المشاركات
حب من حب و كره من كره
الرّبيع و السياحة و زيت الزيتون
(الكلمات هاذوم ، كتبتهم لواحد قالي : سيب عليك يا قاسم )
دعني ألقنّك كيف تضع على قاف القهر ..شدّة....
كيف تصنع لهم رّبيعا ....في السوق خظرة
كيف تجعل من زيت الزيتون شمعة
كيف تجلس و الغجر ...
كيف تنصب في الصّحراء لهم خيمة
كيف تصبح ... في الحين ....خالد الجنة
دعني ...أجعل منك ، من لا شيئ ...شيئا.
دعني أرتب ...لك أمور العودة ....
دعني أورثك الحكمة فصلا فصــــــــلا
أداعبك ...
دعني أطعمك ...الرّكوع ...كيف تسجد للفلس عبدا
كيف ...تكذب ...كيف تتفنن في القمع ...كيف ترمي بهم ...بالصبيان رميا
دعني أرضعك ...حليبا... نصفه دسم..... و نصفه كيف تعيش كلبا.
قاسم ...
باش إنكون واضح من الأول و إنحب نبعد على الخشلات الكل و الشّكبة مازال ما إتعلّمتهاش و ما نيش ناوي باش إنشكب على حتى حد. الخلافة ولات واضحة و ما ثم حتى خليفة في تونس دون قاسم ...في بالكم الكل راهي بلاسطي و موش لازم باش تشرو المشاكل معاي و لا مع الجمهورية التونزينية ...ربي هدانا للخلافة و موش لازمكم باش تدخلو في مشاكل مع الجمهوريات الأخرى. و أعني بالتحديد جمهورية الصّم و البكم. الحكاية بدات من سوريا ...و الخلافة كان بجرة قلم و الولد من غدوة ولى خليفة على القطر السوري و بدى إهز و ينفظ...و ثم واحد يعرف إهز و ينفض أكثر قاسم!!! و جات الحكاية لمصر و الولد من عاصمة لعاصمة يشري في الجماعة و بدات العائلة الحاكمة في مصر إتحنيلو في إيده ...الرّاجل قاري قانون ...و ثم واحد يعرف القوانين أكثر من قاسم ....و بدى الشيئ جاي ...و الخلافة وصلت ليبـــــــيا و الولد باش يعمل مليون شركة و قاري الهندسة و ثم واحد قاري اكثر من قاسم علم الفلسفة متع الوراثة ...أنا باش إكون في علمكم الكل قاري علم الوراثة متع الخلافة و الجينيتـــــــــــــــك متع جد بوها الكلب.
إن شاء الله إنعمل عليكم الكل في الحكاية هذه و ألي عند ربي موش بعيد...الكلام هاذا راهو موجه لجماعة تونزين القدم و الجدد...إمعمل عليكم و العمل على ربي ...كل حد إنحطو في بلاسطو...ثم بلاسطة وحدة راهو إمكلمني عليها العرف الكبير الله يرحمو صديقنا الأستاذ زهير ...في الوصية متاعو قالي يا قاسم ...كانها طاحتلك الخلافة : سميني رئيس دولة حتى ميت ...الخلافة في عهد قاسم راهي صبان ماء على اليدين. جمهورية قاسم كانها ثبتت راهو الرّئيس متاعها و مدى الحياة باش إكون زهير اليحياوي ...و في بلاسطة المنقالة متع شبعة نوفمبر باش إنحط تمثال لسي زهير ...و من هاك النهار باش إتنجمو إتقولو الي الخلافة إنتهت لأنو الرئيس باش يبقى في بلاسطو مدى الموت و الحياة و إلى يوم يبعثون ...ما ثم كان الطريقة هذه باش إنسكرو ها الباب المشوم علينا و على روسنا.
اليوم أمر الخلافة مازال قائم...و إنحب نبعث برسالة في الصدد هاذا للخليفة الي حاسب روحو ما في علموش و إمطفي الضوء. هاهو باش إنقص عليك قصة عربي و إمرشح روحي ...أنا و الأكيب متاعي الكل باش إنشدو البلاد و نحكمو حكم ديمقراطي و إنعلموكم كيفاش تعملو تاريخ و تصنعو عجلة بسكليت عربي. من توه رد بالك و لا تقرب وزارة من الوزارات و إلا بانكة من البنوك و إلا جريدة من الجرايد ...نهار الي باش أتخمم فيه أنك تخرج على الساحة، أحسب الفيلم متع قاسم حاضر و باش إنحيك الخلافة من جذورها ...بكل الطرق و بكل الوسائل و على رأسهم ثورة تأتي على اليابس و الأخضر و الأحمر و البهايم الكل و الكلاب الكل.
في بالي بيك مكون كلاب جدد و إشريتلهم سنون من سويسرا ...إسمع و حط في بالك ..ما ناش في مصر و ما ناش في ليبيا و ما ناش في سوريا ...رانا في تونس و نطبخوهاك كما إتبخناها لبوك ...شوفت بوك من القصر ما عاش يخجر ...خايف من الحرس متاعو ...ما عندو الثيقة في حد ...النوم ما يعرفوش...و إسمع و الي أكثر ...الي فاهمو أنا الي إنت ماكش ولدو من الأم و البابا ...إمنا مستبنيك ...و إمرضعاتك مرا ما لقيناهاش حتى في الكتب ...إبعد أحسنلك و ما تقربش ها المعمعة ..راهي باش إتجي على راسك.
و كانك إمخمم في إنقلاب ...من توه إنقولك ما تعملش كما عمل بوك و إتزيد إتصعبها على الناس الكل ...و إتزيد تتمشكى الكارطة و كيف كيف القصة باش إتجي على راسك ...و اللّعب مع التوانسة راهو موش ساهل ...نحي من راسك كلمة إنقاذ البلاد ...خلي جد بوها هكاكة ...ليل إطيح بوك و إلا إنطيحو أنا و جماعتي في تونزين ...مرة أخرى إنقولك ...نحي من راسك جملة و تفصيلا كلمة خلافة ...راهي في راسي و زايد تحكي و بالحرام كي إتجيب معاك الأسطول السابع و الجيش الفرنساوي و المافيا الطليلنية و الروسية و كان إلزم باش إنجيب معاي الجنون كما إنهبطهم من القمر ...
الحل العسكري ما هوش باهيلك و راهو عيني عليك قبل العسكر متاعك ...و من ناحية العسكر التونسي ...هاهو باش إكون في علمك ..لازمك تجبد روحك من قصة الخلافة في تونس و تبعد بعيد و ما تقرب حتى واحد ...و من ناحية البوليس ...شوفو يا جماعة ...قصيدة ...قصة ...فيلم أقوى من العدد متاعكم الكل ...و إشوفو مليح و خممو مليح راهي حكاية الخلافة في تونس محلولة و الخليفة الجاي كان حب ربي راهو قاسم ...الجمهورية حاضرة و الحكومة على الشعرة ...أفهمو يا بوليس الي كان تقربو من حكاية الخلافة و إلا باش إتجو مع واحد من العائلة المالكة راهو تتحملو المسؤولية متاعكم ...أخدم على روحك و أبعد على الحرك هاذا ...الشطر متع البوليس التونسي راهو مع جمهورية قاسم ...بالعربي مع الوطن مع العدل مع النضافة مع العلم و التقدم و الرّقي...شوف يا حرس يا وطني ...إبعد على المزايادات و لا تقرب الخلافة و لا تتدخل و لا إتجي مع لا معاي و لا معاهم ...العائلة هاذي ناوية على الهرج ...و أنا هارب منو و من إنحبش البلاد تتكلفز كما إمكلفزه عندها أكثر من عشرين سنة.
ثم خليفة أخر حاط في بالو الي هو باش يعملها ...و الخليفة هاذا هابط من الحزب ...شوفو يا جماعة الحزب ...ينزلش منكم واحد بأسم عسى من السماء ...راهو باش إطيح بين إدي ...إنمكن فيه عمر الخيام يعطيه بنص ..إخليه ضحكة بين الدّول ...شوف يا حزب ...راهي امورك تعبت و ما عاد قادر باش تعمل حتى شيئ و ما عاد عندك حتى شيئ لا فكر و لا أقلام و لا حتى قيمة و لا حتى جزئية صغيرة ...لوغة أنقاذ البلاد إستعملتها ...لوغة التأهيل الشمال إستعملتها ...و كلمة الأمتياز إستعملتها ...بالعربي ما عاد عنك حتى شيئ كان الكذب و النفاق و لذلك ...إبعد أحسن لا أدور عليك جملة و تفصيلا ....جمهورية قاسم ماشية في مشروع كبير إفوق التصور متعكم للبلاد ...بالعربي ...البلاد ما عاش تقربوها لا بالخير و لا بالشر ...و راكم خربتوها و ما خليتو فيها شيئ ...هزو إيديكم و ربي إسمعنا على بعضنا الخير.
المافيا الي حاسبة روحها ولات قانونية ...بابا عندو بوه ...القضايا الكل حاضرة و ما تستنى كان النهار الي قاسم باش إشد فيه ...الفلوس الكل تتصب في القباضة ...و ما ثماش محكمة إلا ما تصفى حكاية الفلوس الي هربتوها و الرّشاوي الي خذيتوها ...ما لقاسم لقاسم و ما للله للله ! ما نيش قيصر الجديد و لكن فرنك ما يلزموش إضيع ....إبتداء من ستة و خمسين...ثم برشة أرضي حفتو عليها لازمها ترجع للشعب التونسي و ثم برشة مشاكل في جرتكم ...و إذا كان واحد فيكم إحب إولي خليفة بحكم إنو عندو فلوس برشة ...إنقولو ..كيف كيف : بابا عندو بوه ...يبداش عنك مال قارون ...الثورة التونسية المنتظرة باش إتجيب الكل ...ما لا رودو بالكم و لا تقربو القصة هاذي و أبداو رجعو الفلوس و سلّكو أرواحكم قبل ما إرّوح ...بالعربي ...طالعين نازلين ....الخلافة عند قاسم ...بالقوة بالسياسة ...بالعلم بالفلسفة ...بالدين ...بالي إتحبوه ...الشيئ هاذا فاكو فاكو ..حب من حب و كره من كره.
· مركير : و الله تضحكلي أنــــــــــــــــــا ...و الله معاي
· إمكرز : لا لا لا ...معاي أنا ...و الله إتبسمتلي ...وجهي ...سيبني ...باش نخلط عليها
· مركير : أقعد ...شد بلاسطك ...معاي أنا ...يا إمكرز ...نحي المرايات متعك
· إمكرز : شنوه معاش إنشوف ...ردّتني ...و الله ظحكتلي انا يا مركير...خليني نمشي
· مركير : شوف يا بيل يا فاي ....يا إنت يا أنـــــــــــــــــــــــــــا
مركير جبد 100 فرنك ...في قلب الأفيني و طيشها في الهواء ....و عل جيت المعلّم ...قاسم يخطفها في الهواء ...ما بيناتهم ...إحط الماية فرنك في جيبو ...و إقول
· علاش تتعاندو ؟ أش ثم ....قطعة في الحكاية
· مركير : أطلع بالماية فرنك ....من القلق ما لقيت ما نعمل ...وليت إنشوف في البنات الكل ، تتبسملي ....و تغمز ...زعمة غالط
· أمكرز : ماية في الماية ....إتبسمت لي أنا ...و إنت ماشي في بالك ....شيئ أخر
· قاسم : تستخايلو ....هذاك الفراغ ...البلاد ...فارغة ...الناس ...البنات ما عندها ما تعمل ..أتوزع في البسمات الفارغة و الضحكات الصفراء ...فكر ما ثماش ...فارغ ...فارغ ...ما فيهش رّوح ....شوف ...شوف القطعة هـــــذيك ...شوفلها في عيونها ...ديريكت تتبسملك
· مركير : شوفت و الله بالحق ...أش بيها الناس تضحك الكل
· أمكرز : تضحك على أرواحها .....خلونا نضحكو .....خلي ها الشعب يضحك
و إيسيبو الثلاثة ...في ضحكات بهلوانية أمام المارة و أمام العالم ...شعب يضحك من نفسو...شعب يضحك من العجز متاعو ..شعب ....ما عاد عندو حتى متنفس ...إلا أنو يختفي وراء الضحكات ...وراء البسمات .....وراء ورقات التوت ....ككككككك ككككك ككككك كككككك كككككككك كككككككك
كانو ثلاثة يضحكو ...شارع كامل ولى يضحك ...جات العباد ..تضحك ..ماتت بالضحك ...داخت بالضحك ....إتمرمدت في الأرض ...بالضحك.....شعب ضاحك
· قاسم : مركير.........فيق ....يزي بلا ضحك ...الحاكم يضحك عليكم ...و خلآكم تضحكو من أرواحكم
· مركير : أمكرّز ...يزي ...بلا ضحك ....
فجأة يسكت الجميع .....يلتفت الشارع .....إلى مبنى وزارة الداخلية ....في سكون ...حزين....
و من أحد شبابيك وزارة الدّاخلية ...و بيده مضخم صوت ....يخرج الخليفة ....و يقول ...أنا حامي الحمى و الدين ...أتولى أمر هذه البلاد ...و أقر ما أقره والدي السلطان ....إبتسم إنها تونس
قاسم
الرّبيع و السياحة و زيت الزيتون
(الكلمات هاذوم ، كتبتهم لواحد قالي : سيب عليك يا قاسم )
دعني ألقنّك كيف تضع على قاف القهر ..شدّة....
كيف تصنع لهم رّبيعا ....في السوق خظرة
كيف تجعل من زيت الزيتون شمعة
كيف تجلس و الغجر ...
كيف تنصب في الصّحراء لهم خيمة
كيف تصبح ... في الحين ....خالد الجنة
دعني ...أجعل منك ، من لا شيئ ...شيئا.
دعني أرتب ...لك أمور العودة ....
دعني أورثك الحكمة فصلا فصــــــــلا
أداعبك ...
دعني أطعمك ...الرّكوع ...كيف تسجد للفلس عبدا
كيف ...تكذب ...كيف تتفنن في القمع ...كيف ترمي بهم ...بالصبيان رميا
دعني أرضعك ...حليبا... نصفه دسم..... و نصفه كيف تعيش كلبا.
قاسم ...
باش إنكون واضح من الأول و إنحب نبعد على الخشلات الكل و الشّكبة مازال ما إتعلّمتهاش و ما نيش ناوي باش إنشكب على حتى حد. الخلافة ولات واضحة و ما ثم حتى خليفة في تونس دون قاسم ...في بالكم الكل راهي بلاسطي و موش لازم باش تشرو المشاكل معاي و لا مع الجمهورية التونزينية ...ربي هدانا للخلافة و موش لازمكم باش تدخلو في مشاكل مع الجمهوريات الأخرى. و أعني بالتحديد جمهورية الصّم و البكم. الحكاية بدات من سوريا ...و الخلافة كان بجرة قلم و الولد من غدوة ولى خليفة على القطر السوري و بدى إهز و ينفظ...و ثم واحد يعرف إهز و ينفض أكثر قاسم!!! و جات الحكاية لمصر و الولد من عاصمة لعاصمة يشري في الجماعة و بدات العائلة الحاكمة في مصر إتحنيلو في إيده ...الرّاجل قاري قانون ...و ثم واحد يعرف القوانين أكثر من قاسم ....و بدى الشيئ جاي ...و الخلافة وصلت ليبـــــــيا و الولد باش يعمل مليون شركة و قاري الهندسة و ثم واحد قاري اكثر من قاسم علم الفلسفة متع الوراثة ...أنا باش إكون في علمكم الكل قاري علم الوراثة متع الخلافة و الجينيتـــــــــــــــك متع جد بوها الكلب.
إن شاء الله إنعمل عليكم الكل في الحكاية هذه و ألي عند ربي موش بعيد...الكلام هاذا راهو موجه لجماعة تونزين القدم و الجدد...إمعمل عليكم و العمل على ربي ...كل حد إنحطو في بلاسطو...ثم بلاسطة وحدة راهو إمكلمني عليها العرف الكبير الله يرحمو صديقنا الأستاذ زهير ...في الوصية متاعو قالي يا قاسم ...كانها طاحتلك الخلافة : سميني رئيس دولة حتى ميت ...الخلافة في عهد قاسم راهي صبان ماء على اليدين. جمهورية قاسم كانها ثبتت راهو الرّئيس متاعها و مدى الحياة باش إكون زهير اليحياوي ...و في بلاسطة المنقالة متع شبعة نوفمبر باش إنحط تمثال لسي زهير ...و من هاك النهار باش إتنجمو إتقولو الي الخلافة إنتهت لأنو الرئيس باش يبقى في بلاسطو مدى الموت و الحياة و إلى يوم يبعثون ...ما ثم كان الطريقة هذه باش إنسكرو ها الباب المشوم علينا و على روسنا.
اليوم أمر الخلافة مازال قائم...و إنحب نبعث برسالة في الصدد هاذا للخليفة الي حاسب روحو ما في علموش و إمطفي الضوء. هاهو باش إنقص عليك قصة عربي و إمرشح روحي ...أنا و الأكيب متاعي الكل باش إنشدو البلاد و نحكمو حكم ديمقراطي و إنعلموكم كيفاش تعملو تاريخ و تصنعو عجلة بسكليت عربي. من توه رد بالك و لا تقرب وزارة من الوزارات و إلا بانكة من البنوك و إلا جريدة من الجرايد ...نهار الي باش أتخمم فيه أنك تخرج على الساحة، أحسب الفيلم متع قاسم حاضر و باش إنحيك الخلافة من جذورها ...بكل الطرق و بكل الوسائل و على رأسهم ثورة تأتي على اليابس و الأخضر و الأحمر و البهايم الكل و الكلاب الكل.
في بالي بيك مكون كلاب جدد و إشريتلهم سنون من سويسرا ...إسمع و حط في بالك ..ما ناش في مصر و ما ناش في ليبيا و ما ناش في سوريا ...رانا في تونس و نطبخوهاك كما إتبخناها لبوك ...شوفت بوك من القصر ما عاش يخجر ...خايف من الحرس متاعو ...ما عندو الثيقة في حد ...النوم ما يعرفوش...و إسمع و الي أكثر ...الي فاهمو أنا الي إنت ماكش ولدو من الأم و البابا ...إمنا مستبنيك ...و إمرضعاتك مرا ما لقيناهاش حتى في الكتب ...إبعد أحسنلك و ما تقربش ها المعمعة ..راهي باش إتجي على راسك.
و كانك إمخمم في إنقلاب ...من توه إنقولك ما تعملش كما عمل بوك و إتزيد إتصعبها على الناس الكل ...و إتزيد تتمشكى الكارطة و كيف كيف القصة باش إتجي على راسك ...و اللّعب مع التوانسة راهو موش ساهل ...نحي من راسك كلمة إنقاذ البلاد ...خلي جد بوها هكاكة ...ليل إطيح بوك و إلا إنطيحو أنا و جماعتي في تونزين ...مرة أخرى إنقولك ...نحي من راسك جملة و تفصيلا كلمة خلافة ...راهي في راسي و زايد تحكي و بالحرام كي إتجيب معاك الأسطول السابع و الجيش الفرنساوي و المافيا الطليلنية و الروسية و كان إلزم باش إنجيب معاي الجنون كما إنهبطهم من القمر ...
الحل العسكري ما هوش باهيلك و راهو عيني عليك قبل العسكر متاعك ...و من ناحية العسكر التونسي ...هاهو باش إكون في علمك ..لازمك تجبد روحك من قصة الخلافة في تونس و تبعد بعيد و ما تقرب حتى واحد ...و من ناحية البوليس ...شوفو يا جماعة ...قصيدة ...قصة ...فيلم أقوى من العدد متاعكم الكل ...و إشوفو مليح و خممو مليح راهي حكاية الخلافة في تونس محلولة و الخليفة الجاي كان حب ربي راهو قاسم ...الجمهورية حاضرة و الحكومة على الشعرة ...أفهمو يا بوليس الي كان تقربو من حكاية الخلافة و إلا باش إتجو مع واحد من العائلة المالكة راهو تتحملو المسؤولية متاعكم ...أخدم على روحك و أبعد على الحرك هاذا ...الشطر متع البوليس التونسي راهو مع جمهورية قاسم ...بالعربي مع الوطن مع العدل مع النضافة مع العلم و التقدم و الرّقي...شوف يا حرس يا وطني ...إبعد على المزايادات و لا تقرب الخلافة و لا تتدخل و لا إتجي مع لا معاي و لا معاهم ...العائلة هاذي ناوية على الهرج ...و أنا هارب منو و من إنحبش البلاد تتكلفز كما إمكلفزه عندها أكثر من عشرين سنة.
ثم خليفة أخر حاط في بالو الي هو باش يعملها ...و الخليفة هاذا هابط من الحزب ...شوفو يا جماعة الحزب ...ينزلش منكم واحد بأسم عسى من السماء ...راهو باش إطيح بين إدي ...إنمكن فيه عمر الخيام يعطيه بنص ..إخليه ضحكة بين الدّول ...شوف يا حزب ...راهي امورك تعبت و ما عاد قادر باش تعمل حتى شيئ و ما عاد عندك حتى شيئ لا فكر و لا أقلام و لا حتى قيمة و لا حتى جزئية صغيرة ...لوغة أنقاذ البلاد إستعملتها ...لوغة التأهيل الشمال إستعملتها ...و كلمة الأمتياز إستعملتها ...بالعربي ما عاد عنك حتى شيئ كان الكذب و النفاق و لذلك ...إبعد أحسن لا أدور عليك جملة و تفصيلا ....جمهورية قاسم ماشية في مشروع كبير إفوق التصور متعكم للبلاد ...بالعربي ...البلاد ما عاش تقربوها لا بالخير و لا بالشر ...و راكم خربتوها و ما خليتو فيها شيئ ...هزو إيديكم و ربي إسمعنا على بعضنا الخير.
المافيا الي حاسبة روحها ولات قانونية ...بابا عندو بوه ...القضايا الكل حاضرة و ما تستنى كان النهار الي قاسم باش إشد فيه ...الفلوس الكل تتصب في القباضة ...و ما ثماش محكمة إلا ما تصفى حكاية الفلوس الي هربتوها و الرّشاوي الي خذيتوها ...ما لقاسم لقاسم و ما للله للله ! ما نيش قيصر الجديد و لكن فرنك ما يلزموش إضيع ....إبتداء من ستة و خمسين...ثم برشة أرضي حفتو عليها لازمها ترجع للشعب التونسي و ثم برشة مشاكل في جرتكم ...و إذا كان واحد فيكم إحب إولي خليفة بحكم إنو عندو فلوس برشة ...إنقولو ..كيف كيف : بابا عندو بوه ...يبداش عنك مال قارون ...الثورة التونسية المنتظرة باش إتجيب الكل ...ما لا رودو بالكم و لا تقربو القصة هاذي و أبداو رجعو الفلوس و سلّكو أرواحكم قبل ما إرّوح ...بالعربي ...طالعين نازلين ....الخلافة عند قاسم ...بالقوة بالسياسة ...بالعلم بالفلسفة ...بالدين ...بالي إتحبوه ...الشيئ هاذا فاكو فاكو ..حب من حب و كره من كره.
· مركير : و الله تضحكلي أنــــــــــــــــــا ...و الله معاي
· إمكرز : لا لا لا ...معاي أنا ...و الله إتبسمتلي ...وجهي ...سيبني ...باش نخلط عليها
· مركير : أقعد ...شد بلاسطك ...معاي أنا ...يا إمكرز ...نحي المرايات متعك
· إمكرز : شنوه معاش إنشوف ...ردّتني ...و الله ظحكتلي انا يا مركير...خليني نمشي
· مركير : شوف يا بيل يا فاي ....يا إنت يا أنـــــــــــــــــــــــــــا
مركير جبد 100 فرنك ...في قلب الأفيني و طيشها في الهواء ....و عل جيت المعلّم ...قاسم يخطفها في الهواء ...ما بيناتهم ...إحط الماية فرنك في جيبو ...و إقول
· علاش تتعاندو ؟ أش ثم ....قطعة في الحكاية
· مركير : أطلع بالماية فرنك ....من القلق ما لقيت ما نعمل ...وليت إنشوف في البنات الكل ، تتبسملي ....و تغمز ...زعمة غالط
· أمكرز : ماية في الماية ....إتبسمت لي أنا ...و إنت ماشي في بالك ....شيئ أخر
· قاسم : تستخايلو ....هذاك الفراغ ...البلاد ...فارغة ...الناس ...البنات ما عندها ما تعمل ..أتوزع في البسمات الفارغة و الضحكات الصفراء ...فكر ما ثماش ...فارغ ...فارغ ...ما فيهش رّوح ....شوف ...شوف القطعة هـــــذيك ...شوفلها في عيونها ...ديريكت تتبسملك
· مركير : شوفت و الله بالحق ...أش بيها الناس تضحك الكل
· أمكرز : تضحك على أرواحها .....خلونا نضحكو .....خلي ها الشعب يضحك
و إيسيبو الثلاثة ...في ضحكات بهلوانية أمام المارة و أمام العالم ...شعب يضحك من نفسو...شعب يضحك من العجز متاعو ..شعب ....ما عاد عندو حتى متنفس ...إلا أنو يختفي وراء الضحكات ...وراء البسمات .....وراء ورقات التوت ....ككككككك ككككك ككككك كككككك كككككككك كككككككك
كانو ثلاثة يضحكو ...شارع كامل ولى يضحك ...جات العباد ..تضحك ..ماتت بالضحك ...داخت بالضحك ....إتمرمدت في الأرض ...بالضحك.....شعب ضاحك
· قاسم : مركير.........فيق ....يزي بلا ضحك ...الحاكم يضحك عليكم ...و خلآكم تضحكو من أرواحكم
· مركير : أمكرّز ...يزي ...بلا ضحك ....
فجأة يسكت الجميع .....يلتفت الشارع .....إلى مبنى وزارة الداخلية ....في سكون ...حزين....
و من أحد شبابيك وزارة الدّاخلية ...و بيده مضخم صوت ....يخرج الخليفة ....و يقول ...أنا حامي الحمى و الدين ...أتولى أمر هذه البلاد ...و أقر ما أقره والدي السلطان ....إبتسم إنها تونس
قاسم
هناك تعليق واحد:
اهلا بقاسم وينك ياراجل
ابو الفضيلة
إرسال تعليق