09‏/11‏/2008

الأوطــوستــسفـــاكسيون



هنا في أمريكــــــــــا، علي قد ما يتقدّمو ، الناس إتقول شوية !!! لازم التجديد !!! و كل مرّة الشعب هذا إفاجئ العالم من جديد ...بطرح جديد ..برؤية جديدة ..بتحدي جديد....قّوة الشعوب و خاصّة أمريكا في جائزة 317 نوبل ، في الجامعات متاعها ، في عدد الجرائد الي تصدر ، في القنوات ، في الحرّية ، في الديمقراطية ، في الأنسان ! و أحنا في تونس ...رقدنا في الخط ...و مرض النضام هذا بمرض الأوطوستسفاكسيون ! و من العضمة يعمل قبّة ...و من لاشيئ إرّجعها برابكندا ...و من كيّاس إتقول سترينق ...أرجعو تقدّم ....و زادت عليه الطحانة كما ها الي باش نحكي عليه أللوطة باش ...إبيعو في شعب لا حول و لا قوّة له أمام نضام و مليشيات مسلّحة بالكلاشنكوف ..إنعم ..هذا وحد من النخبة التونسية الخائنة ألتي عمرها ما فهمت بالي التحدي و التّنوع هوما الباز متع اي خطوه ألي الأمام .

أخطر مرض ظرب هاكي البلاد هو الأوطوستسفاكسيون، إكيسوش شارع في دشرة ! إرجعّوه أوطوروت كامل ، إبيظوش حوش في نــبّرة ، إقولك شوف البلاد كي ولات بيضة تشعل ، تتزادش حويجة بلا معنى في البلاد ، أرّجعوها حاجة كبيرة !!! واحد من البندارة الكبار : خوانجي قديم ، كان لاجئ سياسي ، هبّط السروال و رجع لصفاقس ! و بدى يكتب و إهز و ينفظ و إدربك : و إقول بالي البلاد حـــلّو فيها شانطي !!كبير!! إنعم البلاد إتحلّت فيها حرب منذ فجر الشابع من نوفمبر ، بلاد كاملة تحت الحراسة المشدّدة ، تحت قانون الصّراح الشرطي ، الرّاجل ماشي في بالو بالي التّقدم في المرّمة !! إنعم بلاد إتحلّت فيها مرّمّة كبيرة و إصعيب باش تكمل ، بن ما يفهم كان في المّرمات ...القانون بعيد عليه و ما يعرفوش ...قالك فرحو بيه البوليس و فزعلو و جاوه للمطار يستقبلو فيه ...خوانجي قديم هذا راهو ...ماهم يستنو فيك باش إتصّب الصّبة الجديدة و القديمة و إيزيدو إثبّتــــــــــــو من إشكون قاعد يتحرّك و إشكون يكتب و إشكون مشى و إشكون جاء ...عمرّكم يا توانسة ما إتعملّو على الخوانجية !!و كي يبدى إصلي في مليون ركعة ...راهم يجبدو كجلد الطبـــّل ...

فرحان بالعودة : ما أحلى فراقك يا زعبانة ، و الشكارة و البحر من عند قاسم ! إنت و ألي معاك الكل و على رأسكم قائد قافلة العودة علي ناقة الختروشي عليه ألف لعنة. و حمد قديدة رئيس شعبة جريدة العمل ، ألله لا إترّبحكم و لا إترّبح إشكون علّمكم الكذب و النفاق...ما فالحين كان في ظرب البندير ...مزاودي خير منكم يا بيّوعة ...

و لا إتعّملو على خوانجي يا توانسة ، راهي جرّتهم ملح ، من الصّبخة ما تخرجوش و تقعدو إدورو في الطبعة طول أعماركم ...رّوح سب الشباب و من المطار بدى شد المرّوحة و إمروح على الطرابلسية و بن علي ...قالك عملو العجب في تونس من مشاريع و من مصانع و تقدّم و إزدهار ...الفلوس هاذوكم ..راهم فلوس الشعب التونسي ..ألي طفوهم منــــــــــــو ...و غارو عليه بأسم الصّخصخة و بأسم محاربة الخوانجية و بأسم الحداثة ....

عن جد ولديك قائم و نائم من بنزرت لبنقردان ، مليون مرّة ، الجماعة ألي كيفك هوما السّبب متع خراب البلاد ...ألتحق يا تافه ببرهان خسيس و بن نصيب الفقمة و زيدو إشمتو في التوانسة ...و أكذبو على العالم ...و إقولو بالي بن علي يفهم ...!!!! و كان موش منو راهي البلاد خلات !!!!

إشكون خربها و إشكون جابها و هي القاعة سوى سوى ...ماهو بن على و مرتو و زاد إنسابو يسرقو في البابورات و إقيدو بأسم الشعب التونسي ...إشكون جاب حاجة من دار بوه ...بن علي و إلا الطرابلسيّة ؟ ..أه يا تافه ...بفلوسنا و بزيتونا ..تضحكو علينا ...تسرقو فينا ...بالحديد و النارّ.

مازال الظرب على قدام ...و مازال ماهيش باش تسلك ...و كي إتروّحو الكل !!! و كي يستنجد بن علي موش بيكم فقط ، بل بأميركم جملـــــــــه ...و الله لا سلمها !!! لا هو لا الطرابلسية و إنسيبــــــــــــــو ...خوذ وقت و أقعد ثمه في تونس و ما عاش إتجي لألمانيا ...ما هي عجباتك تونس و رئيسها و حزبها و الشّعب متعها

إنسيت ، زيد ...إدخل معاهم في الأنتخابات ..بن علي ناقص ...مدير حملة أنتخابية !!! باش إتولي بالحاق مزاودي ...ما يطلع منك كان الرّداءة يا رديئ !!!!

kacem kacem

هناك تعليق واحد:

غير معرف يقول...

ti kebl hetheka men jemlet lekleb el kol
9allou journal el wasat
ama mouch behi ennek tajma3 la3bed el kol
swaba3 idik mouch 9ad9ad