المشاركات
· المشكلة يا قاسم ان المجهود اللي تعمل فيه يبقى مجرد مجهود افتراضي ...
سيدي الكريم ، العلم ، الرّياضيات ، الفيزياء ، مبنيّة على الأفتراض : supposons تعرفها الكلمة هذه في بالي بالعربي إنقولو : لنفترض ...و من بعد يدخل التحليــــل و كان جاء غالط ، إنقولو لازمنــــا ، إنبدلــــــــــو ...لازمك شيوة إناليز و شوية سانتاز : في تحسن ملحـــوض إرى فيك يا سي أبو ناضم .
· لاحظ مثلا انك مازلت ما حزتش ثقة المدونين -اصدقائك الافتراضيين –
لا حاجة لي بأحد يا سي أبو ناضم ...بالعربي ما حاجتي بحد ...على المدّونين البحث على الحقيقة بأنفسهم ...ما نيش جاي هوني باش أستجدي التعاليق و إلا الثيقة متاع أي إنسان ...بيهم و إلا بلا بيهم ...قاسم ماشي ألي الأمام .
· خاطر نوعية مواضيعك وطريقة عرضها بدليل ان برشة ناس تدخلك وتقرالك ونا واحد منهم لكن لا واحد يصوتلك او يخليلك تعليق الا في ما ندر ...زعمة علاش ...اهنا نجو لحكاية الثقة ؟؟؟؟
كانك على التصّويت ما حاجتيش !!!! و كانك على التعاليق كيف ...كيف ..هذا لا يغير من الأمر شيئ ...تجاوزت هذه المرحلة
· التغيير يا قاسم خاصة اذا كان ينبع من خلفية سياسية كيما تقوا انت على روحك ما يكونش بالسبان وحدو حتى وان كان سبان للحاكم...
فرق بين السّبان و بين كشف الحقيقة !!!! بن على ديكتاتور : هذه سبة حسب رايك و إلا كشف حقيقة ؟ التغير تعرف كيفاش إيجي في تونس ...؟ بالحجـــــــــــــر الصّم ...و أفهم مليح أش إنقول.
· قدم برامج اعطي بديل للموجود اطرح مواضيع جادة ...هاهو الصحيح اما تقعد تحكيلي على منصف المرزوقي والا غنوشي والا عمار بالزور ....:
الدكتور منصف المرزوقي ، دكتور عندو ما إقول و موش إنت و موش أنا باش إنجم إنقولو عمّار بن زور و إلا زور بن عمـــّار ...لذا لازمك شوية بحث على الأعلام متاعك ...لم تنجب تونس عظيما بعد أبو القاسم الشابي دون الدكتور منصف المرزوكي و حتى بكل نقائصه ....الشيخ راشد الغنوشي ..إستوفى تاريخو النضالي و إنهزم ...و لكن أكاديميا لابد من إنك تقرى للشيخ راشد الغنوشي إذا أردت أن تدافع على الشعب التونسي ...حكاية البرنامج ...أسهل برنامج في العالم ....فكان الحكم من بن علي و الطرابلسية و بكل الوسائل ...كتـــبتو ما تاخو برشة وقت ...أما الطبيق ...أنا إنطبق ديريكت قبل التيــــــوري ....و هنا لازمك تفهم مرّتين
· فليس هذا هو النقد او النقاش الجاد ....
النقد و النقاش الجاد في بالك شنوه ؟ إنعاودو كلام التّسعينات ؟ و إنت بيك و إنت عليك ؟ الصحيح إنك تنظّم للمجموعة الوطنية و إتناضل من بقعتك ، تبحث على الحقيقة و تبحث على الأعلام متاعك ....
· هذا ممكن يكون تخلويض كيما قالك طارق ؟؟؟
الدكتور طارق الكحلاوي مازال صغير ! و تجربتو مازالت في بدايتها ...و باش إيزيد يغلط برشة مرّاة ..موش كان مع قاسم ..هذا ما يعنيش ألي أنا إتنرفزت ...لا أبدا شوفت سبعين سبة و أكبر من التخلويض ...لازمو شوية وقت ...
· والا مجرد سبان للسبان واللي يسب وما يناقشش راهو دليل على انو فارغ وما عندو شيء ...
كما قتلك ، كشف حقيقة نضام الشابع من نوفمبر لا يعني سبا !!! من ناحية الفراغ ...ما عندي شيئ ، هذا لا يعني لي شيئ لأني لا أفهم معنى الفراغ ...نتحي فيزيك ...إعلم يا أبو نادم : لا وجود لشخص فارغ ، لرؤية فارغة ، لأناء فارغ !!!! على الأقل فيه الهواء ....لازمك سي ناضم شيوة كليبــــــــراسيون في عدّة مفاهيم فيزيائية.
· هاكة علاش انا تسالت المرة الاخرة حول هويتك ....
قاسم ...قاسم ، إمي إسمها زينب ، مرتي إسمها زينب ، و السيد الوالد إسمو بلقاسم ...تونسي قح.
· مش من باب التنسنيس كيما فهم عمروش وتيتوف ومش من باب التندخل في شؤون العباد ....
إنت حر سي أبو ناظم ....أنا من عشاق الحرية ...و كان عشت إنت 5 دقائق من الحرّية ألي عايشها أنا لآصبحت قاسم.
· ولكن من باب التساؤل المشروع ...
عندك ألف حق باش تسأل و تتسأل ،
· اذا كانك جاد يا قاسم اطرح مواضيع جادة نناقشوها اما السبان في الحاكم ما عمرو كان معارضة:
شنية المواضيع ألي تحبني نطرحها ...التعــقّل متعاعكم ! المصالحة الطالحة ! المطالبة بحرية التعبير ! إنتضاركم إنها تزل عليكم الحرية من السماء !!!! شنوه الموضوع ؟؟؟؟ عندي موضوع واحد : Le Pouvoir كيفاش يتفكّ من بن علي و التّجوع و الطرابلسية في أن واحد ....إتنجم روحك في الحكاية هذه ..و إلا لا ؟ زاورة الديمقراطية متع بن علي هذه ما إتلعبنيش ...!!!!
· ويظهرلي هاكة علاش عمار ما سكرلكش البلوغ متاعك !!!
/ بن علي أو ما يسمى بعمّار هذا ، ما سكّرشي البلوق متع قاسم لأنــــــو عارف ألي البورتي : porté ما هيش حاجة كبيرة ! و عملّية التسكير متع برشة بلوقات راهي : ذر الرّماد في الأعين ...باش تلقو موضوع تحكو فيه لا أكثر و لا أقل ..صناعة حدث .
· خاطر كيما قلت انت الفايسبوك يخوفهم هاكة علاش سكروه ؟؟؟
الفايس بوك ...حقل خصب لتكوين أي حزب سياسي ....و أول حزب يتعمل باش ندخل فيه ...هذا باش إكون في علمك !
· معناه مدونتك انت ما تخوفهمش ؟؟؟
بالطبيعة ما إتخويفش : لأنو قاسم واضح ...وضوح الشمس ...و برنامجو معروف ...تطييــــح بن علي و بكل الوساءل !!! أفهم مليح الحكاية ....الحاكم أخاف من واحد و إلا من جماعة ما هوش عارف الماء متاعها وين أصب ...لا أكثر و لا أقل ...الماء متاعي إصب في راس بن علي و التجّوع و الطرابلسية ....هنا باش إجيك سؤال أخر : إشكون باش إيجي معاك يا قاسم ؟ هنا بالظبط مربط الفرس ؟ هنا يا سي أبو ناظم ...لازمك تقرى الهندسة متع الأستكشاف المستقبلي ...قاسم يحدد الهدف أولا ! من بعد يعرف ألي في تونس ثمة مليون من شخصية قاسم قاسم ....عليهم باش إواصلو ....الي ما وصلوش هو ....فاهم ...الشيئ أعمق مما تتصّور يا أبو ناظم
· انا ادعوك بجدية الى طرح مسائل جادة وبهدوء وقتها الناس تعرفك وتولي تناقشك وتسمعك ؟؟؟؟؟؟؟؟
إتنجمشي ...إطيح بن علي أولا؟ الطرابلسية راهم خبزة ، ناس من الحمارة للطيارة ..بالحرام لا إنفوت فيهم نهارين ....التجّوع قادر باش إنخرجو إيده على راسو من الحياة السياسية ..
قاسم قاسم
هناك 4 تعليقات:
"لم تنجب تونس عظيما بعد أبو القاسم الشابي دون الدكتور منصف المرزوكي و حتى بكل نقائصه"
ألا ترى بأنك تغالي كثيرا كثيرا في مقارنتك هذه... غريب
Dr Marzouki est d´un autre calibre par rapport au Tunisiens
شكرا لردودك يا قاسم وهذه اول خطوة في الاتجاه الصحيح اعني الحوار والمناقشة لكن عندي ملحوظة :
لم اقدح في الدكتور المرزوقي او في الغنوشي او اي شخص لعلمك المرزوقي ابن بلدي واكن له الاحترام واتابع حواراته واحترم فيه اكثر جراته على قول الحقيقة لكن اعيب عليه ما عابه عليه من وقف معه بالامس القريب من اطياف المعارضة واعني اكثاره من السب دون تحليل ولعل ما وقع له اخيرا حين قرر زيارة محمد عبو في سجنه والتي بعدها قرر العودة الى فرنسا في شبه منفى قسري هو انه لم يتلقى دعما ممن وقف معهم في محنهم من المعارضة ...وانهم عابوا عليه انه لا يطرح مواقف بل اتهامات وسب ...واعرف انه قدم نقد ذاتي في المسالة وانت اصبحت ترى المرزوقي يقدم موقفا من مسائل عديدة اليوم في حواراته وكتاباته من التشغيل من التعليم من الحرقان من غلاء المعيشة من ...الخ . هذا قصدي .المعارضة والعمل السياسي هو برامج وبدئل وليس سبا ...
انا لاادعي اني معارضا...ولست من هواة السب ولا التنسنيس ولا كلام التراكن كما قال عني تيتوف ...ولكن اؤمن بالحوار واحترام الاخر ؟؟؟؟
ابو ناظم
كيف تومن بالحوار واحترام الراي الاخر ماعادش تفسخ تعاليق الناس بدون سبب اللهم عدم توافق الاراء
ومن باب الاحترام زادة منجبدوش عباد غايبة(تيتوف مثلا) اسمها غيبة هذيكه
وعلى كل توفرتلي براهين توكد بما لايدع مجالا للشك ببراءة تيتوف وبانو تلعبتلو لعبة كبيرة وسانشر الادلة ذات يوم باش تعرفو الحقيقة
مااسهلو لكلام عندكم وماازعمكم في اللعب بالحروف
إرسال تعليق