المشاركات
النهايــــــــــــــة
لـــكل أبطالي ...لبطلي الكبير الشعب التونسي
· قاسم سرح ...و عيونو إمشات بعيد ......الجماعة الكل قاعدة على الطاولة و بن علي يشعل نـــــــــــار و العصب طالع للسماء ! إشوف في الجماعة و باهت ! بن على إمشكي في الكارطة ...إتقول مكينة موش يد إنسانية ..الأوراق كي البرق بين إيده ...الكارطة إتعوم غي الهواء حتى إنها شكّلت في بعض الأحيان أفعــــــــــــــى ! و لا أقوى من سمّهــــــــــــــــا ! القمار ! الي إحب تخرب يقرب من القمـــــــــــر و العياذ بالله ....قاسم سارح في فيلم أخر متع أشباه رجال ...أش إقول زعمة : هاهو أش إقول :
الرّجال في العالم الكل تظرب و ظربت على ...النساء ! على الفلوس ! على الحكم ! التونسي يظرب و ظرب كان على البندير ! إموت على ظرب الطّبل و دقان الحنك ! و الي يقهر في ها الشخصية المكلفزة إنها ما تربات كان على حاجة وحدة : نشر الهزيمة ! و حتى فرظها في بعض الأوقات ! حمقا على نفسها ! ....حكم الخناجر و لا حكم الخسيس فـــيّ ، ما إسمعش بيها ! شخصية ما تقراش و ما إتلوجش باش تقرى ! إذا تبقى تتخبط في فهم المسائل الأولية الي إتخلقت من إجلها الأنسانية ! قالك معارضة ما عندهاش إستراتجية ! و قالك هاهو عندها خمسين سنة إتناظل و ما وصلت لحتى شيئ ! قالك معارضة تستاهل العصى و أكثر ...قالك ما عندهاش الأيمانزيـــــــــــــــم ! قالك معارضة تتناحر و ظرب و مظروب ما ندخلش فيهـــــــــــــا !
أش إقولكم قاسم ! يا مهندسين أخر زمان ! و يا بياطرة و إتقولو طبة ...أنا إنقولكم : الشكارة و البحر ...و لالجملة زاده و إلى ما عجبوس يطلق عشرة بحور ...و كان فيكم راجل يتعرّظلي إين ما كنت على وجه الأرض ! بيكـــــــــــم و إلا بلا بيكم ...طالعة للسماء ثورتي طالعة و شاعلة و ما قادرة باش تطفلى كان برصاصة في ظهري ...ما كومكش قادرين باش إتشدو نقاش أكثر من ربع ساعة ...مهندسين أخر زمان ...لا يعرفو تفاضل و لا تكامل و لا قانون التّراكـــــــــــــم ! باش المعارضة باش تاقف وقت الي قرى جملتين يعطيها في الظهر ...عرفتوهم إنتم الناس الي إتعارض ...إتقابلتو إنتم و إيهاهم ! حكيتو معاهم ! باش تحكمو على فلان و إلا على فلان ...المعارضة شطرها في الحبس الي في حربوب في حربوب و ألي في الرّجيم في الرّجيم و الي محبوس في دارو محبوس ! عرفتو إنتم يا طبّة و ما قريتوش الطّب يا مهندسين و ما قريتوش المات ! لا ابدا ...إنما ضعاف ما إتنجموش إتضحو بالغالي و الرّخيص ! ضعاف ما إتنجموش تفرظو شخصياتكم على الناس لأنكم فارغين ....أسهل بالنسبة ليكم إنكم تظربو المعارضة بكاملها باش إتبانــــــــــــــــو ....أما زعام في تهبيط السروال ! الشكارة و البحر و عن بو المليح فيكم ! كيفكم كيف الديكتاتورية ...في نفس الشكارة ...و البحر و ما قالت الرّجــــــــــال !
بالك واحد منكم و إلا من سيادكم جاب حاجة من داربـــــــــوه ! بالك عاملين مزية على الشّعب التونسي ! لا أبـــــــدا ...و لا وصاية على تونس لا منكم و لا منه ! الي جاب حاجة من دار بوه إقول و إهـــــــــــز إيدو ....تعالو إلي الصّحراء أعريكم ! ...لا أبدا ...المعارضة مع هيش طالبة منكم باش تقفو مهاهــــــــــا و إتناظلو من أجل المساجين ومن أجل العمال و الفرلاّحين ! لا أبدا ما حاجتو لخبازة العيش النــــــــــــــيّ ....الشكارة و البحر إنتم و الأستراتجية من وراء البحار !
أجلا أم عاجلا سنثور ...و لو بزيت الزيتون ! .............
· الزيـــــــــــــــــــــــن ...مشكى الكارطة ...و جرى ..وزع الأوراق ...خمسة إكداس ! كل كدس في ثلاثة كارطتاط .......الرّاجل بـــدّلها نوفي ....و قال ...فيق يا قاسم يا راسك يا راسي ! ...يا أنا يا إنتكم ...نلعبو على الفلوس الي عندكم ...موش لازم باش إتخلصو وزارة التربية القومية ....شيــــــــــــــــكاتكم على أكداسكم ! ماهو كـــــــــــلام رجال !!! هاتو أش عندكم .........الي عندو الفرتونة توه نعرفوه ....لا شريعة و لا ديمقراطية هوني !!!!! الفرتونة ...أنا عندي الفرتونة الي ما عند حــــــــــــــــــــــد!
· المرزوقي ....إنت الي عدك ما عند حـــــــــــــــد ...و ما بعدك حد ...شد يا حمد ! كان باش نلعبو ...نلعبو على الفلوس الكل الي عندك .....إتحطهم على الطاولة ...هاهوم عشرة شيكات كل واحد ب 100 ألف دينـــــــــــــــار ...فلوس المرازيق ..إنقّمر بيهم كما ما عاش حل معاك كان بالقمار !
· الحامدي ...بعد لا طلّقت المــــــــــــــــــــرا ...و خصرت الشطر في جرة ها القاسم متع وذني ...ما عاد فيها حتى حل كان إنجرّب حظي و إرّجع فلوسي على الأقل ...هذه لعبة حظ ...و الله غفور رحيــــــــــــــم ...هاهو المليون دينار متاعي على الطالة !
الشيخ الهادي بريك !!!! إدخل بعظو ...و شاف للهاشمي الحامدي ...و إقزّز !!! و ما فهم أش يعمل ...كلام رجال و ألتالي ما ثماش !!!! يا تلعب يا تخرج من الحكاية جملة و تفصيلا ! شطر النهضة في الحبس ...و المـــــــــــرا إطلّقت ...و باش يلعب حرام زقــــــــــــــوم ! وقت الي طاح الشيخ مغمى عليه ...في وقت الطلقة ...تفتفــــــــــو و سرقت منو الشيكات الكل ! و الراجل ما زال ما في بالوش ...حتى الفلوس الي على الطاولة ما حركتلوش شعرة باش يتفقد الأمانة الي في رقبــــــــــــــتو ...الخوانجية الكل دافعين !!!! جات العين في العين ...شفتو كيفاش جبد يدو بالسياسة من فوق الطاولة ...و إمشى يتفقد في الصّويردات ....الحكاية مليون دينار تونسي شيكات ...ما إلقاهومش ..و لكن ساقي في ساقو ..حسيت بيه شعرة لأغمي عليه مرّة أخرى و طلع الــــــــــــــدّم لخدو شعرة لا خرج من خشمـــــــــــــــو ! لكن بلع السيكينة بدمهــــــــــــــا و ما إتكلّمش و قعد باهت !!!!! إقولك كان إنقول تسرقت ...الجماعة باش إيشدو في السارق !!! و إترصينا في تطبيق الشريعة ...و إتتقص يد السارق في الوقت هذاك باش النهظة إتباصي جملة و تفصيلا ...و هو باش يمشي زيزي و ربمــــــــــــا راسو إطير ....و من الناحية الأخرى إقول كي إتسرقو إحســـــــــــــن ...هونا ربك إنقذني باش ما نلعبش القمــــــــــــــــار و نقربش القمار !
و لكن الكدس لازمو إحط عليها على الأقل شيـــــــــــك واحد ...هنا راهو كلام رجال موش لعب تلامذة !!!!! قاسم ظرب الشيخ على ساقو شعرة لا كسّرها ....باش الشيخ يسكت !...قاسم عارف أش يعمل و عندو خطة كاملة مخدومة ...إسرقت الفلوس موش خوفا على النهظة و لكن إنقاذا للشيخ من الحرام !!!! الشيخ ما عندوش فلوس ما يلعبش ....أش إقول قاسم !
قاسم : يا شيخ ...الصّرة متاعك ...شفتها ...طاحت منك في الساحة وقت الي طلّقت المرا ! و راهو شفت إشكون هزها ...واحد من الجماعة الي نقزو من الصّور ...!!!! شوف يا الي تجري ....الزيـــــــــــــن ..الكدس متع الشيخ ...أنا إنحط عليه ماية ألف دينار
الشيخ الهادي بريك ...شلق بالحكاية و عمل فيها مسرحية !....منع من الحرام و إنشاء ربي ما إوصلوش للشيئ هذاك ...المخرج متع الفيلم لازم يحترم قناعات الشخصية في حد ذاتها ، موش كما عمل سي النوري بــــــــــــوزيد ..إتمثل بالسيف ضد قناعة اللّطفي ! ....و لكن الفلوس منين جاو لقاسم ...و هو يقرى بلاش ؟
الزيــــــن : فلوس الشيخ ...ظاعت و إلا إتسرقت !!! لكن الفلوس إنت يا سي قاسم كيفاش جوك !
قاســـــم : انا نقرى بلاش ! ز لكن ما نيش جاي نقرى جيبي فارغ ....السياسة يا صحوبة فلوس و الي ما عندوش موش لازم باش يقربها .....القمار و السياسة كيف كيف ....!!!!!
الزيـــــن : قداش عندك !
قاســـــــم : الي عندي إنحبك تربحهم ....يا إنخرجك على أركابك ...يا إتخرجني نحبى !!!!
الزين : و تتحدى في الكازينـــــــــــــــــــــو
المرزوقي : إنت بالحـــــــــــاق حال مدرسة ديمقراطية و إلا كازينو !!!!
الزين : ما إتحبش إتعدي الوقت .........هاذوما شيكاتكم ...يا فتاح يا رزاق ...الطرحة هذه فيها 450 ألف دينالا تونسي ......
قاسم : إستنى ....ما تكشفش أوراقك ....ما نمشو بـــــــــــلي ( plus fort( ، تمشي مرزوقي
المرزوقي : قداش !!!!!
الهاشمي : برى نمشو ...خمسين ألف دينا يزي !!!!
قاسم : تمشي يا زين و إلا لا ....البوسطة تمشي
و دخل جو القمار ...و جو الفلوس ...يسهب كي الدّخان ...كل طرح إتقول باش نربح !!! أفيون ما كيفوش ...و إشكون هز الطّرح الأول ....الكلو هزو الزيـــــــــــــــــن ...وين تلقاه بنشوة الأنتصار ....و برى توالت ....الظربات و الهز و النفض ...و العشرة متع الليل ...إتبدلت المشامية !!!!! الشيخ الهادي بريك ما عاش إمنجم إحل عنيه ....على الطاولة بقى المرزوقي و الزين و قاسم يتخابطـــــــــــو ....الهاشمي الحامدي خصر مليون دينار تونسي و القناة التلفزية متاعو ....حكم عليه الـــــــــــــزين حكم إعوج ....إنو إمروح عليه و على الكانون ...و إقشر في الكاكوية !!!! و يحكي هو الدكتورة ....ز كل مرّة يعمل طلّة على الطاولة إطيحش دينار ...الهاشمي الحامدي إرجع تيكة يا زميل !
المرزوقي طاح الحداش متع الليل ...خصر الفلوس الكــــــــل و حكم عليه الزين ...يكتب الصبورة الكل ...و إفسخها ....معناتها حكم متع شماتة ....الزين حاب إعيف الدكتور في الكتيبة متع الكتب ....بالعربي ما إحبش ها الي قارين ياسر
على الطاولة قاسم ...و الزين ....و دارت الكارطة على الزين ...إنقول خرت عليه ...و قاسم طالعة الميزانية للسماء ....الظرب في ما أقلش من مليون دينار على الكدس الواحد ...أكبر مجرم في القمار قاسم ...بحكم خبرتـــــــــــو في علم الوراثة ...الكارطة حافضها ورقة ورقة و يعرف أركبها مليح ....الزين وصل إلى أخر 10 مليون دينار من الثروة متاعو ...البقية الكل إربحها قاسم ....و الشيكات ..إمعبية الجيوب ....
قاســــــــــم : كلام إرجال تلعب عليم 10 مليون دينا ظربة وحدة ...يا تاقف على ساقيك مرّة أخرى يا تخرج على أركابك .....
الزيــــــــن : السهرية ماوال طويلة ....و عشرة مليون دينار يعملو البـــــــــــــلاء يا سي قاسم
قاســــــــــم : تلعب على حاجة أخرى ....تلعبلي عـــــــــــــــلى راس عبد الكريم الهاروني
الزين : بقداش إتقومــــــــــــــــــــــــــــــــو !!!!
قاسم : يا شيخ ....بقداش إتقّوم ......راس عبد الكريم الهاروني .....!!!!
الشيــــــــخ : بمليون دينــــــــــــــــــــــــار على الأقل ! الراجل هذاك ما يتقّومش بفلوس
قاسم : أنا ما نعطيش فيه أكثر من 250 ألف دينار ...يا مرزوقي ..بقداش إتقول
المنصف : هاكه ...مليون و 250 ألف دينـــــــــــــــــــــار
الزيــــــــن : أكثر شوية
قاسم : كيفك عارفو غالي ....ألواه حاطو في الحبس !!!! كيف عرف الرّجال ما تتشراش بالفلوس علاش حاطهم في الحبس !!!!!!
الزين : توه أنا تليمذ ..........ما تنساش روحك يا سي قاسم ...إشبيك فرحان ياسر ...إجري عليه جرية وحدة كانك إربحت ...خرج الرّاجل من الحبس حـــــــــــــــالا و كاني إربحت ...تعطيني 5 مليون دينــــــــــــــــــــار \
قاسم : كلمة رجــــــــــــــــــال ...على راش الهاروني .....إجري
الشيخ ...شادلي في أكتافي ....باش يتكسرو ...و أما إنكحــــــــــــــل على الكوارط قريب باش تتكلم ....و جات بنت الكلب ....تسعة ...موجرة و ستة صباطة و إتريس ديناري !!!! و قلت : هات أش عندك يا زويــــــــــــــــــن ....الهاروني على بره و حالا !!
الزيــــــــن : إلى وزير الداخلية و و زير الدفاع : الهاروني يخرج حالا !!!!!!!!!!!!!!!!!!!!!
الشيخ جابلي كاس تـــــــــــــــــــــــــــاي ....أخظر يعمل ستة و ستين كيف ...و شاخت للشيخ !
قاسم قاسم
ليست هناك تعليقات:
إرسال تعليق