شيخ السلفية الجهادية برهان بسيس. إنتخــــابات 2009 (4)

الفيلسوف متع الفلسفة متع قصر قرطاج ! هو في الواقع الحدّاد متع القصر! إشّد الفكرة إحددّها إيجيبها و هي و الأرض سوى سوى، على ساقيها ماعاش تاقف! أبدا !و إلي يومنا هذا إمسّش حاجة، راهي تفسد ديريكت ! و لكن أش تعمل ! بحوث أكادمية كبيرة و جامعات إتخبط في الخربقة الغانية و ما لقاوش الحل ! من فيلادلفيـــــا الي النرّويج ، من القطب الشمالي ألي أندونسيــــا البحّاث متع بن علي الكل يخدمو كيفاش باش الخليفة يربح ! أش كرهت كلمة دكتور و كلمة أكادمية ! ثمة قانون إتوّصلتلو عبر الريشارش متاعي على المعيز : القانون هذا أقول : صعّبها تسهال ! سهــّلها تمساط. الفيلسوف جاء للقصر باش ياخو متاعو ! الفلوس ! الشيك ! الي باش يشري بيهم الماتش من الشيخ الكبير ! يلقى الخليفة في وسط البـــــــاب! حاضر باش ! يرعش بكـــلّو ! عيون باش تخرج من راســــو !

· باش إنبطلو من حكاية شريان الماتش من الشّيــــــخ ! خصارة فلوس زايد و خليه إهبــــــــــط كلاب حتى من المّــــريخ ! يلعبوش معاه الملايكة ! رابحو رابحو !
· ألي إتقولو إنت ! السّمع و الطاعة يا مولاي ! إنت كبيرنا و تعرف !
· أنا إنحب نعرف الأسود متع الأستاذ الشابي ؟ منين جابهم ! يا خي في الجريد ثمة صيودة ! إنا إنحبك تمشي للجريد و إتشوف بعينـــــــك ! صيودة و إلا قطاطس ! بالك إرانب الرّأجل إحب إهبطهم للستاد و أحنا ما في علمناش ! و خصارة فلوس زايدة باش إنجيبو كــــــــلاب من إستراليا!
· من ناحية الصّيودة في توزر ما ثماش ! و عمري ما سمعت بصيد إعيش في شط الجريد ! و لكن الثبات يا مولاي بــــــــــاهي ...وين تعرف ! المرازيق أش يعملو في الصّحراء ؟
· فكرّتني ...إفكرّك في الشهادة ...الحكاية فيها المرزوقي! إزرم ! لشط الجريد ..يمشوش يتفاهمو على راسي !!!! لا لا لا ...هاذوم إتفاهمو على راسي و بالحـــــــــاق عندهم صيودة إشكون ألي يغلب الصّيد ؟ يا فيلسوف !
· ثمه أسد غيرك يا مولاي !!!! ما يغلب الصّيد كان النسّر
· نســـــــــور قرطاج ...وينهم ؟ نادي على النـــّسور الكلّ ! هاذوكم قادرين باش يعـــورو عيون الصّيودة متع الأستاذ الشابي!!!
· يا مولاي ...نسور قرطاج ...خاصرين ديمة ! حتى من كاس إفريقيا روحو يدا فارغة و أخرى لا شيئ فيهـــــــــــــا ...ما هو جرّبناهم حتى في كاس العالم ! الدّور الأول ما فاتوهش ...خصارة فلــــــــــوس يا مولاي !!!! إعطيني شوية وقت ، إنفكّر في الحكاية
· تطلع بيها توه توه ....قتلك البـــــــــلاد ألكلها متافهمة على راسي !!!!! لازم تطلع بالحـــــــــل و إلا راك مشيت زيزي!!
مشي الخليفة ! و خلى الفيلسوف وحدو ! و ركحت زكرة إبريك في نسور قرطاج ! الخليفة فش الغظب متاعو في الأنترونار ! إتقول هو الي يلعب موش النسّور متاعو ! رّوح الرّأجل و ما عطوهش حتى حق الرّد ! يا غلبت إشكون نغلب ! الرّاجل براني و صاحب عويلة ! و ضيف على تونس ! بلاد كـــــــاملة طاحت فيه قامة ! أما الناس ألي بالحاق لازمها العصى طفـــــــــــو عليها الضّوء.

الأستاذ الشابي ! قاعد وحدو ! جالس القرفصاء على شط الجريد ! و يستخايل فيه ستــــــــــــاد ! إشوف فيه و كأنو ملعب للتزحلق على الجليد ! الفضاء الي داير بيه خلآه يحلم بالرّبــــــــح ! و إشوف في الصّويدة إترّيش في النـــسّور متع قرطاج ! و الريش عامل ضبابة و ما بينو و بين الخلافة كان المرازيق ! كل مرّة يخرج صيد من بين النخـــــــــّل ، من الغابة ...و يقعد حذى العرف ! كلمة لا ّ! الرّاجل إفكّر في الأستراتيجيا ...و حتى بصيودة و مازال شاك في روحو ! جاه أسد صغير ! و قالو يا إمعـــــــــّلم راهو الشيخ نـــــــــاوي إبيع الماتش للخليفة ! معناتها أفهم الجيورات متع الخليفة ما هومشي باش يتعبو ...و ناوي عليك إنت و باش إهبط النسور متع قرطاج ضدنـــــــــــا ! الكل!
كلمة النّسور متع قرطاج هذه ! إتخلي الأستاذ الشابي ياقف ! يلقى روحو قدام 25 صيد المقوّد يوزين 500 كلغ ! و منهم المرزوقي ! صيد إزرق ! كي وقف و حل عينيه بالباهي خاف أكثر من الخليفة ! النسور في السياسية تعني العسكــــــــر ! كان يربح الأستاذ الخليفة و حتى في الشّوط الول متع الخربقة ! راهو باش إدور عليه العسكر ! و إتموت الصّيودة الكـــــــــــــّل ! و خاف إيصيـــــرو ما صار للشّيـــــخ هوكا العام ! و تونس تبرك مرّة أخرى ! و إستني يا دجاجة ليل إيجيك الشعير من باجة ! في الحين يطلب من السّكريترة باش يعمل إجتـــــــــــــماع عام ! موضوعو العبرة بالمشاركة موش الرّبـــــــــــــح !الأســــــــــتاذ حاجتو بالشعب الكل إيجي معاه ! موش كان اليسار ! رسالة مشفّرة للعاصمة ...تمشي على الماء مباشرة! عبر شط الجريد.

قاسم في اليـــــــبان ! أش يعمل ؟ يتعلّم في التكنيــــــــــك متع الســـّموراي ! على فكرة كلمة ساموراي : تعني باليابنية : سيريــــــــــــــو ! الناس الصّحاح الي ما إوخروش لا قداّم إبراطور و لا خليفة و لا شيخ و لا شابي و لا مرزوقي ! أخر ساموراي مات عام 1873 في معركة ضد الحداثة و ضد السلطان في نفس الوقت! و لكن التكنيك مازال هو هو ! تونس لازمها ناس ســـــــــــاموراي ! ملتزمة ! جادة ! و إتّمن بالأنتصار ! الفريق مـــــــازال موش حاضر و المدّونين مازلو يعملو في الأبحاث الأكادمية في الدّجاجة قبل و إلا العضمة قبـــــــــــل! المدّونين التوانسة ، مازالو صغار ! و ساق إلتالي و ساق ألي الأمام ! و ما زال ما إخذاوش الثيقة في أرواحهم ! الشخصية مازال ما طابتش! مازال ما إستكملهاش الوقت ! و التجربة ما زالت في بدياتها ! مازالو في وهم كبيــر ! ثمة حاجة ما هيش واضحة أمامهم ! ألا وهي : الحقيقة ...!!!!!

سمع بن علي ! بالحكاية ولات فيها ساموراي ! و صيودة ! و الكلاب الي شراهم ما عاد ينفعو بحتى شيئ ! و العسكر الي إمعملّ عليه كان خصر ...ياكلوه السّاموراي ! هذه جنون إتحبوني نلعب معاهم الديمقراطية !
· لا لا لا ...الديمقراطية و الخربقة ما تمشيش معـــــــــــــــاي ! كيفاش عملـــــــــــــنا يا فيلسوف ! يمشوش إقولو الخليفة إنسحب و إنولي خـــــــــــــوّاف و ما نعرفش نلعب ! و حاجتي كان بالكرسي ؟ شوف لي حـــــــــــــل في القريب العاجل !!!!! و نادي الفلاسفة الكل و الشيوخة الكل ! و العباد الكل إتجيبها و تحكيلهم الحكاية !!!
إجتمعت الناس الكّل ، هزّو نفظو ! إتناقشو ! زادو! نقّصو و لا واحد إطلع بحل باش ينقذ الخليفة ! شيئ ؟ حلف عليهم و لا واحد يخرج من القصر ! يا إمــــــا إطلعو الفكرة ! يا روسكم الكل إنقصّهــــــــــــــا!
مع نص الـــــليل ، ركح الجو و دارت بنت الكلب في روسهم ! صب هات ! شد عندك ! شاخت الجماعة و إتنفس القصر من الظعط شوية ! يطلع برهان بسيس بطلعة ! ضحّكت الخليفة و شاخ عليها الفكرة ! و قالو كــــمّل يا برهان كمّل ...حكايتك سمحة !!! أش إقول شيخ السلفية الجهادية برهان بسيس

يا مولاي ! الديقراطية هذه راهي فتنة في السلام ! و إنت موش من صالحك باش تفتن بين شعبـــك ! و تدخل البلاد في بعضها ...إتراسيلك في حروب داخلية ! و بنزرت دخلت في تونس ! و توزر في قفصة ! و صفاقس في سوسة ! و سوسة في سيدي بوزيد !!! و ما ثمة حتى نص شرعي إحـــــــــــرّم توريث السلطة ! ! من حينك إتعين ولدك محمد خليفة و أمير المؤمنين...و حتى كانو صغير هونا أمو إتقوم بالحكومة ليل يكبر و يــــخشان عودو !!! و سكّر علينا ها الخرافة متع الخربقة و متع الديمقراطية ! و أقول فتى برهان الشيخ برهان

قاسم قاسم
و مازال الشيئ في الثنية !

الخربقــــــــه --- أو إنتخــــابات 2009 (3)

بن علي في قرطاج ، النوم ما عاش جايــــــــــو ...إسمع بالي االشيوخة بعثو لاعبين يترينو في لنـــــــــدن !!!! و سمع زاده أنهم باش يشرو ملاعبيه كبار من أكبر نوادي إنقلتـــــــــــــرا ....ركبو الرّعب من الحكاية ....التدربات الي قامت بيها الكلاب متاعو ما هيش كافية باش يربح طرح الخربقة و إفوز بالبطولة !!!!! سيب كلابــــــــــو على الشعب التونسي من شمالو لجنوبو ...إجرّبو في الطلّبة و في العباد و في الأسواق ...سيبهم على كل شيئ هناش مـــــــــا يكلبو أكثر و أكثر ....و إي واحد ما إعــــضّ و ما يدغرش مواطن ..يقتلو ...كلاب و كلبت ! بلاد و كلبت ...و لا واحد مازال قادر يخرج من دارو كلاب ظالة في الشوارع و في المدن ...تونس دخلت بعضها ...و ما عندو حتى واحد إنجّم يخدملو إستراتيجــــــــــــا باش يربح !!!! عندو زوز ملاعبية ...روبافيكة برهان و بوبكر ولد غالية ...و ثمه واحد أخر سنيه طايحة ، ما عاش يتعمـــــل عليه فيلسوف الفلســـــــــــة متع الخليفة ألي كتب كتاب، قرطاج لن تسقط .ظرب ظربتــــــــــــــو ! أرض من إحشاء الشعب التونسي قيمتها بمليون دولار. المازري الحداد ! فيلسوف الهزيمة متع بن علي! كي هو كي الأخر : الزّوز مهزومين حتى من النساوين متاعهم.

عندو إربعين مستشار ...كل واحد يخلص في خمسة الآف دينار ...و إلى يومنا هذا ما نجموش يختارو فريق يهبطو بيه لبني خداش باش يربحو الخربقة من المان ...البطولة متع الجمهورية الفيدرالية ...و زيد على المستشارين هاذوم عندو جماعة بوبلاش ...تنصح فيه و على الهواء مباشرة ....و كأنو الرّاجل ما يفهمش ؟ كثر النصاح ...من حواليه ...كل ليلة إجتماع ! جابو أساتذة الجامعات ! المحامين ! القضاة ! الجيش ! باش يلقو فكرة و يربحو الدّور الأول من غير مخاصير .

أخر طلعة ..قالهم ...إنجيبو ممرّن من أمريكـــــــــــــــا ...لفريق القصر متع الخربقة و قاللهم الكلب ألي ما يربحش راسو باش إطير سير بــــلاس ...و ما عندو حتى حل أخر كان يستورد من الخارج ...كلاب متوحشة ....إقترحو عليه إيجيبهم من إستراليا ..هاكي الكلاب الي تاكل العبد بعضامـــــــــــــــو ....إستر يا ستار ...! شطر الميزانية متع الدّولة مشـــــــــــى في جرّة الفربق! الغير قومي لكرة القدم.

ولاتشي خربقة إستــــرالية و إحنا فراجيـــة في الحكاية ! المدّونين التوانسة إحبو إشوفو جويرات متهعم ! و لكن أش نعملو ....الفريق متع قاسم ! الملاعبية متع قاسم ...الأربعة و عشرين الكل باش يـــــــــــاخوهم من المدّونين ...ثمة مدوّنين ..كي ينبح الكلب إطفولو سنيــــه ! التكتيك هذا ما زال ما سمع بيه و لا واحد ..لا بن علي و لا الشيوخة و لا الطبيب و لا الشّابي! هــــــــــاهو واحد من المدّونين الكبـــــــــار ...إدوّن و إقول ألي قاسم إريــــــــــني فينا على الخطفة متع سنـــــــــّين الكلاب ! هذه إسموها الحرب الأعلامية متع الخربقة ! عملية تمويه إيجاوبو واحد من الجمـــــــــــــــاعة !!!! التضليل السياسي ....

الخربقة متع غانة ! إسموها الخربقة المعوجة ( أن ديراكت)، بمعنى إنو مجموعة مغلوبة على أمرها تختار واحد منهم و إترشحو لقيادة الفريق للمحافضة على المصالح متاعها ! كان ما كانت المجموعة هذه ! عمرها ما إتمثل الشعب بكـــلّو ! فرطاس فرطاس ! من بعد يتفاهمو و إقولو أحنـــــا رشحّنا فلتان بن فلتان لقيادة الشعب ، بالطبع بعد ما ظرب كل شي و عبى الفضاء الأعلامي و إستغلو لصالحو !

الديمقراطية متع أمريكا ! إسموها ( ديريكت ) و حتى لقيادة المجموعة المترّشح لازمو إخوض إنتخبات كبيرة و من بعد ما يربح لازمو إخوض الجولة الكبيرة الي باش إطلعو ألي سدّة الحكم ! هاكه علاش ما تعرفوش إشكون باش يطلع بطلعة إتعوّج الناس الكـــل ! بلاد بصراحة إدور بشعبها ، و الديسيزون فيها إتكون جماعية موش كان الخليفة ! في تونس الشيئ هذا ما نعرفوهش و ماناش قادرين باش نستوعبوه لأنو ساهل ياسر لدرجة ألي برشة ناس إتضيع فيه و إطيح من النفخة الأولي ...كي المعارضة ! كي جماعة بن علي ! الكل ينفخو في أوداجهم و حل الصّرة تلقى خيط ! كان إطبقو حكاية الديـــــــريكت هذه، الخربقة أتولي حرب داخل المجموعات نفسها ! قبل ما تهبط ألوطى لبن خداش ... في التاريخ أول ناس طلعت بالديمقراطية ديركت هوما سكّان شمال افريقيا ...منهم التوانسة و لكن هاكوم إتشــفو كيفاش ولّينا في الديريكت و لا في ألأنديريكت ...هذاك علاش سميت الفيلم خربقة : و كول و ناكل ! و هز كلب هات كلب و ذراعك يا علاف !

كان باش نكتب الفيلم هذا على قاعدة صحيحة لازمني عام ! لا ناكل لا نشرب و لا حتى نخدم ! كان نمشي و نكتب ! شوف! كل فريق فيها 24 كلب و ثمة على الأقل خمسة ! على الطاير هاذوم إيجوك 120 شخصية ما غير الفيـــقوران ! السنما الغانية ما وصلتش أتصّور بطل بالبـــــــاهي فما بالوك ل 120 . البلاد مازالت ضيقة للمشاريع الكبيرة و الخربقة الي نكتبها ! و لكن لا بد من كتابتها حتى إنها إتكون شاهد عيان للناس الجاية ! فكّر كبير تبقى كبير ! أكتب صغير تبقى صغير...هذه هي السنما !

إنخلو بن علي ..إهز و ينفض و إنظم في الفريق متع الخربقة متاعو و نرجعو إنشوفـــو الخرباقة متع مجلس النواب ...ماهو ثمة جماعة في البرلمان موش مع بن علي ! هاذوكم زينة ! و حاطينهم قدّام الناس ! المعارضة الصّورية مجعولة كان لحاجة وحدة : دّقان لحنك ...بولحية ! بوشيحة ! بو جرادة ! بو دّبوزة ... هاذم الكل دخلو في الخربقة الشعبية منذ سنين ! كيفاش باش إعاونو بن علي باش إهز البطولة متع جمهورية زمان ! خرجو عاملين مضاهرة في قلب العاصمة الغانية
...الحرب ...الحرب ...!
يا إ معّلم ..الحرب
خربقــــــلها ....يا إمعّـــــــلّم
ما بعدك حد

الخربقة المعوجة الي في تونس ! ما هيش قادرة باش تصنع الحدث ! من لا شيئ لا يحدث شيئ! من حاجة معوجة عمرك ما تصنع مستقيم ! و حتى بالمطرقة ! و حتى بالماصّة ! و حتى تحمي الحديد ما هوش باش يتريقل ! من الأساس حكايتنا معوجة ! لأنها دخيلة علينا ! و إستوردتها تونس من المستعمر بمواصفات قبلية ! هاكة علاش برشة غزلان إقولو ...ما ثماش ديمقراطية في العالم الغربي !!! لأنهم يحكمو عليه من الخربقة الي عايشين فيهـــــــــــــــا ! و الشيئ هاذا لازمو إنك إتعاود تبني الجامعات الكل و المدارس الكل ! و هذا هو اللّغّز متع إمبراطورية قاسم !!!! أش علينا في الحكاية هذه ...و برى إنكملو الفيلم !

الشّعار هذا بالذّات، الي رفعاتو المعارضة الصّورية زاد شلبق البلاد و خربقها...و بدات الناس تشري الخبز و الطّماطم معجون ...الزّيت عندو قداش ما ثماش ! و الملح تقطع !!! قطعو علينا الأستاذ الشابي ! شاد الصّبخة الرّاجل ...و ما هوش حاب يقرب للمدينة ! بلاد كاملة تاكل في الصّامت ! هي باسلة من عند ربي و الأستاذ الشابي ..متعلّم بإظربات الجوع ...متخرّج من كليّة إظرابات الجوع ...عندو كيف كيف بالملح و إلا بوبلاش ...وقت الي الناس ما عرفتش أش تعمل و ما لقاتش الملح للخزين !

قالت بالصّبخة ...الشابي ما في بالوش لا بالخربقة و لا بالبطولة ...جاه الحديث و قالولو راهي الحكاية فيها و فيها...! حفلة يعني طرح خربقة من النوع هـــــذا ما إفلّتهاش ...إش إقول ...يا نلعب يا إنبلبـــــــــــــــز ...إشكون منظّم البطولة هذه ... من الصّبخة ألي الستاذ يبعث بفاكس لصاحبنا شوفير التاكسي متع جمهورية قاسم ...سي المـــكّرز ! إقولـــــــو ...تتصـــــل بقاسم و إتقولو راهو الأستاذ الشابي مــــــــــلاعبي كبير و حاضر باش ! صار من الحكاية بالظبط ...بتدخل من شوفير التاكسي ...قاسم إطلع بيان و إقول ...ثمه فريق أخــــــــر في الحكاية ...فريق الأستاذ الشابي...إترشح و بكل جدارة و البطولة راهي باش إتــــــــــــــــولي كاس .

سمعو الشيوخة بالحكاية ...و عارفين مع إشكون باش يلعبو مع أخطر لاعب في الخربقة السياسية المصالحين و الي ما هومش مصالحين ...إتفاهمو ...إتمشكات الكارطة ...و الشيخ الدّكتور...إولي يعبر ...و إكلّف سي مصطفى ! بمهمة جديدة ...يطلع حالا لألمانيا قبل ما إقابل الشيخ ...باش إكلّم ملاعبية من ألمانيا ...الخوانجية ما هم في كل بلاصة كي الزّريعة ...المفاهمة متاعهم مازلت جديدة و ما هيش قوية !!! الدكتور إشوف الي لازمو ما إكلّم الشيخ كان ما إكون الفريق حاضر الكل ! و لازمو إكون خمسين في الماية من المهاجرين ( الداخل) و خمسين بالماية من الأنصار (الداخل) ! أي شكشوكة النهظة ما تتحلّش ...و في الواقع خوانجي مصالح كي خوانجي موش مصالح ألكلها أتصب في واد واحد. كي سمعو بالأستاذ الشابي داخل في الحكاية...الرّبح ولى الهدف متاعهم موش المشاركة فقط و الأكتفاء بالحد الأنى الديمقراطي ! السميق ما عاد عاجب حد!

! يسمع الخليفة بالحكاية .....الأستاذ ...الشابي يخدم ليلا نهار و إحظر في فريق إهز الآّم في الظلام و يسمع كذلك ألي الشيوخة ماعادش باش يكتفو بالمشاركة و السميق بل إحبو يربحو ! المفاهمة متاعهم مع الأستاذ الشابي إتفصلت ...و قالك كل حد يظرب على جيبـــــــو ! جهدك يا علاّف !!!!

دخل بعظو الخليفة ...و قال ...هاالأستاذ الشابي. كي العادة ما يطلع كان في أخر لحظة و باش إمسط البطولة الكل ...بالفريق متاعــــــــــو !!! المستشار متاعو سي الفيلسوف :...إقولو راهي ما عاش بطولة راهي ولات كـــــــــــــاس ...و فيها تصفيات ...إخطار الشابي هاذا، الي رابطهالك ديمة و فشّخـــــــــــو قدام الجمهور متاعـــــــــــو باش ما عاش إحل فمــــــــو ! و إنزيد إنقولك راهو أسهــــــــــل من الشيوخة ! فكك ما تلعبش مع الشيوخة من الأول ! راك تخصر! ألعب مع الخبزة هذا على الأقل يعرف شوية ديمقراطية ...و ما صّور شيئ أكثر من عشرين سنة و هو في الخربقة ...سيب عليك من الشيوخة فيهم برشة غـــــــــــل و ما إنجم يتوقعهم حتى حـــــــــد !!!! زعمة إتقول هــــــــــكة ...الأستاذ الشابي راهو باندي كبير و جماعتو عندهم تجربة كبيرة ....لازمني نربح بالظربة القاضية ! باش إخافو الجماعة الأخرين ....أش قولك كان نشرو الماتش من عندو و إلا من عند قاسم ...الجماعة ما عندهم فلوس و إمقودة عليهم !!!!

الحكاية ما عاش بطولة يا سيدي الخليفة ! لازمك تربح الماتش و إلا إطيح ! و كان طحت ! راهي برشة نـــــــــــــاس باش تتبالك في جرّتك ! اللّعب راهو موش كان على راسك ! على البلاد الكل! قـــالو ...قاسم ما إبعيش و ما يشريش و إنت حاجتك بيه في الفيــــــــــنال ! ما هو رابحك في النوفي في مدرسة السّكسي ...و الله صحيح كان إنشدو بين إيدي كما إنفشّخو ...تعرف ...نشرو الماتش من الخوانجية ...عندي فكرة كبيرة ...لكن المفاهمة ما إتجي كان مع الشيخ الكبير ...توه تركب لندرة ....تشري منه الماتش ...كما شريت منو شبعة الشبعات !!!!!

الأستاذ الشابي ...هبّط الفريق الكل لتــــــــــــوزر متع ...تمرينات على شط الجريد ! وين إتحط ساقك تغطس ميترو ...هات أش إخرّجها ...الأستاذ بالنسبة ليه طرح الخربقة هذا ...هو الأخير بعدها لازمو يدخل للتقاعد السياسي ...ما إربحش الدّالة هذه تصبح على خيــــــــــــــر.....! و اللّعب هاذا لعب ناس كبار .....الخربقة متع تونس ...سمع بيها العالم الكل ...فرنسا سمعت ! أمريكا في بالها ...و الخليفة أمـــــــــــورو ما عاش تعجب ولى يشري في المتشوات ...إشكون باش إدعم فرانسا ؟ ما ثمه حتى فريق إساعدها كان فريق الخليفة و لكن فاهمين الي راهو باش يخســـــــــــــر ! أحسن دكتور في الرّياضيات بعثوه باش إعلّم الخليفة ! كدعم لوجيستيكي ثمة قاعدة صحيحة ماية في الماية ...شاشية هاذا فوق راس هـــــــــــــذا ....أمريكا هزّت إيديها حتى من مشرّف أكبر خرباق في العالم فما بالكم ببن علي...شلقو بيه ما يعرفش ...يلعب !

الأشتاذ الشابي عارف الي الخوانجية ساهلين بالنسبة للخليفة و قادر باش يشريهم ! و يتحالفو معـــــــــــــــاه في كل لحظة ...شادهم من بيضاتهم ....جماعتهم في الحبس ! إذا من زبيبة يسكرو و من غمزة يهبطو على روسهم ...و لكن ما عندوش إستراتجية باش إتجي ضــــــــــد العملية ....قاسم ما عندو شيئ و ما يتعملّش عليه ...إذا لازمو إطلع من الفريق متاعو ...أسود كان إحب يربح ...أسود من الجريد مازال ما شفتش !!!!!!!!!! الي عجبني حصـــــــان متع سيدي بوزيد ...هذاك الي قتل مولاه ...

و البقية تأتي ...
قاسم قاسم
***

الخربقــــــــه --- أو إنتخــــابات 2009 (2)

و أش خصّني كان جيت نفهم في المعادلات كما الجماعة الي يحكو على : طراوة العود في فقه الموازنات : إشنوه هذا فقه الموازنات ...هذه يا جماعة ما تطلع كان الرّيلاكساسيونMéthode de la relaxation.
إقول القائل وين قريت القراية هذه يا بوقلب ! ساهل :في الحــــــــــــــانوت ! تحت الحانوت ! المدن التونسية الكل تأسست في الدّواير متع الحوانت.... من حانوت أتولي قرية فشعبة فمدينة.
! في وقتي ...كنت نلعب مليح الخربقة مع الشيابين متع الحومة ...الحانوت هذاك، كان إمثل الجامعة ! و الكلية و المكتبة و الجريدة و السياسية و الأقتصاد و السوق و كل شيئ.

حلّش بن علي ، عبر إنقلاب شبعة نوفمبر و سمّاه شبعة الشّبعات ..بداش يخدم على روحو ..إصوّر في خبيزة ! جاء الشيخ الغـــــنوشي بحذاه و قال إنحل حانوت ! صاحب صنعتك عدوك ...المرشي صغير ...و السلعة إلكلّها هاككه و برى ...جاش الشاّبي و قال إنحل بـــــــــرّاكة ..عطوه براكة قريبة للصّبخة عشرين سنة ما جاه و لا واحد و لا باع حاجة !!!! قالش المرزوكي إنحب إنحل كــــــــــارفور إمقابل حانوت بن علي ...شعل الخليفة ...حرق حانوت الشيخ الغنوّشي ...قال شنوه؟ ...توه إخاف الطبيب و إوخر الشّابي.
قعدناش أحنا في تونس بحانوت واحد و بسلعة إمذرحة وحدة ! مظروبة الكل ! ما لا إتنجم في تونس تختار التفاح ....لا لا أبدا ...الشطر مظروب و كان عجبك ! الخليفة إبيع في السّلعة و إشطارها خامر ...ما إتوازيش ...على بعظو لازمك إتعبي ..و جلغتك ما إتحلهاش ...الطماطم كعب ما ثمه كان في المرشي نوار.

البصل حشاكم الخامر بألفين ...بالسيف تقرى الجرائد بودورو متع بن علي ...بالسّيف تشري من الطرابلسية ..و زادت المرا شدّت الكاسة..ورضينـــــا ....و الهم ما عندك فيه ما تختار ...ولينــــــــــا عايشين فوق السّطــــــوح !!!! و من بعيد لبعيد !!!!! التلفزة ولات بلا ملح ! الرّديون ماصت ! حتى من جرايد الحمـــــــاصة ما عاد فيهم حتى طعمة ! شعب التونسي ولى إعيش فوق الســـــــّطوح ...و يطبخ بلا ملح !!!!الشيخ راشد الغنوشي، بعد الحريقة فلس و ما فلسش ...الحانوت إمسكّر توه عندو قداش ! والسلعة موجودة و في كل بــــــــرّ ...إتقول ملح ! ما هي رخيصة و قديمة و ما يلزمهاش برشة إمخيض ! قول الحليب ما هناش ...!!!عندو مدّة ...و الزّبدة كيفاش باش تطلــــــــــع ! يستحيل !!! شعب قعد بلا زبدة ما ثماش إشكون يمخــــض ....فالحين كان في النساء !

مشكلة كبيرة ألي يفهمهـــــــــــــــا راسو يوجعو ...المصيبة الخربقة ما ثماش وين باش تتلعب كان قدّام ها الحانوت المشوم ...و اش يعمل الشعب الي إرضع الخربقة في الحليب ...إنحلو حانوت أخر ؟ لا يحرقوه ! و إلا إشعلو فيه النــــــــــّار و عينك ما رات العمى !!! برويطة ما إتحلّش المشكلة ؟ برشة براويط ..إسطول ؟ موش فكرة ! حاجة متحرّكة ما إتلعبش الخربقة !! ...لازمنا حـــــــــانوت و بالمادّة متاعــــو و كان إلزم بالظليلة !!!!...نقعدو نستنو وقتاش الكارفور متع الطبيب يتبنـــــى !!! و إلا نمشو للصّبخة عند الشّابي و صدّام... ياكلنا الملح !!! ما عرفنا أش نعملو يا جماعة ! الشيخ طايــــّارة في التكنبين و ما يتلعبش معاه الخربقة...كانت عندو شوية سلعة .....فرّقها على برشة جماعة تنصب في الشوارع على كرادين البوليس ديمه في جرّتهــــم و كان الواحد شري منهم حاجة يمشي زيزي ....ما زال الواحد إعمل عليهم في حاجة و رد بالك يا ولد لا إتشد في هاكه المشد و لا تشري و لا إتبيع معاهم ...ما عاش تعرف إشكون مع إشكون ! و كردونة مع كردونة ما إتولي حانوت ...يطوال السّفر و تنزل المطر و الكرادين الكل تتنفخ ! و السلعة إتذوب.الدكتور متع بن خداش، هذا الملاعبي الأول متع الخربقة ! إسمو لول في الليسة متع بن علي ! إمعلم كبير، في الصّربون و هافارد و ما خلى حتى جامعة ما حطيش فيها ساقيه ! و باش نعطيه الي ما إعطيتو لحتى ممثل كتبتو، و حتى للحكيم ما عطيتوش ! باش نعطيه فرصة إنو إكلّم و مباشرة الشعب التونسي في تحدي صارخ له و لكل المفكّرين !!!!

إنعم باش إنخليه إيوضح الموقف متاعو و على الهواء مباشرة على قناة جمهورية قاسم الفضائية: ماك ملاعبي ...هات أش عندك ..و باش إنفسر باللغة هذه كلامك بالضبط للشعب ا الكلّ دون زيادة و لا نقصان لأنك يا صاحبي إتخاطب في ناس قاريه في الجامعات ...و تعرف مفهوم وحدة المعرفة ...ساهل باش إتخاطب الناس الي تقرى و تكتب و لكن ما هوش ساهل باش إتخاطب شعب كامل ...الي تجبر بحكم الغصّة على أنو يشرب من بير واحد و يشري من حانوت واحد طول عمرو !!!! في الشأن هـــــــذا شاورت المستشار القانوني متاعي و قتلو فسّرلي أش إقول دّكتور بن خداش ...بالك أنا ما نفهمش؟ ...و حكينا ...و قالي عاود أقرى ...و قريت ..و سامحني ما إفهمتش ....و الي باش نكتبو هاك هو ...موش هـــو هاكه ..كما إتقول الوالدة ....سيدي حظّر روحـــــــــــك الليلة الجاية رادك باش تتعدى ديريكت على التّلفزة !!! و باش إقدمك للجمهور متاعك قاسم صاحب القناة ...على أنك بطل من ابطال لعبة الخربقة السياسية ...و باش تربح البطولة بتفشيـــــــــخ قاسم ...أنا نمتنى إنك تنجح في إقناع الشعب بكامله ...و ثمة دكتور في الستاتستيك باش يعطينـــــــــا قداش شاهدك من مواطن ...و قداش باش إصّوتو عليك !!! و قداش من إس أم إس باش إتجي ...باش نعرفو الشعبية متع الشيوخ وين وصلت ...و نعرفو الأمتداد متع خطابكم ألي أين كيف كيف باش نعرفو أي حـــــــــوانت باش يقبل السلعة متاعكم الي هابطة من السماء .حظر روحك ...و أعمل كاس تاي ...و هاني نستى فيك ...في التلفزة .

خربق و قاوم

كيفاش تتلعب الخربقة ؟ حكمة كبيرة فيها ! يا سيدي و خاصة أهل الجنوب يلعبو الخربقة يوميا ! و خاصة ما بين صلاة الظّهر و صلاة العصر ! الشيابين يتجمعو حول الحانوت ! وعلى التــــــــــراب في الشمس يرسمو الخربقة في شكل مرّبع كبير يحتوي على 49 بيت. 7على 7 ! ديمة في نفس الغناية شبعة على شبعة ... بالعربي الخربقة تساوي لعبة شبعة نوفمبر مضاعف ثنين ...الحكاية موش صعيبة ! هذا يعني إذا يلتقى الخصمين و أمام الجميع على أن يهزم أحدعم الأخر بالأستلاء على جـــــل كلابه ! ما الكلاب إذا ؟ الكلاب على رقعة الخربقة ، قد تكون حجيرات لأحد اللّعبين و فولات للأخر ...في عملية تحريك الكلاب و عند الكرّ و الفر قد يقبض على أحد منهم ! فأن كانت حجيرة بين فولتين ..نقول قد ماتت الحجيرة و العكس بالعكس! هذه إذا لعبة الخربقة التونسية. ثــــــــمّاش ما أسهل من الخربقة في تونس ؟ يستحيل تلقو لعبة أحسن منها !

سي مصطفى : ( دكتور في التاريخ التونسي القديم و الجديد ) ترى كيفاش سمع و إلا ناداه الشيخ الدّكتور متع بن خداش: الملاعبي الكبير ! و قالو على حكاية قاسم و الخربقة السياسية ...يعيّن! إذا في نفس النهار صـــــطوفه مستشار أول لدى الدكتور! و يكلّف بمهمة ! جمع الكلاب ! تربيتهم ! ترويضهم و علفتهم في نفس الوقت...لازمو أربع و عشرين واحد ...الفريق الي باش يلعب بيه ...في عوض الفولات و إلا الحميـــــصات متع الرّقعة .
• إشنيه الحكاية متع قاسم و الخربقة الي حصّلنا فيها ...إسمعت في التلفزة الي الحكاية بالجديـــــــــــــات ...فسّرلي كيفاش باش نعمل يا سي صطوفة ...إشنية ها الحصلة ؟
• و الله أنا ما كانت جادة علي الحكاية متع قاسم ! و التلفزة ! و الخربقة ! الرّاجل طالبها عليـــــــــــــك ...و بالحـــــــــاق ! لازمك إتكون في المستوى و إتقابل الناس
• هاهو قالو في التلفزة الي باش يعملي إنترفيـــــــــــــــو ديريكت و على الهواء مباشرة لازمني نعرف أش باش إنجاوب ..و كيفاش ...الحكاية فيها سياسية ! و تمشيش تفلت الحكاية بين إيدينــــــــــــــا ! شوفلي حل يا سي مصطفى مع قاسم؟
• ما ثم حتى حل كان لازمنـــــــــــا نبدو إنلوجو على الكلاب الي باش نلعبو بيهم قدام الجمهور و إنت إتحظر الأستراتيجيـــــــــــا ! باش تربح ! و رد بالك قاسم راهو بــــــــــــــاندي ...يربطهالك و لازمك إتعس على راسك و كلابك
• و الله حصلة هذه ...في ها العمر ! الواحد باش إلّعبوه الخربقة السياسية ! يا خي الي إقريتو الكـــــــــــــــلّو غالط حتى شيئ ما يصلح فيه
• شوف يا دكتور القراية حاجة ...و السياسية متع تونس حاجة أخرى ..يا إتكون ذيب مع الـــــــــــذّيبة يا يا تاكل راسك ....إتنجم روحك و إلا ما إتنجمش ؟
• يا سي مصطفى ...أنا إنسان يحكم في تنظيـــــــــــــــم ...و الكلاب كيفاش باش تعمل فيهم
إشكون الي يرضى باش إتقولو إيـــــــــــــجى إخدم كلب ؟؟؟؟؟
• إشطرها كلاب ....تنظيم قالك ...اللّلية نطلع للشيخ ...و إنطلب منه الأذن باش تلعب طرح الخربقة في بالك حتى بن علي بدى إحظر في كـــــــــــلابو ! و بدى في التمرينات ....جابولو حتى ممرن من أمريكا
• كي الحكاية فيها بن علــــي ....أطلع اليوم الي لندرة ...و هذي رسالة للشيخ راشد الغنوشي ! إتقولو يبعث الفلوس ...مصروف طرح الخربقة ...و إقولو ...يجمع مجلس الشـــــــــــورى ...و يعطوني حتى عشرة كلاب ..إتهبهب مليح ...الي ســـــــنّيه طايحة ما إتجيبـــــــــــــــوش ....كلاب صغار شباب ...موش جراو
•عندي كــــــــــــــــانيش ...زعمة إقد روحو مع قاسم!!
• راهو من قابـــــــــس ....ياكلو حتى قبل ما يهبط للستــــــــــاد ...يا صطوفة يرحم الوالدة شوف هوكا الكـــــــــــــلاب الي تنبح ليل و نهار ...الي لا ترقد لا إتخلي من ينــــــــــــــام ...الي إتشوف جلغتو موحشة في لنـــــــــــدرة جيبو حتى من وذنيه
• كيفاش يا دكتــــــــــــــور ....إتحبهم كلاب إنقليز و ألي شنــــــــــوه
• كلب تونسي ....قح ....من نبحتو نعرفو ....إتسّمعهم لي الكل في التلفون قبل ما إتجيبهم ....و رد بالك إتجيبلي كلب فاسد ...إدورو عليّ قبل المـــــــــــــاتش...أخطار الكلب الباهي.
• لا ترّبــــــــــــــــح قاسم ...و ها العملة ...الي عملها ....و الخربقة الي جاء بيها يعطونيـــــــــــش طريحة في لندرة يا نجــــــــــــــّار ؟ كي إنقول حاجتي بالكلاب للخربقة؟
• بــــــــــــــــرّ قتلك بـــــــــــــــــــــر ....جيب الكلاب ! ما إتجيني كان بيهم ...24 عشرين كلب و زوز روبلاسون على الأقـــــــــــل.
الشيخ في لنــــــــــــــــــدرة سمع بالي صطوفة هابط إلــّــــــــوج على الكلاب الي باش يلعب بيهم الدّكتور ...ضد قاسم ..و كان إربح ضد بن علي ...و الحكاية صحيحة مــــــــــــــــاية في الماية ....الشيخ بين الظحك و بين الماتش ما عرف أش يعمل ....وحار كيفاش باش إجاوب صطوفة المبعوث الخاص متع الدّكتور ....الرّاجل لا عندو لا كلاب لا جـــراو ...و حتى قطوس ما إدوربالشيــخ... وإشكون قادر إدور بالشيخ ! ساكن منـــــــــو للملكة ! و منو للحراسة الملكية الخاصّة .

وصل مصطفى الغاني لمدينة الضّباب لندرة ...في محطة القطار ...يلقى زوز كــــــــلاب يستنو فيه ! ما زال كي حط ســـــــــــــاقيه على الأرض ...و ينبح واحد منهم ....شعرة لا جابو على السّكة قدام الترينـــــــــــــــو .....شنوه خلعة ....عظم صحيح ما عاش فيه ! كان ما جابش ربي الدّكتور عطيه ...إمحرمة حمره مسح بيها على وجـــــــــهو ..راهو داخ ....دوخة متع ثمه ثم.... تعدى للقهوة ...شرب كاس ماء ...ظرب على جيبو باش إتــــــلفن للشيخ ...و إقولو تعالو هزوني راني ظايع فيها قع !
خاف ...و قال فك ...فكّني من قاسم و من الخربقة و من الشيخ ! و من الدّكتـــــــــــــــور ...شد راسو بين إيديه ...و إنزل عليه بكــــــــــــــــــاء !!! يبكي بالعبرة. الحكاية هذه ذكّرتني بأول هبطة متاعي للعاصمة ! وقتها لازمك تاخو الكار و من الكار تاخو التّرينو و من التّرينو تاخو تاكسي ...هبط في المنازه و ضعت و ما لقيت حد و ما عرفتش شيئ ! الحكاية فجر ! فقت كان بين ساقين كلب سوري شعرة لا قتلني !!! عن بو هاكي العملة ! العاصمة إنضيع فيها و نيويورك لا ! و زينب إمي عطيتني دلاّعة أرزن مني !!! و شكارة لوز أخضر ! عملة هذيك عمري ما ننساها ...و الكلاب و لا حبيتها نهار في حياتي حتى كانيش إنخاف منو!

إذا ..وصلنا سي مصطفى الغاني في محطة القطار في لندرة ...يبكي بالعبرة كي الصّبية ...رجعلو شاهد عــــقلو ..و فهم الي قاسم حطو بين المطرقة و السندان، بين الشيخ و بن علي و في الغربة و في قلب لندرة وين تنشط أولاد أش إقول فمي من العالم الكــــلّ ! القدّام باش ياكل العصى ...إلتالي كيف كيف ! فاق ...مسح على خــدّو ..وقال نمشي للشيخ و نحكيلو الحكاية ...راهو في بالو !!! إطّمن في روحو ...!!!! و لكن ساقيه ثقـــــلو !!! خاف !!!! زاد قعد على الكرسي الأول الي قابلو ...هنا إتوحــــش البلاد ..! و شعر بروحو غريب على العالم أجمع ! ياكل في أصباعــــو ماكلة ؟ أش باش يعمل وقت الي خيطــوهالو. ماك إتحب المسؤوليـــات ! و إتحب المفاوضات ! هاهي الخربقة ...و هات كلابك. ثمه تحبس سي مصطفى ...حتى ليل قاسم إتجيه الفكرة باش يالقالك حل و تعرف كيف تحكي في التخربيق الكبير ...على الحبلين مازلت ما تعرفش تمشي، و لكن باش نعطيك فرصة و إنمشيك حتى على المــــــــــاء ! إتشق البحر الأحمر ! و كان ألزم نعطيك عصاة موســـــــــى ! ما إنسيبك كان فارس و صنديد ...البكاء لا يا بطل!
الشيخ الدكتور متع الصّربون ! إنشغل ! لا تلفون و لا مايل من عند المبعوث الخاص متاعـــــــو الفريق مازال ما إحــــظرش و موعد التدريبات فات ....والجماعة نـــــــــــــازلين عليه ...بالطبع جماعة المصالحة بكل أطيافها ......و إطوالت الأجتماعات متاعهم باش يلقو حل ...و يخرجو برّخصة من الشيخ باش إشاركو في بطولة الخربقة السياسة !!!!! الهدف متاعهم موش الرّبح متع البطولة ...أما الحــــظرو فقط.... باش ثمّاش ما واحد منهم إدبر كليمة مع بن علي و يجبدلو على الموضوع .... ! و يعفــــــــو الخليفة على الخلائق الغانية الكلّ .

الشيخ الدّكتور متع بن قلاداش ! ما عندو حتى برنامج متع ربح و ما إفكّرش حتى إنـــــــــــو إحل حانوت ! الخربقة بالنسبة له ...مفتاح متع حوار جاد ....و حكاية البطولة و قاسم هاذوم كان درجة من درجات المصالحة !!!! و لكن الكلاب باش يلعب لازمينــــــــــــــــــــو ...و بلا بهيم ما ثمه حتى شيئ و ما إصير حتى شيئ . ماشي في بالو قاسم درجة من الدّرجات ! لازم يتعدى بيها ! و كان إلزم حتى إيجيب كلاب من ألمانيا و إلا من سويسرا ...و عارف ألي قاسم إخاف من الكلاب و حتى من كانيش يرعش...التّشكيلة في مخو كل دقيقة تـــــتبدل ! و فكّر إيجــيب كلاب من إستراليا ...هوكم ألي ياكلو العبد واقف ! أحر منهم ما ثماش! ياكلو حتى الكلاب الأخرى الكل و من أي فصيل.
أوخر و إقدّم و إعين ثلاثة مستشارين جدد ...هاهو الأسامي متاعهم باش إكونو واضحين و الخوف كان من ربــــــــــــــي !

الدكتور الطّرالولي - واحد ! الدكتور شيخات – ثنين و ثلاثة الصحافي الكسيبي متع من غادي لغادي. : هاذوم جماعة المربعات البيــــــض متع فلسفة الشيخ الدكتور! ...باش نعرّضو لكل شخصية ...من بعد
!- ثمة حاجة إتعدات على الدكتور الشيخ! إنو طفى الدّكتور الحامدي ..صاحب فكرة المصالحة و الراجل عندو سنين غاطس في المرّبع الأبيض لعنقـــــو ...علاش طفـــــــــاه جملة و تفصيلا و حتى باش يحظر بشكل صحافي أو محلل سياسي في الأجتماعات متاعهم / الشيئ هذا ما ثماش منو !!!!! ما هي مصالحة ما ثمه حتى فرق في المبدأ و لكن التنكبين كان صاحب الموقف الأخير .

النهضة متع اليوم ...إتشقت على زوز ...كان موش على ثلاثة ...و الملاعبية ما ثماش ...عندو جمعة سي مصطفي إلـــــــــــــوّج على ملاعبيه كبار و قادر يدخل بيهم في البطولة متع الخربقة ( لاحظ كيفاش إتبدلت اللّوغة و الفرق بين نظرة المخرج و نظرة الممثـــــــــــــل ) ...توه ما عاش نحكو على كلاب الخربقة ....نحكو على جـــــــــوويرات متع ثمه ثم.

الدكتور..هبط على الواد يلعب في اليـــــــــــوقا باش إيزيد الكونسونتراسيون متاعـــــــــــــو !!!! في شورط رياضي ...يجري و يتمرّن على الرّكض و على الفرّ و الكــــــــــرّ. لازمو يكتسب الثيقة في روحو و في أقرب وقت ممكن !!!! الليلة عندو إجتماع كبير مع المستشارين ...إجتماع متع إستراتجيا ....إستراتيجية الخربقة السياسية !!!!!!! تحت ظلام اللّيل ...الأساتدة دخلو لدار الدّكتور باش إحظرو الخطة .

*****
قاسم قاسم

الخربقــــــــه --- أو إنتخــــابات 2009 (1)

التحوير الدستوري الأخير ! بن علي حاب إقول بالعربي : أنا و بعدي الطوفان ! ألي فهم فهم و إلا ما فهمش ، هاني باش إنوضحـــلو بلوغتــــــــــــــو ! أسهلشي يا جماعة من لعبة الــخربقة !!!! الناس الكل تفهمها ...كان ألي راسو من الحشيش ما إهزّوش.
• قاعة العمليــــــــــات - وزارة الداّخلية
.! الصّبابة في تونس كي البطاطة، ثمه ناس ألصّبة عملتها خدمة، حتى بعيد على كل شي ما يستراح و يرتاح كان ما إصب ! ساعات أصب بنفسو ! إقول: وين مشى مثلا ! مع شكون قعد ! علاش حكى........ ! يغلطشي واحد من الصبابة و إقول في التلفــــــــــون : ثمة طرح خربقة كبير باش إصير ...المكالمة تلتقطها المخابرات التونسية ...و في أسرع من البرق كل شيئ يوصل ....المعــّـــــــلّم. الراجل كان يعقل ! و قال هذه 2009 ما هيش باش إتصير !!!! هز التلفون :
• أش ثمة ؟ إشبيكم ؟
• ثمة طرح خربقة في البـــــــــــلاد و ما ناش عارفين بين إشكون و إشكون و على راس إشكون باش يتعلب ! ؟
• ما هم باش يلعبو على راســــــــــــــــي !!!! طّـــلّعو إشكون باش يلعب في الحال !!!!! خربقة في البــــــــــــــلاد ...عجبكشي توه ؟
• عادي.... .التوانسة يلعبو في الخربقة حتى على الأنترنات توه...موش لازم باش نعملو الهرج ...توه. ...و ماك تعرف كيفاش ...أمورنا ما هيش حاجة ...و المعارضة راهي إتقوات علينا ياسر ...و مدير البرابكندا معاش إمنجم روحـــــــــــو
!• شوف كيفاش ...الطرح ...راهو طرح فريش ...و اللعبة على راسي !!! إطلّع إشكون باش يلعب ...و البلاصة ويــــــــــن ! بلاد كاملة ...إتسركلها و كان إلزم ، إتهبط الفرق الكــــــــــــــــل !!!
• حاضر سيدي الرئيس ...و الأمر أمرك ...ولاد الحرام ....إطلعهم ...كان حتى باش يلعبو على القمــــــــــــــر!بلاد كانت تسهر ...عاملة جو كبير ...العاصمة حافلة ...القهاوي الكل حالّة و الجماعة إتبلط ...و الشيش إتولعج ...و الناس ما على بلهاش بالحكاية ...و هبطت جحافل البوليس . إلّوجو يلقاوش خربقة على طاولة من الطــــــــــّواول !!!!ا
• ثمه جماعة تلعب في الخربقة عندك؟
• إشكون مازال يلعب في الخربقة في غانا ...؟ إشبيك قديم ؟
• مخابرات إتكلّم فيك !!!! عندك خربقة في القهوة !!! باش نحجزها ..
• يا رسول الله ...كلام هـــــــــذا ...الخربقة ما إسمعتش بيها ...و ما نعرفهاش!!
• باهي ســــــــــكّر القهوة ....طرّد الكليـــــــيونات الكلّ و حالا !!!
إسكّرت القهوة لولي ...و الخبر سرح كي النار في التّبـــــــــن ! و الناس عرفت الي ثمة في تونس ناس أخرى تعرف تلعب الخربقة ...و ها اللّعبة هذه أصبحت ممنوعـــــة على طراب الجمهورية التونسية الكل ...كل واحد إيزيد كلمة و إلا ثنين ....من الخربقة ولات ...جماعة إرهابية إتحــــــب إتخربق البــــــــــــــــــــلاد ....شد يا حمد ...الجيش هبط للشوارع ...القزرنات تملات في لحظة ....ماهو شعب عندنـــــــــــا ولي كي الدجاج !!!! إتشوفو الرّاجل ما غير ما إوقفــــــــــــــوه ! يمشي للقزرنة و يدخل وحدو وحدو ...و يلبس حتى الكسوة !متع التوّقيف ...ولاتشي الحجامة الكـــــــــــل تخدم متطوعة عند الجيش ...و متّهم و إلا مش متهّم ...ينزلو عليه ...قرعـــــــــــــــة ...خديمة في تونس ...و ثمة جماعة ولات تتعلّم في الحجامة في روس الشعب الكــــــــــــــل...بلاد أكثر من السيرك .
وزير الدفاع متع تونس
يقرى في ورقة ....طرح خربقة ؟ ســــــــــري للغاية ...إشكون باش يلعب ...و علــــــــــى راس إشكون ....خبـــــــــــّر حالا !!!!
قعد حاير ..ما فهم شيئ ! دبابات مصدية الكــــــــــــــل ! و تخريج الجيش يتكلّف بهاكي الحسبة و ما عندوش الميزانية ....وزير الدفاع ..فاهم الي قرطاج ولات خايفة حتى من طرح خربقة ...طالبو.... واحد على واحد أخر ...مغلوب على امــــــــــــــرو ! لازم إطلّع إشكون باش يلعب و ضد إشكون ...و على راس إشكون ؟
• راهم باش يلعبـــــــــــــبو في بقلاداش ؟
• بنقلاداش....الطّرح في بنقلاداش ! أش ثمـــــــه عليهم ؟ طيارة عسكرية تخرج لبقلاداش و حـــــــــــــــلا ...هاني باش إنكّلم رئيس بنقلاداش ...إشد التوانسة الكل...الي عنـــــــــــــــدو ....عارفهم مع طـــــــــــــالبان هاذوكم
• سيدي الرئيس ...ما ثماش جالية تونسية في بنقـــــــــــلاداش !!!!
• تبعث طيــــــــــــــــارة ..عسكرية ...ثمه و إلا ما ثمـــــــــــاش!!!!
• مخاصير زايدة سيدي الـــــــــــــــــرّئيس
• نفذّ الأوامر ....ما إهماكش ...زوز طيـــــــــــــــارات ...المخابرات العسكرية إلكل تمشي ...إتجيبوهم ....الكل!!وزيــــــــــر الدفاع ...إجهز طيارتين ...أخر طراز ...و أحسن رجال متع المخابرات العسكرية يبعثـــــــــهم في مهمة لبنقلاداش !!!! شطر الميزانية متع وزارة الدفاع طارت في الهـــــــــــــــــواء ....رجع وزير الدفاع من المطار العسكري هو و صاحبـــــــــــــو في الكرهبة
• شنوه جدت عليك ...طرح خربقة في بنقلاداش ؟
• علاش لا ؟...معارضة قوية
• و كان يطلع الطرح خربقة متــــــــــاعك في بن خداش متع ولاية مدنيــــــــــــن ...؟؟
• وين إتجي بن خنداش
• ولاية مدنين !!!!! و يتفلق وزير الدفاع بالظحـــــــــــــك
• عملوها الجماعة ....رجّع الطيارات
• خلــــــــــــــــي يمشو ...تطلعشي بن خداش في بنقلاداش ؟
*خربقة ! إشنوه خربقة في تونس ! منذ قديم الزّمان ! و إحنا في نفس البعبوكة بنفس النــــــــاس! بنفس الوجوه ! فدّينا ! ذ رحنا من مسلسل الخربقة! الناس الكل غالطة و ما فيها باس كان الكـــــــــلاب تتبدّل الجيويرات متع الخربفة إســــــــّموها كلاب....
وزير الدفاع ! ما فهم اش يعمل ؟ رّوح رقـــــد ! و قال غدوة إحلّها ربي ! البـــلاد راقدة على خربقة ...االشّعب التونسي و بالحروف الكبيرة و على كل المحطّات كتبت : مــــمــــنوع التخربيق ! الوزير الأول سمع بالحكاية ...قال أش نعمل أنـــــــــا ؟ إنخربق و إلا نحكم ...الوزير الول ما فهم شيئ من الخربقة ..الجديدة و إلي لازمو إنحي البلاياك ...خايف لا الجماعة يعطوه الحــــــس ..... ... كان باش إخليهم ..العالم يفهم الي الحكومة قاعدة إتخربق في البلاد ! بين نـــــــــــــارين ...نادى وزير الدّفاع • أشنيه الحكاية متع الخربقة
• خلي عـــــــــــزاها سكات ...و الله ما إرقدها
• كيفاش ...شنوه الي صار ...ما في بالي بحتى شيئ
• المعلّم ...قال بالي ثمـــه جماعة باش يلعبو طرح خربقة على راسو !!!! و أنا بعثت الطيارات
لبنقــــــــــلاداش ..باش إتجيب الجماعة ! و الحكاية طلعت في بن خداش ...ما عاش عارف أش نعمل
· فديــــــــــت من ها الخربقة
• نحّي البلايك ...إشنوه قاعد إنخربق
• أمنعها بمنشــــــــــــور سيدي الوزير الأول
منشور الخربقة 108
...الـوزير الأول...وقت الي جاء قدامـــــــــو : منشور الخربقة بعد ما رقناتو السّكريرترة ...شد راســــــــــــــــو ...و يتفلق بالضحك ...إشّد المنشـــــور و إشركو !!!! إنحي الفيسته ...و يخرج من البيرو !!!! و بدى يتكّلم وحدو : عقاب عمري وليت وزير خربقة ...إنخرّج ...منشور الخربقة .ثمة إشكون في المعارضة سمع بالحكاية ...و نص مطّول يخرج على أكبر سيت معارض ! ...يكتب بالفرنسوية ..يحكي على طرح الخربقة ...و إكمــــــــل النص بجملة ...فيها : الطرح هذا براسو ...كان موش إنقـــــــــــلاب متع ثمه ثمــه !!!! و دخل النص في الشبكة و بدات المحطـــــات الأذاعية و التلفزية تنشر في الخبر ...يا طرح خربقة ...يا إنقلاب ....وزارة الدفاع الأمريكية ..تعمل لجنة متابعة ...ولاتشي لعبة الخربقة من أكبر اللّعب الأليكترونية في العالم ..و حتى الشطرنج ما عاد عندو حتى قيمة ....ولات تدّرس في الجامعات العالمية و خاصة العسكرية منها ! إلكلّها إسراتيجــــــــــــــــا ....كنّـــــــــا في بلاد ! إتصدر في الشباب لأروبا و كل يوم ماية إموتو في البحر ...ولينا بـــــــــــــلاد إتصدر في التحاليل الأستراتجية و كيفية القيام بإنقلابات الخربقية ......المعارضات العالمية ألكلّها إتصب في تونس ...تتعلّم في الخربقة ...باش يعملو إنقلابات في بلدانهم ....العالم ألكل إحب البـــــــــوفوار ...الفلوس و البوفوار ..هذي قّصة العالم في الحقيقة ! إلا في تونس ! الناس لا عاد عينتها في شيئ ...كان الضّحك ...و كان دزّان الحنك ...فدّت من البوفوار ...في تونس : أضحك و قاوم ! أرسم و قاوم ! دّون و قـــــــــوام ! خربق و قاوم !!!يسمع بن علــــي بالحكاية !!!!و إقول ..... كيفاش ما إيجوش إشاورني أنا في فلسفة الأنقــــــــلابات !!! أنا أكبر خربـــــــــــــاق في العالم ! و انا ألي صنعت الخربقة الأليكتورنية ! و قال زادة : إنحل جامعة كـــــــــــــاملة إندّرس فيها .....بن علي حاب أولي المستشار العالمي في الحكاية .... كان موش وزير الدفاع ..قالو :
• سيب عليك ...كان إتجيك الناس هوني ...إتولي تعترف برشة حاجات ! و صاحب صنعتك عدوك ! خلي عزاها سكـــــــــات ! و ما شاف حد ما رى حد .....سيّب علينا ...أقعد في الظـــــل !!! راهو إترسيلك في حل و أربط مع الصّحافة العالمية ....الناس جايه هوني تتــــــــــــــعلّم في الخربقة ...أش دخّلنـــــــــــــا أحنا • لا لا لا ...دخّلنا ...راسي في الحكاية ....راهم باش يلعبو على راســــــــــــــــي ....إنت المهمة متاعك : إطلع إشكون .....اش عملت مع بنقلاداش ؟
• مازال ما جوش الطيارات ...و التقارير مازال ما وصلتش !!!!راهي بعيدة ياسر بنقلاداش !!!! وزير الدفاع ا ما حبش إقول على حكاية بن خـــــــــــــداش !!!! إباصي الرّاجل !!!! خرج من القصر ما هوش فاعم أش باش يعمل !!!!! المعارضة عندها الحــــــــــل ! كأيها المعارضات في العالم …قادرة باش إتصب ببعضها و في أي لحظة !!! و قابلة للصّبة قبل حتى المصالحة ....بدون مشّقة. واحد من المعارضة إهز التلفون و يعمل تـــــــــــــــــــل للجماعة في باريس ... إخوّنا ...جاتو الصّبة حاضرة ناظرة ...إشكون باش يلعب ضد إشكون ...و على راس إشكون و في أي مدينة.... الي طلّعها واحد من جماعة الكبار: الدّكتور متع بن خداش...أقدّم لكم الدكتــــــــــــــور النجـــــّار
الي كلّم وزير الدّفاع على حكاية الطرح متع الخربقة ما فسّرلـــــــــــوش حتي شيئ و الأخر كيف كيف ما طلبش أكثر ...حاجتـــــــــــــو بالأسامي و لا أكثر و لا اقـــل ! المهم إفك عليه من ها الحكاية ...و بعد الخربقة هذه ناوي حتى باش يستقيل ! ولكن جملة ظريفة ...خلاّتـــــو يتعوّج و إقول ...الطرح هذا جـــــــــاي على راس برشة جماعة موش كان بن علي .... وزير الدّفاع...خاف. تونس يحكمها الخوف ! و باش إكون الشيئ هذا هو المحدد و لسنوات عديدة ! الناس الكل خايفة من بعضها ...شعب ما عاش يتحكّم في مصيرو ....إنتهى ...الحالة هذه قادرة باش إطلّع كان الصمصارة و من كل بـــــــــــرّ ....الشعب ما عاش إهمو إشكون يسرق ، إشكون إكنبن ! إشكون إصالح مع إشكون ...إشكون يظرب في إشكون ! شعب سلبي ...و ما عندو حتى حـــــــــــل، إلا التعامل و بكل سلبية مع المستقبل متاعو ! ما إتحملش المسؤولية ...و النخبة جبدت بيه أكثر من مرّة ...زعف الشأن العام ! و قال طرح خربقة أحسن من كل شيئ ! ما هي ممنوعة ...نلعبو ...كل ما هو ممنوع في تونس أولي فيه العســـــــــل ...! إتصنعت خربقة في وسط كل دّار و كل مرا شدت رجلها إتخبط فيه ...قليل وين تلقى راجل و إربح مرتو في طرح خربقة.
العائلات إتبع في الأخبار عبر الأقمار الصناعية ...وقتاش و كيفاش و مع إشكون طرح الخربقة هــــــــذا ..باش يبدى ...التلفزات العالمية ...ظخمت الخبر ليل ولات تحكي على بطولة عالمية في الخربقة على راس الخليفة متع الولايات المتحدة في تونس .لغة كما هذه خلاّت وزير الدفاع يتصــــل بالرّئيس و إقولو بالظبط على الجماعة ....إشكون باش يلعب و وين بالضـــبط.
كي سمع الخليفة ...بـــالي الدكتور النجّــــار في الحكاية ...و بألي هو أخطر لاعب في الخربقة ...نادى الفلاسفة متع تونس الكّل و كـــــــلّفهم باش يعملو مـــــوديل للدكتور باش يعرف إش في راســـــــو .
فهم وزير الدّفاع الي الخليفـــــــــــــــة إحب يلعب !!! و خاصة كي سمع بإسم قاسم رئيس جمهورية المحيط الأطلسي ....ماهو رابحو في طـــــــــرح الـــنوفي الي فات ...الرّاجل إحب الريفونش .....توه إنشوفو ....إشكون يربح ...و كيفاش

********
قاسم قــــــــــاسم

إمي تراكي نـــــــــــــــــــــــــــاس ملاح

إشبيه ؟ إشنوه المانع باش الواحد يحلم؟ و هذا موش حلم بل في حدود المعقول. الرّاجل خدم و خدم ياسر موش شوية. و يعرف إشد الدّمان (مقود الباخرة). كان موش منو راهي دخلت بعضها من هوكا العام. شوفو البلاد ...تعمل ستة و ستين كيف...شوفو المزارع الخظراء! شوفو مداخل المدن كيفاش إتحسنت! شوفو شوراع البيئة في كل مدينة ! شوفو الورد ...شوفو البنفسج...شوفو الياسمين...البلاد و كأنها كل يوم إتحط حطة جديدة ...شوفو التاكسيات و هاكي النضافة ...كل شوفير عيندو ياسمينة ...شوفو الكياسات كي ولات في عهد التحول. شوفو الجامعات كيفاش ولات ...شوفو صالات الحجمات كيفاش ولات ...كقداش ولى عندنا منها...شوفو القنوات التلفزية قيداش عندنا...شوفو عدد الكتب الي إطبعت العام هاذا...شوفو عدد الأفلام ...شوفو المسرحيات ...شوفو السيريك الي عندنا ...أكبر سيرك في العالم ...العالم الكل يضحكم علينا ...شوفو قداش عندنا من قرودة ...من كلاب حشاكم ...من حمير ...من ...من و من .

يا أخي أعمى أنا و إلا شنوه؟ يا خي ما نفهمش و إلا شنوه؟ يا خي الناس هذه برجولية عندها الصّواب و إلا لا؟ بصراحة يا جماعة يا أحنا عمينا جملة و تفصيلا و إلا شنوه .... ها النّبارة باش يكلونا بالدّوي الفارغ...و لا راجل فيهم قادر إشد ساعة يحكي دوة معقولة ...إنما الكّلهم ما إنجمو يحكو كان على الجـــّـــو ...ثقافة الجو...يا خي شنوه الجّـــــــو هذا ....شنوه يقصدو بيه التوانسة ...ما عاش فاهم و لا كعبة منهم ....زعمة يقصدو الفراغ...يقصدو العيش على الهامش ...يقصدو ...أش يقصدو بها الكلمة الفارغة ....زعمة الكذب و النفاق...زعمة البرابكندا خرّجهم من البرابقندا تلقاهم في الشواع أطبل...با حليلي على الجّو

أشنوه المانع ؟

· أنعم إدبر عليّ..... يا بابا ...قتلك أصنع ؟
· يا قاسم ...ما إجيش منو الكلام هـــــــذا
· أنا نعرف أش يصلح بي ...الحمار حماري و أنا نعرف اش ناقصو
· نصنعلو بردعة يا سي قاسم ...تعمل ستة و ستين كيف ...بالجلد
· قلتلك ...كرتابلو ...حماري لازمو كرتابلو ...جلد ...و بالسّبتة
· يا قاسم يهديك ...وين شوفت بهيم يقرى ...كانك حمارك
· أنعم أنا عندي كلب و بهيم ...البهيم حاب كرتابلو و الكلب سروال
· لا لا لا ما إتقليش ...الكلب إحب أتلبسو سروال...لا لا لا ما إنقص حتى شيئ...يزيني من ها الدّوة ...كل شيئ عندك معوج ...و كل شيئ لازم أتفسدو....خلي الكلب أعيش كلب و خلي الحمار أعيش حمار...علاش إتعقد فيها يا سي قاسم...راهو الكلب يستانس بالسروال ...و إترسيلك في حل و أربط ...و الحمار يستانس بالقراية و أقولك أنحب نعمل دوكتورا...يا قاسم علاش أتضحك علينا في العالم ....يرحم ولديك هابني و ما عاش إتجي للحانوت متاعي ...راني باش إنباصي في جرتك....

· إنت ملاّخ و إلا لا ؟ ماك أتحب الفلوس ...أخدم خدمتك و مخك ما حجتيش بيه...أنا نعرف أش نعمل ...إنت طبق أش إنقولك و خوذ متعك على أخر فرنك.

· يا قاسم ما فهمتنيش ...كان نصنع أنا كرتابلو للبهيم متاعك ...الناس الكل يمشي في بالها ألي أنــــــــــــــــــــا إنشجع فيك و أنشجع في الحمير على الأنسانية متاعهم ...و الحانوت متاعي ما عاد يدخلو حد ...و لا واحد باش إعود يصنع كرطابلو عندي ...لأني كنت صنعت كرتابلو البهيم...و السّروال متع الكلب كيف كيف يا سي قاسم

· هاني أنشوف في الكلاب الكل لابسة سراول ...و الحمير الكل عندها كرطابلوات ...كان الكلب متاعي ما عندوش سروال!!!!!!


· أش أتحب أتقول يا سي قاسم ....البلاد ما هيش عجباتك ...و الناس هاذي الي تمشي و إتجي ...أتشوف فيها حمير ...و كلاب ؟

· أنا قلت الي الشارع فيه الحمير و فيه الكلاب ...و برشة منه و البقية الباقية إمعيــــــــــــــــز ....أشنوه ما إفهمتش ؟ يجعلك لا باش أفهمت !!!!!
· برى ...برى ....برى ...أه يا قاسم ....ما أغرق صدرك ....و الماء عندك عرفتو وين أصب .....و الله ما يراه !!!!! أما كرتابلو ...للحمار ..الليلة أتكون حاضرة ....و على قياسو....أسمع نعملو بيه دورة ...في السوق ....ما هو باش أصارع الثـــــــــــور .....الجديد
· كريدا .....كرّيدا ....أش قولك كان أنضموها ...كرّيدا تونسية ...حمار ضد ثور....و كلب ينبح في الستاد
· يا قسومة يا غالي .......يا بابا ....أنا معاك ...و الخبر الليلة أكون في البلاد و الجماعة متع الفلوس ...الي باش أحطو الفلوس على البهيم ...أنا نلقاهم ...شوفت با بابا ....أنا فرنك ما أنحطوش على الحمار ....
· هاهي ثم ناس حطين عليــــــه الملاين ...!!! أنعم ...يطلعش من فصيلة الخيول الأصيلة يا مــــــــــــــلاّخ؟

· سامحني يا سي قاسم ...ملاّخ و نص ...و شيات يا سي قاسم ...أما راجل ..أتعمل كان على الرّجال ...إسمع ...الناس عمرها ما إتحط عليه فلوس و لكن طامعين ...في الطّبرطيع متاعو ...إفهمتني و إلا لا ؟ أنوضحلك ...ما هو الحمار في الكّريدا يلعب و إجيابو إمعبية بالفلوس ...وقت الي يقربو الثور إخاف و يبدى إهز و ينفض ...الفلوس تبدى تطيار منــــو ...و الجماعة أتلّقط في الدّولارات الطايحة على القاعة ...زيد الكلب موجود في الحلبة ...كل مرّة يدغر واحد ...الفلوس في التراب ...و كلاب الدّم تتمعش من وراء الحمار و في جرّة الكلب و في جرّة الثور ...البلاد يا سي قاسم بالضبط كما نحكيلك ...ملعب متع كرّيدا ...الناس الكل تشطح وراء الفلوس ...ما إهمش أشكون معاه العط....المهم في الطّبرطيع و الهزان و النفضان ...هذا هو الجو التونسي.

· ما لا أشكون ...لا خوف عليهم و لا هم يحزنون

· السمصارة !!! الي عندهم العـــــــــــــط الكل ! هاذوكم يا سي قاسم ما إحطو الفلوس لا على الحمار و لا على الثور ...هاذوكم إحطو على الكلب ! خارجين من الخسارة ...داخلين بالرّبح ! ....ثم صمصار كبير في البلاد
· إشكون السمصار ! تعرفو ...؟

· صالح بن صالح ولد الصالحة متع المصالحة ...ما إسمعتش به ! يا خي ؟

· فلس هذاك .....علّق السّباط ! سلامتك فيه !

· ناس ملاح ...الساعة كــــــــــــــــــــــــــان !!!!!!!!!

· إمي تراكي نـــــــــــــــــــــــــــاس ملاح ...حتى هي ...تعرف يا راجل !

قاسم