ثمه كريز من كريز

يا جماعة ، الكريز هذا وصلني ...قولي يا مذهوب الشيرة ، علاش شاري ها الأكسيونات و أش مدّخلك في ها المعمعة المعوّجة ...شرينا شوية هوكا العام ! و كل مرّة نعمل طلّة على فلوسي ...قلت برى إنشوف وين وصلو في ها الكريز ...جيت نحسب لقيتها بحرت ، و كان أرجع راسي مالي ، نسمى رابح ...يا زينب هوكا الفلوس ينقصو و راهم باش إذوبو جملة من لراس العام ...ما ظنيت كان قعدت فيهم حاجة !!! إزرمي نمشو لنيويورك ...ظربتين بالبدالة لقيتني أنا و المرا في قلب وال ستريت !!!

· فلوسي ...يرحم والديكم فلوسي ...رجعولي راس مالي ...الرّبح ما عنتيش فيه
· أصبر ..يتحل المرشي ...
· فلوسي ...يرحم ولديكم ...راهم فلوس المرا ...هاهي زينب
· أصبر ...المرشي مازال شدّش بعضو ...خلي إيزيد شوية البونو
· لا لا لا أعطونو البونوات متاعي ...يزيني ...
· إنت من جاي
· من تونس .....

إني قلت من تونس و الرّأجل ...وخر من على البيرو ...و قالي إستنى ..لحظة ...

· إنسالكم فلوس إنتم ...على كل تونس ثمة كريدي ب 5000 دولار
· واش دخلني أنا في التوانسة ألي في تونس ...أنا لا إنتخبت ...و خذيت قرض
· الحكومة متاعكم واخذة قروض من أمريكا ...بمقيمة 60 مليار دولار ! لازمنا نخلصو من كل تونسي ...و إنت جيت في الدّهامة
· بالحرام ...ما تعطينيش فلوسي على فرد فرنك ...كان نمشي لواشطن توه ...نمشي لبوش ..نخلص منو سير بلاص
· برى وين إتحب ...الفلوس تاخوهم ناقصين 5000 دولار
· إتحب إتقول ...أنا إنخلصّ على الطرابلسية و بن علي
· أه ...5000 ألاف دولار
· و قداش الخصارة ...قداش خصرت في الحسبة الكل
· في الحسبة الكل ...راك خاصر ...8752 دولار
· بالخمسة متع بن علي و الطرابلسية
· إه بيهم
· قداش باش تعطيني ...جملة ...
· يفضلولك 2100 دولار ...صافيات
· باهي هاتهم ..........أطلع بيهم ........و كان مازال إتشوفني في وال ستريت ، ساقيا قصّهم ...

جبدت الفليسات ...الصّوارد ...و شفت لزينب ...نتفلقو بالضحك على بعضنا و على البزنس ألي ربحنــــــــــــــــا فيه ...

· أش نعملو بيهم هاذوم ؟
· إشريلي دبوزة بارفن أولا ...و من بعد نمشو لأعز مطعم ...و ناخذو وتيل و أروحو ..فرنك لا
· نستاهلو ...أكثر ...باقي أش ملّعبنـــــــــــــا معاهم ...في ها البنوك
· كلام رجال ...يا زينب
· كلام رجال .............قتلك ما أروحو بحتي صوردي

توه الواحد يخبطها خبطة ...شماته في روحو ....باش ما عاش إدور بها الأكسيونات ! و زيد وجعوني ال 5000 دولار أكثر من الخصاره ....ولكن قعد حاير كيفاش أمريكا باش تخلص من الـــــتوانسة الكل ...و هاهوم ما عندوهمشي إكسيونات !!!!! و أحنا ماشين للمطعم رجعت للرّأجل متع الفلوس

· بربي سامحني ....كيفاش باش تخلصو من التوانسة ..هاهم ما عندهومشي أكسيونات
· أحنا نخلصو من الحكومة الأمريكية ...و الحكومة الأمريكية تخلص من حكومتكم
· علاش أنا خلصتو مني
· عندك جمهورية ......يا سي قاسم ..و إتمثل الدولة !!!!

غصيت ...و كلمة ما زدتهاش ....سلّيتها ذيبيّة ...الجماعة في بالهم بكل شيئ

شنوه مطعم ...يا جماعة ...يا شمع ...يا موسيقى ...يا سرابس ...قولي وين عاد ؟ في الكونبلاكس متع روك فيـــــــــــــلار ...في هاكي الأيطاجات العالية ...بالحرام 2000 دولار لا سدوها الليلة ...ستر ربي جات الفيزا موجودة ...زينب تطلب كان في الحاجات الغالية و ألي ما تعرفهاش ...و شايخة بالضحك على الخصارة ...و أنا سرحت ...و زيد ما إنشوفش ياسر ...ما نجمتش نقرى ...السّرفار ...قرّبلي الشمعة ....باش هناش ما نفهم حاجة ...
· زعمة ما عندهومش كسكسي ...يا زينب
· وين تلقاها بالضحك .....يزي ...عندهم عجّة ...راك في روك فيلار !!!
· إشنية حضارتهم هوما الأمريكان ...إنت ديمة شادة في الحكايات الفارغة
· ما عندهومشي ....لكن نحّولك فلوسك
· باهي غلبتيني في هذه ...يعرفو كيفاش إكنبصو
· شنوه ألي إخطرتيه ....
· رقم أربعة ....
· شنوه
· توه نعرفوها كي إتجي ....حاجة بالفرماج
· هات نمرو عشرة يرحم ولديك ......( و الله ما نعرف عليه شنوه )
· إشنوه نيمرو عشرة يا قاسم
· توه تعرفيه شنوه ..............كي إيجي

إنشوف في واحد خابط ...خبطة تعمل الكيف ...فرحتلو من قلبي ...شايخ ..بضحك ..ناصب ....قلت هذا لازم خصر ...في الكريز ...و قال خلي ..نهار صردوك و لا عشرة دجاجة ...و مشى في بالي ...الناس ألي في ها المطعم الفاخر الكل خصرو فلوسهم كما خصرنا ..أنا وزينب ...هلوست ...يا جماعة !!!!!

واحد في الطولة ألي وراي ....راكزيلتلو و لكن بالدّم البارد متع إنقليز ..نسمع !!

· فاك ...مذر فاك ...ماني إن ذي فيرست !!!!

زعمة في إشكون إكلّم ؟ يطلعشي بوش ...خابط ...نازل على رئيس دولة ...طالب منو فلوس أمريكا الكل ...7000 مليار ...ناقصين ....

زينب ...فيّقتني ...

· وين سرحت ...
· لا لا هوني ....زعمه هاذوم الكل خاصرين كيفنا يا زينب
· ناش شايخة ...هاذوم ...عندهم فلوس الدنيا الكل ...هاذوم ما هومشي فقراء زيّنا
· زعمة
· هاذوم ...الطايح عندهم مرفوع ...نو واي

و في لحضة إتعبات الطاولة إصحان ...عشرة مرات كي رمضان ...حليب الغولة فوقها ! باش ما يبدى الواحد ...الله و رسولو أعلم ...بصراحة حشمت على روحي ! و قاعد نستنى في زينب ...منين باش تبدى ...باش نبدى ...يا جماعة وحدة ســــــــــتاك كان ما في هاش كيلو و نص ...لحم أحمر ما زال نــــيّ ، دميات إتسكسك منو ...إخوّف !!!!!!!

· كيف هكه يا زينب ...هاذا مشوي ..و إلا كيفاش ؟
· هذاك الستاك الأمريكي ....!!
· إنادولو ...خلي إيزيدو إطيبوه ...
· إشــــــــــــت ...يزي يا قاسم ...توه ...لازم ...يا كول يا خلي ...
· زعمة حـــــــــــــلال !!!!
· صار تلعب في الرّبي ....و إتحب تربح ....و تنشد عليه حلال و إلا حرام ؟
· تي ما هو الواحد ...إخفف شوية ...ذنوب
· إسمع ...الليلة ...ليلة خصارة ...في الجنة و في النار ...كول و ما راك حد
· إنت قلت !!!!!

إسمعي ..يا زينب ...ألي وراي هذا ...مازال يتكلّم في التلفون !!! أنا إنقولك إكلّم في تونس ...وجوهو ...زي ألي شفتو فـــــــي وال ستريت ....
· زّود هكه شوية ...خلي إنشوفو
· زّوّدت
· و الله هو ...يا قاسم هذا بروكـــــــير يخدم في وال ستريت .....

· كل مواطن تونسي ...لازمو يدفع لأمريكا 5000 دولار ...في إيدكم ...جمعة و نص
· أصبر علينا حتى لشبعة نوفمبر
· لا لا ...رايت نــــــــــــــــــــــــــــــــاو ....رايت ناو

وخرّت الكرسي ...ألتالي ...و ظربتو على أكتافـــــــــــــــــــو ....

· إشبيك إتعيط ...بالسياسية ...موش كل مواطن تونسي يدفع
· لا كل مواطن ...فلوس أمريكا تخلقوها من السّماء
· أطلب بن علي و الطرابلسية ...التوانسة ما دخلهومشي في القروض ...ما وصلهم شيئ ...ناس ما تعرفش تصّرف ...سوء تصّرف ..عندنا في الدولة
· ما إهمنيش
· إشكون حاطها الدولة ...هذيكه ...ماكم إنتم ...إنطبعوشي في جرّتو أحنا ...نعرف كيفاش معنداش فلوس ...و موش مخلصين أمريكا ....
· إنت محامي على التوانسة
· أنا رئيس الدولة .....إنكلمك فيك ....و هاني دافع 5000 دولار ...و حسّن المنطق متاعك مع الشعب التونسي ....فاهم ...
· معذرة سيدي الرّئيس.

قاسم قاسم