طارق الحكلاوي في الفايس بوك (2)

من ناحية التخلويض! أنا أكبر خلواض في العالم يا دكتور ! و من ناحية أنو ما فهم و لا واحد الفيلم هذا: هذا عندك فيه ألف حق : بن علي نفسو و التجّوع و الللجنة المركزية إتقول نفس الكلام على الشعب التونسي، و هذاك علاش كل بعد خطاب إسيب الوزراء متاعو كي الجراد إفسرو فيه للتوانسة: النضرة الدونية للتوانسة هذه، هاك جسّدتها في التعليق متاعك و بكل عفوية !!!! علاش؟ هذا الي باش نكتشفوه في الحلقة هذه! ...أنا إنكدلك ـ بالي الشعب التونسي موش فقط فاهمني...بل قادر باش إفـــهّم المليح فينا !!!! نتجاوزو الحكايات هذه !!!! و إنحبك إتكون ريــــلاكس ...و تقبل الخيال بشوية تواضع . الخيال يساوي التنبئ بمجيئ المستقبل ، و أنــا حاب إنقدّم للشعب التونسي النخبة متاعو و أش قادرة تعمل.

تاكسي إتولوح في 140 في الساعة قاصدة ربي لمطار الجي أف كي في نيويورك ( خدمة جديدة)، الدكتور طارق الكحلاوي حال الرّديون متاعــو ! حكايات و حوارات مع الكلندو و البرباش : في الحقيقة الناس هذه عرفتها الكل بأصواتها و عبر كتباتهم ! فأتشكلت عندي فكرة على كل واحد ! بل الشخصية نفسها بدون نقصان !!!! الرّديون جاب النشيد الوطني و أنهر الدكتور بكاءا : حس وطني إنتابـــــــــو و قال للشوفير : زيد في الفيتاس !!! طيرها التاكسي ! الدكتور طار لتونس قبل الرّديون ، قبل الذبذبات الصّوتية ...حكاية الرّديون و الدكتور إتجي فيلم وحدها بدون الفايس بوك.

حلّقت الطيارة على تونس ! ما هو في بالكم بيها خظرة ! أبدا : تونس من فوق أتقول حكة طماطم مصددة ! و أتشوفو عبر السايت متع سامي بن غربية ، خريطة السجون ! و خلايطة القصور ألي بنها بن علي لمرتو : ما هي قصّة الحب هاكي جات على راس تونس ! و إشكون صّفق : النخبة التونسية و أشكون المزاودي : برهان بسيس و الي الأن ! و إشكون كتب الصّداق : الشيخ راشد الغنوشي ...الصّــّور هاذي الكل دارت في راس طارق الكحلاوي قبل ما ينزل ...موش عارف علاش شدو الطيارة الفوق / فوق المطار إدور لأكثر من نص ساعة ! المهـــم سائق الطائرة ، حب إفرّج الدكتور على الحالة القارصة متع البلاد !!!! شاف الفقر! شاف القمع ! شاف الأرهاب متع الدوّلة ! شاف الناس حارقة في البحر !! شاف الأمراض كيفاش جات على الشباب ! شاف المخدرات تتباع قدام الليــسيات ! شاف العاهرات شدات الصّف في قلب العاصمة ...الطيارجي ما خلى و لا حاجة ما ورّهاش للدكتور طارق الكحلاوي : وراه كيفاش صار إنقلاب شلعة نوفمبر ! وراّه كيفاش صار التزوير متع إنتخبات 89 ! ورّاه الأستفتاء متع عام 2000 ! شاف الدكتور بعينتو : صخصخة الأقتصاد التونسي لصالح الطرابلسية و عائلة بن علــــــــي !!! و في الأخر وراه الخليفة متع بن علي !!! إذاعة الزيتونة و بانكة الزّيتونة ...ورّاه جامع الزّيتونة.
و جاء صوت المصّيفة : مرحبا بكم في تونس ! بلاد الأمن و الأمان ! إبتسم إنها تونس ! مرمدني و أضرب بالكف....بعد خسة دقائق تكون قد حطّت الطائرة...

على أرض الملح و الكذب و النفاق/ نزل الدكتور طارق الكحلاوي / في ممر خاض أداه ألي سيارة مخصصّة لمهته الغــير مستحيلة ، مرسيدس الرّئاسة كانت في إنتضاره/ . فتــح ( بضم الفاء) له الباب الخلفي ....في طريـــقها ألي قصر قرطاج !.
هل يسلك الدكتور طارق الكحلاوي نفس الطريق الذي سلكه الدكتور المازري الحداد و يصبح بوابا للقصر ؟ هذا ما سنعرفه في الحلقة القادمة !؟

قاسم قاسم

الدكتور طارق الكحلاوي في الفايس بوك

الفايس بوك
جمهورية قاسم تقدم
الدكتور طارق الكحلاوي و المدّون الكبير فري راس
في الفلم الجديد
الفايس بوك

ما لقى بيها وين عمّار بن علي ، كل يوم بفركة و عود حطب داخل على المدّونين ! أظرب هذا ، إشلم هذا ، سكّر الحانوت هذا، ، نقصّ لهاذا في الدوزة، أبعث فيروس للفايس بوك ، سكّر جد بوه الأيمايل، أش نعملو أحنا بالكوميوترات و الأنترنات ! خلى العباد ترجع تكتب بالفحم ! بن علي قوى عليه الطرب و كل يوم تطلع مدّونة جديدة و تنقب حيط الكلب و الحمار ( أرجع لفيلم هجرة الحكيم، توه تفهم إشكون الكلب و إشكون الحمار). جربوعستان ما عاد فيها حتى كابل يخدم، بن على ما إنجمش يحكم في شعب حر ، عرف الحرية و حتى شوية !!! ما إنجم يحكم كان في ناس من تحت إماتها ما خرجتش !!!! الفايس بوك ، رجع العالم قرية و الأولاد و لات إنتاقش و تتظم داخل نوادي و مجموعات ثقافية و سياسية و حتى ربما أحزاب ! و علاش لا ؟

على مستعملي الفايس بوك التفكير جليــــا في الأمر هذا و أنا قاسم قاسم أول ما مدخل في حزب يتحدى بن علي و التجّوع . شوفو الحكاية يا جماعة و قولولي ! ما هي ديمة تبدى بفكرة صغيرة ...و فــلّيس مع فلّيس أولي كديس ! و و احد مع واحد إولي حزب كبير و تولي رؤية سياسية و أولي مشروع إجتماعي و ثقافي و سياسي !سموّه الحزب هذا : حزب الفايس بوك !

ما عليناش ...أنا إنــحل الطريق و إنتم عليكم بالكتيبة و البحث على حقيقة الأشياء. عمـــّار حاب إفسّر للشعب التونسي : علاش أمر بتسكير الفايس بوك و علاش أمر بتسكير المدونات متع الأولاد ! و علاش البلاد هايشة في حالة طوارئ منذ ضلام الشابع من نوفمبر العقيم. و كما عادتو سي عمــّار بن علي ، كل وين يعمل خطاب يبعث الوزراء باش إفسرو الخطاب هذا للشعب التونسي ...و كأنو الشعب هذا ما يفهمش و إلا عمّار بن علي يتكلّم بالشّنوه....عاد كي الشعب هذا ما يفهمش أش إقول عمـــّار ..إنولو إنجمو إنقولو بألي عمـــــــــــّار إمطيح في الشعب التونسي بصلة !
يا شعب يا تونسي ، وقت ألي الرئيس متاعك إمطيح فيك ذبانة ! ما إتقوليش علاش ما زال إتناشد فيه باش يترّشخ مرّ’ أخري ! يا شعب يا تونسي / الحكومة هذه حاسباتك قطيــــع ما تعرفش أش يصلح بيك و لازم إعلموك المسير كي الحمار بالظبط ، علاش مازلت تسمع في خطاباتهم و إتبع في شعبهم و تقرى في جرايدهم !

يا شعب يا تونسي يا أحسن صفاق على مسرح قرطاج! أنا إنقول ألي عندك الدّم الفاسد، مريض بالدّم الفاسد و لازمني إنعديكم الكل على المغيـــــاث و كان ألزم ، إنبطل كل شيئ و ما نلتهى كانك بالشعب ألي إصفق لفاطمة بوساحة و زين العابدين بن علي !

ما لقي بها وين بن علي ، قال في بلاصة ها الوزراء ألي لا هم يخدمو و لا هم شادين الطفلة ...هاهو نبعث بالمدونين للشعب التونسي حتى إفسرلو علاش سكّرنا الفايس بوك و الأنترنات الكل....قال إشكون نبعث ؟ جاء على بالو قاسم : قال ، هذاك يعمل علي إنقلاب قبل ما يوصل لسوسة !!! بطــــّل !!!! ظرب خماسو في سداسو و طاح الزّهر على الدكتور : طارق الكحلاوي و إفكارو اللّيلة ! بن علي ما إخاف كان من الجماعة ألي إفكـــرو في النهار ، واحد كما طارق الكحلاوي ما إخوّفش : الشخصية هذه إتذكرني بصديق عزيز عليّ ياسر ياسر ألا و هو طارق بن زياد متع تونزيـــــــــــن العروصة : طارق أبن زياد هذا مرّة من المّرات قتلــو هيّ نعملة إنقلاب على تونزيــــــن !!! راهي ولات شعبة : قالي لازم إنشاور الفرنسيس ! ما لا قتلو بالحرام كمـــــــــا إنسّكرها : و سكّــــــــرتها في ليلة من ليالي طارق الكحلاوي و تفكيرو في بان سلفـــــــــــــانيا: على فكرة ، ما هي جابتنا الدّورة على بان سلفانيـــــا ، خلي نحكيلكم عليها / كنت في نيويورك ! صاحبي عندو فولفو لازم إصلحها في بان سلفـــــــــانيا ، قالي تمشي ، قتــــلو إتالي لا ! ديمه على قدام !! وصلنا ...نحساب روحي في مدنيــــــــــــــــــن !! ما فيها حد ! بلاد فارغة ! كان طارق الكحلاوي !

يقرى في جواب جاه على طريق البريد السّري السريع !!! أنا وقف على الطاولة ! و الرّاجل سكّر الجواب و دخل بعظو ...جاه جواب من الرّئيس ! و طلب منو باش يهبط حـــــــــــالا لتونس و يمشي إفسّر للقفاصة علاش بن علي سكّر الفايس بوك و الأنترنات في نهار واحد !!!
و حتى قهوة ما طلبهاش لسي قاسم ألي جايــــو بالّّــــذّمة باش إقولو على السناريو ! و كيفاش إنجم يقنع القفاصة و الرّديف و المظيلة بمشروع بن علي التحديثي متع تسكير الأنترنات.:
عمل وطني قالي ..! !! توه طالع للمطـــــار ...ما عنديش وقت يا قاسم ! بره رّوح ! ما إتكـــّلمنيس : توه إشدوني في المطار !!!!! أش بيك ما إشدوكش ! عندك فيزا من الرّئيس و باش إتقابلو ...الرّأجل طار كي الحمامة و عينك ما رات العمى.

فاصل :

برشة نصوص ، خرجت على الأنترنات و تقرات و إتناقش و في الواقع النصوص هذيك إتكتبت يا نــــــــــاس و البارود في راس صاحب المقال ...هذا باش إنحظركم للحلقات الجاية متع فيلم الفايس بـــــــــــــــوك

قاسم قاسم

دارجــفـوني ...رسالة ألي المدونين

.
علي ميزان فرانكافوني – عربيــفوني ، قاسم راهو دارجـــفوني ، لا أكثر و لا أقل ! لأنو ما يعرفش لا عربي لا سوري، ضعيف لا أكثر و لا أقل ، موش حاجة تونسية و إلا لغة التّشبث بالتراث. أبدا ، جماعة تحت الصّور بالنسبة لقاسم ما إمثلو كان أرواحهم و حزب الدّستور.

من هــنا نلدو في الحديث !
المدونين التوانسة ظربهم القرف متع الكتيبة، واحد بطــل، الأخر إهدد بتسكير الحانوت ! و عمّار زاد على الطين بلّة جبد على برشة جماعة ! و زاد كملها بالفايس بوك ! من ناحية عمّار متفقين : يكره القراية و الكتيبة و ما إحبش ريحة الدّكاترة و خاصة كي إكون مرزوقي و إلا إستاذ من شابة توزر ، يعني نجيب الشابي ! ما نحكوش كان جاء الدكتور خوانجي و شيخ و خاصة من الحامة ، نحكو على الغنوشي ...عمّار إطيرلو من واحد عامل بــــــــــاك + 4 فما بالكم بالجماعة ألي دايرة بيه ، من السّتة ألفوق و غني !

باهي و المدّونين ؟ فاش قام ؟ باش إسكرو حوانتهم ؟ و يجمعو نصباتهم ؟ لا جاهم عّمار و طلب التاكس و لا جاتهم البلدية و قالتلهم إدفعو الخّروبة !!!! لا طاح و لا دّزوه : الرّأجل قال سكّرت. و ما عاد قابل حتى زائر !!!! سكر لا قعد ! ناقصها صبع القابلة هي البلاد !.باهي إنحبو نفهــمو علاش ؟ ها القرف هذا و الفدّة و التابعة ! و الفيريس ألي ظرب المدّونين.
التونسي نفاّح ، بطبيعتو ! اليوم ينفح إحل مدونة ! غدوة ينفح إسكّرها ! بعد غدوة إطيرلو خلاص ، إبيع الكوميوتر جملة...علاش ؟ السبب واضح : لأنو ما عندو حتى هــدف ! دون إبجيكتبف ! إذا ما يصبرش ! ما إداومش ! ما عندوش فنش ! ما إنــجّمش ! بالعربي سكنت الهزيمة فيه ، عششت في راســـو : توه عندها سنين ...طرح بيـــلوط أحسن من تدوينة ! قعد مع حارة بيرة أحسن من تعليق !!!!!! الوقت ما عندو حتى قيمة بالنسبة للشخصية التونسية ! كان جاء عندو قيمة ما يحكم فينــــــــــا عمّار توه عشرين سنة على فرد جنب.

المدّون ، إدّون خارج حلبة الصّراع ، ما غير كونــــــــــبا، ما عندوش كونبا جملة و ما هوش مستعد حتى باش يدخل ...من بعيد لبعيد ...هارب إنو إواجه الواقع متاعو ...هارب إنو إخضوض المغامرة ألي باش تعطيه القـــــــــــو متع التدّوين ...موش إدّون في الفارغ و لكن يملى في الفارغ الي بالظرورة حصل فيه ....هنا إولي إفــد و تطوال المدّة بيه و إعلّق الصباط.

ألي إحب إعلّق الصّبـــــــــاط من المدوننين ما عليه كان يزرب قبل ما إطيح الشمس ! ربي إهنيه ...التدّونين مســؤولية كبيرة موش لعب و نفحة متع أولاد صغار...من لم يتعوّد صعود الجبال يعش أبد الدّهر بين الحفر .
أنا باش إنواصل التدوين ليل الحبـــــــــار متع الكورة الأرضية يوفى ! و المعركة ألي حليتها النخبة التونسية ما هيش باش توفى لقيام عيسى ، ضد القمع و أرهاب الدّولة / ضد بن على و الطرابلسية و حزب التجوع.
الفضاء التدويني ضيق جدا ! و ما نجمش يستوعب برشة ناس ! هذاك علاش المدّون إفد و يقلق ...الفضاء التدّوني عني بيه : إنو ...إقولش المدون كليمة على واحد إخر ! تنزل عليه الجماعة بفركة و عود حطب ..علاش ؟ حتى إعيفوه ....لو أحنا خلينا كل فول زاهي في نوارو ...و بدون تجريح و بدون أي مساس بشخصية المدّون لأصبح الفضاء أرحب و أرحب.

بن علي و التجّوع ما إنجموش يتنفسو في فضاء كبير ...ما إنجمو يشعرو بوجودهم كان في فضاء ضيق جدا ...و لذلك إتشوف بن علي موجود عبر بعض المدونات باش الشيئ هذا ما يكبرش ...و إيزيد يتسّع أكثر و أكثر
ألتجأ بن علي حتى إلي تسكير الفايس بوك علاش ؟ لأنو فيه إضيع و ما عندو حتى وزن ! بن على إخاف إنو التوانسة يتفاهمو أولا ...و ثانيا تصبح عندهم مرّجعيات جديدة...بن على إحب إكون هو المرجع و الأخ الأكبر و الأب الجنون ...و إلي غير ذلك .

ما ثماش شعب على وجه الأرض إنهزم ...و يستحيل إن الشعب التونسي باش يخصر المعركة متـــــــــــــــاعو ....المهزوم الوحيد هو بن علي و التجّوع ....و يطوال السّفر و ينقص الظفر.

قاسم قاسم

شكرا يا أمي.

وصـــل المدد.
وصلت قهوتك...و صل العتاد و العتد.
الزيت و الزيتون و القصب
شكرا.

أمي الحبيبة
وصلتني الذخيرة
صباحا عند الظهيرة.
فأطلقت عنان أخر قصيدة.

بالزيت... الذهبي... إغتسلت
بالزيتون... الأسود....سبّحت
قبلّت قلم القصب
و بالحنـــاء
قبلة على جبينك.. رسمت.

ببعض الزيت للحكيم، أرسلت
لعمر ...لطارق ...لصالح
لأمل ...لنور ...لكل العصافير
من قهوتك أعطيت.

جدت بكل ما عندي
بكل الهدايا.
و بالحنّاء لزينب و أمل .

قاسم قاسم

A Zakia DHIFAOUI

إنتظرك على الخط السريع.

و الدقيقة بستين قرنا وصبري ما زال طويل

إلا أن تشرقي كشمس الأصيل

عندها سأشتري تذكرتي فأنا إبن الرحيـــــل

عسانــــي أبحث عن مطر غزير

أتعرفي إني لا أغازل القمرو الشعر الطويل

إني أعبد الحب الجريح أعبد العذاب و...الهجر ...البعيد

أنا لا أخير النساءأنا أختار لهن الكساء

أختار لهن حتى الحساءو أختار منهن البهاء

.عندما أخترت زينب

لم تكن قمرا لم تكن نرجسالم تكن أميرة

كانت سيدتي مريما عذراء

أسافر ذبذبة أسافر وشوشة أسافر دون تذكرة

في مدن الضباب في قلب دخان القطار

لن أبحث عنك ولن أزورك سأكتب قصيدة فيك

تكون في عبق قميصي قميص عثمان

إنستي يا صاحبة حقيبة القانون

إني متمرد شارد معارض لدول القانون

فهل تكوني في يوم نصيرا لي بين يدي قاضي القضاة زينب و قيس المفتون

أعلمك سأتمرد كل يوم من جديدعنك و عني وعن أصابع ألة القانون.

أتعرفي إني عزفت أخر لحن قبل الدقيقة المليون

أسف أنستي عن هذا اللحن المجون

أنت يا ساكنة الأسواق القديمة.

على بابك نقش جميل

فهل تظيفي للفردوس نقش ثورة المليون

معارض و ألف مرة معارض

أنتمي و مليونا من ملتي لأحظان زينب و لأحضان قلتي

أشرب منها و أسقي الجمع و أسقي الجميع ثورة خمرتي

.أسقيهم حبا لزينب

سأسقيهم أكثر من مرة.

معارض و أنتمي فهل تغظب ؟

معارض و انتمي هل ترضى؟

معارض و أنتمي لرفقتي لزينب و جرتي فلا تغقل.

لي عندك جبل وزنه ذهبا

و لي عندك قلم أسمه العبو

و لي عندك ورق فرات يستكمل العدد المليون

هل تصالح؟

أنا لا أصالح و شقرائي لن تصالح

و صباح لن تصالح.و صالح لن يصالح

هل تصالح؟

أنا أقهقه و لا أصالح

أتحدى الألم الجوع العذاب و التعذيب و لن لأصالح

أتعرف لماذا؟

لأني أحب أمــــــــل

أمل تكبر كل يوم و قد بان نهدهاو أشتد عودهـــاو أتقنت لغة ثورة المليون

معارض و أرفع صوتي و لا أخاف الصيات على ظهري

جزر ...مواني ستنقش سكاكين جلادي

في كل يوم عيد ميلادي

لمن يا ترى؟

للعصافير القادمة من وراء الجبال النائية

من البحر قادمة من تحت المياه الراكدة.

ستأتي العصافير الطائرة لتشعل بريق طوفان الثورة الهادئة

.فهل تغضب؟

إعلم سأدخل كل البيوت كل المدارس و كل الصفوف

و أعلم القوم رفع الأقلام و رفع الرؤوس

.نحن شعب لن نرضى

بالذل لن نرضى.

نحن من أجلها نحي و نموت.

خظراؤنا زيتونة نحن غرسناهاو نحن نعرف كيفنزبرها و نسقيها.

حل موعد الزبرفهل تعرف أنك على الغصن المزبور

و ألة الزبرمنقار عصفوري.

عصفوري هذا الصغير

له منقار حاد و صوت جميل

لحنه زقزقة أخر ربيع

زقزقة تصم كل الأذان

.زقزقنة ترفع الأذن بالأذان

الله أكبر ...الله أكبر

هي على الصلاة هي على الفلاح هي على الصلاح

و تنشد العصافيرأناشيد الصباح

ستخرج كل البلابل..

وكل النسّورستأتي بين الرياح .

غرابك أسود الوجه كالطوفان و نعيقه لن يطفوعلى لحن الأذان

أتحتمي بغراب؟

عجبا كيف تخاف البلاب لو الأذان

شتان بين القواسم و بين الظوارب بين الحب و الحقد سيدي شتان

.سنصنعها ثورة يوم بويم

إبرة بإبرة

طال أو قصر الزمان

ثورة تأتي على كل الغربان.

حتما سأنصر.و ينتصر اليسامين.

أكتب للعيون الرافضة.

للشموع البازغة.

للصبايا.للعصافير القادمة.

قاسم اللذي قسم إلا أن ينتصر