الأنسة هـــــند الهاروني 5

العرس لازمو الخظارة من فلفل أخظر و بـــطاطا و بصل و قرع و لوز و زعفران ، و اللّحم ما قال حد لحد ...الشيئ هذا ما هو لازمو فلوس و إشكون يقضي القضية ! قلت نعمل راحة صغيرة و نهبط للسوق و إنشوف شنوه الي نـــــــــــــــاقص و إشنوه الي ما هوش نــــــــــاقص ...رجع قاسم كما كان فقير ولد الرّيف ...و دخل السوق

رمضان على الأبواب يا شيخ ! و أش عملنا في الحكاية ؟ البريكة باش تتكلّف بهاكي الحسبة على الأقل ب500 ماية فرنك و إشوف المساجين وحدهم كل واحد إحب بريكتين ! و قداش عندي و قداش باش ينزادو ! واللّحم ب15 دينار الكيلـــــــــــو ...كيفاش عملنا في رمضان ! حتى الدجاج ما عاش خالطين عليه ! أش عمل بابا العيلـــــــــــــــة وقت الي عندو إنقولو ثلاثة صغار و أمهم! قداش لازمو فلوس باش يخرج من رمضان ما هوش مريض بضعف الدّم ! شوفولي فتوه يا جماعة على الأقل ..إسامحني رمضان هاذا و الدالة الجاية توه نخدم خدمتيـــــــــــن باش إنوكل العيلة و الصغار ّ ! دخول المدرسة ما خلى فيّ شيئ و شطر الكتب ما إشريتهومشي ! و زاد رمضان في ها السّخانــــــــــــــــــــة !

العيد ما نيش باش نحكي هليه يا شيخ ! لازمني نمشي لموائد الأفطار متع التّجوع أنا و الأولاد و أمهــــــــــم و إلا أش نعمل !ّ باش نهبل يا جماعة !ّ يا ســــــــــــــلاك الواحلين ! موش رحمة للعالمين ..رمضان ...علاش أنا ما عنديش كي الناس الكــــــل ؟ يا ربي ترزقني حتى بشهرية زايـــــــــــــــدة ....البصل الخامر بدينار الكيلو ؟ يا رسول الله ؟ البطاطا ولات لـــــــــــــــــوكس بخمسطاش ماية ...ياربي ! الفجــــــــــــــل !!!! يا جماعة بهاكي الحسبة ....الفلفل ما عاش خلطين عليـــــــــــــــه ؟ إشكون مازال ياكل في السلاطة المشوية ؟ كان الضيف ! و رمضان ما هو أجمــــــــــــــل ضيف ! شوفلي فتـــــــــــوه يا شيخ بريك قبل لا نحرق الخيــــــــــــــــــــوط الكل ! و ها الخظارة الكــــــــــــــل نتقم منهم بالواحد بالواحد ! الرّحمة لا في الســــــــــــــــــوق ...الزّوالي أش يعمل ؟

الكيلو صبارص بعشرين دينـــــــــــــار ؟ طابت شربتك يا زيــــــــــنب يا بنت عمي !!!! باش نفطرو على الحجـــــر في رمظان هاذا و خلي عزاها سكات ....!!!! بقداش الطماطم بوعوينة ! بخمسة مياية ؟ ...هذا ...الطامطم متعاك كي البطشة بخمسة ماية ...يا هز يا خلي ...السوق قال هك ! إتموت يا زوالــــــــــــــــــي !!!! كمدا !!!! حبا في كعبة طمامطم تعمل بيها سلاطة مشوية !

الحمص ! الفول ! الجلبانة ! البقول يا جماعة فاها الحديد الكيلو ...بألفيـــــــــــــن ! إبتسم أنها تونس بلاد الفرح الدائــــــــــــــــــــم !!!!! شوفلي فتوه يا شيخ لا نخرج منهـــــــــا اللليلة ! يا رمضان برجولية ....يا إنقلاب على الســــــــــــــــّوق ....و ترى إشكون سمع كلمـــــــــة إنقلاب ! قاسم يحكي بالقوي !!!! و دارت البوليسية بيه ...إتقول كلاب الدّم ....و جات الطامة و العامة ! باش تعمل إنقلاب على الســـــــــــــوق ....إنعم ...نعمل خمسين إنقلاب ...الي عملوه ما هومش خير مني ...إشكون تقصد إنت ؟ نقصد في إنقلاب شبعة نوفمبر ...إنعم و بالصوت العالي !!! نرجعو كما كــــــــــــــــــــــــــنا قبل الزيادات هذه ...رجعونا كما كنا ...البطاطاه ب 250 فرنك و البصل بماية بــــــــــــــــاش ناكلو السلاطة المشويـــــــــــــة ! ما طالبين حتى شيئ رجعولو السوق كما كان ...كما نعرفو باش إنصيم رمضان و ناكل بريكة بعد الفطور و خلي وحدة للصّحور .....بدى زبلة متع رئيس الشعبة إعيـــــــــــــط و قربلي و قالي إنت مهبول ! الصيام ما هوش واجب على الفقراء .....و كانك حاب باش إتعبي الشكارة متاعك ...هونا صندوق الزبلـة !!!!! كان عجبـــــــــــــــــك ؟ و إندور ....و نعطيه بشلبـــــــــــوق بأيدي الأيســــــــــار خليتو كي الفروج ...يتخبط على الأرض ....الناس الكل وخرت إلتـــــــــــــــالي ....الرّأجل الي جابتو أمــــــــــــــو يقرب ! و خلي اليوم نخلط على الجماعة في الحبــــــــــــــــــس ! حطيت ساقي على رقبتـــــــــــو ، رئيس الشعبة متع السوق ....اليوم عيد ...عندي ...إنظحي على جد بوك الكلب اليـــــــــــــــوم ....و حز يا حزاز ...النهار الأول متع رمضـــــــــــــــان طلعت بنت الكلب و رب يستر من العشرة الأوئـــــــــــــــــل ! إدخلت ولاد الحــــــــلال و فكوه من تحتي و ما ظحيتش عليه !!!! شعلت و هاتي ناري أش إطفيها ....و شكارتي فارغة ...و زينب تستني في القضية باش تعمل الفطــــــــــــــــــــور !

يا قاسم ـ أفهم البلاد ..فقيرة و عايشة بالتوريست ..و العام هــــــــــذا راهم برشة جاو عشرة مليون و لازمهم ياكلو أحسن ماكلة و ناس دافعة فلوسها بالمسبق !!!! إنبيتو الناس بلا عشاء باش إرّخصولك أنت في البصــــــــــــــل ! و أنا أش ذنبي ؟ يا بابا ....بالك دخل جيبي مليم من فلوسهم ...ماهو هزوها الصحاح في جيوبهم ...ماهم يسرقو فينــــــــــــــا في النهار و الشمس زارقة ....أحنا الفقراء أش وصلنا من التوريست ....شوف أنا عندي حـــــــــل ...سيب عليك

التوريست الي إيجو لتونس في رمضان ...لازمهم إيصيمو ! زينا زيهم ! ما هو بلاد القانون و المؤسسات ...إيصيمو كي الناس ...حتى موش مسلمين ...باش البطاطة ترخص ...شاخ على الفكرة ....و كتب على الشكارة.....رمضان واجب على التوريست !!!! ولاتشي مضاهرة بزوز من الناس ...أنا و الفقير الجديد صاحبي ....و في لحظة أصبحنــــــــــــا عشرة !

السوق يملى و إفرّغ بالتوريست ...و بدينا ...إنت منين ؟ من فرانســــــــــا ؟ مرحبا بصيفنا الكريم ! شوف يا سيد البلاد هذه عربية مسلمة ...لازمك إتصيم رمضان ...طفي السيقارو أولا ؟ كيفاش ...حرية المعتقد ! أنا مع حرية المعتقد كيفك ...أما راهي البطاطة بدينار و نص ! أش قولك ...راهو قانون و تتحمل مسؤولتك في الحكاية و ما نضمنلك حتى شيئ ! كيفاش بلادكم راهي متقدمة ...متحظرّة كي أوربا و الحداثة عندكم موجودة ! إسمع في التقدّم رانا إلتالي ، أنا إهمني راس البصل ....ماكش باش إتصيم تدفع الجزية ! أه أه ...إشنوه قتلك تدفع عشرة أورو يـــزي ...! هاهم عشرة أورو ...و نكمل السيقارو !!!!! شاخ سي جـــــــــاك و شاخ قاسم ! و بديت نجمع في الجزيـــــــــــــــــة ....مصروف يعمل ستة و ستين كيف ....ألفين أورو في ظرف ساعة من الزمــــــــــــــــان !!!! إنعدي حتى عمري كامل صايم ......و شاخت لقاسم و إمشيت كريت كميون ....و عبيتو بالخظارة ...و بعثتو لدار العريس !!!!!!

بربي منين جاتك الفكرة متع الجزية ؟ الله يرحم الشيخ الهادي بريــــــــــــــــــك ! فتوه وحلتها في راس الشيخ الهادي بريــــــــــــــــــــك ؟ رئيس الشعبة سمع بالفتوه ...كتبها ...لقوات الأمـــــــن !

و مازلت تجمع في الجزيــــــــــــــــة يا قاسم ؟ شنوه الجزية ...و كيفاش باش نكرو الكراهب ؟ و كيفاش و كيفاش باش نعملو البقلاوة و المقروض ! !!!!!!!!!! و البقية تأتي !!!!!!!!!!!!!!!!!!!

kacem kacem