المشاركات
على إنتخابتنا ؟ على إحتفلاتنا بإنقلاب شبعة نوفمبر !!! ما ثمع حتى شعب في العالم ، إحتفل و إلا يحتفل بإنقلاب إعيط يا بابا و أمي ...إلا الشعب التونسي ! مغلوب على أمرو ...تحتفل بالسّيفّ ...، إتشارك بالسيف ، إتصفق بالسّيف !!!ترقص غصبا عنك ...هذا هو عيد شبعة نوفمبر ...إنادولك و ما إتجيش ! معناتها إنت معارض ! ما إتـــصّفقش كيف كيف معارض و خاين !!! ما إتوريش روحك للهيئة :::: إقولو وينــــــــــــو !! هذا إمطفي الدّولة و في بالو بشيئ ...هذا إخمم في إنقلاب....
راهو إيجيش منو باش الأدارة إتومول إحتفلات شبعة نوفمبر ...راهو ماوش داخل في الميزانية متع الدّولة ...لا الشعب التونسي بالسيف يدفع من جيبو : الزينة و الشوالق متع شبعة نوفمبر...
كل شبعة نوفمبر ...الرئيس ...يعفي على بعض المساجين السياسين !!! قال شنوه الرّئيس ...رحيم ...زيدوه الرّحمان الرّحيم و إلــــــــــــو تحّو و إزكّو باسمو !!!!...توه هذا شبعة نوفمبر رقم عشرين ...!!!! و بغى يوفى و إفوتنا بمحطة ...لا لا لا ...شبعة نوفمبر باش ياخو بلاصة عيد الأستقلال ...و كان لزم بلاصة العيد الكبير ...
شبعة نوفمبر هذا ، أكبر غلطة تاريخية على وجه الآرض !!! و مازال باش تدفع التوانسة الأمرّين في جرّتـــــــــــــو ...الراجل ناوي ..إورث شبعة نوفمبر لنسيبــــــــــــــــو ...و من بعد ولدو ...و الحبل على الجّرارة !!!!!
كــــــــــــان بن علي و الطرابلسية و التجّوع ...مشـــى في بالهم بالي الشعب التونسي : إنتهى و رضى بالأمر الواقع ...و كل يد شد إختها ...إنقوللهم : ألي يحسب وحدو يفظـــــــــــــلو ياسر ....تونس و شعبها ...هزّت يديها من ترابكم و من إنقلابكم ...و من حزبكم ...و راهي تسنـــــــــــــــــــى في فارس أحلام جديد ...إفسّخ أش فسّدو و أش عملتو ...و عاود يبني من جديد
فلسفة الأنـقلابات ما هيش باش إدوم ياسر ...و الأيــــــــــــام بينا .....
قاسم قاسم
هناك تعليق واحد:
ti ach khass ken jet chab3a novembere ya kassem!au moins rahi leblad fi khir!! koul plutôt jou3 november, maja3et novembere! 21 sné w beki 3la koddem el tawwa ma chab3ou!
إرسال تعليق