المشاركات
الرّديف قالو بطلنـــــــــــــا من القراية
بنزرت قالت يزي
*
وزراء...أتقول ....ذر ...صغار... يلعبو في الـــكوره
كي الشّبكة ....إمرّقعة ...عصبانة ...عندنا الحكومـــة
راسين في شاشيــــــــــة ...إتشرّكت تونس المرحومة .
دزني و إدزك ...حكايتنـــــــــــــا قافلة بخصومــــه!
*
أه كلام ! خارق للعادة ! الرّاجل إحـــل في مدرسة للمـــــــرا عندو و إيزيدها مليون دينـــــــار و من الجهة الأخرى إطرد في الأساتذة من مدارسهم ! الفلوس الي إمدّعم بيها مدرسة قرطاج للغطرسة هاكي فلوسكم يا مطرودين ! كل شيئ مربوط ببعظو ...شهرياتكم جات في قفلة الميزانية ! فيقو على أرواحكم و إلتحقو بالمعارضة الديمقراطية ! أه كلام ! الراجل حال لنسيبو تلفزة و الأخر حلـــــــو إذاعة ...و العيلة الكل حجّجها على حساب الشعب التونسي ...مدرسة بوعبدلـــــــي سكّرها و حتى من التلامذة خطفوهم و الأساتذة كذلك ...جمهورية أخر زمان يا جماعة ! قالك عدل و إطمأنان و طمأنينة و الصّحافي متع الوسط مـــازل إقول على طريق الأصلاح و التصليح ! راهو شيئ إهبــــــــــــــل ... إحب إغطي عين الشمس بغربال ...يا راجل أكتب الصّحيح و يزي من الترّقيع !
العزوز هازها الواد و إتقول العام صابة !!! شوطي كان جابلك راس ! و كان عندك ريح ذريه ! يا خي تفهمو و إلا ما تفهموش ! الحكاية هذه فيها واو و ثم برشة إتكنـــــبين في الحكاية ...متع الشيخة سلوى هذا ! إشبيها خرجت توه على الساحة وين كانت التحفة هذه ؟ إشبيها ما قالت حتى كلمة على الحرية و الكرامة ..لا قالت أنا إنقري و إنتم دبرو روسكم ...ما خلينا إندبرو على روسنــــــــــــــا !!!!
إظراب عام في قطاع التعليم لازم يركب في رمضان !!! و خليها المرميطة إتشيــــــط كما إتحب ! نقابة التعليم الثانوي لازمها إتخيطو الكبوط و في القريب العاجل ...و خلي الزيتونة متع إنسيبو إتجود سورة يـس! و تلفزة الشابع من نوفمبر ترفع الأذن بالأذان على إظراب عام يشمل جميع القطاعات !
غورة ولات في البــــــــــلاد ...بالك حاسبها بلا أهل و إلا رانا كارين عند السيد الوالد ...يا مواطنين يا شعب ...جاء الوقت باش كل يـــد إتشد إختها ! الظرب إوصل العظم ...و كما ظربو العبدلي و الأساتذة ..راهم الطبة و الفرمليّه و المعلّمين ...و الخدامة الكل جايهم الطش !
المكينة هذه ...راهي ما هيش باش تحبس إلا بثورة كبيرة من شمالها لجنوبها ....إحل زيتونة و إلا نخلة ...هذا أمر ما إهمنـــــــــــــاش لا في خبزنا و لا في شعيرنا ....الراجل إحب بالسيف ...إخلي المشكل ديني في تونس ...أبدا المشكل راهو سياسي ...حقوقي ...إجتماعي ...مشكل تصّرف في مؤسسات الدولة ....المافية إتمكنت من الأقتصاد الوطني ! من الجامعات ! من المدارس من كل شيئ ...إنعم اليوم المافيا إتلوج على فرض إنكم ترظــــو بالواقع ! و الي شاح يلبس ! المافيا ماشيا في عملية توريش الشعب التونسي للعائلة الحاكمة و لقبيلة بني هــــــــــــــــلال !
بابا عندو بــــــــوه ! و الي عندو بحر ، إسيب عشرة ! و أحنا وراكم و الزمن طويل ! لن يستتب لكم أمـــــــــــــرا و لا حكما و لا نوما إلا يثور الشعب التونسي ليلا نهـــــــــــار ....الثورة المستديمة ...ألى ما لا نهاية !
يا إساتذة تـــــــــــــونس إتحدو !!!!! يا معلّمي تونس إتحدو ...يا عمّال تونس إتحدو ...و إلي الأمام !
رئيس الجمهورية
قاسم قاسم
ليست هناك تعليقات:
إرسال تعليق