المستشارة العسكرية الأولى لبرستوس….ولاّدة .

إبن زيدون ، هاهو أش كان إقول في ولاّدة:

يامـن غدوت بهِ بين الناسِ مشتهراً

قلبي يقـاسي عليك الهـم والفـكرا

إن غبت لـم ألـق إنسـاناً يؤانسـني

وإن حضـرت فـكل النـاسِ قـد حضـرا

فتقــــــول له ولادّة

:أغـار عليـك مـن عينـي ومنّـي

ومـن زمــانكَ والمـكانِ

ولـو أنـي خبأتك فـي جفـوني

الـى يـومِ القيــامةِ مـا كفـاني

، أه لعب ذر تستخايلوه الحب ، هذاك شاعر الحب و الجمال و الأنقلابات ...إنعم إبن زيتون حاول مرّتين باش يعمل إنقلاب ، أش جاب براستوس لأبن زيدون ...ألي قتل إبن زيدون ، هي قصّة الحب متع الوّلآدة مع واحد من الوزراء ...طفاتوّ ..هبل و حوّل بلاصتو ...أحنا الدّنيا هذه ما إتصيرش عندنا ....و ما ثّمة حتى وزير راجل ، إطيح ولاّدة الطرابلسي ...خلي تنهز ساقيـــن برستوس ضربة وحدة ...و أنا إشموت أحنا العرب كي الأخر يقلب صاحبو في زينب متاعو و إلا حتى في ولاّدتــــــــو ...مكا عندناش وزراء ..شعراء ..و كتاب و مفكّرين ..الكل كي بعظهم ...الصّندوق الأسود متع المصاريف ....يخدمو تحت ولاّدة الطرابلسيّة ! إتقول عبيد ...في تونس اليوم ...لا عاد حب و لا عاد جمال و عاد شعر و لا أبن زيدون و لا ولاّدة ! عندنا في تونس قصّة حب وحدة ...جات على البلاد الكل ...هاهو مشى ...هاهو جاء ..هاهم ظربو معمل ..هاهم خبطو أرض ..هاهوم حلّو إذاعة ..هاهوم عاملين إنتخابات ...لا هي نطقت ببيت في الشعر و لا هو إنطق بالحب...حب سكّوتي من تحت حس مس ...و لا سمع حد و لا رى حد و البلاد إتقسم في جرّة وّلادة و في جرّت برستوس بن علي زين العابدين.

و بات يرقد و إلا جاه نوم البارح برستوس بن علي ، بطنـــــــــو تجري ، أربعة مرّات دخل التوالات ...الرّأجل ناوي على إنقلاب أخر ...يستخايل قاسم ..كي بورقيبة ...راقد على أوذانو !! و إلا كبر و خرف و ما عاش يعرف إشكون دخل و إشكون خرج ...و لكن يا جماعة ...ما هو إنجح في إنقلاب شبعة نوفمبـــــــر ..يستخايل باش ينجح في كل شيئ و ظربتو هــــــذي جات مع قسومة ! فكّر ..ثم فكّر ..ثمّة ما لقى حتى حـــــــــل ...كان ولادة ...راهو المازوط متع بن علي و القّوة متاعو النفسّة مربوطة أساسا بولاّدة الطرابلسيّة ، أه ...ظربها هي على إيديها ...و تمقيصها بمقص قانوني ...بن علي برستوس زين العبدين ...ساقيه يتهزو إلى الأبد...

ولاّدة ، كيف كيف ما رقدتش !!! و قوّتها تستمدها من وجودها قريبة من الدّوسيات الكل ! معناتها من قصر قرطاج ...قصّة حب ما أخراش منها في العالم : حب الفلوس و القمع و الأرهاب !!!! إنعم ، هي كيف كيف ..ناويا على الشّر مع جمهورية قاسم ...و حابة تقلبها و تحرقهــــــــــــــا باش هاكي البلاد تركع للطرابلسّية ...أه ورثة لولدها ...و هونها إتحضر في راجل بنتها لأنتخبات 2014
بابا عندو بــــــــــــــوه ...يركعش الشعب التونسي بأكلّه ...قاسم باش إفك قصر قرطاج و بالقّوه زاده ...

هبلت ولاّدة ...و لكن فاش إتخيط ليل و ما طولو ...زعمة إتخيط في الخطة متع الأنقلاب الجديد !!! بالك غضبــــــــــــانة المرا ؟ إش بيها ما هيش في القصر ..و إبن زيدون قعد كي البومة !!! ما يستحقو لبعظهم ..كان في حاجة خطيرة ...و إلا تنكبينة على حساب الشعب التونسي ...: مدرسة العبدّلي و مليار ونص من ميزانية الدّولة ما نسينهاش ...أه و بيوع التليكوم ظربو فيها زوز مليار ! أه مشروع سماء دبي زوز كيف كيف ...يتقاسمو في دم الشعب التونسي ...تونزين ظربوها ! زهير قتلوه ..الخوانجية قتّــــــلوهم ...المعارضة عرّوهـــــــــا ...البلاد باعوها ...و طامعين في جمهورية قاسم ....ألي ما عندها شيئ كان كلب و بهيم و زينب ....

ليل و ما طولو إتفصـــــل في كونبــــــــــا متع جيش ...خظرى ...زعمة لشكون ؟ لراجلها ؟ باش يلبسها في الحرب ...لشكون الكونبــــــــــــــــــا ...و لكن يا جماعة حسب ما إنشوف ...الفورمة متاعها موش متع إنســـــــــــــــــان ....موش فيستة و سروال ....لا إتقول يا جماعة مزود ..الصالة متاعها ألكلها بطـــــــــــــــاين ( جمع بطانة ) ، إنقولو جلــــــــــود ...ريحة ناتنة لا إتوريكم ...إشنوه ألي تصنع فيه ...و مدهون بالأخضر.

الزّبراط متع جيناف ...يقرى في الجامعة و ما يفهمش في قاسم أش يكتب ...مالا إشنوه ألي تفهم فيه في الجامعة ؟ إذا كانك ما فهمتش بالفلاّقي متع قاسم ...كيفاش تقرى في الجامعة ؟؟؟؟ رّوح أرتاح و خوذ كونجي ..و إبعد شوية على السياسية ( أه أه أه أه ) راك بلاّغتلها ...في بالكم بيه هذا رجل المخابرات العسكرية الأول متع برستوس بن علي زين العابدين ( حشاك ...هذا في الفيلم ، في الحقيقة ناس ملاح ياسر ...و فرح بي ّ في جنبف )....أرّوح فرحان من سويسرا ...عندو مهمّة كبيرة ...تلفون واحد من المستشارة الكبيرة ولادة ..سي خوّينـــــــــــــــــا يمشي يقضي شوية شكلاطة سويسرية و الطيارة الأولى يخاهــــــــــــــا ...يهبط تحت الصّور متع قرطاج ...

قاعة العمليات ::: صور قرطاج ، في الأجتماع الخارق للعادة و السّري ألي ما كيفوش ســــرّ ، القائد الأعلى للقوات المسلّحة برستوس زين العابدين بن علي ...المستشارة ولاّدة الطرابلسية ! و رجل المخابرات ..الكبير ....يا خو الكلمة : المعلّم ...( في مريول خلعة سيـــــنيأ )

· شنوه يا ولاّدة ...حظرتي الميــــــــسيون متع الزّبراط
· إنعم ..حاضرة باش
· إشنيـــــــــه الميسيون الجديدة يا برستوس العظيم
· ناوين نقلبــــــــــــو ، جمهورية قاسم ...و نحرقوها ...هذه جمهورية عدّوة ...و إنصب عدّة صواريخ أرض أرض ..قريبة للقصر ...
· السّمع و الطاعة يا مولاي ...أنا تحت أمرك
· شوف يا زبراط ...المهمّة متاعك ...إنك إتجيب المعلومات على الجمهورية هذه و على قاسم ...لازمك إتجيب ...نقاط الضعف متع العدو ...و نقاط القّوة ...
· كيفاش باش نعمل ...و الجمهورية هذه ...تمد من اليـــــــابان شرقا ، ألي البرازيل غربا
· هاني حظرتلك الخطة ...!!!! لازمك تتنكّر ...إما في كلب ...و إلا في بهيم ، في بالك بالي الجمهورية هذيكه ما فيها شيئ كـــــــــــــان كلب و بهيم ...لازمك يا إتصوحب الكلب ، يا إصوحب البهيم ...باش إهزوك لمكان الصــــــــــــواريخ ...و العتاد العسكري
· كيفاش ؟؟ أنا ...موش عارف ..أنا أقرب للبهيم و إلا للكلب
· أنا في بــــــــــــــــالي ..للكلب ...تشبه أكثر ...أيه ألبس الكونبة متع الكلب ..ولاّدة باش إتهزك في الكرهبة ....لحدود جمهورية قاسم ...و من بعد ..إنت وحدك تتصّرف...


شلبوق من نيويورك لجينـــــــــــــــاف

هبط سي الزّبراط ...من الكرهبة ..يمشي على أربعة ..و لابس الكونبــــــــــــا متع كلب من نوع برهان بسيّس ...ماهي الكلاب في أنواع و فصائل ...ما أختارو حتى رادسة كان رادسة برهان بسيس ....على الحدود متع جمهورية قاسم ...مازال جبدة ...و الزّبراط يمشي متسلّلا ..و ساعات زحفا ...ألي العاصمة متع جمهورية قاسم ....الحال ربيــــــــــــع ...نوار و بورقعون ...و حشيش هابل ...الزّبراط ...إشوف من بعيد في الكلاب ...فرحانة ...يلعبو في لعبة الحب ...ربيع ...الكلاب تتلاقح في الوقت هذاك ...هنـــــــــــــــا شلق ...و إقول زعمــــــــــه أنا كلب و ألا كلبة ...؟ أنثى و إلا ذكر .....؟؟؟؟ و شعرة لا هبل ...كي شاف البهيم ...خاف ..و قال ستر ربي ..ما ألبستش الكونبة متع البهيـــمة ...ولاّدة ، المستشارة الكبيرة متع برستوس ...غلطت في الجلد و خيطت كونبة بجلد عنز موش عتروس ....

رجل المخابرات متع برستوس ...قلب جملة بالقايدة متاعو ...ألي ما قرتش حساباتها مع إشكون تلعب ...من ثم رجع لسويسرا ...و حلف بإمين كبير ...يا ساقو لا عاد أحطها ..وين حطهـــا برستوس.

قاسم قاسم