حليمة و بلا ستوش

شخصّية حليمة ، في جمهوريّة قاسم ، هذه هي نفسها ، البنت ألي بعثتلي مايل عام 2004 ، المايل هذاك : إتقول فيه ، بأنها حلمت بالرّئيس ، و كان الفيلم متاعها ، ألي سمّيتو السروال الرّابع ، قدّمت فيه الشعب التونسي و كيفاش الشعب هذا ، لا عينتو في بن علي و لا عيتنو في التّجوع و لا عينتو الطرابلسية و لا عينتو في عباد لا علاقة لها بالواقع المشوم متاعو ....حليمة هذه ، كبرت و نجحت في الباك بمعدّل ممتاز جدا ّ و حبّت تدخل كليّة الطب ،،، و بما أنها مسكينة ما عندهاش إكتاف ...فكّولها بلاصتها ! بعوها لواحد واصل ياسر ...حليمة رّوحت لدارهم من القهرة و قالت ما عاش باش نقرى !بـــــــو حليمة هذه ، هو الفطايري متع البرباش ...وقت ألي رّوحت ...البنيّة حليمة ، مرضت ألي درجة أنها فقدت الحركة و لكن بوها و أمهــــــــــا ، قامو بالواجب متاعهم ، على أنهم إعالجوها و إخلّوها تنسى ...حليمة عندها طاقة و ذاكرة و ذكاء ربّاني ! موش فقط إتقرر إنها تقرى و حدها الطّب ، أنما الفلفسة أيضا ..و خاصّة القراءن و علوم الشريعة ...إذا ، إش عملت : إتحجّبت حليمة و في نفس الوقت بدات ..إتعاون في والدها للقيام بشؤون ..الحانوت ...

برستوس ، تعرفوه الكل ، و موش لازم باش إنقدّمو للشعب التونسي ، الرّبيع إبان من باب الدّار و لكن باش نعطيــــــــــــه ، أكثر ما يتصّور هو في حياتو ، حتى بوه ما يعطيـــــهش أش باش يعطيه قاسم ، بالضبط كما عطيت للحكيم ...في فلم هجرة الحكيم !! حب النساء أربعة ، عطيتو ،،،، حب الحكم ، عطيتو جيش ،، حب إحررّ القدس ، فاتها غادي و أمشــــــى إحرر في كربلاء ...برستوش ما هوش متع الشيئ هذاك !! متع تونس ...و شوية منــــــــّا و شّوية من غادي ...ما إنجّمش روحو ألبــــــــرى !!! شوية ولد نــــــــــــانا !!!! متع رقص على الجليد متع خرموخرافيـــــــــــا !! متع فطيرة بالعضمة ...ألي باش ياكلها و غصـــــبا ...و في الصّباح الباكر ....!!!!

المصيبة الكبيرة ، بالي السيد يقرى في كليّة الطب و ناجح في الباك متاعو بمعدّل 9.23 ! و زادوه علهــــــــــــــا بالرّاشا ...و ما هوش عارف ، بالي بلاصتــــــــو ، راهي متع حليمة ...إنعم ...المصيبة الأخرى ، كل صباح يتعدى على الفطـــــــــــايري و يلقى فطيرتو صخونة تستنى فيه ...صحيح ما هيش بالعضمة ...و لكن بعد ما ياكل ، حليمة بالذات ..هي بنفسها تمسح البقعة ألي كلى فيها و إتزيد إتنضف الصحن ..للدكتور متاعنا !!! هذا ألي باش يعمل العمليات الجراحية ...على التوانسة ...

برستوش و لا خلّص نهار فطيرتــــــــــــو !!! ياكل بلاش ، جعان ! الجوع طبيعة راهي موش صنعة ، كي الطرابلسيّة ...جواعة من ربي ...و زاد صاحبهم !!! و إلو ينفخ في أوداجـــــــــــــو ...و هاز أكتافو على جماعة الحومة الكل ...و لكن إشنوه السّبب ألي خلّها ديمة ...يتعدى على الفطايري ...القصّة و ما فيها ...إنو حليمة ..قاتلو ...عطيني نسخة من الدّروس ..مقابل إنك تاكل عندنــــــــــــا بلاش وقت ما إتحب ...الفطايرى يخدم في الصّباح فطاير و في العشوة كفتـــــــــــاجي ...

و لكن ثمة لغز أخر ، واحد كما برستوش ، لاباس عليه ، في جيبـــــــــو بالطبيعة موش في مخو ...مازال طامع في عائلة يعلم الله بضروفها ...طامع في 300 ماية فرنك الصّباح ...و في 500 العشّية ...لا لا لا ، ثمة لغز أخر ...إنو برستوش هذا ما هوش قاعد يفهم في الي يقــــــــــرى فيه ...و مخو ما نجمش يتوعب الدّروس متع الطب !!! إنمــــــــــــا ، حليمة تقرى و إتفهّم فيه في ألغاز الطب ...منهم مرّة فهمتو في حاجة بسيطة جدا :::: علاش المدّونة متع قاسم ...تعتبر مدّونة الشعب التونسي ...قاتلو راهي الحرب ...حرب دي ســـــــــــــانبول ...أفهم الظرب و العمق ...و هات إش إفهّم واحد ناجح بالرّشـــــــــــــا ...


بالطبيعة ، حليمة جميلة جدا و عندها شخصّية قوية بالنسبة لواحد يرقص على إنغام فاطمة بوساحة ....المصيبة الأخرى ...ولـــــــــى إذبل في عيونو ...و ناوي على الشّر موش على الخيـــــــر ...لأنو في مرّة من المّرات ...وقت ألي حليمة فهمت إشنوه ألي في راسو ...قاتلو علاش ما تستدعانيش معاك ..نمشي للكونبيس ...قاللها ..لا إنت متحجّبة و صحابي ...يتمنيكو عليّ ، كان إيشوفك معاي ...

حليمة طفات الضّوء ...حاجتها بالدروس ...متع الكليّة ...و حاجتها بأنها تنجح !!! و تحلم كأيها العالم ...هي عاملة تشجيل في مدرسة أمريكية متع الطب ...و قاعدة إتعدي في الأمتحانات بشكل ملفت للأنتباه ....الأعداد ألي جابتوهم في العام الفارط ...خونولها باش تاخـــــــــــو بورص فدرالي أمريكي ...و هي في دارهم ....بركتوش ما في بالوش..الراجل كل عام ناجح ...بذكاء حليمة ...و بخبرة حلّومة ...ذبانة لا أكثر و لا أقل !!! و لكن زيد على ذلك لئيـــــــــــــــــــم ...

بركتوش ...ما عندوش شخصّية مع بنات أخرين ...إمطفيـــــنو في الجامعة ...ماصته حكاياتو ...من نوع ..أنا و أنا ..و أنا ما نكلشي الفطاير !!! و ما نركبشي في النقل الريفي و ما نشربش قهوة مع أولاد الحومة ...و أنا و أنا و أنا ...و هو حل الصّرة تلقى خيط ، حتى في المسرح متـــــــــــــــــاعو ...إصبرو صاحبو المخرج.

الجريمة ::::::: برسكتوش ، إذا إنت أكرمت الكريم ملكته ...و إن إنت أكرمت اللّيم تمرّد ! اش يعمل سي خوّينـــــــــــــــــــا ...إقول لحليمة ...أنا مستدعيك لدارنا في الغابة ، بوه عندو دار أخرى متع الويكـــــــــاند ...الرّأجل إحب يتخلى بحليمــــــــــــة ، إنعم ثّمه حاجة إدور في راســـــــــــــــو ....حاب يغتصبها ...و ركبت حليمة في الكرهبة !! و هزت الكتب متاعهــــــــــــــا ، و فرحت ...قالت هاهو إستدعاني لدارهم ..باش إعرّفني على أمــــــــــــــو و بوه ...ما هيش عارفة ..إشنوه ألي في راس ....واحد ما يسواش قحف كلب....


باش يوصلو للقرية ...ثمة جبدة كبيرة !!!!! لا زمو يتعدى بجمهورية قاسم ..باش يوصل لدارهم ....الكلب متاعي ...قيس ...و البهيم متاعي ..غلام ...شادين الثنيّة !!!

البهيم ..وقف في وسط الكيـــــــــــاس ...و الكرهبة وقفت !!!
الكلب ...وقف مع باب الشوفيـــــــــــــر ...

· أوراق الكرهبـــــــــــــــة !!! يا سي الشباب
· إشنوه ...كلب يتكّــــــــــــلّم ...منين جاء ....يا حليمة كلب يتكّـــــــلم
· علمي ..علمك ...
· بالك إدخلنـــــــــــــــــا في بلاد المجنّن و الحماقة
· أوراق الكرهبة ....البطاقة الرّامدية أولا
· شر شر شر
· قتلك ...البطاقة الرّمادية
· إشنيّة البطاقة الرّمادية ...يا حليمة
· طالب منّك الكــــــــــــــارت قريز ...
· ما هو قول الكارت قريـــــــــز من الأول ..علاش إتصّعب فيها
· وين ماشي ؟
· لدارنــــــــــــــــــا ....!
· إشكون الي معـــــــــــــــاك ....
· خطيبتي ...................حليمة
· هاهي لابسة .......اللباس الطائفي ...موش عارفو ممنوع في تونس ...في بالك بالمنشور 108 ...
· سيّب عليــــــــــــــــــك ...هذه حليمة ...خطيبتي و نقرى أنا و إيها !!!!
· لا ...حليمة تنزل ...قتلك ...ما ثماش خطوبة
· أيوه ...شر ...شر ...شر ..شر
· إنزل يا حليمة من الكرهبة ....
· حاضر

وقت ألي نزلت ، حليمة و شافت البقعة ...و القمح ...و الزيتون ...و شافت الصّابة ، فهمت بالي هي في جمهورية قـــــــــــــــــــاسم ...و زاد الكلب دار من عندها و فرح بيهــــــــــــــــــــا ....و البهيم إزغرت ...إتقول مرا ...!!!! كلب يتكّلم و بهيم يفهم ...و إزغرد ...ما إتكون كان جمهورية قاسم ...و فرحت بوجودها في جمهورية الحب و الحرية و الكرامة ...جمهورية الشعب التونسي ...الجمهورية المطلوبة !!!دون أن تشعر ...نحّت الصّباط متاعهـــــــــــــــا ..و بدات تجري في صابة القمح ! كأنها صغيرة ...و إتعيط ....يا قاسم وينك ....يا قاسم وينك ...يا قاسم وينك ..بعدت حليمة ...على الكرهبة و خلـــــــــــــط عليها الكلب باش يحرسها و إرافقهــــــــا !!!

البهيم ...إدرو بالكرهبة ...و إقول للدكتور

· إنزل ...
· لا موش نـــــــــــازل !!!!

إوخر البهيم و إقدم ...و يعطيه على الباب إيجبو ألبرى ..من الباب الأخر

· محكمة !!!
· ما هو لا باس ...أش صار
· باش نحكم عليـــــــــــــــــــك ...
· علاش
· إش كنت نـــــــــــــاوي باش تعمل ؟؟؟؟ بوك و امك ما هومشي في الدّار
· شيئ ...ما كنت ناوي شيئ !!
· إمثبت ...إما ..إتقول الحقيقة ........و إلا راك ما عاش إترّوح جملة !!

البقية ...او الخاتمة ...أو الحكم ...إنخلوه ...للمشاهد ....و ألي باش يحكم راهو بهيم و الحال ربيــــــــــــــع

قاسم قاسم