05‏/10‏/2008

مياديــــــــــــن و الحلاّج في منطاد شبعة نوفمبر


· ألو تسمع فيّ ...
· إه نسمع فيك سيدي...
· نادي الجماعة الكّل ...المهندسين الكل ...قوللهم ..المعلّم حاجتو عندكم بسرعة

إدارة من إدارات تونس المحروصة ، وين الرّشوة عاملة عريشة ، و الصّبة مســـــد. و حاجب قبل حاجب باش إتقابلو حاجب ! أي كان ثمة مازال تخلّف إداري في العالم راهو في بلاد الشابع من نوفمبر. في كل إد ارة تلقو ، رئيس شعبة: زبلة بأنم معنى الكلمة ، إصبّ بالناس الكل حتى بالمدير نفسو ، الصّباب هذا بأوراقو ...يسرق ، ينهب ، يستعمل المال العمومي و لا واحد إكلّمو ...و إلا إجي على حالو ...تلقو 5 من الناس يخدمو و البقية الباقية تخلص و ما تعمل في شيئ ...تلقو ألي على الليـــستة الكحلة ! حاطينهوم في الفريجيدار ...هاذوكم حسب نضام الجوع متع بن علي خونة ! ما خرجوش نهار شبعة نوفمبر إصّفقو ...و كان جاء خوانجي ..إحطوه قدام الباب البراني و حتى كان جاء مهندس ما عندو الحق باش يعمل حتى شيئ ...قالك إخرّج الأسرار الكبيرة للدّول العدّوة ...إدارة تونس قزرنة لا أكثر و لا أقل ...يحكم فيها الخوف ، الصّبة و التنكنبين !!!! باش تقضي حاجتك لازمك إتمشي ســــــــو طابل ...الكبير بالكبير و الصّغير بالصّغير ...زبلة رئيس الشعبة ياخو متاعو على كل صفقة ! صغيرة و إلا كبيرة ...باش عايش التّجوع ! و منين إجيب فيهم الفلوس !!!! من الميزانية متع الدّولة .

· الســــــــــلام عليكم ...سيدي الرئيس المدير العام
· أقعد ! سي زبلة !
· ما عاش إتقولي زبلة ...لا إرّحلك من هاك الكرسي ...إستفيد عندي
· أقعد يا زبلة .... يا رئيس لجنة التّزويق ...ماهو حاجتك ببلاسطك تقعد ...و إلا !!!
· ذكرّتني ...سبعة نوفمبر على الأبواب ...لازمــــــــــنا نعملو حاجة كبيرة ياسر
· هاكه النّهار المشوش على تونس و أهلها !
· إشبيها تونس ...التغيـــير
· تونس الغورة ....يا شفش ...يا حمار ...إسمع ...! مازال إتهزّ صوتك ! نعملهالك عملة تقعد نادم طول عمرك
· إتهدد فيّ ..
· و كان عجبك
· شوف يا مدير ...أنا حاجتي ...بكرّوسة متع ثمه ثم على حساب الأدارة ! باش إنبان ...على الساحة السياسية ...و حتى الوطنيّة
· كما أرّكبك على كرّوسة ...عمرك لا ريتها و لا سمعت بيها ...و حتى في المنام ما شفتهاش...أما على شرط
· توه شويــــــــــــــــة جديات سي قاسم ...إنت إقضي قضيتك ...و أنا كذالك ، هاهوم المهندسين كي البطاطة ما يعملو في شـــئ ...إخدم روحك ...و إخدمني ! إتحبش يا سي قاسم ...المّعلّم بيدو يطلع في الكرّوسة ...إنا إنجيبــــــــــو !
· إتنجّم إتجيب المـــــــــرا عندو ....
· كل شيئ إنجّمــــــــــــــــو ...سي قاسم ...أما لازمها إتكون كرّوسة طيارة ! لا إتخلقت على وجه الأرض
· إتجيبـــــــــــــــو
· على ساقيــــــــــــــــــــــه .....يا سي قاسم
· شوف كيفاش ....يا زبلة ...
· أخطاني من زبلة
· إسمع و أفهم ....ما تعمل حاجة كان ألي إنقولك عليها ...و تبداش إتهز و تنفض و إتهدد في المهندسين و التكنيـــــسيانات ...و إنعملك كرّوسة للمعلّم متاعك ! و لا راها ...لا في السماء و لا في الأرض ...متّفقين
· ألي إتقولو يا سي قاسم ...نعملو ...
· علاش ! لأن المهندسين ...راهم ما إحبوش ها الفضايح قدام العالم ...نحتفلو بإنقلاب
· كيفاش .....سي قاسم ...إنقلاب ..وقتاش ...إشكون في الحكاية
· يا ربي ....سكّر فمّك ...راك حمار ما تفهمش ...قتلك شبعة نوفمبر ! راهو إنقلاب في التغيــــــــــــير
· ما هو تحّول ....هذا عيد التحّول
· تحيّـــــــــــــل و باندة ...و إسكت ...توه المهندسين باش يدخلو
· حاضر

الزّملاء متاعي في الأدارة ...فاهمين اللّعبة و فاهمين إشكون مع إشكون ! و إشكون إصّب بشكون ...و لكن أنا عرفهم ...و دكتاتور متع ثمه ...ما ثماش مهندس إحل فّمو مع قاسم ...وقت الخدمة خدمة ...و و قت الفدلكة فدلكة !!! و أنا رئيش الشعبة قاعدين في البيــــــــــــــرو حتى دخل المهندس أول ...الحلاّج.

· إهلا بسي قاسم !!! عيطلي !!!! إن شاء الله لاباس
· إه ...حاجتي عندك ...
· أطلب ...إتفضل ...سي قاسم
· ما يخفاش عليك يا ولدي ...الأحتفلات ...بالسابع من نوفمبر عن قريب ...و أحنا كإدارة كبيرة لازمنــــــــــــــــا باش إنشاركو تونس في ها الأحتفال الكبير! و نفرحو مع الفارحين ...عندكشي حويجة في مخّك ...فكرة طيبّة نعملوها باش إنكونو من الأوائل ...و ربما ناخذو الجائزة الأولى ..الجائزة الوطنية
· و الله سي قاسم ...حاليا ما عندي شيئ ...أما صراحة ...إعطيني شوية وقت ، إنخمم
· وقت ....سبعة نوفمبر غدوة ...جمعة ...و الوزير كلّمني بنفسو ...تعملو حاجة !
· شنيّه الحاجة هذي يا سي قاسم
· كروسة ...يا سي الحلاّج ....( رئيس الشعبة)
· كروسّة ....!!!! إشنية كرّوسة
· كرّوسة ....كما الكرّوسات الكــــــــــــــل ( قاسم )
· أنا مهندس ...متع قاز ...كهرباء ..موش متع كرارط يا سي قاسم !!!
· كريطة ...لا ( رئيس الشعبة )
· ما قالش كرّيطة ...يا سي فرج ....وسع بالك شوية !!!
· حاضر يا سي قاسم
· باهي ....شوف يا حلاّج ...إنا ما إنشكش إبدا في الكونبيتونس متاعك أبدا ! و نعرفك خداّم ...و ناس ملاح ...و لكن الدالة هذه كان تعمل مزية في قاسم ! إتشوفلي حاجة ...كما الكرّوسة ..تتحرّك ...تتشاف ...تتمس...إتصفق عليها الناس ...علم الكهرباء ...القاز ...هذا ما إنشوفوهش أحنا التوانسة يا باش مهندس ما عنداش التّجريد !!!
· كرّوسة بالجريد ( فرج )
· يا سي فرج ....التّجريد ...ما هوش الجريد ....
· لا كرّوسة بالجريد ...ما إيجهاش المعلّم ....و ما إتجيش !!!!!
· يا سي فرج ....ما نحكوش على الكّروسة ...نحكو على حاجة أخرى !!!!
· شوف سي قاسم ...كيفك شاد الصّحيح ...نادي ميادين ...عندو خيال كبير ياسر
· بالخيّـــــــــــــالة ( فرج رئيس الشعبة )
· لا لا يا سي فرج ...ما عندناش باش نشرو حصان ...و لا خيل ...نحكو على حاجة أخرى
· وين إنكلّمكم ...إتقولي نحكو على حاجة أخرى ....يا أخي بهيم أنا بحذاكم و ألا شنوه !!!! تحكو على كرّوسة ...بزوز أحـــصّنة ...ما تعجبنيش ...و ما إتشرفش صانع الخيل الكل ...زين العرب ..و زين الفرسان الكل...
· باهي ..يا سي فرج !!! توه خليني نخدمو شوية !!!!!
الحّلآج دايخ في أمرو ...الرّأجل عندو سنين إشرشي في cos (fi) الفكتار متع البيوسنس ...و إحاول كيفاش إحسن في الرّوندمون متع الموتيرات ...لقى روحو واحل باش يصنع في كروسة ...و لا عرفها ....لا باش تجبدها الخيل و لا البغولة !!! على فكرة ...تونس ، كريطة بالظبط ...و الرّئيس إبرطع ...جافل ...خايف ..و و بلاد ما قعدت فيه حتى لوحة تصلح ...و كل مرّة يتعدى على قرية إرّحلها ...رئيس خايف ! دّوخ العباد في جرّتو ...حتى من المدّونات ...ولات ترحل ...إشكون ظربها ...عجلة من عجلات الكريطة ...الحكومة الكل راكبة فوقـــــــــها !!! هاهو وزير طاح !!! وزير أخر يدّرجح من تالي إتقول ولد صغير ...هاهم جماعة الشعبة ..تمسح في الثنــــايا و إتزوق في الكياسات ...الكريطة باش تتعدى ....و الشوفير متعها ...يلهد حاسب روحو فارس كبير و يفهم في السبــــــــــــاق ....الرّأجل يجري وحدو ...و الدّربوكة وراه !!!! كريطة و المزود خدام ...إسمع يا ألي ما سمعتش بن علي ...يعفس في الماية !!! الكلاب الجافلة و ألي تبح من بعيد و تجرى وراء الكريطة ...عاملين حالة ...هاذوم الخوانجية الجدد ألي رّوحو ...البلاد ناقصة راقصات ...خوانجي و راقصة !!!! ما تخطر على واحد على راس قاسم. الحمير ...تجري ...القطط ....الجرابيع ...العالم ..تونس الكل تجري وراء كريطة ....ماية في الماية ما شية للفوسي ...و ما ينقذها و لا واحد ...إلا المهندس أول ...ميادين

مل يلزمنيش خيال باش نكتب و باش نعرف ألي صديقنا ميادين ...مهندس كبير ! أنا إنقول ...إرشيتاكت ...الأرشيتكتـــــــــير ...هذا علم جميل جدا، إلي درجة الأبداع ! البصمات متع المهندسين التوانسة موجودة ألي اليوم ....و لكن ...الجماعة ألي يخدمو معاي ...مهندسين من نوع أخــــــــــــر ...موش مهندس رئيس شعبة ، إكرك في شلاكتو في الأدارة ....المهندسين ...الزملاء متاعي في الخدمة ...ناس طياير ..موش من هاذوكم الــــــــــــــلاّحسة ..القّوادة ...الطحانة متع الحاكم . و يدخل ميادين للجلسة

· أهـــــــــــــــــــــــلا !!!!
· هاهو جاء الي حاجتي بيه
· إشنــــــــــوه حوالك يا سي قاسم ...
· لاباس ....أما غارق ...يا صحوبة ......بربي لحظة ( سي فرج برى جيب قهاهوي للجماعة ....إسمع و دبوزة ماء ....إسمع ...أبطأ شوية ...خوذ راحتك! متفّقين )
· كلام ....سي قاسم ...ألي تعملو مبروك

خرج ، جيفة ، زبلة ، رئيس الشعبة متع الأدارة متاعنا ، خرجت أنا العبدو لله من وراء البيرو ...و إمشينــــــــــــــــــــا ...لطاولة الأجتماعات !!!!
· السّلام عليكم مرّة أخرى ....1- حاجتي بديزاين متع مركبة فضائية ...بأربع صوارخ ...لازمها إتهز عائلة كاملة ..فيها كل شيئ ...2- فيدكم جمعة وحدة ! إنحبها ...من برّة تبهر الناضرين ...بنفسجي ...إكتب عليها ...مركبة السابع من نوفمبر العظيم ....تونس تدخل الكوسموس ...

· شوه سي قاسم !!!! ( الحلاّج )
· عندك لي توربيــــــــــــــــن الكل ...على حسابك ...لازمها تخرج من الغلاف الجوي ...في ظرف 5 دقائق ...مجهزّة بأحدث التكنولوجيات متع الأتصال ...كل شيئ عندك
· سي قاسم ...راهي الحكاية ...تطلب شوية وقت ...( ميادين )
· تخدم ليل و نهــــــــــــــــــــار ...و حالا !!!!

خرجو الجماعة من عندي ...عندهم الضوء الأخضر في كل شي ! معامل الساحل الكل و تونس الكل ...تخدم من أجل إحتفلات الشابع من نوفمبر ...جاء رئيس الشعبة بالقهاوي و دبوزة الماء !!!

· وينهم الجماعة يا سي قاسم
· هونا قنعتهم باش يعملو ...منطاد سبعة نوفمبر ...هدية صغير لولد الرّئيس
· أه ..منطاد ؟ شنوه منطاد !!!
· هذي كرّوسة ...إطير ...في الهواء ...كبيرة ...و الأنبولة متعها حرير !
· أه أه ....هذي حاجة باهية ياسر ...يركب فيها الرّئيس و إجرّبها !!! يا سي قاسم علاش ما تعملوش حتى زوز كعبات
· تعرف سي فرج ....ما عنديش الفلوس !!!
· ناقصة الميزانية .........أنا إنجيبهم ....قداش حاجتك
· على الأقــــــــــــل : أربعة ماية !

· ما إتعلقشي ....سي قاسم

· إسمــــــــــــــــع : التخلويض لا ! تمشي لرئيس لجنة التزّوير متعكم ! التنسيق المشوم على راسك ...تحكيلو على المنطـــــــــــــــاد ! و إتقولو قاسم ...ناقص الدّعم المادي ....و حتى المعنوي ...و إتريقل الأمور الكل ! و إنحبهـــــــــــــا الحكاية توصل الفــــــــــــــــو ق بسرعة ...تصول للجماعة ألي عندهم الدّزّة ...باش يعملو كومندات جدد و المعمل متاعنـــــــــــــا إيزيد يكبار .....

· واه .....يا قسومة ....ما أقواك ...! في ها الحكايات !


الحّلآج و ميادين ، ما خرجوش من المعمل ! سكنــــــــــو فيه ! خدمة ليلة و نهار ! و الخدامة شاخو بالمـــــــــــاكلة على حساب التّجوع ...و كسكي ماشي ...كسكسي جاي ! المعمل الضّو متاعو ما يطفاش ...واش إتحب يا سي الحلاّج ...المهم المنطاد إكون خدام في الوقت المناسب ...و في المكان المناسب ....شنوه ديزاين عاملو مايدين !! و إشونوه روسومات ...و سبعة نوفمبر تغمـــــــــــــــز من بعيد ...العلوم ألي خلقها ربي على الأرض ...إستعملناها في إحتفلات السابع من نوفمبر ....دخلت على الجماعة ! لقيتها غاطسين في الخدمة ....مشروع علمي كما هذا ...يستحيل إراتـــــــــــه مهندس إقول بروحو ....و لا مرّة تصنع منطــــــــــــاد صحيح و على أمور مدروسة و بأيادي تونسية ....الخدّأمة و التـــــــــيكنيسيانات شاخو ..على الحكاية ...

1. شنوه سي الحّلآج ؟
2. عجبني البروجي يا سي قاسم ....ثمة علم و ثمة ديزاين و ثمه تكسير راس
3. إش قولك ميادين في ها النقشة متع المنطـــــــــــاد
4. و الله يا سي قاسم ...على خاطرك ...و أكثر من ذلك حبيت إنوريك ألي أنا قادر باش نعمل حاجات كبيرة ...بغض النظر على السياسية ....
5. إسمعو مليح .....إنحب كل شيئ إكون كومندي أ ديستونس ....الكومند ...ما يلزم يعرف عليها و لا مخلوق في الدّنيــــــــــــــــا ....إلا قاسم !!!!
6. إنت تــــــــــــــــــّأمر !!!
7. عندكم مفاجعة كبيرة .....زبلة مشئ ألوج على كومندات جدد !!!! منطاد للترجي و منطاد لفاطمة بوساحة و منطاد لشريف علوي ...و منطاد الأفريقي ! عندكم ...خدمة عــــــــــــــام ...باش إتفتقو المواهب متاعكم في الهندسة !

فاقت الناس الصباح ، على شبعة نوفمبر جديد ، هذا نيمرو 25 لا إترّبحهم ! و خرجت الناس باش تحتفل بعيد الأنقلاب ...و جات الطامة و العامة من كل برّ ...تونس إتعج بالعباد ...إتنصبت المنصّة الكبيرة ...و جاء الرّئيس ...و جات مرتو و جاء ولدو ! و جات هاكي الطحانة الكـــــــــــــــل ....إستعراض العربات ...و الكّروسات ...و العباد و الفرق الشعبيّة ....و جاء رئيس فرانســـــــــــا و العقيد و متع التزاير ...و ألمانيا ! باش إهنو الشعب التونسي بيوم النقلاب ...

كمل الأستعراض العسكري متع الكراريط و البيدق الفارغ و البرابكندا !!!! و الرّئيس إستدعى الناس الكل لملعب المنزه ...باش إوريهم ألي أي حد وصلت التكنولوجيـــــــا التونسية ....سبعة نوفمبر باش يوصل للكسموس ....تونس في الكوسمس.

قاسم ، عندو إستدعاء خاص ....لا الحلاّج و لا ميادين ...خلّوهم يدخلو باش إيشوفو أش صنعت إيديهم ...قعدو البره من الملعب باش إشوفو المنطــــــــــــاد متعهم ...رئيس الشعبة كيف كيف ...رّوح بكرهبة إيزيــــــــــــــزو ...هدية عطاهالو الرّئيس على حسن التصّرف متاعو ....

في وسط الملعب ...إتنصبو زوز منطــــــــــــــــادات ....بن علي ينفخ في صدرو قدام العقيد ...و إقولو : شوف لوين وصلت الصناعة الفضائية التونسية ...و زاد إستدعاه باش إرافقو في رحلة صغيرة على العاصمة ...ركب بن علي و ركبت معاه المرا ! ركب العقيد و ركبت معاه وحدة من الحرس الثوري ....بالطبع ثمة زوز شوفيرات متع منطاد . هاذوكم ...واحد عاشور ناجي ...و الأخر عماد حبيب ...

سي قاسم من اللّوطة ...هو الأمر الأناهي ...1 2 3 ...شعلّو النار في القاز ....و بدات تتهز البــــــــــــــــــالونة ...بشوية بالشوية .....و خرجت سبعة نوفمبر ما أكبر منها في العالم ...و الناس بدات إتصفق .....و النشيد الوطني ..يخبط ...الناس ألكلها عيونها في السماء ....

طلع المنطاد متع بن علي ....و هز يدو اليمنــــــــــى إحي في الناس ...و طلع المنطاد متع العقيد ...و شاخ بالضحك ....

في جيبـــــــــــــي الأيمين ...ثمة الكوموند ...متع التوربينــــــــــــــه ....الحّلاج و ميادين ...حطـــــــــــــو التربينة تحت المسافرين ...يستحيل باش يشلق بيها واحد !..

طلعو قرابة العشرة ميترو ....و ننزل على البــــــــــــوطن ...متع التّربينة ...و يطلعو بسرعة الصّواريخ ....في إتجاه المريخ ....

بالـــــــــــــــسلامة ....يا عقيد ....بالسلامة يا زين العبدين ....الناس باش يتوحشوكم


قاسم قاسم




هناك تعليقان (2):

brastos يقول...

ارجو ان تكون مراسم الاستقبال جيدة .. هناك
:)

kacem يقول...

أعرج بــــــــــه ...يا براستوس