درس في الجغرافيــــا

الخريطة متع تونس إلي بين إيديكم و تعرفها الكل ! هذيك راهي من الحرب العالمية الــثانية ! عملتها فرانســـا ! و إلي يومنا هذا ما إتعملت حتى خريطة جديدة و لا حتى وقع التحديث متاعها ! هذا يعني إلي GPS ما إنجمش يخدم في تونس ! أبدا! هنا نعرفو علاش ! ما عندناش جغرافين ! و مدير الجغرافيا هذا متع تونس ! صانع الجغرافيا سامحوني ! خرّجوه من قصر قرطـــــــاج : إضيع فيها قـــــع ! و حتى أبجديات قراءة الخريطة السياسية ما يعرفهاش !!!! لازمـــــــنا أحنا مؤتمر الجغرافين متع العالم الكل ؟ لا أبدا ! و لكن نضام فشل داخليـــــــــــا و على الصعيد الجغرافي و على الصّعيد التاريخي ! و ما لقى بيها وين كان باش إنــــظّم مالا تبقـــى من مؤتمرات و ملتقيات عالمية : قال شنوه ...نظام شبعة نوفمبر عندو إشعاع عالمي : كونشي في الأنقلابات النـــّوفمبرية !!!! و لكن كل مرّة إنظم حاجة إدور عليه و يتكشف أمـــــرو للعالم و للشعب التونسي !!!
إشكون ألي إربطها لبن علي المــــــــّرة هذه ؟ واحد إمهف ...موش ها الجغرافي الكبير ألي عندو ...لا لا لا يا جماعة عندكم مهندسين كبار : إخططو مليح و يعرفو يكتبو و يعرفو إنادو الناس باش إتشوف بعينها خنـــــــــــــّار شبعة نوفمبر ! باش إصير كما صار في قمّة المعلومــــــــــــــات !!! و تفضح نضام بن علي و سكّر التلفزة في وجه ضيف كبير على تونس : الرّئيس السويسري . قمّة المعلومات ما جبهاش لتونس بن علـــــــــــي : أبدا : مهندس كبير ، صديق من أصدقاء جمهورية قاسم : خمسة سنين تخطيط باش إوضّح للعالم إنو على البحر الأبيظ المتوسط يوجد شعب مكبل من طرف عصابة تحكم بأحكامها !!!
تحية للمهندس الخبير الي كان السبب في تنظيم المــؤتمر متع الجفرافيا العالمي !! و هذه فرصة أخرى أمام المجموعة الوطنية / باش تخرج للشواع و إتقول كلمتها في جغرافية بن علي السياسية ...و الراسة مدى الحيـــــــــــــاة !
إنتهى درس الجغـــــرافيا .

قاسم قاسم