من للكوفة... لأنقاذ بن علي...فاليتقدّم

لا بحر و لا طامي لك ! و لذك كتبت الوادي ! أموت عطشا و لا أشرب من ماء مــــــــلّوث بالهزيمة ! لا يصلح حتى للوضــــــــــــــوء !

إعــــــــــلم ! جيدا !

إنه من المستحيل أن يستتب أمر تلك البلاد ! دون تـــــــــزكية من الأسلامين ! هذا قانون الأنقلابات النّفمبرية ! هــــــــذا قانون جاءت به قوافـــــــــل الأسلامين، عندما بايعو الحجــــاج زين العابدين بن علي ! اليوم ..و عندما فشل النضام فشـــــــــــلا ذريعا في محاباة المعارضة بكل أطيافها و لم يجد الدّعم الأدبي لتوريث الحكم ! فكــــــــّر ثم دبّر ...ثم قال لا خلاص بدون الأسلامين الحامدين !

لقد مرّ الحامدي بهذا الطريق ...للأستسقاء و لكن كنا قد أقفلنا جميع أبيار المعارضة ...و لم يجد شيئ ...فعاد من حيث أتي ...يدا فارغة و أخرى لا شيئ فيها ....

أرسلك الحامدي ...لتجس نبض المعارضة ؟ أليس كذلك ؟ طالبا الدّعم للمافيا السياسية و الأقتصادية التي أتت على الأخضر و اليابس في نفس الوقت ...تريد الدعم للحكومة الفاشلة ...لأجل قانون الحجاب !!!! و حتى لو بنت هذه العصابة مـــــــــــــكّة جديدة ....و حتى و لو رفعت الأذان على رؤوس النخيل ...وحتى ولو أمرت بقراءة القرءان على مدى الأربعة و عشرين ساعة ...لن نكف عليها ...حتى يتبين الخيط الأبيض من الخيط الأسود ...و نرمي برسلها على قارعة طريق المسكنة ! لا لا بل لا مشروع لقاسم دون رأس قرطاج ...

لست برسول...أنت يا ولدي المهزوم ...تتلضى طالبا اللّجوء ...تريد سقوط هذا الوطن بين أنياب الذئـــــــــــــاب مرّة أخرى !!!! كيف تلدغ الرّجال من نفس الحفرة مـــــــــرّتين ... ..

إذهب و صالح ...
صالح لن يـــــــــــــــصالح ....و قاسم لن يصالح ...و السماء لن تصالح ..و الأرض لن تصالح

لن أدعك و لو أتيت على رأس مــــــــــائة ألف فارس...سأرديك أرضا ! أفهت .
إنتهى
قاسم

رسالة ألي الشيخ راشد الغنوشي ، رئيس حركة النهضة التونسية

بسم الله الرحمان الرحيم

.
من السيد قاسم رئيس جمهورية قاسم
إلى
السيد راشد الغنوشي رئيس حركة النهظة التونسية.

نحن نعرف على الديكتاتورية أكثر ما نعرف على النهضة فإلى متى؟

السلام عليكم

أما بعد

بعد ما إستمعت لكم عديد المرات قررت كتابة رسالة مطولة في موضوع طالما حاولت فهمه ألا وهو :نحن نعرف على الديكتاتورية أكثر ما نعرف على النهضة فإلى متى؟
قبل أن أدخل الموضوع أود أن أعرج على الرسالة التي كانت قد أرسلت إليكم من طرف صديقي المرحوم زهير اليحياوي و كنتم قد تشرّفتم بالأجابة. عندما كتب العصفور الرسالة قلت له يا صديقي أنت لا تعرف العنوان المناسب .الرسالة كانت لا يجب أن تكون موجهة للشيخ راشد الغنوشي لأنها تحمل بين طياتها النفي نفسه كما كانت محمّلة باليأس في حد ذاته.

في تلك الفترة كان العصفور يمر بمرحلة حرجة للغاية و كان قد إستوفى الذخيرة النظالية فكانت عملية الأستنجاد بكم و بتابعي التابعين أيظا. نعم لن تفهم تلك الرسالة خارج إيطارها السياسي و النفسي لكتابها عصفور الحرية التونسية الصديق زهير اليحياوي. كانت إذا إجابتكم متوقعة برفظكم النجدة...وزاد الطين بلة ...ونفض العصفور يديه من حلم طالما راوده: نجدة الوطن. إن تلك الرسالة مهدت حدث اللآّحدث مع قوافل عودة العائدين...مهدت تلك الرسالة لكم الطريق في إعادة النظر في تركيبة الفكر الأسلامي التونسي كما أنها أفرزت الصراعات الداخلية داخل حركتم...فأصبحتم بذلك تتكلمون بأكثر بساطة و بأكثر ديمقراطية و بأكثر حرية و لم يعد خطابكم في مثل السنوات العجاف.

اليوم و ما يحدث على الساحة السياسية التونسية و أقصد قوافل العودة و قوافل النجدة و جحافل الأشواق إنما تعني بالظرورة لاغير محاولات في الرّد على رسالة العصفور الموجّهه إليكم ...و ليس كما يتوق أصحاب القوافل النافرة ، بأنها عملية سياسية لأحراج النضام . و لكن كما ترى أيها الشيخ ...كان الرّد متناقظا مع إمارتكم و أكثرمن ذلك متؤخرا للغاية ...ألا ترى سيدي بأنكم لم تعودو لتسيطرو على النهضة كما النظام نفسه الذي فشل في السيطرة على أتباعه. ألا ترى أيها الشيخ أنك أرهقت من العمل مع من لا يفهمك من إخوانك في النهضة ؟ ألا ترى سيدي بأن المرحلة قد تجاوزتكم كما النضام نفسه ؟ ألا ترى أنكم خسرتم معركة كما كنتم قد جهرتم بهاذا على الهواء مباشرة؟

سيدي لم تعد ذاك الذي يراهن عليه في عيون من علّمت ...الفشل الذي أصاب أتباعك أعمى بصيرتهم فلم تعد النهضة ذاك الجواد اليافع و إنما أصبحت هزيلة. و عندما تصاب الأحزاب بمرض الفتنة و الشقاق يصبح من الصعب الصلح من داخليها إلا أن تجهر بما كان حراما سياسيا. أليس هدفك الوطن؟ فليكن ذلك و أنزع عنك معطف عثمان و قل ما شئت دون تردد و دون خجل من أجـــــل وطن ينشد الحرية و الكرامة. سيدي يا أيها الشيخ : إن الأسلام لا يترعرع إلا داخل الحرية و بالحرية نفسها و لكن ما يحدث عند التابعين و تابعي التابعين فهو جهل لا بد من مقاومته حتى لا تخلق منهم الدكتاتورية عدوا جديدا و تنقض علينا الأمبريالية من جديد بهدف مقاومة المد الأسلامي في جنوب المتوسط...لا شرعية لبن علي ...دونكم !

سيدي أيها الشيخ رسالتي ليست لأترجاكم أو لأعاتبكم و لكن لأطالبكم. نعم لأطالبكم بما يجب الجهر به و كلّما أسرعتم في ذلك إلا و كانت الحرية و الكرامة على الأبواب. نعم أنت مطالب بالنقد الذاتي لحركة النهظة و كشف أسرارها واحدا واحدا حتى يتجلى الأمر للشعب التونسي و نفهم نحن من و كيف و لماذا حلّت الديكتاتورية بديارنا دون علم لنا و لم نكن من المتربصين بأحد.

سيدي الشيخ و أنتم على رأس حركة النهضة لا بد لكم من مواجهة الواقع كان في صالح الديكتاتورية أو ضدها. إن بناء الديمقراطية يتطلب شفافية الأحزاب و شفافية الجمعيات و كذلك شفافية الأشخاص...فلماذا سيدي لا تكن أنت الأسبق بذالك.

و بما أن الشعب التونسي كان قد رفع يديه من تراب الديكتاتورية ...لن يجد النظام من سبب للبقاء على عرش الحكم إلا بأعادة بعث إسلامين جدد في داخل النهظة المخترقة للتصعيد من جديد و خلق خوف جديد من الغول الأسلامي...هذا ليس بالمستبعد أيها الشيخ إن لم تتكلم و تكشف الأوراق السوداء و البيضاء منها. سيدي أيها الشيخ إن الغول الأسلامي يمثل الهدف نفسه للشركات العالمية حتى يتسنى لها بلعنا و بسهولة عبر من لا علم له و عبر من لا وطن له.

سيدي أيها الشيخ ... إن حركة النهضة تمر كما النظام بصعوبات و إنقسمات فلماذا لا تسهل العملية على الجميع؟ لا بحلّها و إنما بكشفها على العالم الخارجي ...و نشر كل ما يجب نشره من وثائق و ملفات سرية. قد تصعب عليك عذه العملية و لكن أنا مقتنع كل الأقتناع بجدوى ما قلت و ما سأكتب في المستقبل. إن إعادة هندسة الساحة السياسية التونسية أصبح لأمر ضروري للغاية لأن البلد قد يصاب في أي لحظة بمرض أمريكا الجنوبية : حيث لم يعد ليفهم الشعب شيئا من الحكومة و لا الحكومة قادرة على إدارة البلاد. لأن أمرها أصبح خارج حدودها و على طاولة من طاولات البنك العالمي.

رئيس جمهورية قاسم قاسم

عشبة الديكتاتورية

الدكتــــــور
رشــيــــــــــــد الشّمـــــــلي
و

سيدي !!! السّلام عليم

معارض و ألفين معارض! مختص و إختصاصي معارضة وطنية ! و لك من جمهورية قاسم، سلام حارا. سيدي أيها الدّكتـــــــــور، أردت أن أقــف معكم في هذه اللّحظات الحرجة.

يا سي رشيد ! شعرة لا قريت طب هوكا العام ! و لكن ما خطفتش ! المهم الحكاية هذه رجعت لبالي بعد ما شفت و سمعت للحديث متاعكم ...( تسكيرة المخبر متاعكم ) صراحة شيئ إشيب الرّاس ! و شيئ إطلّع الدّم. وقت الي التهمة معارض! عرفك، يعني تلميذك هذا عشبة فالصو ...تعرفها (عشبة الحرّيقة ) و لكن الشيئ هذا لازم باش نعملولو تحليل صحيح!

ياسيدي ثمة عشبة إنت ما إلقيتهاش !!! كان لازمك إتفركس عليها ! في قرطاج ! عشبة الديكتاتورية هذه نابتة عندنا في تونس و طلعت عام شبعة و ثمانين! إنعم العشبة هذه، عشبة مسمومة و سرحت في البلاد الكل ليل وصلت للمستيـــــــــر! و بدات العشبة هذه تاكل في الأخضر و اليابس ليل وصلت باش تاكل الكتب!!!! العميد هذا ما هو إلا نتيجة و ما هو إلا زريعة متع عشبة الدكتاتورية الي صابتنا حتى إن الجامعات ولات شدتها الجهلة و بقايا التخّلف و حضيض التّجوع و المارقين ....العشبة هذه يا دكتور عندها دواء واحد !!!!!لازمها الكابور ، البلاد لازمها تتحرث من جديد...... كابور من بنزرت لبنقردان !!!! حتى البحر كان لزم باش يتحرث لازم إنشّقوه بالتّراكتور !!!! هذوم حرامية يا دكتور و شد صحيح في الحكاية.

يا دكتور ما كسّر الدكتاتورية السوفياتية كانت العالم الكبير صخاروف ...و تونس لازم تاقفلها الدكاترة متاعها الكل ....عشب ما هو عشب طالع تحت الحيوط و في داخل البيوت !!! قالولي يزرعو حتى في الخشخاش في تونس باش البلاد الكل إطلعوها زاطلة ...الناس هاذوم لا دين لا ملّة ..لا وطن لا وطنية ما يتعملّ عليهم في حتى شيئ !!!! باندية حرامية هاذوم و مدّو إديهم على أسيادهم .

عشبة الدكتاتورية، عشبة لازم تدرس في كل الجامعات و حتى في رياض الأطفال باش إتموت و ما تكبرش في صدور الطّلبة و التلامذة!!! مصيبة، حصلنا فيها وقت الي الحقد و الدّسيسة و الغورة و الحسد وصلت باش إكـــــسّر مشاريع علمية . العشبة هذه ما قادرة كان باش تبني الخراب ....العشبة هذه يا سي رشيد عندها جيـــــــــــــــــــنات في الشّعب و في الأيدارات و في كل قرية و في كل ريف !!!!سرطان صابنا ، الله هما عفينا.

القضاء على العشبة هذه أصبح ضرورة قبل الضرورة ، قبل ما تستفحل العصابة بالبلاد و إدجنها ....كا ما إدجنتش من هوكا العام ....لا ما مشروع عند بن علي سوى توريث الحكم لعصابات النهب و السرّقة و الغورة على التوانسة ...و ما ثمه حتى حزب قادر على الشئ هذا إلا حزب التّجوع .

قاسم قاسم

إنحبها مرا و من المعارضة يا أمي..كي زكية الضيفاوي

أطلقــــــــو صراح الأحرار

الأهداء لزكية الضيفاوي

· إسمع يا كورتي زينب ما عاش إمسعدتني …يزي ..فك …الفنانة الكل في العالم عرسو بالعشرة مرات إلا أنا مرة وحدة؟ ما هو لاباس ..يزي فديت ..كي الناس الكل !!!! عشرة عشرة أما أصحاب نبقى أنا و زينب…إنحب شوية حرية …أختك زينب ما عاش عيني فيها…سامحني ..أما باش إرجعلكم السلعة متاعكم …و تصبحو على خير …لا لا كلمة لا يا سي كورتي القرار خذيتو و زايد تحكي …زينب طلقتها …و حلفت بالحرام ثلاثة !!

· إنت كبير و تعرف يا عرفي و زينب عندها كان الرجال ...أختي و ما ثم حتى مشكل و أنا قبلها في داري و تعيش معاي و إنت يا سي قاسم الدار ديمه محلولة في وجهك ووقت الي إتحب إتجي إتفضل...كل شيئ إيجي بالسيف كان الشيئ هاذا يا سي قاسم إيجي بالكيف. زينب أختي شرفتني و أنت إتشرفني و ما صار كان الخير بينكم ...


· وقتاش باش إتجي إتهز حوايج زينب ...؟

· في كل وقت يا عرفي...الليلة كل شيئ أكون في الدار ...في بالها زينب و إلا لا ؟


· شوف يا كوتي ...زينب ما في بالها بحتى شيئ !!!! أنا قررت من راسي الطلاق ..فاهم ...إتهز الدبش و وقت الي توصل للدار متاعكم ...قوللها الحقيقة ...قاسم راهو طلقك على سنة الله و الرسول.

كتبت الرحيل ...برشة مرات و لكن رحيل زينب من داري الي بنيتها من أجلها ما ريتش مثلو في حياتي ...كورتي بدى إخرج في الدبش متاعها و ناضت عجاجة يا جماعة عمري ما شفتها ..حتى الطبيعة غضبت من القرار الي خذيتو ...بالكردونة بالكردونة و كورتي يرعش و إتكسر من إيديه الفاز الي شريتو لزينب في عيد ميلادها ...في الوقت هذاك بالضبط ....طارت الفولارة متع زينب بين البقاج و مشات في الهواء تلعب بيها الأرياح...فولارة حمراء خفيفة ...في الهواء طارت كيف الريشة ...خليت كورتي إخرج في الباقاج و قوتلي أخلط علي من بعد في القهوة متع تونس كليب. الفراق ...فراق و فراق زينب يا جماعة موت بطيئ!!!!!!!!!!!!!!!!!

إمشيت على الساقين خايف ...فارغ ...طايرتلي ...قطرة دم في وجهي ما ثماش ...أصفر..تاعب ..فاد من كل شيئ ...دخلت القهوة و شديت بلاسطة في التركينة و جبدت الكراسة و بديت نكتب في الخطة الجديدة ....الضحية ...الكبش كانت أعز إنسانة عندي ألا و هي زوجتي زينب...الوطن و مفهوما الي هو يعني بالضبط زينب لا اكثر و لا اقل ...ساعات لازمك تفهم وقتاش تتخلص منو باش يرتاح هو ...قبل ما يدخل الغريق...البعد الي نحكي فيه ....يعني بالضبط أعادة النضر ...عن بعد للوطن ...لا بد من تبديل الستراتجية و التكتيك ...وقت الي قاسم قرب ياسر و دخل في المعمة و فهم برشة حاجات قرر إطلق زينب و إيزيد يبعد باش إتنجم ترتاح هي و هو في نفس الوقت ...الوطن و الفلسفة متاعو ما هوش ساهل باش الواحد يفهمو ..ربما إنقول ألي أنا بصدد الأيضافة و لكن تقنيا إتحس بأني قاعد نمشي إلي الوراء ...لذلك قررت باش نبعد ...و نشوف الحكاية من زاوية اخرى ...النقد الذاتي لجمهورية قاسم ما هوش سهل لأن العملية متشعبة ياسر و كنت إمدخلها في بعضها لا مخلي لا يسار و لا يمين و لا من رقد و لا من فاق...المعارضة بالشكل الي إنشوف فيه اليوم نجمت تربح برشة حاجات و لكن ما نجمتش باش تبني مستقبل و ساس صحيح إنجم أكون درع أمام دكتاتورية جديدة.

لأنو و إنطلاقا من الرؤية متع جمهورية قاسم الي إتحب القطيعة نهائيا مع العشوائية و الديكتاتورية ...نلقى الي ثمة بارشة جماعة مازالت شاكة في أرواحها و ما عندهاش الثيقة في روحها باش تقتنع نهائيا بصحة ارؤية في حد ذاتها ...و كأن الحقيقة ما عاد إلوج عليها حتى حد إنما الجمتعة أعطيهم فقط كيفاش يتخلصو اليوم قبل غدوة من نضام بن علي بأسرع الطرق و بأسهلها ...بالنسبة لي أنا الحكمة هاذي تبقى ما هيش صحيحة و إنما عملية تنفيس لا أكثر و لا أقل ...لأن القطيعة ما وصلنلهاش عن طريق الأقناع و عن طريق تحمل المسؤولية أمام الشعب التونسي ...هنا لا بد من إعادة النظر ليس مضيعة للوقت و إنما التخطيط المحكم لسد كامل المنافذ أمام دكتاتورية جديدة ...و الشيئ هاذا ما هوش ساهل كما يتصورو برشة جماعة.

ثمة قاعدة شعبية كبيرة ما إتخدمتش و مازال ما في بالها بحتى شيئ و لذلك قد تسهل على نظام بن علي الجاي إنو إروضها و يجبدها ليه و عفى الله عما سلف ...هنا بالضبط المعارضة تولي خصرت البوتونسيال متاعها الكل لصالح كذاب جديد ...من بن علي مازال في تونس خمسة لاف واحد و الكلّهم قادرين باش يلبسو لبسة مدنية و في نفس الوقت هم جزارين و لا إيخافو و لا شعب و لا صحافة ...و في نفس الوقت الناس هاذم إتولي عندهم شرعية جديدة و إقولو الي هوما جاين باش بنقذو البلاد مرة أخرى...المعارضة ما زال ما نجمتش تخدم الطبقة الشعبية الكادحة و مازال ما نجمتش باش تقلب موازين القوى لصالحها ...يعني العمل السياسي التعبوي الشعبي ما زال ما صار منو حتى شيئ ...و في نفس الوقت العمل المعارض النخبوي ...أصبح عمل تكتيكي ...إستراتيجي لا يرى إلى التحت. النظر إلي الفوق و إلى هرم السلطة أضاع على المعارضة الرّؤية الصحيحة للنضال من أجل إنعتاق الشعب هاذا. النخبة التونسية و التضحيات الي قدمتها رجالتها مازال ما وصلتش باش إتقدم مشروع كامل و متكامل للشعب التونسي باش إنجم هاذا الأخير ينخرط عن وعي و مسؤولية كاملة و يلتحق بالكوكبة.

الفيلم هاذا تعبوي ...شعبي ...أكثر منو توضيح للرؤية لأنو موش قاسم و إلا عمار و إلا زيد قادر باش إحدد حاجة لشعب كامل ...الشعب التونسي هو المسؤول الوحيد على المستقبل متاعو ..و لست هنا لأفكر لأحد أو أن أفرض على أحد رايتي للآشياء ...الشعب التونسي لازمو فقط يعرف ...و كلما زاد تراكم معرفتو بالقضية الوطنية كلّما أمان بها و أنخرط فيها ...إنشوف الي العمل متع المعارضة لازمو ينزل إلى الساحات الشعبية و إلى المعامل و إلى الحوم و عند القرى و في الأرياف....زيارة واحدة لمقهى بعيد عن صخب المعارضة تكون لها جدوى أكثر من خمسين رد على من لا عقل له.

كتبت ما كتب ربي في القهوة ...سكرت الكراس متاعي و مديت الساقين على الكرسي الي قدامي ...رقدت ...تاعب ...سكرت عيوني و شفت الفولارة متع زينب طايرة على تونس الكل من قرية لقرية و من ريف ريف تتقاذف فيها الأرياح ...قلت المحرمة هذه كانت جات خمار أبيض راهي ...إشركت بين هواء و فضاء من رصاص البوليس السياسي ...لو كان جات خمار أسود يا جماعة راهو الجيش خرّج الخمسة الأف الي عندو و ضربها بالمدفعية الثقيلة ...عقم الساسية التونسية وصل لدرجة الغباء .

· فيّقني كورتي من نومي و قالي شاف : شنوه الي في راسك ؟ زينب إتسلم عليك و قتلك الي تعملو مبروك ...خصرتها يا قاسم ...توه تاكل صباعك و إتقول يا ريتني ما عملت ها العملة ...يا قاسم يا عرفي راهي المعارضة ما إتسدش عليك ...راهو إيجيك إنهار و ما ياقف معاك و لا عربي ....طلّقت مرتك على خاطر باش تتفرغ لخدمة ناس راضين بالذّل ...و راضين بالي هوما فيه...عيب عليك يا عرفي ...باش إتبصيني معاك و باش إتباصي روحك من اجل شعب ...و ما هوش شعب
· لا شعبنا ما هوش جبان !!!! لا الشعب التونسي شعب ذكي و ما عاد قادر عليه لا معارضة و لا نضام ...شعب إتعلم كيفاش يسكت و إتعلم وقتاش يتكلم ...الشعب هاذا بالع السيكنة بدمها لأنو ما لقاش أشكون إوريه الطرق الصحيح و الطريق السليم للحرية متاعو و للكرامة متاعو ...في لا دامك ما قعدش معاهم في القهاوي و ما حدثتهمش بلغتهم و ما إشربتش معاهم التاي و ما كليتش معاهم ...و ما صليتش معاهم و ما حسيتش بيهم ..و ترافعت عليهم و حسبت روحك نبي جديد ...الشعب هاذا ما يمشي وراء حد لأنو فهم اللعبة السياسية و فهم الخشلات الكل ...الشعب التونسي من اصعب شعوب العالم ...ما يقتنعش بسرعة و ما يعطي الثيقة في حد ...أفهم الشعب التونسي اليوم مازال يبحث على التوازن متاعو لذلك ما عندوش في مخو مفهوم الحرية لأنو ما شفهاش ما يعرفهاش ...كيفاش أطالبو الشعب بحاجة عمرو ما راها و عمرو ما حس بيها و عمرو ما عاشها ....؟

· كيفاش باش تعمل معاه يا سي قاسم؟

· كما عملت مع زينب.............طلّقتها و مازالت إتحبني و ما زلت إنحبها ...الثيقة في النفس ...الشعب التونسي لازمني أنعلمو كيفاش ياثق في روحو ...بالنسبة لي أنا ما إنحب حد ياقف معايا ...ما إلوجش على حتى شيئ ...إنحب نعطي و ما ناخوش ...أفهم كان كل معارض يفهم الي من واجبو فقط باش يعطي و يزيد يعطي فقط ...و ما إفكرش في التعويض و لا حتى في شيئ أخر سوى العطاء من معرفتو و من تجربتو..الشعب التونسي إولي يفهم و يقدّر التضحبات الجسام متع الناس هاذوم....لازمنا باش نمشو للشعب التونسي و نزوروه من دار لدار ...الحل و الفيلم هاذا الي في راسي ...باش نوريك الثراء متع شعب ابو القاسم الشابي ...أنا يا كورتي باش إنخليك تكتشف الشعب متاعك وقت الي يبدى إلداخل في الدار متاعو أين يشعر بالأمن الحقيقى و الطمأنينة الصّحة و الصحيحة....األبرى الشعب التونسي إتبع إتبع و إيلاحظ و ما ياخو القرار متاعو كان مع العائلة الكل ...بالعربي الشعب التونسي إنكمش و سكر على روحو الأبواب الكل لأنو فقد الثيقة في التلفزة و في المثقفين و في الجرايد و لكن لم يستسلم.
· شوف يا عرفي ...إنحس و :انك ترى علاش ناوي ...؟ عطيني البرنامج من الأول ما إتخلينش من فجعة لفجعة ...حتى النوم ما عاش جايني كما العادة ...وليت ماعاش نرقد على كيفى ملي عرفتك ...يا عرفي ...بصراحة إتعبت و لازمني نلتهى بروحي شوية و خليني يرحم ولديك رايض ما عاش تجبد علي حتى حديث...ياقاسم ...ما عاش عندي الأنتوزياوم متع زمان ...فديت من المعارضة و فديت من الجغ مغ.
· حاضر سيدي ...إنت حر ...برى أمشي روح و ما عاش إدور بجمهورية قاسم و أنا كيف كيف ما عاش نجبد عليك و إنخليك على راحتك ...و في الأخير حبيت إنقولك يا سي كورتي ...شكرا جزيلا ...و فضلك على الجمهورية ما ننساهش ...إلى اللقاء إنشاء الله أمام المسرح ...شوفتو المسرح هذاك ....حياتي الكلها مسرحية ...لكن إدور في تونس الكل ....إنشاء نسمع عليك كان الخير ...و نتمناليك النجاح في حياتك ...كورتي سؤال أخير؟.....علاش ما عرستش ؟ أش قولك كان نقالك مرا باهية ....إنت كي ولدي ؟ علاش لا....!!!!!!!!!!!!!!!
· خليني قعد ما لا عرفي في لدامك وليت إتخمم فيّ على الأقل و لا مرة قلت بالك صاحبك إيضيع ...أي موضوع باهي العرس !!!! و خطانا من المعارضة و من الساسية ...ها طلّقت إنت يا سي قاسم ...علاش ما إتوجلش على زينب أخرى ...؟
· و الله فكرة يا كورتي هي إنعرسو!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

و شاخ كورتي و بدي يفرك في إيده ...إسمع عرفي إنحب وحدة طويلة ميترو و ثمانين على الأقل ..قد فارغ ....إنحبها جقوار!!!!!!!!!!!!!!!!!!!! عين و شعر و أخلاق و جمال و كل شيئ

· وين نلقهالك هاذي ...حتى في المجلات ما ثماش ؟ وين شفتهم في تونس هاذم ..؟ فيق على روحك ....جقوار ...قول كات كات باشي ....أر دي زيوت ...حاجة معقولة تونسية أما ها الألمانيات ما عندناش هوني و عمري ما ريت وحدة تشبه لخطيبتك كان في التلفزة
· يا عرفي ها النوفال جينيراسيون فيهم كعبات باهيات ....طوال ....عيون خظر ..شهل ...تعمل ميترو و سبعين بالمرتاح..........

طاح الليل ...بدات السهرية ...و الناس الكل بدات إتروح من القهاوي ...التوانسة إحبو السهريات العائلية و خاصة منها الرمضانية ...و تكثرت الزيارات ...إتعدينا على الباتيسيرى الولة ....شريت باكو قطو فيه اربعة و عشرين كعبة ...طلع سي كورتي يلبس فس الكاستم (هههههههه) ...هبط الراجل عريس يعمل ستة و ستين كيف ...حط شوية بارفان ...فولقري ...كبس روحو و قالي يا عرفي ...ما إروحو كان بمرا باهية ....ديريكت نكتب الصداق ...و إلا تعرف يا عرفي إكتبلي إنت الصداق متاعي و موش لازم حتى البلدية ما هو عندك جمهورية بالدستور متاعها...قتلو كان الخدمة هذه مازال ما خدمتهاش ...أنا عرفك حتى من طبال خدمت ...نقصها صبع القابلة ...نكتب لولدي حتى سبعين صداق ...و كان لزم باش نخولك من الضربة لولة أربعة نساوين ...ما ثم حتى مشكل.

قالي يا عرفي العرس راهو باهي و لازم باش الواحد إكمل إشطر دينــــــو ....ما لا شنوه ..قتلو شوف يا كورتي المرا باش إتنحيلك الشطر الي عندك و تبقى بلاش ضربة وحدة ...يزيك بلا دوة فارغة ...يا كورتي و قول ربي إطيحنا ببنت الحلال ....أيا وين نقصدو ربي الليلة ؟

كورتي قال بره نمشو للمنار ....قتلو شوف ما تبداش بالصعيب ...نبدو بالساهل ...رانا ما شيين نخطبو موش ماشيين نشرو في دار ...إسمع صحوبة ...نمشو لحي التضامن أش قولك ؟ لا لا يا سي قاسم ما ناخوش منهم ...هاذوكم صعاب و نزوح ...و أنا ...لا لا لا لا : شوفت كيفاش يا رجال حصلت ...المعارضة حاقرة شعبها كما إنت بالضبط في حكاية المرا ...أشنوه حاسب روحك حاجة كبيرة ...و إشكون قالك الي في حي التضامن ما نلقوش حاجة باهية كما إتحب إنت و تعشق...شوف يا قاسم ...بربي الكل كان حي التضامن ...؟ لا إنت عندك الثيقة في قاسم و إلا لا؟ كلا م هاذا يا عرفي ....أقصد ربي لحي التضامن ...و يا سلاك الواحلين...كرهبة العريس شقت الطريق متاعها في إتجاه حي التضامن ...ليل و السهرية على أوجها ...و قاسم عمرو ما دخل حي التضامن و عمرو ما حط ساقيه في دار دون دار صحابو و أحبابو ....العروسة باش نختاروها على حسب الّدار متعهم من بره .!!!!!!! الي تعملو مبروك يا عرفي ...أش قولك في الديورة هذي ...أي ندخلو و غنقولو الي أحنا جينا خاطبين راغبين في بنت النسب و الحسب ...كورتي عمرو ما شاف العروسة و ى هي شافاتو ...و لكن الفيلم فيه مغزى أخر جملة و تفصيلا....أضرب على الناقوز يا سي العريس ....حطيت باكو القطو في يدي و قلت با ربي العمل عليك و الشدة فيك ...سنواجه الشعب ...و لأول مرة على طريقة الخطبة....ظرب الناقوس و قلبي يظرب في الماية و عشرين يطلعش واحد من الباب يعطينا طريحة ...و يقلب علينا الباكو ....دقيقة ما ثماش !!!!! بنية صغيرة في عمر حليمة حلّت الباب ...و قالت ع السلامة ...قلتلها بوك هوني ...قولو عمي قاسم في الباب حاجتو بيك ....جاء بوها ...و أحنا عارفين الراجل عندو بنية و إلا لا حاضرة للعرس ؟ لا و الله لا .

جاء عمي الراجل ...و قال إتفضلو ...أش حاجتكم ...وقت الي شافنا لابسين مليح ..الراجل حل الباب و قال الدار داركم ....دخلنا و دخل العريس راسو من القاعة ما هزوش ...دويرة على قدها ...دخلنا الصالة ...المرا قاعدة إطيب في التاي و العروسة بحذاها ...إتحضر في دروسها ...حطيت باكو القطو أمام أم العروسة و قعت انا بوها و كورتي على شيرة ....قال أش جابكم لها البر ...قتلو رانا جايين نخطبو في بنت الحسب و النسب .....حل فمو ....خرجت العروسة تجري من حذا أمها ؟

و في لحضتين حضر العشاء و زادت التاي بالكاكوية ...ولدي مهندس في امريكا و قلت إنحب نتهنى عليه ...قلت بالك يكتب المكتوب...قالت أمها ...علاش لا ؟ مرحبا بيكم ...و الديار تتدخل من أبوابها .....المعارضة الكلمة هذه عمرها ما فهمتها ...ديمة من الشبابك و التنقيز في ديار العباد في الليل.

أش تخدم يا سي قاسم ؟ معارض يا حاج ...خدمتي في المعارضة ...ليل و نهار ...وقف الراجل و قعد يفهم ...شعرة لا داخ ؟ قالي لحظة يا سي قاسم ...شنوه خدمة المعارضة ؟ خدمتها إنها إتقولك الحقيقة ...حقيقة نضام بن علي و كيفاش نحالكم جد وليدكم ....خاف ...فهمت الي الحاج إنحلو باب العرش الليلة ....و كان من الجماعة ...و لكن بلع السيكنة بدمها ...يا قاسم ما كش بوليس؟ لا يا حاج البوليس ما إيجيش يخطبك في بنتك !!!!!! هات الصحيح علاش جاي يا قاسم ؟ جبد من جيبي المانيفاست متع جمهورية قاسم و أعطيتو يقرى ....الصفحة الملعونة.........الراجل نادى على العروسة و قالها ...إنت وصلت راجلك من اليوم ...وقف كورتي ..و قال يا حاج ....قص عليه الحاج : و قالو أعمل الي إقولك عليه عرفك ....البنية وصلتكم ...و انا الليلة إنفهمها أش تعمل ....با مرى شوفي ....سعيدة من اليوم على ذمة جمهورية قاسم ...ما إتحليش باكو القطو الجماعة عندهم وين ماشين الليلة ....و مازال عندهم خطبة أخرى ....سعيدة ...ألبس دبشك ...و راسك راسهم ...هاذم رجال إتعملي عليهم

و من دار لدار و بباكو قطو واحد ...في ليلة جمهورية قاسم ...جابت حي التضامن الكل معاها ...وزعنا كل المناشير متع الجمهورية ...و بدات الخطبة من حي حي و من دار دار ...و من مدينة لمدينة ...و من ريف لريف ....و تحرك البلاد ...إتلوج لقاسم على زينب.

قاسم قاسم

إنقلاب جديد ...يقوده بن علي ضد بورقيبة

و رجع للباشا

بتكليف من الرئيس زين العابدين بن علي
السيد محمد الغرياني يشرف على موكب خاشع بمناسبة مرور
60 سنة على وفاة المرحوم المنعّم محمد المنصف باشا باي
09/09/2008.. بتكليف من سيادة الرئيس زين العابدين بن علي أشرف السيد محمد الغرياني الأمين العام للتجمع الدستوري الديمقراطي صباح يوم أمس بمقبرة الزلاج على موكب خاشع بمناسبة مرور ستين سنة على وفاة المرحوم المنعّم محمد المنصف باشا باي تولى خلاله ومرافقوه تلاوة فاتحة الكتاب ترحما على روحه الطاهرة الزكية ووضع باقة من الزهور.
وكان الأمين العام للتجمع مرفوقا بالخصوص بالسيدين المنذر الفريجي والي تونس ومحمد صالح الغربي رئيس دائرة المناضلين بالتجمع.
كما حضر الموكب الكتاب العامون للجان التنسيق بولاية تونس وثلة من الاطارات التجمعية ومن المناضلين والمقاومين
---------
التحليل السياسي
ماهو في بالكم كيفاش جماعة 6 ، يعني جماعة بورقيبة رجعو من جديد ، بالطبيعة النتيجة واضحة كانت متع مؤتمر التحدي ( فاش يتحدو موش عارفين ) ...هنا نفهمو ألي الحزب الخارب هذا فيه زوز تيارات متصارعة من أجل البوفوار ...جماعة بن على ..إنقولو الطرابلسية لأنهم أكثر و جماعة بورقيبة ...باهي ...بن علي في خدمة الطرابلسية أينما كان ! لأنو متورّط كيفهم في كل شيئ !!!!!

أبعث المدير متع الحزب باش إزور الباشا ....الرّسالة هذه تعني سياسيا : بورقيبة مات ! و الرّسالة تعني تحذير شديد اللّهجة للجماعة متع الحزب ألي مازالو شادين في سياسية بورقيبة ...و حاسبينها المرجعية متاعهم ...

رجوع بن علي للباي ...يعني إنقلاب جديد على التاريخ التونسي ...و محاولة أخرى فاشلة في البحث على الشرعية التارخية ...بن علي عمرو ما كان شرعي ...و يستحيل إنو يوصل إكون مرجع من مراجع التاريخ التونسي ...إلا في الأنقلابات ...

بورقيبة مازال حي باش أكون في علمكم يا جواعة الدّستور ...و الجمهورية هذه متع اليوم ، عندها مرجعية تاريخية وحدة ...هو بورقيبة ... عمل الرّاجل أش عمل ...و لكن ما سرقش التوانسة و ما إنهبهاش البلاد و ما أكتبهاش بأسم أنسابو و أولادو ....

و مبروك عليكم الباي و معاه خزندار ...ألي سلّمو البلاد لفرانسا ...

قاسم