المشاركات
معارض و نص
و ألي ما عجبوش يشرب ماء البحر ...توه يروى
ما نيش عارف على أنا بلوق قريت ( أنا موش معارض) و كيف كيف ، سي الناقد ، جبد على حكاية إنو المدّونين ما هوش معارضين...!!!! و موش لازم باش قاسم إدّخلهم في حكايات صعيبة شوية لأنو قاعد يستعمل في الأسامي إمتاعهم باش يكتب النصّوص و إلا الأفلام : الحكاية هذه عندها جمعة إدور في راسي ...و لازمني أنوضح بارشة حاجات باش إنكون على نفس الذبذبة أنا و روحي ... :
يا سي الناقد ! أنا قاسم موش فقط إنعارض في بن علي و الطرابلسية و التّجوع ، إنما باش إنفك الحكم منهم و بكل الوسائل ...إفهم مليح أش قلت ، أنا باش إنفك فكّان الحكم و زيد على ذلك بكل الوسائل بما فيهم المدّونين الكل ..إنعديش حياتي نكتب ، عارف باش نقنع الماية في الماية ...بالعربي ..أنا أمارس قناعاتي ، و جبهة المدونين و جبهة الفايسبوكيين ما نيش باش إنسلّم فيهم ...و لابد من توجيه كل الطاقات هذه ألي الجبهة الأم : تحرير تونس من جديد ، كلاّفنا هذا الشئ ما كلّفنــــــــــــا ! شأكتب عمّا قريب : جمهورية البلوقاسفار ، موش الحومة متعها ...هذاك مقدّمة للفيلم الكبير ألي إدور في راسي ...مازال ما ريت شيئ من قاسم !!!
أنا هوني ما نلعبش ؟ و ما نيش مستعد لا باش إناقش و لا باش إنفسّر علاش إنحب ، إنفك الحكم ...بالعربي حكمتلي ..ديكتاتور جديد ...نصنع على الأنترنات و بالأنترنات ...باش يربح ! إنحب إنقول لبرشة ناس تسمع فينا و تقرى ...عالم المدّونين هذا ، فيه الدّكاترة و فيه المهندسين و فيه الأطباء و فيه الأساتذة و فيه الطلبة و فيه القضاة ، بالعربي الزّبدة متع تونس ! و أملي فيهم كبير و كبير جدا ...لأنهم خذاو الثيقة في أرواحهم ...و هذا الشيئ ألي إلوج عليه قاسم ...ناس كاببلية و قادرة تحبك الخطط الجهنمية لأسقاط نضام بن علي !!!
أول من هــــدد بخلق حزب معارض علي الأنترنات : هو قاسم ، أرجع ألي تاريخ تونزين عام 2000 تلقى الحكاية ، في الزّمان هذاك ، قليل إشكون صّدق و قليل إشكون كان إصدّق بالي العملية قادرة باش إتكون ناجحة ....الفايسبوك إتسكّر : السبب الأصلي لأنو إخّوف بن علي و الطرابلسية و التّجوع ...الناس هذه إتخاف أنو التوانسة يتفاهمو ...إتخاف أنو التوانسة يتضامنو ! إتخاف أنو التوانسة يجتمعـــــــــــو ...يتبادلو الأفكار ...الحرية يا سي المدير ..بل الخيال إمثل العامود الفقري للخلق ....
اليوم وصلنا باش نخلقو ...إنعم لأننا إتخلّصنا من عقدة الخوف و عقدة بن علي و عقدة التّجوع و الدليل على ذلك ..موش لازم باش إنقولك عليه بل ...الأمر بين عينيك ...الشيئ ألي يتحدث عليه الدكتور منصف المرزوقي ...قاسم ألقاه و لابد من صقلـــــــــــــــو و العناية بيه حتى يكبر الشيئ ...عندها ، إنقول ...إنتصر قاسم اللذي قسم إلا أن ينتصر.
أيها المدونون ، أيها المدونات ، أنتم على موعد مع فلم جديد من أفلام العزّة و الكرامة سأعطيه إسما على مســــــــــــى : جمهورية البلوقاسفير ...سأكتشف بكم و لكم عالم الحرية و الكرامة اللذي أكتبه و تكتبونه ...هذا الشيئ الكامن داخلكم علي ّ بإمضائه و لو بدمي !!!!!!!!!!
أكون هنا جاهزا لكتابة صفحة جديدة من صراعنا ضد جمهورية الغورة و الدّسيسة ، قبعورية بن علي و عصابته
قاسم قاسم
هناك تعليقان (2):
المشكلة يا قاسم ان المجهود اللي تعمل فيه يبقى مجرد مجهود افتراضي ...لاحظ مثلا انك مازلت ما حزتش ثقة المدونين -اصدقائك الافتراضيين - خاطر نوعية مواضيعك وطريقة عرضها بدليل ان برشة ناس تدخلك وتقرالك ونا واحد منهم لكن لا واحد يصوتلك او يخليلك تعليق ...الا في ما ندر ...زعمة علاش ...اهنا نجو لحكاية الثقة ؟؟؟؟
التغيير يا قاسم خاصة اذا كان ينبع من خلفية سياسية كيما تقوا انت على روحك ما يكونش بالسبان وحدو حتى وان كان سبان للحاكم...قدم برامج اعطي بديل للموجود اطرح مواضيع جادة ...هاهو الصحيح اما تقعد تحكيلي على منصف المرزوقي والا غنوشي والا عمار بالزور
....فليس هذا هو النقد او النقاش الجاد ....هذا ممكن يكون تخلويض كيما قالك طارق ؟؟؟والا مجرد سبان للسبان واللي يسب وما يناقشش راهو دليل على انو فارغ وما عندو شيء ...هاكة علاش انا تسالت المرة الاخرة حول هويتك ....مش من باب التنسنيس كيما فهم عمروش وتيتوف ومش من باب التندخل في شؤون العباد ....ولكن من باب التساؤل المشروع ...اذا كانك جاد يا قاسم اطرح مواضيع جادة نناقشوها اما السبان في الحاكم ما عمرو كان معارضة ....ويظهرلي هاكة علاش عمار ما سكرلكش البلوغ متاعك ...خاطر كيما قلت انت الفايسبوك يخوفهم هاكة علاش سكروه ؟؟؟معناه مدونتك انت ما تخوفهمش ؟؟؟مجرد سبان ؟؟؟
انا ادعوك بجدية الى طرح مسائل جادة وبهدوء وقتها الناس تعرفك وتولي تناقشك وتسمعك ؟؟؟؟؟؟؟؟
سوالي هنا
هل ان اتهام شخص بالخيانة وبالعمالة لايعتبر سبان وثلب وقدح في الاشخاص؟
وددت فقط معرفة وفق اي مقياس تصنفون السبان ههههه
إرسال تعليق