اليوم الوطني من أجل حريّة التّدويـــــــــــــــن

دوّن ...يا ولدي ...دّون بالأحمر ...ألامك

دّون أيـــــــــــامك

النــــــــّادل 6

تصوير فوقي ،


الناس في إم العرايس ، سمعت ببوشيحة جاي لقفصة !!! أم العرايس من فوق إتقول الفلّوجة متع العراق !!! خربه خذى خربة ، إقولو عليهم ديار ! ناس عايشة في ملاجئ توه ليلهم قرون !!!! صغار كبار ، حافي و لاباس صباط يجري لقفصة ! همّهم الوحيد يتبدّل قرطاج حتى ببوشيحة ...أي مترّشح ضد بن علي يربح ! الناس فدّت ! نفسية ما عاش قابلة الكذب و النفاق ! ما عاش قابلة حتى دّوه أخرى غير إنو قصر قرطاج يكريه واحد أخر.

الّرديف كيف كيف ...الناس الكل خرجت للشوارع ، هارضه بوشيحة !!! البوليس و الحرس ألي إمسركل البلاد و حاسبها مناطق عسكرية أصبح لا حول و لا قوّة لها !! الناس رافعة تصاور بوشيحة ...بالرّوح بالدّم نفديك يا بوشيحة ....

إنحب إنوّضح حاجة هامة ياسر في الصّورة هذه : جدية المواطن ، هزلية الكاتب و لا موبالات المترّشحين ، كي بن على ...كي بوشيحة ، الزوز ماهمومشي قادرين على حتى شيئ ! بلاد ماشية للفوسي ماية في الماية و لكن البقرة كي إطيح تكثر أمّاسها ! أش باش يعمل بن علي باش إغيّر التغيــــّر ؟ لا أبدا و لا نهار جات البالــــــلو حاجة من ها القبيل ..مغلوب على أمرو ..الرّأجل يندهو فيه ، أعمل هكّه ...إضرب هذا ، حط هذا في الحبس ...كمشروع عمرو ما إتوجد و كأرئيس دولة عمرو ما عبى بلاصتو ..منذ عشرين سنة بــــــــــلاد إدور بلا رئيس !!!! بلا مشروع !!!! بلا قاضي !!! بلا راس...سبب خراب هاكي البلاد ...النخبّة التونسية : بكتبها ، بشعراءها ، بشيوخها ، بمفكرينها ....

إشنوه مشكلنا في تونس ؟ مشكلنا ما ثماش دولة !!!! ما ثماش قانون!!! ما ثماش موضوع للبحث ...إنعيشو الفراغ ...السياسي و الثقافي ..و الأعلامي ...و كل الفراغات ألي إتوجدت على وجه الأرض ...حك راسك ...إتولي وزير طرطور ..حك راسك إتولي شيخ ...حك راسك إتولي مخرج ..حك راسك إتولي مدير إذاعة و تلفزة ..حك راسك إتولي رئيس مدير عام ..؛ك راسك إتولي مدير جريدة ...مس السلاّح إتولي تحكم بأحكامك ...منذ قديم الزّمان ...العدل و القضاء و الحرّية ، الكرامة و المواطنة إتوجدد في الزّناد ...الحاكم ...يدو لازمها إتكون على الزّناد...و لكن لازمو إكون إنسان مسؤول.

المطلوب اليوم من التوانسة إنهم ، إكونو مسؤولين أولا على أرواحهم قبل الأخرين ! لأن هذه الأخيرة عمرهم ما نجموها ...التونسي ما إنجّم إكون مسؤول على شعب ! في صورة ما، ما كانش مسؤول على روحــــــــــــــو ...بوشيحة مثالا....بن على حدّث و لا حرج .

إنتخابات رئاسية ، نكتب فيها و إنقزّز ، أش باش تكتب !!! علاش قادرين هاذوم الزوز ...لا برنامج و لا رؤية و لا سياسية و لا حتى معنى لـــــيها !!!! و زيد على ذلك البراجات ..بين كل قرية و قرية تلقى باراج ...براج للحرس ، براج للبوليس و بارج الجيش و براج حزب التّجوع ..

الحوض المنجمي ، منطقة عسكرية بإتم معنى الكلمة ، و زيد دايرة بيها الجبال من كل شيرة ...المدن التونسية إتعيش عزلة على بعضها ، عزلة تامة و هذاك علاش ما ينجح حتى تحّرك ميداني ، كان في قفصة و إلا في صفاقص و إلا في تونس العاصة !!! المشكل الكبيـــــر الي ماعاد حتى شيئ يربط التونسي بالتونسي !!! قبيلة كان الأتحاد العام التونسي للشغل ...ثمّه هيكل يخدم !!!! قبيلة كان ثمة دين ، كرابط إجتماعي متين ..اليوم ظربوه ..إتصّلي ...إتصوم ...لحية ..إتشد الحبس !!! زادت العزلة متع الشعب التونسي و قت ألي تضرب في الكيان متاعــــــــــــو ، ألي هو الدين الأسلامي ...

إشنوه الي مازال باش يظربوه ؟؟؟ ما عاد فيه الشعب التونسي حتى شيئ يتظرب لأنو لا وجود له على وجه الأرض ..و لكن المجموعة الي إتعيش اليوم على هاكي الأرض لا تمثل شعب ، ...حيث إن الشعوب قاومت و تقاوم ....الضلم و الأستبداد !!! غير أن شعبنا إستسلم ...للأمر الواقع ...لتوريث الحكم بالحديد و النار!

باش تترشّح لرئاسة الجمهورية ، لازمك رخصة تاخوها من مركز القرية و إلا المدينة متاعك ..شوفو ما أسهلـــــــــــــها الغناية هذه !!!! حك راسك إتولي رئيس في بلاد الشابع من نوفمبر ....في المركز متع قرطاج : تسمع ، كان إتفضّل خويأ ..مرحبا على السّلامة ...ما تعرفش إشكون داخل ...العصابة الكل تسكن في قرطاج ...البوليس الي يخدمو غاديكه الكل مختارين بالكعبة ...في مركز أخر من مراكز الجمهورية تسمع ! كان : عن بوك ...عن ولديك ..عن بو النّهار الي جابك ...بلاد ما فيها حتى أوموجانيتي!

إشكون داخل لمركز قرطاج ...صحيبّنا النادل ...إنعم بيق تراب بوي !!! حبّس الكرهبة بي أم قدام المركز ..و دخل ...عون الأستقبال ...فرحان ..يضحك ..إقولو : إنت تأمر !!!
· حاجتي برئيس المركز لو تسمح
· بالطبيعة ...إتفضل

دخل

· صباح الخير ...كيفاش إتحب إنعاونك ...أنا تحت أمرك ..و في خدمة كل المواطنين
· بارك الله فيك...و الله ما هو عندنا ..بوشيحة المرّشح لرئاسة الجمهورية ، إمقلقينو في الثنية ..هات الرّخصة ..وينها الرّخصة ..لو تعمل مزية تعطيني رخصة باش ...الأنتخابات الرّئاسية إدور في أجواء هادية ...
· تاخو ..في لحضة تحضر ...بالك إتحبش حاجة أخرى !!!
· لو تسمح ...يا إستاذ ...ما رئيس الحملة الأنتخابية ...قاسم قاسم ...!!!
· إحب رخصة ...بإسمــــــــــــــو ...
· إه أه ..زيد رخصة ...على و عسى ...إطيريش بوشيحة ...وين تعرف على الدّنيا اش فيها
· لازمه ثمه إشكون إعوّض ...السيكــــــيريتي ...

الأنقلاب متع بوشيحة حاضر باش ....و ساقيه الليلة الجاية يتهـــــــــــــــــــزو ! أما قبل ..ما نعكل الأنقلاب ..كما إرّقصو كما إنحب....إنتم على موعد مع فاطمة بوساحة.

قاسم قاسم

النــــــــــّادل 5

و صلنا ، بالي سي بوشيحة ، خرج من قابس لقفصة و زين العابدين طالعتلو كلبة بنت الكلب خذى الطيارة للقصرين ...في مدنين يلعبو في الكــــــــــاري متع الدّكتور النجّار ! أولاد إتنقّز ، شايخة على فلسفة الأنتخبات.....قبل ما واصل الفيلم ...لازمني إنذكر القراء بحاجات ...كانت في بعض الأحيان هي المحددة ، حتى في نوعية الكتابة !!!!!

المرحوم جدي : بلقاسم ، حكايتو كتبتها في جمهورية قاسم الصّغيرة و لكن ثمة حاجة ما قلتش عليها ...و هي ليلة الموت متاعو ...مات كبير ياسر و لكن على قد ما عاش ما ضيعش البوصلة ..قعد بمخــــــــو لأخر لحضة في حياتو....مات في الشتاء ، العشوة ، وقت ألي رّوحت من الليـــــــسي ، أمي زينب ، قالتلي راهو صاحبك موش حاجة ! اليوم نهار و ما طولو شــد فيّ و ما خلاّني نعمل حتى شيئ ...أنا إنجي خارجة باش نقضي حاجة ...إقولي يا زينب يا بنتي ..أقعد ما إتخلينيش وحدى ...يا زينب وقتاش قاسم باش إرّوح ....و أنا إنهدي فيه ...و إنقولو أصبر شوية ..عادك بيهم رّوحو ...هاهم قريب باش إيجــــــيو ....يا زينب راني إنحب إنشوفهم و إنسّلم عليهم قبل ما إنموت ...!!!!! دخلت للدار نجري ...صحوبة ..جدّي ...هذا طولو قرابات الزوز ميترو ...كي ياقف حتى باب ما إدخلو ...دخلت و إتحضّنتو ...و نزلو الدّمعات من عينــــــــه ...و شّدني و ضمني لصدرو ....و إقولي ...يا قاسم ...قداّش إنحب ...وينــــــــــو بوك ...توّحشتو ...قتلو أقعد ...أقعد أرتاح ...و قعد على الفرش متـــــــــــاعو ...إمتدّ ...زينب أمي جاب زوز مخادد ..و حطّتهم وراء ظهـــرو ...حتى دخل السيد الوالد ...سي قاسم ..!!! كي شاف بوه هكاكـــه ...يرعش ...برد ...طلع فوق السرير بحذاه و جبد زاورة ...و إتحضنو ...حاب إدفي بوه ...إرتاح جدي على صدر ولدو ...و نادى على زينب ..و قاللها ...جيبي يا عزيزة هاكه الصّندوق الحديد ...جدي ...ما يثاق في حد كان في زينب ! المفتاح متع الصّندوق ...ديمه معاها ....جابت هاكه الصّندوق ...أول مرّة يتحل الصندوق ...قدأمي ...إمعبى ..بالحجايج ...بالأوراق ...قالـــــها خرجي الأوراق الكل !!! خرّجت إمي كل شيئ ...ختى وصلت ...الصّرة ...ثمة صّرة كبيرة ، قاللها حلّي الصّروة ! ألي فيهــــــــــــا يا زينب ..ألكــــــــلّو ليك ...: ذهب ..لويـــــــز ...حلال عليك !!! و سامحني على عملتو معاك الكل...و قد ما نعطيك ما نخلصش .معاك ...زينب ...طلعت على السرّير و قعدت بجنبو الأيمين ...العجوز يلهث ...و يجبد في النفس بالسيف...!!! يتلفّت لولدو سي قاسم ....و إقولو ....الحجايج الكل تستحفض عليهم قد عينك ...و تعرف حدود الأراضي متاعك ...و إتسّلم نهار من نهار لقاسم ....كما إعطيتهملك ...ما إتبيع حتى شبر ...و كان إتموت بالجوع ....!!!! حاضر بابا ...و لا شبر ...

و إنت يا قاسم ....إنتك عندي حاجة ...باش نعطيهالك ...هديّة ..باش إتعز بيها على زينب و بوك و الأرض ...السلاح متاعي ...مقرونتـــــــــــــــى ...راهك من اليوم متاعك ! ! إستحفظ عليهـــــــــــــــــا ....و كان إتعدى عليك واحد ...ما تستناش باش تمشيلو لدارو و سلاحك إمعمّر بالبارود ....الظرب موش في مساحتكم ...الظرب غادي ، قادهم ......! على أرضهم ...في ديارهم كان ألزم ....

يا زينب ..شهّديلـــــــــــــــــــي ....إرتخى العجوز ...على صدر زينب ...صبعو السبابة مدودة ...و هو إشّهد ....لإسي أخر الشهادة ...سندو سي قاسم ...على طولو فوق السّرير ! و قرى عليه صورة يـــــــــــــــــــــس كاملة ....عيطلي بابا ..و قالي برى نادي جيرانا ! ....كانت أخر نظرات على أجمل وجه في حيـــــــــــــاتي ...وجه عزيزي ..و معلّمي و مثلي العلى في الصراع ...

الأرض كما خلّها جدي و لا شبر إتباع ...و بابا زاد شرى برشة و المقرونة مازالت ألي يومنا هذا إمعمّـــــــــرّه ببارودها ...و كان عصفور يتعدى الحدود دون المشيرة متع زينب و إلا بابا ...و الله لا يفلتها ..كان إتكون الرّصاصة بين عيـــــــــــــنو ...الله يرحمك و إسامحك يا صاحبي ...يا جدي يا أحسن جد في العالم.

قاسم قاسم

النـــــــــــادل -4

في الواقع الليلة ، ما كنتش باش نكتب !!! و لكن النّوم هرب و أنا إنكنبص كيفاش باش إنهزلو ساقيه ، صنعة التونسي هذه و قديمة ياسر ، التونسي يدغر من تالي ! لكن طبيعتي ماهيش عاطيتني إني نعطيه الحس !!! مصيبة كبيرة وقت الواحد إكون بين ناريين ، نار البلاد و نار القناعة ...إنكونش إنديتارميني كما التوانسة الكل ! زعمة نعملها ...مع بوشيحة ؟ و لكن ما هو جابها لرّوحــــــــــــو ...إحب الزّبدة و فلوس الزّبدة الراجل ...التوانسة إقولـــــــــــــو : ألي حل زنبيلو عبيــــــــــــــلو ! ما إحب إغوص ..إعبي الفلوس على ضهر الشعب التونسي ! ما هو مستعملها الحكاية باش إيزيد إغوص ...مالا و الله لا فلتها ...إنسيبي و إلا إنشاء الله إكون بويا خلاص.كيفها نخبة طلعت ساقطة و ما هي حابه إتحرك و لا حتى شيئ !!!! إتقول عاملين مزّية على تونس !!! إنا حاير في نخبتنا ، إتقول إدافع على الشعب !!!! و الناس مازال في السّجون ، و الناس إرزاقها ضاعت ، و البلاد إيدك و حديدك ...حاير فاش تستنــــــــى الناس هذه !!! باش يتحرّكو وقت ألي إطيح بن علي ...؟ إشكون باش إطيحو . ؟ ما هومشي عارفين بالي بن علي عملــــــــــــو منو مليون دمية ...إستنساخ ...الحقل الفزيولوجي لعمليات تخصيب الدكتاتورية ..راهو التّجمع !!! و أش فيه من بن علي ...السّرطان الكبير ألي ظرب البلاد و خلاّها حصيدة هو حزب التجّوع ...في إنتضار النخبة باش تتحرّك و تخرج للشوارع و تعرف شعار : بن على يزي فك !!! قاسم باش يعمل إنقلاب ..تجريبي على بوشيحة و إنقلاب إستراتجي على بن علي و في نفس النهــــــــــــــــــــار ....و ثمّة إنقلاب ثالث لازمني نربحو ، الأنتصار متاعي السياسي باش إكون على حساب الخوانجية ...و موش في الوقت هذا ...إنما قاعد إنخططلو للسنوات العشر القادمة ....خلوني إنصفي بن على من الأول و من بعد باش نرجع للغنوشي
...بوشيحة شد دبوزة الرّيكار و من الدّار ما خرجش !!! حال التلفزة و يتفرّج على الفلام ...فيلم بعد فيلم ...و لا في خبرو و لا في دراه بالي هو مرّشح الأنتخابات الرّئاسية ! إتقول موش هوني ..و ما هو صاحب محنـــــــــــــة ...تطلعو كلبة من الكلب في نص الليـــــــــــــــــــل ...جاء إخبط على الباب ....- فيق يا قاسم ...يزي بلا نوم
- ما هو لاباس ....إش صار عليـــــــــــــــك
- إنحب إنولي رئيس بالجديات ...و نغلب بن علي
- يزي بلا دوّة فارغة ....كانك سكرت ...إتقول إنحب إنـــــــــولي و كانك ساحي إتخاف كي النعجة
- لا لا لا لا
...- تعرف كيفاش
...- إشنوه
- لازمك إتكون ديمه سكران
....- موش مشكل ...عندي قاجو ريكــــــــــــــــار ...خليني ديمه خابط ...ما نشّجع و ما نفهم الحكاية كان تحت المخدّر
- ميزانية كاملة .......‘ش قولك كان نهبطو لصفاقص تـــــــــوه ...إرّكحو الصّفاقصية ...و نخدمومهم - كلام رجال
نص الليل خرجنا لصفاقص ...كرهبة جيش ورانــــــــــا ..نحن تحت حماية الجيش التونسي ..ثلاثة دبابز ريكار ..الكرهبة تمشي بالمزوط و بوشيحة بالرّيكار ....فطرنا في الطريق !!!! و إرتحنا !!! عمل دوزتو ...دخلنا وسط المدينة السّبعة متع الصّباح ...ديريكت للجامعة ....مازال عندي برشة حبايبات في الجامعة وين قريت ...و جمهورية قاسم فيها برشة مواطنين من صفاقص ...ما قصّروش فرحو بينــــــــــــــــا ....بوشيحة إشلّم على الناس الكل ...و إقول : أحضر في بلاصتك ..ما تنساش الأنتخابات ....إختار بوشيحة ...مستقبل تونس ...بن على راهو تاريخ ما عاش ينفع ....كنــــــــــــّا واقفين في الساحة ...حارة و كعبة ..في لحضات ...إلتحقت بينا الطلبة الكل ...و سمعت الصّحافة ...و هبط الرّاديو ...و ثمة حتى تلفزة جات إتصّور ...و بطلب من رئيس جمهورية قاسم ..بدات الطلبة : بالرّوح بالدّم نفديك يا بوشيحة ..طلع الصّياح ...و كثر العياط ....بوشيحة يخرج من الجامعة على رأس قرابات الألف طالب ...و يعمل خطاب ::::: إنحبكّم ملفوفين ...كرابطي المعدنوس ...إنعمل عليكم باش نربح بن علي و التّجمع ....أنا باش نبعثو يقضي ...يزيه ما قعد و يزيه ما حكم ...راهو ما يعرفش لا إقتصاد و لا سياسية و لا ثقافة ...إختارو بوشيحة ...و بدى العياط ! و بدى التصفيق ...و الناس : بالرّوح بالدّم نفدبك يا بوشيحة
قاعة العمليات في دار التّجمع
:- إرنب و إتعض ...شوفتو أش عمل ...هذا ألي قلتو ما إنجّم يعمل حتى شيئ ..هاهي صفاقص كاملة ولات مع بوشيحة..
- لا لا لا يا راجل ...إش يفهم هذاك ..لا صفاقص معاه و لا حتى شيئ ..
- إشنوه ...معيز و لو طــــــــــــارو ....ألراجل عامل حملة إنتخابية ...كبيرة ...الأنترنات عباها بتصاورو ...بره شوف المدونات ...شوف الجرائد!!!! الرّأجل ناوي على الخمج ...عطينها باش يلعب دور صغير على قد قدو ...الرّأجل ...ولى غاير علينــــــــــــــــــا
- راهو مازال هابط ...الراجل لقابس ....قابش ضاعت ...باش نخصرو قابس ....كان موش الجنوب الكل
- إتصّفوه ...أحس...أنا قلتلكم ...إتصّفوه
- كيفاش باش إتصفي ..المرّّشح الثاني للرئاسة
- بطلنــــــــــــــــــــــــــ ـــا
....- إنكلّمو الرّئيس ..رئيس التجّمع ....إشوف حل ...لبوشيحة
قصر الرّئاسة
....- ألو ...سيدي الرّئيس
- إنعم .......بوشيحة ولى إعض
- اش تقصد
- صفاقص و قابس ...جاو معاه ...و عامل حملة كبيرة ...و إتزّهت تصاورو في الجنوب ...بدى
بالجنوب - إشنوه ...بوشيحة رئيس ..حلواشي هذه
- إش نعملو
- هاني هابط لمدنين ......توه إنقص عليه ..قصّة عربة ..لا إدور على جربة ...إهبطو الكل لمدنينمدنين ألكلها مرّبعات سود و بيّض صنعة الدّكتور النجــــــــــار .....التجّوع هبّط الطامة و العامة للعاصمة مدنين ...الرّئيس جاي ...إشكون هبطّ : التلامذة الصّغار ! شافوشي المرّبعات ...ولاو ..يلعبو في الكاري ...و دخلت بعضها ...لا أنا في الأسود ...لا إنت في الأبيض ...زين العابدين هبط من الهيلــــــــــــكوبتر ...و جاء الخبر : قفصة الكل خرجت ...عارضة بوشيحة ...جبدت بيه جبدة من ثمه ثمه ...يا ويلو قفصة إطيـــــــــــر و إلا تقعدلو جربة و بن قردان ما فيهومشي حتى 50 ألف ساكن ! إقول توه إنطيـــــــــــــــر للقصرين ...نسبق بوشيحة ....قعدو جماعة مدنين في الشايح ....يلعبو في الخربقة متع الدكتور النجار
قاسم قاسم

خــــــطة الأنقلاب على القيادات الشرّعية

النــــــــــــــادل 3


إنقلاب شبعة نوفمبر، كما في بالك ، التخطيط متاعو ما كانش في تونس ، و الفكرة جاء جينرال إطالي !!! و لكن ما إتشوفو الكل ، فرّخ إنقلابات صغيرة ...أخرها على الصّحافين !!! أش قال و أش قتلك ، المجلس المّوسع !!! إشكون وسّعو و إشكون زاد فيه ! وزير الدّأخلية و حزب التّجوع ! الناس هذاوم من عندي أنا : الشكارة و البحر. الخطة هذه متع الأنقلاب ألي باش نعملو على بوشيحة ، تونسي بحت ، صناعة وطنيّة ماية في الماية ...و زيد الرّأجل نسيبي و إشبيه عاد كان هزيتلو ساقيه ...و قدّاش من نسيب هز ساقين نســـيبو !!!! و قدّاش من ولد علّم بوه الشطيح و الرّديح .

فيلم ما فيهش الممثلين الكبار متع جمهورية قاسم ! يبقى ناقص !!! أنا طول عمري نكتب في الأكابر متع السياسية التونسية ...لاحظت بالي وليت نكتب في البزقليــــــــــف !!! إشنوه ألي يفهمو بوشيحة باش نخصر عليه الوقت هذا الكل ؟ و إلا الكاتب طاح ؟ يستحيل باش يسقط قاسم ! إلا أرضا برصاصة في ظهره !!! و رصاصة غادرة لأني ما إنضنش جندي تونسي قادر إهز عنيه في كاتب الخطوط هذه ...أنا كلامي رصاص !!! و القلم متاعي بـــــــــــارود اخر طيراز.

باش ، إتنجم إترّكح واحد و تقضي بيه قضيتك ! لا بد إنك تزرع فيه الخوف ...لازمك إتما طراكيه ! حتى يتهد جملة ...و قتها إتنجما إتغولو كمــــــــــا ، إتحب و تقضي بيه حاجتك !!! كيفاش عملت المافيا لبن علـــــــــــــــي ...الرّئيس الحالي ...رّكبلو الرّعب من الخوانجية ..أولا !!! حتى إنو ما عاش يرقد ..من بعد ..جابولو الفرنسيس للخصخصة متع الأقتصاد ...قضات المافيا حاجتها ! كما حبّت ...إتصخصخت البلاد بإسم الطرابلسية ..وإتسجلت في دفتر خانه كما حبو ...يا معامل ! يا تليكوم ..يا بنوك ..يا نقل ...يا ليسيايات و حتى جامعات ...عندي مايل جاني من صاحبي في سوسة ! إقول فيه بالي مدير الجامعة إبــــــــّطل في الكورات متع الطلبة لأنو كرى الصالة متع التدريس باش يعملو فيها عرس ...و لا إستاذ حل فمــــــــــــــــــو ..و لا طالب ...و لا ذبانة قالت لا!!! مافيا إمنظمة جات على البلاد الكل.

مرا ...ساعات خير من ألف راجل !!! نحكي على التوانسة ...إناثي و ذكوره !!!! على فكرة الذكوره نقصو في هاكي البــــــلاد : تافهة ولات بكتبّها بمدونينهـــــــــــــــــا و أكد على ذلك بفنينيها ..بموسيقتها ..بأفلامها ...بمخرجينها ..و حتى بصحافتها الموسّعة ...و ألي ما هوش عاجبو من المدّونين و ألا المخرجين و ألا الفنانين ...فاليتقدّم و يرفع يده ...فإني له لمبارز ....الفكرة هذه جات عبر تهديد صديقي الدكتور أحمد المناعي ، قال إتهدد فيه سيدّة من النهضة ، إنقولو نائبة في مجلس الشورة ...الفكرة هذه لازم باش نكتبها حتى إنها تتأرخ للأجيال القادمة !!

· ألو ..ألو ...ألو
· ألـــــــــــو ..على السلامة ...إشكون معايا
· رئيس الجمهوريّة معاك سي كريم ....أنا قاسم ..!
· أهلا بسي قاسم ....إشنوه حولك ...
· كي الكرموس ...قول كي الطماطم ...بلايص بلايص ...
· إبشـــــــــــــــر
· قداش عندي ما إسمعتهاش ...كلمة إبشر
· إن شاء الله خيـــــــر سي كريم ...وصلوك الجماعة
· أنا جماعة
· قافلة الختروشي ...جماعة العودة ...المباركة
· ما شوفت حد يا سي قاســــــــــــم
· إوصيك بيهم خيـــــــــــــــــرا ....و ما تجبدلهومشي على الموضوع ....
· كل حد حر ....متى إستعبدّتم الناس و قد ولدتهم أمهاتهم أحرار
· باهي ...كرّيّــــــــــــم ...توه عديلي ...الأنسة هند !!!!
· لحظة يا سي قاسم إتجيــــــــــك

هند الهاروني في الكوجينة ...قاسم إحب يحكي معاك

· خطاني من قاسم ....توه إفزّع علينا العباد الكّل ...و إترسيلك مرّة أخرى في الحبس
· برى شوفيه ...على ما يبدو ..عندو قضية
· حاضر

جات هند للتلفون

· ألــــــــــــــــــــــو ....على السلاّمة
· ألو ...أهلا ..و سهلا ....إشبيك كي الهلال ...تخرج كان في راس الشّهر
· و الله عندي قضيّه ...طلبيّة صغيّره باش إتقومي باها
· كان في مقدوري ...ما ثمّة حتى مانع
· هاهو التلفون متع بوشيحة ...إنسيبي ...إطلبيه ...على النيمرو هذا ..نص الليل بالضبط ...و إتقوليلو ...: يا راجل راهو عيب عليك ..باش إترّشح روحك ضد زين العابدين بن علي ، صاحب نعمتك ...و من الأحسن إنك تنسحب ...علاش إتقلّــق في روحك
· يا قاســـــــــــــــم ....خطاني من دبايرك ...أش عملتلك
· شوف يا هند ...أنا طلبت منك حاجى صغيرة ياسر ...براس العزيز عليك ...إعمل اش قتلك
· و الله كما إنكلّمــــــــــــو بكل أرياحية ...و نعطيه نصيحة ...كون هاني !!!
· تصبح على خيــــــــــــر
· تصبح على خير

وصلنالها ...إتعمل على مــــــــــــرا و ما إتعملّشي على راجل بشنباتو !!!! إشنوه فيها هذه ، حتى شيئ ...و الخطة ساهلة و بسيطة ..في الواقع ...صعيب باش الواحد يرفض لقاسم طلب. ..إلا واحد ما يفهمش لا ياسر لا شوية ...

مرتي الجديدة ...ساهره للبرّة ..مازال ما رّوحتش ...ما قلتلكمشي ..مانا حوّلنا ...ولينا نسكنو مع نسيبي الجديد ...عطينا الطاق الفوقاني ...و هو يسكن ألّوطة ..أنا خذيت الطابق الأول باش ما نسمعش الحس ..ناس داخلة خارجه عليه ...مرّشح للرئاسة ...و دولاب كبير ...في الواقع ساكن في شعبة ...التجّوعيــــــين ، هوما ألي يكتبولو في النصّوص و هوما ألي قايمين بيه من جميع و ما ...

فاق الصّباح ...يعمل في الرّياضة ...و شاد راسو ...شوفتو إمعصّبو ...إمشيتلـــــــــــــــــــــــــــو !

· صباح الخير يا نسيبي ...يا سي الرّئيس
· صباح الخير ...و الله عندي شوية إستراس
· ما هو لاباس
· موش لابــــــــــــــــــاس
· كلّمتني مرا البارح ..مع نص الليل ...قاتلي ...سيب عليك من التّرشح ...و راك إتضيع في وقتك ...موش عارف إشكون إتكون المرا هذه
· ما قتلك شيئ أخر ...هذا إسمّوه تهديد يا نسيبي الغالي
· أه أه أه
· هذا تهديد صحيح ....إدخل للدار ما تخرج ...في لغة السايسة ...هذا إسموه راسك في الفيزار ...أدخل لا يغتالوك ...هاذوم الخوانجية ...إهددو فيك
· يزي عــــــــــــــاد ...أه أه أه أه
· إما لا ...تلعب ...راهم صعاب ...و ما يلعبوش ...لا زمك حماية توه !!!!
· تطلب من وزير الداخلية ...أعوان ...دي قارد كــــــــــــــور مسلّحين
· وصلنا للشيئ هذا يا سي قاسم ...
· إنعم
· حرّاس ...لازمك حراس ...على الأقل خمسة ...وين إنت وين هموما ..و إلا راك باش إتموت....إسمع كلّم وزير الدفاع ...أحسن من وزير الداخلية ...يعثلك الجيش ...فيهم الثيقة أحسن
· أنا إنكّلم الرّئيس حـــــــــــــالا ....الزين بإدو ...توه ....يا إما يبعثلي الجيش يحميني ، يا إما ما عاش مترّشح
· إسمع ...قولــــــــــــــــــــــــــو ...جيش سيـــــــــــفيل ...ولاد صحاح ...أطلب خمسة ! أقل منهم لا
· و الله يا قاسم ....عندك برشة تكتيـــــــــــك...علاش ما تخدمشي معاي
· نطلب برشة فلوس ....ما إتنجمش إتخلصّني
· ...توه نطلب الزين ...يا يعطيني الفلوس ...يا ما ثماش ترّشح ....إش قولك إنعينك ! رئيس الحملة الأنتخابية
· هاذا هو الي حاجتي بيــــــــــــــــــــــــــه ...يا سيدي الرّئيس !!!
· الدّار إتسكّرها ....و كلب ما عاش يدخل ...كان ما إيجو الجيش ...الي قارد كور !!!
· حاضر

قاسم قاسم