المشاركات
مـــــــليــــون...بالك شويّة يا بوقلب
توه حكاية وزير العدل، إنقولو ما سمع بيها حد ! الرّاجل وصلت بيه الدّروشة أنو باش إقارن حزب التجّوع متاعو ، بأعرق حزب في أوروبا ! و أعني الحزب الحاكم في الســيود. توه هذا موش عجب زقوم ! إخلي الواحد ينطق من إجنابو !!! أش جاب ديمقراطية واضحة لا جدال فيها ألي ديكتاتورية إتعيط يا بابا و يا سيدي! أنا كل شيئ فهمتو في تونس كان ها الوزراء منين إجيب فيهم ؟ كيفاش صنعو وزير العدل و حقوق الأنسان !!!! يا دين الزّح ...قارن وزارة العدل في السويد مع وزارة العدل في تونس ألي إنت مديرها ...الناس في تونس هاربة من القضاء !!! الناس ألقت بأرواحها من شبابك وزارة العدل متاعك لأنها ما عندهاش ثيقة لا في القضاة متاعك و لا في البلوس متعاعك ...علاش يا بوقلب إتقارن في حاجات ما تتقرانش!! تحسابها غولة الحكاية يا وزير الشماتة ...وزارتك وزارة شماتة في الشعب التونسي ...شوف القضايا متاعك في بنزرت و في الرّديف و في قفصة و في و في ! بنزرت محاصرة و الرّديف بالمثلين ...أحكم بأحكامك و طبــــّل كما إتحب كي عطاعك الزمان الكلب.
الوزير الأخر قالك باش إخدم مليون تونسي ...إمثبت في حكاية و إلا بلوط كما العادة ...حسبة بسيطة = 1000000 خدام x $ 250.00 x 12 = 3000000000 دولار. هاهي حسبة متع ميزانية بلاد أخرى موش تونس !!! إمثبت في حيسابتك يا سي الوزير ...و إلا قالولك بندر و زيد و إنقص !!! أكتب أش إتحب كس عطاكم الزمان الكلب ....غولة و ما عاد تتعدى على حد كان على حزب التجوّع ...مدرسة إبتدائية واخذ عليها قرض ! ما نجمتش تبنيها ...باش إتخدّم مليون في خمسة سنين ...كان الحرب العالمية الثانية خدّمت العدد هذا و ربما أكثر شوية !! كان ناوي باش إتحل حرب ...ساعتها نفهمك ...و أول واحد تنهز ساقيه راهو إنت.
يا ربي سترك ...راهو البقر زوّك من ها الحكومة الدربوكة الي عندنا.
قاسم قاسم
ليست هناك تعليقات:
إرسال تعليق