المشاركات
بلعوط الجمهورية ، الكلمة هذه متع بيق تراب بوي ، جملة مفيدة ياسر و لقيتلها كيفاش باش تدخل في الفيلم هـــــــــذا ، بطريقة سمحة ياسر ...بيق تراب بوي ، حاب، إقول برهان بسيّس ما إنّجم يخم كان برّاح ...باللّذي لا إلاه ألا هو كان ما إرّّقصو في الفيلم هذا كما إنحب ...إنخليه إبيع في سلعة ما تتباعش و إعيط في قلب السوق ...يا توانسة ..بربي : هزّو بلاش و السلعة إشنية يا بيق تراب بواى : الدّمنية الشبعانة ...بابا الزّين ...!!!!
باهي هذه البداية باش ما ننساش من بعد الحكاية ، و توه ندخلو في الفيلم من باب الكبير ،،،، حانوت الحدّأد متاعي الجديد ، ماهو معمل صغيّر متع بلاستيك !!! باش حليت ، الرّشاوي الي عطيتها ، أكثر من حق الماكينات الكل ! إي من أول مسؤول لأخر مسؤول ...يا قاسم مشّي ..يا قاسم مشّي ...عداش مدير البانكة ، ظرب العشر ديريكت من القرض الي عطوهولي ، خلص قبل حتى ما إنصصّح ...بلاد لا أوّريكم ...إيدك و حديدك ...و ياويل ألي يطبّع ! و إشدو البانكة ...قاسم مطبّع للرقبة في القروض و في السولات ! و ماهوش باش إسلّم في الفكرة .
طلعت لندرة باش إنصّور الشيخ ...على التصّويرة باش إطلع الدّمية : بابا الشيخ و إنبيعها ...في السوق السياسي التونسي ...إيجبش حاجة الشيخ !!! على الأقل إنخلّص بيها الماكينات ...إنشاء الله ها الخط إنبّت ...بإسم الله !!!
· السّلام عليكم ...شيخ راشد شنوه حوالك ؟
· ع السلامة ..برئيس الجمهورية ...مازال شادة في كلامك يا قاسم
· و الله شاد الصّحيح ، أكثر منّك ...إبشر ...يا رئيس الجمهوريّة
· و الله يا شيخ ...حاجتي باش إنصّورك ..تقعد ذكرى
· عاد إتصاوري هانهم في كل بر !!!
· التصّويرة هذه ..متع واحد مختّص ...قاري سينما ...موش لعب
· يا سيدي إتحب إتصّور ....صّور كما إتحب
· ما هو حط الحطّة ..يا شيخ راشد ...حطّة متع شيوخة ...
· كيفاش هذه حطّة الشيوخة
· إنحبك تلبس جبّة خظراء ...و عمامة صفراء ..و بلغة بيضاء
· كيف هكّه حكايتك
· يا شيخ ...يرحم الوالد ..هذه خدمت مخرجين ...سينما ...و أفلام ..
· ألي إتقولــــــــــــــــــو ...يا مخرج
دخل الشيخ للخلوة متاعــــــــــــــو ...هذه وين إتجيه الأفكار السياسية ، غرفة مظلّمة ...يعتكف فيها الشيخ ...و ما إكلّم و لا واحد ...إتخّوف ..حتى باش إنشوف من بعيد ..، قلت فكني ...يظربنيش ملك بشلبوق ..إقولي قاعد تتكّشف على الأسرار السياسية متع الخوانجية ...
إيه خرج الشيخ ..كما إطلب منو ...إش تعجيبني شجاعتــــــــــو ...و برودة دّمو ، إتقول ما في بالوش ...
· هكّه باهي يا سي قاسم !!!
· عجبـــــــــــــة ...ماهو في بالك ...الكاميرا هذه تخدم على ثلاثة ديمونسيونات ...
· إخدم خدمتك ..سي قاسم
· إتّشك ...إتشّك ...إتشّك ...إتشّك ...إتشّك
· إيه كملّت التصّوير متاعك ..
· إه يا شيخ ...التصّ,ار هاذوم بحول الله ...إكونو ماّدة خام متع خدمتي الجديدة
· باكش باش تنشرهم ؟ على تونزين
· لا لا لا ..هاذوم ..باش نصنع بيهم دميــــــــــــة !!
· إشنوه ؟
· دمية ...دمية متاعك ...!!!! باش إنبيعها ...في السوق السياسي التونسي
· يوه ...عيب عليك ...راهو ما إجيش منــــــــــو ...هكّه
· يا شيخ ...سّهلها تسهال ...القلابس ...متع فرانسا ...هونا برنامج !!!
· هاذوكم قلابس ...في التلفزة ...صّور متحرّكّة
· أنا باش نعمل يا شيخ كيف كيف ...و لكن دمى صغيرة ...تتباع
· مشوش باهي هذا ...شرعيا الدّمى ...!!!!
· يا شيخ ...يرحم الوالد ...هذه باش نعرف بيها ..قداش إنت محبوب داخل المجتمع التونسي ...و قدّاش المشروع الأسلامي ...مقبول من التوانسة ! ما عاش عندنا حــــــــــل ، يا شيخ باش نعرفو ...ها الشعب هذا وين ماشي ..و إشنوه ألي مخـــــــــــــــو ...قلنا هاهو نحسبوه ولد صغير و نعرضو عليه الدّمى المتحرّكة ...
· إسمع يا سي قاسم ...دير اش إتحب ...و أخطاني ...و ما عاش إتجيني جملة ...
· هكّه يا شيخ ....
· برّه ...يا قاسم ...يرحم والديك...تلبّسني ، جبّة خظراء و من بعد !!!
· ما هو للفيــــــــــلم ...و اللون الأخضر باهي للعيون
· للعيون المرّمدة ...الله يهديك...
· أيه بالسلامة ...يا شيخ ...توه نبعثلك نتائج التسّويق و حالة السّوق !!!
ظحك الشيخ ...كما حب ...و دخل للخلوة متاعــــــــــــــــو ...
حتى في لندن ما جانيش النّوم ، و رغم الدّنيا باردة و مظــلّمة ، توه باش نحكيلكم على فيلم أخر ما كاتبوش شــــــــــــارلو ...هاكة الممثل و المخرج المبدع ....ثّمة موضوع ما إتحدث عليه ...( الميترو متع لندن ) و عندي قدّاش إنحب نكتب كما شرلو ...الشينما الصّامة الي تقتل بالضّحك ...
المّهم رّوحت ...و لازمني إنحظر فريق التسّويق للدمية السياسية قبل ما نبدى في الطبع متاعهــــــــــــا ...المول ( الفورمة) وحدها إتكلّف ب سبعين مليون ! شوفو وين حطيتهم ...في راس الشيخ ..راشد الغنوشي ...
فريق التسّويق على كامل تراب الجمهورية !!!
- بيف تراب بـــــــــــــو ي : العاصمة و أحوازها
- القوفرنار : الوسط
- البرباش : الجنوب و الصّحراء
قاسم قاسم
ليست هناك تعليقات:
إرسال تعليق