18‏/11‏/2008

مدوّنون تحت الصّور


مقدّمة

***

الحرب الي خاضها بن علي عام 90 ألي يوم الناس هذا ما كفاتوش !!! لا بل زاد عليها ، إذلال للشعب التونسي الكّل ، الحزب متع الشابي محاصر من كل الجيهات ، قالك لا ما يترّشح ضدي ، أنا جنيرال كبير و هو موش حتي تونسي !!! عدمو سياسيا ، خوفا موش شجاعة ،،، أش إحب إقول بيها الحكاية هذه ، لازمكم إتهبطولي واحد إنجمــــــّو ، المرزوقي لا ، الشابي لا ، بن براهيم لا ، الغنوشي لا و ألف لا ...إشكون إتحب إنهبطو ضد ّ ، إختار بروحك ، و أحنا مستعدين !!! ما إتقوليش فاطمة بوساحة و إلا زينة أخت عزيزة ...ماهو ألي إحب يلعب ،يلعب كما الناس الكــــــــل . ما إتحبيش ما تعملش إنتخابات و حروب في البلاد ...فكّنا من ها الزّمارة و علاش إتفسّد في الفلوس...

جماعة تحت الصّور، و اش نكرهم و نكره الثقافة المعوجّة الي كتبوها و على راسهم الدوّعاجي !! سؤال ، موش هو الي باع خرص أمـــــــــو ، باش يسكر بيه في الترينو ؟ و إلا واحد أخر !!! سهرت منه الليـــــــــــالي ، قالو قصّة كبيرة !!! أجبد أجبد !!!ا ..ثقافة جماعة تحت الصّور هذيكه ، راهي ثقافة الهزيمة و الخور الي في نفس الوقت !!! أش قاعدين يعملو همــــــــــوما تحت الصّور ، وقت الي الرّجال كانت تضرب في الجبل !!!! ماهم في وقت فرنسا و إلا لا ؟؟؟ أش يعملو تحت الصّور ...يسكرو و إقولو نكتبو في الفن !!! عن جد بو الفن ألي كتبوه من ألفها ألي يائها !!!! و حتى الغانيات الي غنتّهم صليحة ما إنحبهومشي و ما نعترفش بيهم..و ما نسمعهاش و ما حاجتيش ...و ألي عجبو عجبو و ألي ما عجبوه الشكارة و البحر...في وقتهم جبران خليل جبران ...إنظّر للعالم أجمع !!! كتابتو في الحرية و العزّة و الكرامة ألي يوم الناس هذا..إمثل مرجع من مراجع الأنسانية ..ما ماتشي ..يستحيل أنو أموت ..

الرّأجل سافر و غامر و كتب شيئ إترّجم ألي خمسين لوغة عالمية ...و أحنا شادين و مازلنـــــــــا شدين في عصبانة إسمها : جماعة تحت الصّور ...المشكلة أصبحت عندنــــــــــــــا / مدّوننين تحت الصّور منهم الجينيرال برستوس...إنعم ، الرّاجل حبينـــــــــا إنبروفوكوه باش يتحرّك ، رّجة أرضية ، أتخرّج منو الشيئ ألي لازمو يتكتب و يتقال على الملآ !!! حل على جمهورية قاسم حرب ، إعلامية و حاب يحرقها !!! أي و زاد نادى معــــــــــــاه الزّبراطة الكل ::::: قال شنوه قاسم إهدد فيّ و إفكر في غزوة أحد!

إنعم ، اليوم خرج بحكاية ، الرّصيف ، معناتها الطابية ...من طابية لطابية و من زريبة لزريبة و قالك باش نجمع تصوار القطاطس و الكلاب الي عايشة على الرّصيف ...إنسى ألي الكلاب هوما التوانسة ..المكلوبة أيامهم ...و ألي القطاطس هوما توانسة ، كذلك ، الحوت إشمّو فيه شّمان من الغلاء متاعــــــــــــو ...جندّ العالم أجمع بش يجمع التصّاور متع الشارع التونسي ...ما هو كان لازمو يعمل كامرا و يخرج إصّور حتى بالسرقة : الرّشوة و البوليس السياسي ، و الحرس الغير وطني و المناجم و الحوض المنجمي و العّمال و البنات ألي تخلص في فرنك و نص ،،،، علاش ما إصّورش الفلاّحة الي منكودة إسعادهم ...البحّارة الي خرجو و ما لقاوش الحوت ...حتى من الحوت هاجر من هاكي البلاد ...بلاد القمع و الأرهاب...

جمهورية قاسم ، ملايكتها رزينة ، ياسر موش شوية ، ركيكة أكثر ما تتصّور لأن الحقيقة متاعها تظربك في الوجه ...و بالضبط على الخشم ....باش إتفيق ...و تفهم بالي كل حدث على الشارع ألي حاب إتصورو عندو سبب سياسي ....إنعم التخّلف متاعنــــــــــــــــا ، السبب متاعو السايسة !!! سياسية القمع و الرّاي الواحد ....القهر و الظلم و الهزّان و النفضان...الحوته تخمج من راسها موش من الفريسة ...يا حظرة الجينرال...

إشكون ، قال ما فهمتش !!! يجعلك لا باش فهمت و لا صار منّك ...موش أي إنسان يفهم !!! الحمير ولات تفهم ...... الظرب ما هوش في قاسم و إلا في الجمهورية متاعو .. الظرب يلزم إكون في قرطاج...الظرب ما هوش في الأسلامين العزّل، ألي إتحل في تونس هلوكوست على الشعب الكل ، قال إشنوه إنقوم في المدّ الأسلامي ...المدّ الأسلامي ما يتقاومش بأنك إترّكع شعب كامل و تعدمو في النطفة متاعو ...المّد الأسلامي ما يتقاومش بإرهاب الدولة ...ما يتقاومش بالتّزوير و البوليس السياسي ...ما يتقاومش بالتجويع و التنكيل بخضم سياسي عندو مد تاريخي ، أكثر من أربعطاش قرن ...قادر بن علي و إلا غيرو باش إقــــــــــــاوم ..قدام ، عمر بن الخطاب ، الرّأجل فتح العالم ....قادر بن علي باش إقاوم ...طارق بن زياد !!!! و إلا المليح في اليسار الكلب الي ما فالح كان تثبيت هزيمة الشعب التونسي و جعل المراجع متاعو ...فاطمة بوساحة و جماعة تحت الصّور ...

شد عند ...و إحل مخّك و أفهم مليح : بالفلاقي ...هاذا كيفاش تفهمو ...

إش إمثل البهيم متع جمهورية قاسم ...: الأسلام التونسي السياسي ....و أش إمثل الكلب !!! اليسار التونسي الكلب ...ما إتقوليش إش بيهم عايشين مع إبعظهم ..داخل جمهورية قاسم ؟؟؟؟ الجواب ...لأنهم قضاو على الذّبان ...ألي هو التــــجّوع ...

أفهم مليح ...و حل مخّك ...ما عاش باش إنصبلك بالقمع :

الأسلام ، كدين لازمك و إنقول لازمك تتعامل معاها بــــــــكل حضر !!!! علاش لأنو كي الزّئبق ياخو كل الأشكـــــــــــــال ، إنجم إكون عنيف حتى إنو إدخل البلاد في حرب أهليّة ...و إنجم إكون هادي ألي درجة أنو ..يعطي قوّة كبيرة للبلاد .

حل مخك ...و أفهم مليح ...

الأسلام السياسي ...في تونس بالذات ...نابت عندو أكثر من أربعطاشن قرن ...ولى شاد في الأرض نفسها ...الأرض إتعيش بيه ..و الأشجار الكل عايشة معاه ...و الحيوان عايش معاه و بيه ...و الأنسان ..إتعوّد بيه و بــــــــلا بيه إضيع ....التونسي ...كان تضربو في دينــــــــــــــو ...إولي على روحو و من بعد على الناس الكل ....ثمّة عشبة تونسية ، إسمها ( النـــــــــّجم ) ، هذه عروقها توصل ألي عدّة إمتار داخل الأرض ...لو إنك حاولت باش إتقلـــــــعها ....راهي إتزيد و بأكثر غزارة ...أما ...كان ما إتمسهاش ...و تحرث و تزرع ...راك إتصّور خيرات ..و هي عايشة ما قلّقت و لا شعيرة و لا قمحة ....ألسلام بالظبط كدين عندو الخاصية هذه ....التناقض : La souplesse et la dureté. في أن واحد.



الظرب في الأتجاه المعاكس...... أمريكا الجنوبية ما فيهاش إسلامين ..و ما فيهاش إسلام جملة ...و إشبيها متخلفّة ...من الرّشوة من الديكتاتورية من العنف من الحقد و الكره و الجهل السياسي بمقدرة الأنسان على العدل !!! حل الطاسة متع مخّك لا فسّدلك وجه بشلبوق تقعد تتذكر فيه طول عمرك ....و جايك جايّك الشلبوق كي تبدى في القمره..موش في جيناف.

خطة الهجوم علي جمهورية قاسم



kacem kacem

هناك تعليقان (2):

غير معرف يقول...

Cela fait plusieurs semaines que je lis vos articles. j'aime bien votre style, vos idées et les informations que vous publier car elles m'ont beaucoup instruit (lettre d'om zied, plaidoirie de l'avocat mohamed abou, ...). Bien que je partage pas toujours vos propos et qu'ils m'incitent souvent à réfléchir, je ne laisse jamais de commentaires.
j'attendais à mieux connaitre le personnage kacem, de lui mettre un visage, une étiquette politique.
Mais aujourd'hui j'ai décidé de vous dire que je crois bien que votre république représente bien le peuple tunisien sans les arrivistes et hizbistes. alors bonne continuation et faites attention pour ouvrir les portes à tout le monde dans votre république.

غير معرف يقول...

So a few days before the election our friends Tyler and Chelsea offered Ty and I tickets to John McCain's election party at the Biltmore. Now when I say John McCain's party I mean, THE John McCain election party, the one where Senator McCain gave his concession speech. It was such a cool experience and I was proud to be the only Democrat in a room of 2,000. Haha sorry Ty! Here are some pictures from the event!