إستـــــــنى ...يا إعبوده

الحنة في إيدين العروسة مازلت خظرة

أنا نكتب و الجنون معاي ! نكتب بالشّلهب ! ما تقروش أحسن

إستنى يا سي عبد الله، المعارضة في إيدها مازلت حنة العيد خظرة ! إه يا سيد الرّجال، في عقلك، السيدة المعارضة ما هيش معجولة ! على حتى شيئ ! لا ما هيش قادرة باش إتجيك غادي لجرجيس ، بعيد ، نفوك بعيد على المعارضة ! و كان ما في بالكشي حبوها ، إتكون زوز معارضات وحدة إسلامية و أخرى علمانية !!! الحكاية مخدومة من داخل المعارضة بالذات باش المكينة هذه إتكون حابسة و إتمريكي كالحكومة ! معناتها يا سي عبد الله ما إلقوش باش يعملو عليك طلّة ! ما عندهومش فلوس !!! ما نجموش يكرو كار متع توريست بالمكيف ! قلنالهم حتى في لواج زيارتكم مقبولة ...على الأقل إيجيبولك الحكم ...

إستنى المعارضة الأسلامية إتصالح و إتشرشي 100 كعبة على الأقل ! في بالي الي اليوم وصلو لزوز و من واحد ما هوش إمثبت في الحكاية ، عارفو باش يجبد روحو ! شوف و إشوف يا سي عبد الله ! كان الحكاية هذه ثبتت تـــــــــوه إيجيك كل شيئ ! لجرجيس و أقعد على البحر !!!! إستنى ...هاهم قالو باش يتفاهمو جماعتكم في بعظهم و باش يلقو حــــــل جذري و يتحرّكو تحرّك بالكبير و إحطــــو الكيلـــــــو ! يا سي عبد الله الكيلــــــــــو هذا موش عارف وين ! و في بالي يوزين ماية قرام !

إستنى يا سي عبد الله ، هاهو عندي كونتينار روبافيكة باش إندخلو على ليبـــــيا و تتمرشن الحكاية و نكري للمعارضة متع العاصمة كـــــــــــار دوبل باش إتهبطهم لجرجيس !!!! و كان إلزم إخلصو عليهم عشاء في واحد من النزل الفاخرة ! معارضة ، علمانية إمصيفـــــــــــــــة على الشطوط و ما في بالهاش بالحكاية متع النفي متعك و ألي الحكم وفــــى، معارضة عاملة إمزية على الشعب التونسي كما الحاكم بالظبط ...بن على يحكم فينا بإمزيتــــــــــــــــــــــو يا سي عبد الله !!!! راهو عجب يا صحوبة .....

إستنى يا سي عبد الله! حتى ليل واحد من جماعة المعارضة إكلّم ولد عام مولى الباش الي إمغطيبن به قصر قرطاج على حكايتك ! و في الوقت هذاك ، إتولى المعارضة تتحرك من تحت الباش حق و حقاني !!!! إستنى يا سي عبد الله حكاية ولد عم شاري بهيمة قصر المعارضة ، راهي إتجيب حاجة ....و إسمع مني يا سي عبد الله أخر شيئ إنقولهولك ....إنت راك إلبـــــــــــرى و على الشط ! و أش عملنا في الجماعة الي إلداخـــــــــــــــــــــــل ؟ أخرهم من الظرب .....إنجــــــــــــــــــــنّ ،

إستنى يا سي عبد الله، المعارضة ، ياسر عليها ...خدمة برشة ! ما عارف ، راهي ألاف زيك ! و الكل إحبـــــــــو يخرجو من المنفى ! إه تونس ، في المنزه و طالب الحرقة ، البلاد إضياقت بأهلهــــــــــــــــــــــا يا سيد الرّجال ! عند 30 كلم في البحر حرية ...أتنفس تحت الماء ....!!!! غوص أكثر و أكثر ، نادي بالبورط يا سي عبد الله !

إستنى يا صحوبة ، حصلة ، حصلتها في المعارضة ، لا تلقلى زوز يتفاهمو ! حديث نساء ساعات الواحد دبشو باش إشرّكو ! واحد متغشش على الأخر و على الدّورة متاعو يعطيه الحـــــــــــــس ! كلّها كي بعضها كي الأسلامين ...كي العلمانين ...كي سيدي ...كي جوادو ....المعارضة هذه كي المــــــــــرّمة ! يا سي عبودة على قد ما تاكل من روس على قد ما تذلال....الكثرة و قلّة الثمرة ...كي الغاسول ! حتى النعجة ما تكلوش !

إستنى حتى ...حتى ينسو الأسلامين خلافاتهم الدّخلانية و العلمانين يلقو صبابطهم و يتفاهمو على مفهوم قداسة الأنسان و من بعد توه إنشوفو حكاية حتى المساجين السياسين ! توه الأسلامين لاهيـــــــــــــــن في تفسير النقل و العقل ! و العلمانين لاهين في الحنة ! أخرها الجامعة التونسية محتفلة بعيد موت ستـــــــــــــالين ! هذا عجب و إلا لآ ! هذا موش شيئ إنطق المعيـــــــــــــــز يا بوقلب

إستنى شيخ تونسنيوز حتي إقوم بأكبر عملية (إقطع ، ألصق) معارضة ! و ينشر الرّسالة رقم 300 الموجهة لسيادة رئيس الدولة ! أخرها زادها لـــــــــــص سي عبد الحميد العداسي ! أنا في بلاسطو إنزيد حتى وحدة و إلا وزو ....عندك وليد يا عبودة و إتحب إديرلو عيونــــــــــــــــــــات يا بابا !!!!! صلي على النبي !!!! صلى الله عليه و سلّم

إستنى !!! يا سي عبد الله ! توه قداش عندكم في المعارضة ! خمسين سنة ! بربي إتفهمتوش مرة على قاسم مشترك واحد !!!! أبــــــــــدا ، كان كي الحديد الناس تقهر في بعضها !!! هاهي ثمة ناس إلبره علاش ما يتفاهموش و يعملو جمعية إتصال، خدمتها فقط باش إتحرك و إتنظم ملتقيات ! و منابر و حتى حفلات صغيرة !!! معارضة لمدة خمسين سنـــــــــــــــة ، قعدت عاقر ! ما إنجبتش شبه مشروع وطني قادر يكبر ....حتى من 18 مات من العشرة الأيام الأولــــــــــــــــــى

إستنى ...يا عبودة ....ثمة حاجة موش راكبة في ذواتنـــــــــــــــا! أحنـــــــــا يا سي عبد ما نعرفوش إنعـــــــــــــــارضو ........أحنا عرضة ...فرانات متع تراكتو ، خشبة !!!! أحنا إتعلّمنا اللّغة الخشبية و لغة الديبلوماسية الفارغة ....هاك علاش جيل كامل ضاع في الحبوسات و في المنفى ....أحنا ما عندناش نخبة يا سي عبد الله و إمقصرين في حق شعبنـــــــــــــــــــــــــــا و في حق العالم أجمع !!! ما قدمنا شي منذ سقوط قرطبة !!!

أنا إمقصر في حقك و في حق كل المساجين السياسين و في حق الأمهات و في حق أناء المساجين و في حقى .....سيدي يا سيــــــــــــد القوم ، أخيرا ، أعتذر على هذه الكتابة المرتجلة !!!!!!!! قولــــــــــي ، أنا إنعارض عــــــــــــــــلاش ! كيفاش أنعارض ! في إشكون أنعارض !

قاسم قاسم