الفايسبوك و بن علي

إشكون مازال ما فهمش ؟ خلي إنفهمـــو ، ألي بن علي ما عاش يحكم ، حطينو تصويرة لا أكثر و لا أقل إشكون مازال ما فهمش ألي الأحداث السياسية إتجاوزت الرّئيس نفســـــــــو و تعزل كلّيا من الشّان العام و المافيـــــــــا ، أتكنبن و إتعدي في المشاريع متاعها و السيــناريوات . عملية الفايس بوك و الحجب متاعو كان كافي و أكثر من ذلك على كشف الخور داخل الحكومة و عدم الكورديناسيون !!!

ربمّا باش كانت الحكاية تاست لمعرفة مدى قدرة الرّئيس نفسو على الرّيــــــــياكسيون !!!! و الأجابة جات للملفيا !!! الرّئيس في بالو بعد شهر كامل !!!!! هذا يعني ألي حكومة بن علي ما عاش قادرة على تدوير البلاد ! عاجزة تمامـــا و جاء الوقت باش تخرج و حالا ...العملية هذه كما عملية الخبز متع بورقيبة ...المافيا الحزبية إمبرمجة سنارويو متع إنقلاب جديد .

موش أحسن كان يستقيل الرّاجل هذا قبل ما إفلّسو البنوك كما فلّسوها ، موش أحسن يا شعب تونس ، كان أتهز إيديك من الحاكم كما هزّ إيده منك !!!! موش أحسن نتفاهمو بالسياسية قبل ما تخرب على روس الناس الكل !!! ؟
إتفاهمو قبل ما إنكمل الفيلم ...وقتها نعرف إشكون أنحط في الحكومة و إشكون إنحاكمو في النوم متاعو ! وقتاش باش باش إتجيبـــــــــــو قرطاج هي و الأرض سوى سوى ؟؟؟؟ قبل العيد إنشاء الله ، العيد الصّغير !
ألي ناوي على حويجة ...يستنى الحقلات متع جمهورية البلوقسفار ...فيها الحّل و فيها كيفاش باش إطيح بن علي ...و كيفاش تونس باش إتولي حلجة أخرى
ألي هنا أتركم ...في إنتضار التّسكير و الحلاّن ...أهل الحل و العقد.
قاسم قاسم
1- يا ناقد ما نسيتكشي ...جايك ..جايك ...في العقل !