمع كتاباتك الكل ، المقدّمة و المؤّخرة و كل شيئ !!!! راك تلعب في دور أبن خلدون الكلّو! بوك ما عطاكش ألي عطاهولك قاسم !! كان أبن خلدون ما كبرش في عينتي ، فكيف بك . إستنى ما تتحرّكشي من بلاصتك ! عندى ألة باش نصنعها خصيصا لك. و غلا خليها مفاجعة !!!!

جربع ، موش كان شك في بيق تراب بوي ! إنما تيقّن ألي سي مصباح هو صاحب الخطة ...حاب إثبت في الحكاية و قال يا سفاقص وينك ؟ و يا جربة وينك و يا بنزرت وينك ...في أربعة و عشرين ساعة دار على ما يسمي لجان التنسيق الكل ! لجان التّجربيع ...إعمر فيهم على الطرابلسية...حزب ما فيه حتى راجل ! راجل واحد ما فيهش ، إنجم إحل فمو و إلا حتى ينشد : ما هو لاباس ...حزب التجّوع هذا مثال حي من ثقافة الأستسلام و ثقافة القحط ...كان التنكنبيص و الحشيات ! لا فكر و لا رؤية و لا حتى عقل ...هذا هو بالضبط حزب المعاقين عقليــــّا. جربع موش فقط إعمر في الجماعة ، بل ولـــــــــــــى حاب أكثر ، أنو يوصل يحكم البلاد ؟ علاش لا ؟ إشنوه المانع باش جربع عاشور ناجي ما أوليش رئيس ؟ كل شيئ منتظر في تونس ، حتى أنو الجربوع أولي سلطان البلاد ....إبن خلدون عمل بالضبط إش يعمل جربع ، رغم ألي الكتابات متاعو إتصّب في واد أخر ...هذا هو الفرق بين التطبيق و التنظير.
جربع أولي رئيس ! موش عجب ! باش إقاوم الأرهاب ! و باش يقعر أربعطاش قرن حظارة ...القروان سلامتكم فيها ! و جامع الزيتونة يظربو بالبلدوزر ! و الخوانجية يعدمهم بأولادهم !!!! هولاكو جديد...صنعناه أحنا بيدينا ...لا براني و لا إستوردناه و لا هبط من السماء .
العائلة التونسية ، خربت يا ناس و سبب خربها ، حزب الجرابع و الفوضى متع بن علي و الطرابلسية ....إذا كل عائلة إتجيب وحيــــــّد كما السلعة هذه ، البلاد خربت من أساسها كما خاربه اليوم !!!! و يثّقف ثقافة متع هزّان قفّة و يعمل ما عمل أبن خلدون من الأندلس ألي الشـــــــــــــّام !!! إستنو و ماية في الماية : إستعمار جديد !!! على الأستعمار ألي حاصلين فيه اليـــــــــــــوم ....بن علي و الطرابلسية مستعمرين البلاد بالحديد و الرّصاص ...و في نفس الوقت خالقين حيط كامل تشرب منو المثقفين الخلدونين ...إمصّ و ما إهموش !!! ياكل و ما إهموش !!! مثقف طمــــــــــّاع و متسلّح بالعلم و الفلسفة متع الأستسلام و الأنتضار.

جربع حاب ، إكعبرها لعرفو و ديريكت و في ظهرو !!! ما قالوش على أنو إجتمع بلجان التنسيق ! و لكن أكّدلو ألي لقى راس الخيط و إشكون قاعد إخطط و يحسب و إهدد في الرّئيس ...و كيف كيف ...قالو الحل راهو عندي ! موش عند بيق تراب بوي !مصباح بن جربوع ....طلب جربع من الرّئيس الدّوبل ألي طلبو بيق طراب بوي !!! هاهو مثال المثقف التونسي ...الحشيات .... دعما للسيادة و دعمل لسلطانك سيدي الرّئيس ....أنا جربع عاشور ناجي إنوصيك ، إنك تتصالح صوريــــــــــــا مع بعض الأسلامين ...الناس هاذوم موجودين و تصفيرة منك إيجوك ...و إصححو على كل شيئ و كل ما تطلبو ....الطرابلسية أهلك و أماليك ...و أم صغارك ...و ما يعرفوش كيفاش إتصير الأنقلابات ...و ما عندهم في السوق السياسي ما إذوقــــــــــــــو !!!! هاذوكم الهم متاعهم فلوس ...فلوس و بس !!!! غمظ عين و حل عين عليهم ! لا أكثر و لا أقل.

و سكت !

قاسم قاسم

الجربــوع

جمهورية قاسم
تقدّم بيق تراب بوي
في الشريط السنمائي الطويل
الجربوع

الأهداء لمصباح بن جربوع
لزكية الضفاوي
-2-

جربع ماهوش إخصّيص، الرّسالة متاعو ألي بعثها للرّئيس ، هذيك ما هيش بلاش! في الواقع كانت رسالة تقّرب من النضام أكثر منها لوم و في فقرة من فقراتها، إقول فيها و يتحذّث على الخطر الأسلامي...أش حاب إقول بالظبط !!! يا سيادة الرّئيس حل اللّعب شوية باش الشعب ما يمشيش إتبع الأسلامين ، هو حاب إقول الأرهابين ...من هنا نفهمو ألي جربع ناجي عاشور ما هوش طالب حلاّن اللعب من أجل الــحرية و الكرامة للشعب التونسي ، إنما لمواجهة ما يسمى بالخطر الأسلامي...سوء النية واضحة و أكثر منها : النفاق متع يساري فاشل...اليسار يا جربع عندو شخصيتو وحدو و عمرو ما كان باش إكونتري الأسلامين و إلا سبب لوجودهم .....كان لازمك تتخلّص من الرّواسب المتخلّفة متاعك و الحقد الأعمى على توانسة كيفهم كيفك ...و من أنت حتى تعطي لأي تونسي صفة إسلامي خوانجي ! أو صفة يساري ملحد ! لا شيئ يا جربع ...و من لا شي لا يخرج شيئ ! يعني منكّ إنت بالذّات لن يخرج شيئ !

كيف كيف الخوانجية عندهم شخصيّتهم ماهوش مجعولين باش إكونترو اليسار و ياقفو ضدو ...إنما ضيق الفضاء السياسي كان سبب في إنو النضام هذا أوحل شعب كامل في صراع لا عندو لا ساس لا راس : قلتها و إنقولها ...الدّيبول هذا : إسلامي - يساري...ما إكون كان ديبول فاكتيس ...حتى يتمكّن نضام الشابع من نوفمبر من الوطن هذا و يبقى ينهب فيه...قال شنوه ...إندافع على الشعب التونسي من الخوانجيّة .

بصفة أو بأخرى تعرف جربع في القصر ، ولات توصلو الأخبار الكبيرة ! جربع عاشور ناجي ...دبر خدمة مستشار سياسي عند الرّئيس و أصبح مرجع من مراجع إدارة الصّراع ...صراع البقاء في سدّة الحكم مدى الحياة ...هنا إيجيك بالضبط الجواب متع قاسم على الســـوهال متاعك ، إنت و تراب بوي : قاسم خوانجي و حاب يعمل ثورة إسلامية :
الجواب :
خوانجي و نص و كان عندك بحر ، إنت و المليح سيّبو ...و لكن قاسم موش حمار....!!!قاسم يساري و نص و كان عجبك ، إنت و المليح و لكن موش كلب لحاّس.
هنا ترجعو لنص من نصوص قاسم : حائط الكلب و الحمار ، ألي على خاطرو قاسم طولب برأسه من الخوانجية الحمير و اليسار الكلب....

أخير: قاسم تونسي و نص ....و باش إرّجع عليسة لقصر قرطاج متاعها كما بناتو..و كيف كيف باش إرجّع القيروان لعثمان أبن عفّان...و الأغرب من ذلك يا سي الغفـــاص ..بيك إنت و رغم أنفك...وفي الدّور ألي إنحطو أنا ...و بالنسبة للجربوع سي بيق تراب بوي ...الثورة باش نعملها بيك و إلا بلا بيك ! و دون أن تشعر بذلك أبدا....العمليّة و كل ما فيها أن تشعل شمعة الحريّة....و في كل ألوان الثورة ...إنت باش تخصر و أنا باش نربح الكونبــــا متاعي.

جربع و جربوع إتفاهمو باش يتقابلو في قهوة من قهاوي العاصمة !!! برى إنقول بــــار ، الزّوز أموتو على البيرّة و كي تبدى باردة ، خارجة لتوّهــــا من القلاص ، إتعمّر المخ بالقدى. زوز بيرة ! يحكيو على البلوقات و على التجرّبيع و دّوة فارغة ...هات اش عندك ...مع الكعبة الرّابعة ، جربع إتحلو عينيــــه و بدّلو الطاولة في تركينة بعيدة شوية ...ضلمة : أتقول باش يعملو إنقلاب على الزّين ...و هوما غاطسين للعنق في التجرّبيع : واحد يخدم مع أل بن علي و الأخر مع أل الطرابلسية : اللّغز هذا بالضبط هــــو جوهر الموضوع : نضام الشابع من نوفمبر حاب بشكل أو بأخر إدخل و يجعل من الديبول الجديد هذا أمر واقع لا أكثر و لا أقل !!! إختارو أما الطرابلسية و أما بن علي : الديمقراطيبن و الجمهوريبن متع أمريكا...بابا عندو بوه ...سياسية الأمر الواقع هذه تتعدى على جماعة كما تراب بوي و كما عاشور ناجي ...مع التونسي لا ! الظرب في الزوز ! في الطرابلسية و في بن علي ....لا أستثني منكم أحدا ...في الخوانجية الحمير و في اليسار الكلب ! كيف كيف ...إنحل و كان ألزم الأمر أكثر من عشرة جبهات في أن واحد.

إتركنو الجماعة ..جربع عاشور ناجي بدى بالحكاية

· حبيت ، إنوضحلك ، أنو الرّئيس مهــدد ، ؟
· كيفاش ؟
· مهدد ، إنعم ....مهدد من الطرابلسية ...؟ إحبو إدورو عليه ..!
· خيال ! الطرابلسية تخدم على أرواحها ...و ما حاجتهمشي لا برأسة و لا براسو ....ناس ما إنجموش تهديد النضام ...صانعهم !!! و أحنا رانا ما ألوجوش على حتى شيئ
· إشنوه ! قلت أحنا ....يا إخي إنت منهم !!!
· و إشنوه المشكل باش إنكون منهم ....شنوه المانع ...أما قادرين باش إنعاونو ...الرّئيس إذا ولى مهدد ...الحكومة إتنجّم إتعمل علينا في كل وقت ! نتعاونو !
· ما في باليش ...!!!! بيك يا جربوع
· هاهو في بالك ...و أنا المتحدث الرّسمي متاعهم ...و إنقولك ...ما ثمه حنى تهديد !
· أنا قتلك التهديد موجود ...و المخابرات ألكل في بالها ....و منها العسكرية !
· إذا كان ثمه تهديد صحيح ....الخوانجية ّ!
· وينهم الخوانجية يا جربوع
· لازمك تصنعهم ....كان ألزم ...على ظهرهم أصنع شرعية جديدة لعرفك !
· كيفاش ؟
· قداش تدفع ؟
· خوذ أش إتحب !!!! دار ! معمل ! إشنوه ألي تحبو يا جربوع و هات الفكرة
· حاجتي ...بزوز طرانط دينار ....دار في المرسى و أخرى في بنزرت
· وصلو ....هات أش عندك
· لازمك إتشرشي مصالحة ...تصنع مصالحة بالخوانجية ! لازمك على الأقل 100 خوانجي ...إيجوك للقصر ...يطلبو السماح ...و يدخلو بيت الطاعة ! و يعطو الدّعم للرّئيس ...سيناريو كبير ...و لكن ساهل ! في الشكل هذا يتقوى الرّئيس ...بالخوانجية ...و ألي في راسو باش يقلبو إولي يعرف علاش قادم ...ماهو إحب شرعية جديدة ...عليه و على المصالحين ! كان ألزم ...خلقهم.
· فكرة
· إنعم فكرة ...كان حبيت ! يا سي جربع ....لو تسمح ما عاش عندي وقت !
· نتقابلو غدوه ....إنجيك بالنتيجة و القضية
· القضية قبل ...و ألا ما نعرفكشي
· إنعمّل عليك يا جربوع
· مصباح ....إكلّم فيك ...موش جربوع ....!!!!

كلمة مصباح ! قلبت المخ متع جربع عاشور ناجي ! و فهم ألي بيق تراب بواي باش إكعبرهالو ...هو و الرّئيس كان ألزم ...جاء إشرشي على حل لمشكلة تهديد الرّئيس ...لقى صاحبـــــــو ، حاضر باش !!!!

جربع ، دخل بعظو ! و حصل ! يا أنو أواصل في الحكاية و يعرف إشكون وراء تهديد قصر قرطاج و إلا إبطّل و إضيع الخيط و خدمتو مستشار الرّئيس للمحافضة على الحكم بكل الوسائل !!!!

بيق تراب بوي ، مصباح بن جربوع الجديد و ألا جربوع بن جربوع ، بدى إكنبص و لكن بكل حس وطني باش إحاول إعاون صاحبو جربع و في نفس الوقت يتقذ الرّئيس من التهديد المحدّق بيه .

قاسم قاسم

الجربــوع

جمهورية قاسم
تقدّم بيق تراب بوي
في الشريط السنمائي الطويل
الجربوع

الأهداء لمصباح بن جربوع
لزكية الضفاوي
-1-
التاكت الأول
جربوع و جربع

اليوم، بل منذ أكثر من شهر ، أتمكّنت من الشخصّية هذه و لذلك باش نكتبها رغم أنفها ، هذا بالطبيعة تحديا لبيق تراب بوي أو الجربوع ! الجربوع يا جماعة راهو حاجة كبيرة ياسر و جاب إشجع رجل في التاريخ التونسي الحديث ! مصباح بن جربوع و ما ادراك ! لذلك ما تفهمونيش بالغالط و تبدو إتهزو و تنفظو ! أنا راني نقصد (كومليمـــــون)! الشخصية باش يخدم عندي بطل لازم إتكون عندها الكاريزم و الشجاعة متع الجرابع ! أنا شفت جربوع ، في بنزرت يجري وراء قطوس باش ياكلو ...و شفت جربوع في باب الخــظرة ، خارج من SOUS-SOL ...رجعت على ألي الوراء ! و ثمه قصّة جربوع أخر ، إنسيت في أنا فيلم شفتها ؟ ثمة واحد من المافيا خان عرفو ! شدو ! نحاّلو دبشو و حط على بطنو جربوع ، سكّر عليه بسطل و بدى إسخن في الحديد بالشّالمو ...كي سخن السطّل الجربوع يخترق الجسم الأنساني و يخرج من جنبـــــــو ! عملية تعذيب جربوعية.

الشعب التونسي ، شعب كريم ، و عمرو ما كان مرّكب من الجرابيع ! كما إقول بيق تراب بوي ...أما الحكومة فيها برشة جرابع ! لا رحمة لا شفقة ! الجربوع متاعنا لاهي و إتبع في الشأن العام ، قال هو ! أنا ما ريتش و ما قريتش ! كان أنّو إتابع !!! فاش ؟ في الحوار متع الجرابع الصّغار !!! إشكون واحد مازال فيه شوية عصب باش يسمع و إلا يقرى و إلا إناقش الحوارات هذه ! إلا واحد فيه فيروس التجربيـــــع !!!! جربوعنا مشى فيه و موش حتى حاب إنو يتصّل بطبيب ...و لكن أنا كي ألي فهمت ألي هو حاب أولي معتمد جربوع، من نوع هذاك ألا يعدم بالتريسيتي ! الحكاية صارت في قفصة ! مسؤول جربوع ! هذا أمر إخصو !!! أما قاسم ، راهو حاجتو باش إداوي الناس ...و إساعدهم على الألتحاق بالنخبة الوطنية ...إساعدهم على هزّان إيديهم من أعقر حزب جربوعي في العالم ! ظحّكو علينا العالم و القمر و حتى زحل زوّك من الرّسالة متاعهم !!!! جربوعنا فيه شويه ضوء و لكن لازمو الصّقل ! عبر جمهورية قاسم.
باش قاسم ينقذ واحد من حاجة لازمو إغطسو في الوحل و من بعد إمدلو خيط كي الذّهب ...إغطسوه في النحاس ، باش يضوي ! أنا باش إنغطس بيق تراب بوي في الوحل السياسي لعنقو من بعد باش نعطيك خويط ...كان خرج صحه و فرحة و كان إطبع أنا ما إهمنيش.

الجربوع البطل لازمو جرابع أخرى باش إنجم يخدم...لازمو ممثلين من نفس الفصيلة و إلا تقربلها ...ثمة جرابع الثقافة ! و ثمة جرابع الصّحافة و ثمه جرابع لا لون لا فصالة !!!! جربع عاشور ناجي ، شخصية لازمها الدّرس ، علاش لأنو ، وقت ألي ما لقي ما يعمل و السطل متاعو فرغ ! إنقولو جعبو فرغ ! أرجع للأجتهاد و بدى إفسّر في الأحاديث و القرءان الكريم !!!! إسمع يا ألي ما سمعتش بجربع ...ماجاء للدروس متاعو في التجربيع كان جربوع متع ثقافة و كتابة تسريب الرّمل !!! عاد كانك كاتب و فهيم ، ماهو ما تطلبش من الناس إتجربعك ...راهو الرّبيع من باب الدّار إبان ؟ موش إتعيط و إتقول إيجو مني ذوقو البنّه ...كيف كيف توه صحافي ..و عامل مدّونة ! ما إجيش منو ! الصّحافي لازم الناس تجري على الكتابات متاعو ...الجرائد العالمية إتناديلو ..و لكن فيروس التجربيع ...إتمكن من البلوقسفار ...و كان عندهم دواء راهو عند قاسم.
المشكلة متاعنا في تونس واضحة، أفة الجربوع ، طاعون ظرب البلاد من شمالها لجنوبها ، وين ساكن ها الجربوع ! في الشّعب ! وين تلقو شعبه مهنيّة و إلا ترابية راهي تغلي بالجربوع ! المشكلة خرج حتى للمزارع و للمعامل ، ياكل كل شيي حتى من الحديد ...الجرائد ما نحكوش عليها ...كلاها الجربوع الكل...من ألطاف ربّك السطوحات منعت ، و كان السّطوحات العالية شوية.

و على قد ما يكثر الجربوع ، على قد ما الماكلة إتقل ! على قد ما يكثر التخبيط في بعظهم ، ساعات إتقول حرب نايضة في البلاد. كثرة الجربوع ولات إتهدد في قصر قرطاج نفســـــــو ...القصر هذاك إمثل السورس الكبيرة متع الجرابع ...ماكم تعرفو قانون التناسل متع الجرابع ...يتزايدو بلا حساب، في الرّشوة ، في الزيقووات متع ألي أبال دوفر ، في كل ما هوش خشلات.

إشهار : سانسيلك

في كل بلاصة ، تصويرتو في كل حوض ، في كل حانوت ، في كل نقبة من هاكي البلاد ! أش إمخوفو ؟ و إش كون ألي إنجم يتأمر على قصر قرطاج! وين تلقو أكبر تصويرة في العالم متع سانسيلك ......:ماركس رضي الله عنه و أرضاه قال كليمة جدا معروفة : كل قّوة تحتوي على بذرة تدميرها !!!! وقت ألي كتب الكابتال متاعو ، كان فايق بالتوانسة ماية في الماية !!!!

إشنوه ألي كسّر الشيخ راشد الغنوشي ؟ المرا عندو ، في دير هكه ، في إكتب هكّه ، في إفتي هذاك ، لا هذاك حرام ، لا هذاك حلال .. هذاك في هذاك طبّعاتو جاباتو وهو و الأرض سوى سوى....خرّجتو من البلاد إديه على راسو ! و طبّع جماعتو الكل ....شفتوها جرة النساء

إشكون كسّر الدكتور منصف المرزوكي ، المرا عندو : في أقرأ للعالم هذاك ! زيد شوية من علم الوراثة ! زيد شوية فلسفة ، شوف غاندي أش قال ! شوف مانديلا كيفاش عمل ؟ عاود أقرأ ...زيد أقرأ ...ليل الرّاجل ما عاد عندو حتى عظم صحيح و فات التوانسة ! و الكاليبر فات شعب مازال إقّيــــــل في نص النّهار! الدكتور قضات عليه مرتو ...ما عندناش الزّهر ...لا أكثر و لا أقل.

إشهار
جربوع تونسي مشي لليبان ، في نص النهار رقد في البارك ..إمقيّل لا في بالو و لا في خبرو ...راهي الناس هذيك تخدم ليل و نهار
نادولو الأنبلونس

إش كون كسّر قاضي القضاة ؟ مختار اليحياوي : مرتو ...في أحكم بالعدل !! في شد الصحيح في حق الفقراء و المساكين في سيب عليك من ها القضاء الفاسد! الرّأجل إدخل بعضو و يكتبها صيفة رسالة للرّئيس ، أقولو فيها بالفّم المليان : إنت ماكش عادل ... جات على راسو الحكاية ألي يوم الناس هذا .

إشكون كسّر الأستاذ نجيب الشابي ، الأساتذة ميّة الجريبي : في التدوال ! في الديمقراطية داخل الحزب ، في صدّام بطل ، في جريدة الموقف ، في الأنتخابات الرئاسية ، في حـــظّر روحك و أخرج من الحزب ..كعبروهالو الجرابع و خرج بقرن إضرابات جوع ..و كانت النهاية متاعو

إشكون باش إكّسر بن علي و إخرجو إيده على راسو : ليلي الطرابلسي ، المرا عندو ...لا الوزير هذاك إنسميه أنا ، لا المدير هاكه متاعي ، لا الرّئيس المدير هذاك تابعني ...لا ندخل في اللّجنة المركزية ، لا بنتي نعطيها لواحد لباس عليه ! لا المطار متاعي ، معمل الحديد كيف كيف ، الجزيرة هذكه باش نشريها ، لا الديوانة تابعة للطرابلسية ...لا خويا ما عمل شيئ ، يكذبو عليه ـ لا البابور جاء وحدو من فرانسا ، هارب ، أخوتي عرّضولو ، لا أضيع يمشي في البحر. شادة قول لراجلها ...ولات هي ألي تحكم بأحمامها ، و الوزراء يعملو البريفنق ليها هي موش لراجلها ...كي جاب الولد ، هــدالها جامعة العبدلي و في الأربعين اللّجنة المركزية و في عيد ميلادو الأول : هـــدالها الأذاعة و التلفزة و وزارة الخارجية ...هايه ما قعدلو شيئ ، كان وزراة الفلاحة ، و إدارة محاربة التصّحر ؟ وزارة الداخلية قعد منها في يدو : إدارة السجون ! و إدارة الأصلاحيات ...من وزارة الدفاع بقاتلو مصلحة التجنيد و الرّأفــــل !

لا بلاد تعمل ستة و ستين كيف ...هذاك علاش ! كثرت الجرابع !!! و كل ما هو ملك عمومي ، إتفّك بإسم إقتصاد السّوق و حرية الصّخصخة...الخصخصة ولات غورة في القايلة ! و الأقتصاد ولى رشوة ! و الثقافة شادتها فاطمة بوساحة. أيه يا جماعة إصّخصخت البلاد و عبّت الجرابع كما حبت و الشيئ مازال القّدام ...مازال ما شبعوش ...زاد عليها الخوف ...الراجل خايف ...لا أدور عليه في ليله من اليالي ...كل سويعتين إبدل البوليس متع العسّة ...!!!!! إتقّوت عليه الطرابلسية و شدو البنوك الكّل !!!!صارلو كما صار لواحد إمربي ذيب حذى الدّجاج! و بداو إحظرو في أرواحهم لشرعية جديدة ..و إعرّفو بأرواحهم ! و جرايد تكتب ...و دكاتره إتقري ليل و نهار ..عندهم مشروع تحديثي جديد...على حساب إشكون ؟؟؟؟ هذا هو السّؤال المطروح اليوم ...الكبش موجود ...الرئيس نفسو ؟ و لكن إشكون باش يذبح ما ألقاوش ...جبل الرّصاص ما حلّش المشكلة و الجماعة ألي إخطاروهم صغار ...ما يتعملّشي عليهم ...و المخرج متع العملة إطلع غفاص لا أكثر و لا أقل...لكن المحاولات لازمها تتجدد و تتعاود حتى ينزلو على الكبش ... قالو علاش لا ؟ الأنترنات و الفايس بوك و المدوّنين ما نستغلوهومشي ...و إعرفو بمشروعهم التحديثي الجديد ...هاذوم ناس باش إطلع الشعب التونسي للقمر ...الطّماعة بلا حساب و يستنو في غمزة و إلا في تلفيته من الجماعة.

قصر قرطاج في خطر !!!! الرّئيس في خطر !!! الرّئيس باش تتكعبرلو !!! ثماشي جربوع إنجّم تنقذ الرّئيس ؟ ( هذا إسم فيلم أمريكي كبير ) ...جربع عاشور ناجي يتصّل بسي بيق تراب بوي و إقولو هذه فرصتك باش تقفز ! أنا إنوصلك للسورس ...المهم إتكون عندك خطّة حاضرة ...تكنبيصة ...


ملاحظة : خلّوني إنكمل الفيلم متاعي ....يرحم ولديكم ....الشيئ مازال القدّام ! الخطة هذه ، موش متع الفايس بوك ...متع الدكتور طارق الكحلاوي ...الله يهديه ما خّلانيش إنكملو ...ألخطة هذه أحلى بياسر ، حسب رأي و البطل متاعها ...ما هوش ساهل !!!! .

قاسم قاسم

غدوة التاكت الثاني