02‏/09‏/2008

جمهورية البلوقسفار (2)

*
قعدنا على الطاولة ، ولاّدة ، البرباش ، الجينيرال بوها و أمها ، جات القهوة ، و من بعد التاي و بدات الخيرات نازلة ! أه كي الناس الملاح جبدت الموضوع للسّيد الوالد !
· أنا ، راني جيتك اليوم خاطب بنت الحسب و النسّب ولاّدة لولدي البرباش ! و كل شيئ بالمكتوب ...و أن الطيبون للطيبات
· كان كتب مكتوبها ، أنا ما عندي حتى مشكلة ، ربي إوفق بيناتهم !!!
· قالت أمها ...هو البرباش فاش يخدم ، كان ما تراش مانع
· قال البرباش : نخدم في التكنلوجيا الحديثة ...الكميوترات و ما إلى ذالك !!!! توه عندي مدّة في الحكاية ...و قلت نستحسن
· و أنت أش تخدم يا سي قاسم ....قال الجينيرال ؟
· و الله نخدم ...حجّام ...إنحب الحجامة ..و المقصّ / توه عندي أكثر من 30 سنة.
· قال البرباش : ولاّدة ، فاش تخدم إنت ؟
· مهندسة ...قاعدة كي أتخرّجت ...نخدم في الواير لاس ...!!!!
إطوالت القعدة شوية ! و فرحو الناس بالبرباش ! حبّوه ! دخل قلب العائلة ! و من بعد وقف بوها و قال يا جماعة : نستأذنكم ..راهو عندي إجتماع ...و إتفضلو أقعدو على قد ما أتحبو ! و ألي باش إتقولو ولاّدة ...راهو هذاك هو ألي باش أصير ...
أوقفنا كيف كيف ...و قلت يا سيدي : أتفقنــــــــــــا و أنشاء إتمم بالخير ! إنجمو إنقولو ألي ولاّدة أصبحت في الجيب ...المهّم ما أروحوش بلاش ...ما صّورناش في الحوت ! و السمك ! إنصّورو في حاجة أخرى ...
خرج البرباش و و لآّدة للجردة هاهو أش إحكاو :
· برباش ..شنية ها العملة ألي عملتها ...مع بويا ..لاه عليك ؟
· أسمع ...أنا كيف كيف ما نعرف شيئ ...قاسم قال هكة !!!!
· كيفاش تلعبو ...و الله كان تلعبو ...باش إتحشموني مع بابا !!!! لاه عليكم ...أش لازمني إنقول
· قاسم قالك ...قول نعم ...و النقاش لا ...و نفذي الأوامر ...حرّفيا !!! أش بيني ما عجبتكشي أنا ...ماية مـــرا تتمني فيّ ...أشنوه ألي ما عجبكشي في البرباش ؟ و إلا أنت خير ...و إلا خير ...حتى أمي ما في بالهاشي ...تعرف أش معناتها ؟
· إستر يا سّتار منك و من قاسم ...قولولي كل شيئ ..باش نعرف كيفاش نصّرف مع بابا، راهو ...يقتلني كان يفهم ألي إنتم باش تلعبو ببنتو الوحيدة !!!
· البرباش ضاحكــــــــــا : أسمع علاش ما أنعرسوش بالحاق !!! راهو ما عندي شيئ !!!
خلينا ولاّدة ما فاهمة شيئ ! و خرجنــــا ، كلمة في الكرهبة ما قلهاش البرباش ، حس بصعوبة الرّحلة هذه و خطورتها في نفس الوقت ...و مازال ما هوش مصدّق ألي ألعب دور خطير و مسؤولية كبيرة إتحملّها ...بالعربي ما فهم شيئ ...نزّلتو قدّام دارهم ...و دخل على أمو بالكستيم و البابيون ...ولاّدة ما إنساتش باش تعطيه شوية قطو ...تعدّات عليه الحكاية و بكل عفوية ..حط القضّية على الطاولة في الكوجينة ...فاقت أمو ...أم البرباش مرا مثقفّة ، قارية و تفهمها على بعد ...كي شافت البرباش متكستم ..و البرفان عامل وشوشة ...و قطعة من خبزة القاطو على الطاولة ...جاء في بالها كل شيئ !!!
· وين كنت سي الشباب ؟
· قعد على الكرسي ....و شد راسو بين إيده !!!! كنت في الوتيــــل !!!!
· برباش ...وين كنت ؟ إشنوه سبتها خبزة القاطو
· مشيت نخطب
كانت العزوزة تعقل ...و إتشد خبزة القاطو و تحدفها من الشباك
· تمشي تخطب و أمك العزيزة ما إتقولهاش ...و ما إتهزهاش معاك ؟
· يا أمي أفهم
· شنوه ألي إتحبني نفهمـــــــــــــو ...تخطب من ورايا ...و أنا ألي عاملة باش نفرح بيك ....و أنا ألي نستنى في ولدي يكبر و أهزني ...يا شومي ...يا شومي ....فيق يا راجل و تعالى شوف ولدك أش عمل
فاق بو البرباش ...عين إمسكّرة و عين محلولة ...
· ما هو لاباس ؟ أش ثمة عليكم ...الصياح في ها الليل
· أم البرباش تبكي بالعبرة ( ولدك ...مشى يخطب و ما قاليش ...)
· يخطب ؟ عسكر كردونة قدامك ....ما إنشرفوكش يا طحان ..أنا و أمك ...إشكونها ألي مشيت تخطب فيها ...إتفسّخ كل شي ...و أحنا ألي نمشو نخطبو ...هيا ...أقلب وجهك
· يا بابا ..أفهم
· ما نفهمش ...حتى شيئ ما نفهم ...إنت و إشكون مشيت تخطب يا سي الشباب
· أنا و قاسم
· إشكونو قاسم ...؟ في مثابة شكون !
· في مثابة بويــــــــــــــــــا
· هذا يعني ألي إنت ما تعترفش بالي أنا بوك ...و هذه أمك ...
· فاش قام يا بابا ....أفهم توه نحكيلك الحكاية ...أفهم ....إسمع كان كلّمك واحد ! قول ألي عملو البرباش مبروك ....و فهّم أمي ...قولــــلها ...البرباش حصل في عملة ! توه إسلاّكها لا أكثر و لا أقل ...يا بابا ...ماك عارف ...عندك كان الرّجال
إرتاح بابا البرباش و قعد على الكرسي ...و ولى خايف على البرباش يمشيش زيزي ...قرب للعزوزة ...و قالها ..شوفي يا مــــــــر ا : البرباش حصل ،/ لا أكثر و لا أقل !!! و لازمنا ناقفو معاه ..عملة ..في جرّة قاسم ....
· خلط ...إتبع فيها ولدك ...و نهار من النهارات باش إباصي !!! إشكونو هذا قاسم
· ما نعرفوش ...أما يا مرا ..يرحم ولديك ...كان كلّمك حد في التلفون ! كوني لطيفة معاه و قولي ...الأي عملو البرباش هذاك هو ...متفقين !!!
مشات العزوزة لبيت البرباش ...و إتحضنت ولدها ....و الدمعة في عينيها و قالت :
· يا برباش يا عزّيز ...ـألي تعملو أنا معاك ...و ما تلقى كان أمك ...حتى ما مشيتش معاك ....
بكى البرباش في أحضان أمــــــــــــو ...كي الولد الصّغير ...و رقد ...متوسد ذراع الوالدة !

قاسم قاسم

جمهورية البلوقاسفير (1)


إتصّرو ، إنكم في مدينة سوسة ، بالضبط على بوجعفر !!! عباد ماشية ! عباد جاية ! عباد تتحّرك ! الناس إمصّيفة : إقولو الخلاعة. الكميرا ، أتعدي في الوجوه على بعضها ، ثمة الفرحان و ثمة التعيس ! و ثمة ألي ما على بالوش و أغلبيّتها ...التوانسة فالحين في لغة ما على باليش ؟ إشنوه ألي إدور في راس البرباش ألي شد بلاصة بعيدة على الناس الكّل و كأنو موش منهم !؟ و علاش ثمة ناس إتحب تستخلى بأرواحها !!! ؟ هل الناس هذه ما عندها حتى شيئ إلوّج عليه البرباش؟ و إلا العكس!!! مقابل البحر ، قاعد وحدو ! ذكّرني بالمفكّر !!!! بعيد في البحر ثمة بابور بحر ، دوب ما يتحرك في إتجاه الشاطئ!!!! ؟

· و الله قينية ...يحكي وحدو البرباش !!! و زاد طيش الصنارة ؟ يستنى في سمكة ، تحصلشي في المنداف !!!! و كمّل يحكي وحدو : حتى الحوت ولى إخدّم في راسو !!! ما عاش حاصل في ها البلاد !!! إتكّــــــى سي البرباش و خلى قصبة الصّنارة تصطاد وحدها !!!! ظهرو تسلخ بالشمس ! و دبوزة الماء فرغت ...هزّها الكورّينتي و بحرت كتونس . وراه الشط بدى يفرغ و الناس رّوحت لديارها ...و كي خذاتو عينو ...عطى للنوم حسابو ...إرتــــــــــــــاح سي كما حب ! و لكن الحوت سلامتو فيه ....ما عاش يحصل لا أكثر و لا أقل ...و ماعاش تتعدى عليه.

· إيجه و دبة دبّة يقرب من الصّنارة ، يخطفها بسرعة و لكن كي العادة لا حوتة و لا سمكة ! فارغة ! أش إقـــــــــول : الحوت الكل حرق لأطاليا و لفرانسا و ما بقى كان الوزف : الشركاو ! الحوت الصّغير ألي ما يحصلش بصنارة تـــــــــــن .

· ألبس دبشك يا برباش ...يزيك من النوم !
· خلّيني راقد ...يا سي قاسم ...تاعب راني ..تاعب
· مناش ؟ تحصد ؟
· تاعب من لا شيئ ...تاعب من ربي
· برى توه إنقيدك في فريق فاتيقي دي نصّونص ( بالسّوري)
· عندهم فريق كبير! إش كون فيه؟
· خلي عزاها سكــــــــــــــــــــات ...لمّد دبشك ...عندي لك برنامج
· خدمة و إلا كاباس ؟
· فكني يا راجل .......
· وين على بركة الله ....قاصدين ربي ...على خير ...
· موش مشكل ...
· ألبس الكوستيــــــــــــم متاعك ... في الكرهبة ...
· الكرافات ما نعرفش نعقدها
· بابيـــــــــــــــون ...موش كرافات ...تلقاها في جيب الفيسة
· كيفاش سي قاسم ...؟بالسهولة هذه ....مرا و عــــــرس ...و خطوبة ...الحكاية في السّيــــر.
· إشنوه المانع ؟ إشنوه الصّعيب ...؟ سهلّها تسهال ...صعبها تصعاب !
· ما هو لازم ...كذا و كذا
· شوفت كيفاش صعبتوها على أرواحكم ...نساء و رجال ...لأنكم ما نجمتوش تاقفو على ساقيكم كما العالم ...و باش نعمل حاجة لازم كذا و كذا ....قتلك عرس في السّتر !!!! لا أكثر و لا أقل !
· خايف لا إنباصي في جرّتك يا سي قاسم
· ألي خاف إسلم ....ما عنيتكشي ثمة ناس أخرى .....تمشي و إلا لا ؟ وي و إلا نون !!! النقاش ياسر ما إنحبوش ....إتنفذ الأوامر و إلا ...إنت راك تتعامل مع عسكري ...موش فقط مع مخرج
· بالحرام كما إنغامر ....و نمشي معاك و إنشوف
· ألي ما إغامرش ما يشربش الشنبانيا ...

وقت الكرهبة ، قدام دار العروسة ، ناس أغنياء من الهاي كلاس ..هاذوكم ألي يتكلّمو بالسوري ...! الراجل بو العروسة ...عسكري ...عقيد و إلا جينيرال ...عندو رتبة كبيرة ...حتى من الحراسة واقفة قدّام الدار! ناس بالسلاح يا بابا ...البرباش هبط و شاف الكلاشن متع العسكرية الزوز !!! إرجع للكرهبة
· السلام عليكم ...أنا قاسم و هذا ولدي البرباش ...رانا جايبن نخطبو في الصّبية ؟
· إشنوه خطبة ؟...العساس كّلم الدار ...و قال ألي ثمة خطابة في الباب
· إتفظلــــــــــــو يا جماعة ...

إنحل الباب قدام البرباش و دخل و في يدو باكو القطو ....العريس هز أكتافو و حل عينيه مليح ! و شد روحو في الصحيح ...دخلنا الصالة ....و عرضتنا قطعة 1.80 م : أقدم لكم ولاّدة ، ليس فقط أبن زيدون تخبط فيها ...كتبها في الشعر و سمع بيها العالم ...أما البرباش هبط إبربش كي الفلوس في خيوط الصباط ! نسى ما ربطوش بالباهي ...و كي شاف ولاّدة رجعلو شاهد العقل.

قاسم قاسم

Abou Nadim .qq..Explication

· المشكلة يا قاسم ان المجهود اللي تعمل فيه يبقى مجرد مجهود افتراضي ...

سيدي الكريم ، العلم ، الرّياضيات ، الفيزياء ، مبنيّة على الأفتراض : supposons تعرفها الكلمة هذه في بالي بالعربي إنقولو : لنفترض ...و من بعد يدخل التحليــــل و كان جاء غالط ، إنقولو لازمنــــا ، إنبدلــــــــــو ...لازمك شيوة إناليز و شوية سانتاز : في تحسن ملحـــوض إرى فيك يا سي أبو ناضم .

· لاحظ مثلا انك مازلت ما حزتش ثقة المدونين -اصدقائك الافتراضيين –

لا حاجة لي بأحد يا سي أبو ناضم ...بالعربي ما حاجتي بحد ...على المدّونين البحث على الحقيقة بأنفسهم ...ما نيش جاي هوني باش أستجدي التعاليق و إلا الثيقة متاع أي إنسان ...بيهم و إلا بلا بيهم ...قاسم ماشي ألي الأمام .

· خاطر نوعية مواضيعك وطريقة عرضها بدليل ان برشة ناس تدخلك وتقرالك ونا واحد منهم لكن لا واحد يصوتلك او يخليلك تعليق الا في ما ندر ...زعمة علاش ...اهنا نجو لحكاية الثقة ؟؟؟؟

كانك على التصّويت ما حاجتيش !!!! و كانك على التعاليق كيف ...كيف ..هذا لا يغير من الأمر شيئ ...تجاوزت هذه المرحلة
· التغيير يا قاسم خاصة اذا كان ينبع من خلفية سياسية كيما تقوا انت على روحك ما يكونش بالسبان وحدو حتى وان كان سبان للحاكم...

فرق بين السّبان و بين كشف الحقيقة !!!! بن على ديكتاتور : هذه سبة حسب رايك و إلا كشف حقيقة ؟ التغير تعرف كيفاش إيجي في تونس ...؟ بالحجـــــــــــــر الصّم ...و أفهم مليح أش إنقول.

· قدم برامج اعطي بديل للموجود اطرح مواضيع جادة ...هاهو الصحيح اما تقعد تحكيلي على منصف المرزوقي والا غنوشي والا عمار بالزور ....:

الدكتور منصف المرزوقي ، دكتور عندو ما إقول و موش إنت و موش أنا باش إنجم إنقولو عمّار بن زور و إلا زور بن عمـــّار ...لذا لازمك شوية بحث على الأعلام متاعك ...لم تنجب تونس عظيما بعد أبو القاسم الشابي دون الدكتور منصف المرزوكي و حتى بكل نقائصه ....الشيخ راشد الغنوشي ..إستوفى تاريخو النضالي و إنهزم ...و لكن أكاديميا لابد من إنك تقرى للشيخ راشد الغنوشي إذا أردت أن تدافع على الشعب التونسي ...حكاية البرنامج ...أسهل برنامج في العالم ....فكان الحكم من بن علي و الطرابلسية و بكل الوسائل ...كتـــبتو ما تاخو برشة وقت ...أما الطبيق ...أنا إنطبق ديريكت قبل التيــــــوري ....و هنا لازمك تفهم مرّتين

· فليس هذا هو النقد او النقاش الجاد ....

النقد و النقاش الجاد في بالك شنوه ؟ إنعاودو كلام التّسعينات ؟ و إنت بيك و إنت عليك ؟ الصحيح إنك تنظّم للمجموعة الوطنية و إتناضل من بقعتك ، تبحث على الحقيقة و تبحث على الأعلام متاعك ....

· هذا ممكن يكون تخلويض كيما قالك طارق ؟؟؟

الدكتور طارق الكحلاوي مازال صغير ! و تجربتو مازالت في بدايتها ...و باش إيزيد يغلط برشة مرّاة ..موش كان مع قاسم ..هذا ما يعنيش ألي أنا إتنرفزت ...لا أبدا شوفت سبعين سبة و أكبر من التخلويض ...لازمو شوية وقت ...

· والا مجرد سبان للسبان واللي يسب وما يناقشش راهو دليل على انو فارغ وما عندو شيء ...

كما قتلك ، كشف حقيقة نضام الشابع من نوفمبر لا يعني سبا !!! من ناحية الفراغ ...ما عندي شيئ ، هذا لا يعني لي شيئ لأني لا أفهم معنى الفراغ ...نتحي فيزيك ...إعلم يا أبو نادم : لا وجود لشخص فارغ ، لرؤية فارغة ، لأناء فارغ !!!! على الأقل فيه الهواء ....لازمك سي ناضم شيوة كليبــــــــراسيون في عدّة مفاهيم فيزيائية.

· هاكة علاش انا تسالت المرة الاخرة حول هويتك ....

قاسم ...قاسم ، إمي إسمها زينب ، مرتي إسمها زينب ، و السيد الوالد إسمو بلقاسم ...تونسي قح.

· مش من باب التنسنيس كيما فهم عمروش وتيتوف ومش من باب التندخل في شؤون العباد ....
إنت حر سي أبو ناظم ....أنا من عشاق الحرية ...و كان عشت إنت 5 دقائق من الحرّية ألي عايشها أنا لآصبحت قاسم.
· ولكن من باب التساؤل المشروع ...

عندك ألف حق باش تسأل و تتسأل ،

· اذا كانك جاد يا قاسم اطرح مواضيع جادة نناقشوها اما السبان في الحاكم ما عمرو كان معارضة:

شنية المواضيع ألي تحبني نطرحها ...التعــقّل متعاعكم ! المصالحة الطالحة ! المطالبة بحرية التعبير ! إنتضاركم إنها تزل عليكم الحرية من السماء !!!! شنوه الموضوع ؟؟؟؟ عندي موضوع واحد : Le Pouvoir كيفاش يتفكّ من بن علي و التّجوع و الطرابلسية في أن واحد ....إتنجم روحك في الحكاية هذه ..و إلا لا ؟ زاورة الديمقراطية متع بن علي هذه ما إتلعبنيش ...!!!!

· ويظهرلي هاكة علاش عمار ما سكرلكش البلوغ متاعك !!!

/ بن علي أو ما يسمى بعمّار هذا ، ما سكّرشي البلوق متع قاسم لأنــــــو عارف ألي البورتي : porté ما هيش حاجة كبيرة ! و عملّية التسكير متع برشة بلوقات راهي : ذر الرّماد في الأعين ...باش تلقو موضوع تحكو فيه لا أكثر و لا أقل ..صناعة حدث .

· خاطر كيما قلت انت الفايسبوك يخوفهم هاكة علاش سكروه ؟؟؟

الفايس بوك ...حقل خصب لتكوين أي حزب سياسي ....و أول حزب يتعمل باش ندخل فيه ...هذا باش إكون في علمك !

· معناه مدونتك انت ما تخوفهمش ؟؟؟

بالطبيعة ما إتخويفش : لأنو قاسم واضح ...وضوح الشمس ...و برنامجو معروف ...تطييــــح بن علي و بكل الوساءل !!! أفهم مليح الحكاية ....الحاكم أخاف من واحد و إلا من جماعة ما هوش عارف الماء متاعها وين أصب ...لا أكثر و لا أقل ...الماء متاعي إصب في راس بن علي و التجّوع و الطرابلسية ....هنا باش إجيك سؤال أخر : إشكون باش إيجي معاك يا قاسم ؟ هنا بالظبط مربط الفرس ؟ هنا يا سي أبو ناظم ...لازمك تقرى الهندسة متع الأستكشاف المستقبلي ...قاسم يحدد الهدف أولا ! من بعد يعرف ألي في تونس ثمة مليون من شخصية قاسم قاسم ....عليهم باش إواصلو ....الي ما وصلوش هو ....فاهم ...الشيئ أعمق مما تتصّور يا أبو ناظم

· انا ادعوك بجدية الى طرح مسائل جادة وبهدوء وقتها الناس تعرفك وتولي تناقشك وتسمعك ؟؟؟؟؟؟؟؟

إتنجمشي ...إطيح بن علي أولا؟ الطرابلسية راهم خبزة ، ناس من الحمارة للطيارة ..بالحرام لا إنفوت فيهم نهارين ....التجّوع قادر باش إنخرجو إيده على راسو من الحياة السياسية ..

قاسم قاسم

01‏/09‏/2008

جمهورية البلوقاسفار


معارض و نص

و ألي ما عجبوش يشرب ماء البحر ...توه يروى

ما نيش عارف على أنا بلوق قريت ( أنا موش معارض) و كيف كيف ، سي الناقد ، جبد على حكاية إنو المدّونين ما هوش معارضين...!!!! و موش لازم باش قاسم إدّخلهم في حكايات صعيبة شوية لأنو قاعد يستعمل في الأسامي إمتاعهم باش يكتب النصّوص و إلا الأفلام : الحكاية هذه عندها جمعة إدور في راسي ...و لازمني أنوضح بارشة حاجات باش إنكون على نفس الذبذبة أنا و روحي ... :

يا سي الناقد ! أنا قاسم موش فقط إنعارض في بن علي و الطرابلسية و التّجوع ، إنما باش إنفك الحكم منهم و بكل الوسائل ...إفهم مليح أش قلت ، أنا باش إنفك فكّان الحكم و زيد على ذلك بكل الوسائل بما فيهم المدّونين الكل ..إنعديش حياتي نكتب ، عارف باش نقنع الماية في الماية ...بالعربي ..أنا أمارس قناعاتي ، و جبهة المدونين و جبهة الفايسبوكيين ما نيش باش إنسلّم فيهم ...و لابد من توجيه كل الطاقات هذه ألي الجبهة الأم : تحرير تونس من جديد ، كلاّفنا هذا الشئ ما كلّفنــــــــــــا ! شأكتب عمّا قريب : جمهورية البلوقاسفار ، موش الحومة متعها ...هذاك مقدّمة للفيلم الكبير ألي إدور في راسي ...مازال ما ريت شيئ من قاسم !!!

أنا هوني ما نلعبش ؟ و ما نيش مستعد لا باش إناقش و لا باش إنفسّر علاش إنحب ، إنفك الحكم ...بالعربي حكمتلي ..ديكتاتور جديد ...نصنع على الأنترنات و بالأنترنات ...باش يربح ! إنحب إنقول لبرشة ناس تسمع فينا و تقرى ...عالم المدّونين هذا ، فيه الدّكاترة و فيه المهندسين و فيه الأطباء و فيه الأساتذة و فيه الطلبة و فيه القضاة ، بالعربي الزّبدة متع تونس ! و أملي فيهم كبير و كبير جدا ...لأنهم خذاو الثيقة في أرواحهم ...و هذا الشيئ ألي إلوج عليه قاسم ...ناس كاببلية و قادرة تحبك الخطط الجهنمية لأسقاط نضام بن علي !!!

أول من هــــدد بخلق حزب معارض علي الأنترنات : هو قاسم ، أرجع ألي تاريخ تونزين عام 2000 تلقى الحكاية ، في الزّمان هذاك ، قليل إشكون صّدق و قليل إشكون كان إصدّق بالي العملية قادرة باش إتكون ناجحة ....الفايسبوك إتسكّر : السبب الأصلي لأنو إخّوف بن علي و الطرابلسية و التّجوع ...الناس هذه إتخاف أنو التوانسة يتفاهمو ...إتخاف أنو التوانسة يتضامنو ! إتخاف أنو التوانسة يجتمعـــــــــــو ...يتبادلو الأفكار ...الحرية يا سي المدير ..بل الخيال إمثل العامود الفقري للخلق ....

اليوم وصلنا باش نخلقو ...إنعم لأننا إتخلّصنا من عقدة الخوف و عقدة بن علي و عقدة التّجوع و الدليل على ذلك ..موش لازم باش إنقولك عليه بل ...الأمر بين عينيك ...الشيئ ألي يتحدث عليه الدكتور منصف المرزوقي ...قاسم ألقاه و لابد من صقلـــــــــــــــو و العناية بيه حتى يكبر الشيئ ...عندها ، إنقول ...إنتصر قاسم اللذي قسم إلا أن ينتصر.

أيها المدونون ، أيها المدونات ، أنتم على موعد مع فلم جديد من أفلام العزّة و الكرامة سأعطيه إسما على مســــــــــــى : جمهورية البلوقاسفير ...سأكتشف بكم و لكم عالم الحرية و الكرامة اللذي أكتبه و تكتبونه ...هذا الشيئ الكامن داخلكم علي ّ بإمضائه و لو بدمي !!!!!!!!!!
أكون هنا جاهزا لكتابة صفحة جديدة من صراعنا ضد جمهورية الغورة و الدّسيسة ، قبعورية بن علي و عصابته

قاسم قاسم

رمضان كريم


السّلام عليكم الناس الكّل من الحاج للزايّدة و رمضانكم مبروك ( De A حتى Z )، باش ما ننسو و لا واحد. و إشاء هذا أخر رمضان و أحنا تحت رحمة بن علي و العصابة متاعو...حتى من البريكة ولات بدينار! و شربة الصّبارص ما عاد خالط عليها حد. كان الخير و كان الحوت إطير و الزّوالي ياكل و ألي ما عندوش ما يفطر كان مكّرم معزّز !!! موش راسو بين إيديه ...على طاولة التجّمع ألي كلانا و إعيونا إتشوف ...يا ناس قاطعو موائد إفطار بن علي !!! برّو للجوامع أولاد الخير مازالت موجودة و تعطي و ما إتمنش عليكم كما بن علي و النّجوع ...هذاك إحب يستعبدكم بموائدو ...إحبكم تاكلو و روسكم في التّراب. تجوع الحّرة و لا تأكل من ثدييها ...يا توانسة قاطعو الـتّجوع !!!! في كل شيئ ...لا بد من عزلو كان إتحبو الخير إولي خيرين .
Kacem kacem