المشاركات
كل شيئ مفضوح في تونس ، و الحكاية هذه سببها قصّة الدّمية ألي لابسة خمـــــــــار و إتباع في السوق التونسي ...بن على و التجّوع متاعو منعو البيع متاعها !!! القائل إقول ، شنوه القيمة السياسية لها الدّمية ؟ علاش بن علي و التجّوع خايفين من دمية لا تقرى ، لا تكتب !!! الحرب إذا ، حرب des symboles...إفلاس نضام بن علي بان بالكاشف و على كل الأصعدة !!! ، رئيس دولة بجيوشو و بحزبو ، إدخلــــــــو في بعضو دمية ! بمأنها الناس هاذي بإكلّها متورّطة ، إذا ما ثمّة حتى حل في تونس بالطبيعة ليــــــهم ، إلا إمارسو القمع و الأرهاب متع الدّمى ، ألي إتمثل بالنسبة ليهــــــــم هاجس قد إفك منهم الحكم ...بن علي و التّوّع إخافو إنهم يتعزلو على الشّان العام ...و هذاك علاش تلقوهم في نقبة في البلاد....و أحنا في تونس ما عندنا حتى حل أخر إلا عزل التجّوع و العصابة متع الحكم هاذه و بكل الطرق ...واحدة مت الطرق هذه ، إنتاج الفّن الـــحر ، الناقد للوضع العام و الوضع السياسي خاصّة ...مهمتنا، إنو إنخرّجو الشعب هذا من العقد متاعو ! بكشف الواقع له. أول ناس ثارت و في كل دول العالم هم الفّنانين و الكتاب و الشعراء !!! النخبة متاعنا لازمها تتخلّص من العقد متاعها و تنتج الفكر الجديد ، ألي قادر باش يوصل للشعب التونسي بلغة ساهلة و سليمة ..
رجعت من لندن على عجل ، باش نبدى في صناعة الدّمية ، دمية الشيخ راشد الغنوشي ، في الصّورة الي جاتني في الخيال متاعي ...في واقع الأمر ، أش إقولو الناس الي تفهم وراء السّطور و بين السطّور ...العملية هذه تعني إعادة الخوانجية على الساحة السياسية ...السّؤال هل هي ظرورة ..؟ الجواب ، وقتاش الأسلامين غادرو الساحة السياسية حتى باش إرّجعهم فيلم من أفلام الجمهورية القاسميّة و إلا الأستاذ الشابي نفســــــــــــو ...؟ الأسلامين ما غادروش السّاحة السياسية بتاتا من نهار الي دخلو في الحكاية ...و لكن بن علي الرّجل المهزوم الأول في الحرب هذه ...قاعد إصّبر في روحــــــــو..بل زاد الوهم شدّة !!! وقت الي قال ، تونس تخلّصّت نهائيا من المد الأسلامي و أعني النهضة !!! دوّة فارغة و فشل في المواجهة و خصارة الحرب الغير معلنة و أكبر دليل على ذلك ، الحرب على دمية لابسة خمار في الأسواق التونسيّة .
النهضة خرجت ، أقوى ملي كانت عليه قبل التّسعينات و البوتنسيال متاعها التعبوي و الخبرة الميدانية لا تقارن بحتى حزب أخر ...لأني لا أعتبر التجّوع حزب سياسي ، بل عصابة تمارس الأرهاب ضد الشعب بأكمله ...في خلاصة الأمر ، النهضة ولات أمر واقع ، فرضت روحها فرضا على الساحة السياسية ...السّؤال : هل النهضة إتمثل عائق أمام أنو الشعب هذا يتحررّ و ياخو أمرو بيّدو ؟؟؟ الجواب لا !!!! كل ما في الأمر ، أنو نضام الشابع من نوفمبر بعجزو على المواجهة السياسية الصّحيحة ما لقى حتى حـــــــــل ، إلا إنو diabolise النهضة حتى يتسنى له محاصرة الشعب بأكمله و من بعد السّطو على ثروتو و تاريخو و حضارتو ....تونس اليوم فاقدة التوازن متـــاعها جملة و تفصيلا ....و البلاد ما هيش عارفة وين إتحط ساقيها ..تونس فقدت الثيقة في روحها و السّبب الأول و الأخير هو العشوائية السياسية متع نضام عاجز تماما على إنتاج الفكر ألي هو أساس المجتمع
نضام ينتج الرّذيلة و الأرهاب و الفساد ماهوش قادر باش ياقف و لو لمدّة دقيقة وحدة ضد أي نفس تحرري ...مختبئ وراء مشروع غالط من الأساس ( مقاومة الأسلامين ) ، النضام فلس . و ماعاش قادر باش إيزيد القدّام ... تونس ما عاد تستنى حتى شيئ لا من بن علي و لا من التجّوع و لا من الحكومة المعاقة هذه.
علاش النضام هذا إقاوم في الأسلامين جملة ؟ جاو من برّه ؟ إستوردناهم ؟ ماهو إنتاج محلي تونسي بحت لازم التعامل معاه كحزب سياسي مسؤول أمام الجذور متاعو ...إقول القائل بالي النهضة كبرت و خذات الثيقة في روحها و قادرة باش تحكم البلاد ...!!! النضام العاجز هذا ، إقول بالي الأسلامين إهددو و قادرين باش إشدو البلاد ؟؟؟؟ باهي ...و إشكون حط بن علي و إلا التجّوع وصّية على الشعب التونسي، باش إدبر علينا أش نعملو ؟ ...و إشكونو بن علي و الميلح في التجّوع حتى باش يحكم فينا !!! الشعب التونسي ما هوش ورثة ...و بالعربي ماناش عبيد حتى نوّرث ...تونس عندها الحق باش تختار إشكون إساعدها ...هاهي الديمقراطية !
الحل الوحيد اليوم ألي إشفو قاسم ، هو الأعتراف بحزب النهضة ، كحزب قادر موش فقط باش إشارك في إدارة شان البلاد ، بل قادر باش يحكم تماما كما اي حزب إسلامي في العالم ..إنقولو كما تركيـــــــــــــــا ....ما إتحلتشي المشكلة هذه ..تونس باش تبقى دولة عرجاء ألي أبد الدّهر .
هنا وصلنا الظرب الصّحيح ...أنا قاسم ، إنحب نربح ضد ناس عندها ما إتقول ، باش نشعر بالرّبح متاعي ...وقتاش تخرج قيمة الرّجل ، وقت ألي نعرفو مع إشكون و ضد إشكون لعب ؟ تربح الشيخ راشد الغنوشي ...هذا يعني عندك ما إتقول ...قاسم قررّ الرّبح متع الشيخ بحزبــــــــــو و بمجلس الشورى متاعو ...و مجلس المستشارين ...
إشنوه إنّك تربح ضّد بن علي ؟؟؟؟ ما عندو حتى قيمة الرّبح !!! لا بن علي يفهم و لا عندو طرح !!! و حتى كان يدّو على الزّنــــــــــــــاد ديمة ...ماهوش ملاعبي كبير ...ألي باش نخصر عليه برشة وقت و برشة إستراتيجيـــــــــــــــا ...هو نفسو ما إربح حتى مرّة في حياتــــــــــــــــــو !! و جينيرال ...موش عارف باش.
(يتبع )
قاسم قسام
ليست هناك تعليقات:
إرسال تعليق