Serie Titanic

*
هذه هديتي للشعب التونسي
*
لا مستقبل و لا إشراق
دون قراءة الجراح

التاكت الأول

جات معانا للمطار ...قطعة و أم عيون كبار
زينب تبكي و الّدمعة قطران
تمشي ...خطوة إلتالي و خطوة القدّام
إتوصل في إعزّيز ...صاحبنا القبطان
خايف لا يجــبـد العزّيز ...إستر يا ستّــــــــــــــــــار.
*
*
· وينك يا كورتي .....؟ ثم القبطان الجديد ...إعزّيز ....ورّيه هاك المانيال
· مرحبا ....بالشوفير متاعنا ...إتفضل ...هاهو الكتاب
· مرسي ...عام قداش الطيارة ؟
· كبيرة و فالحة ...عمرها ما عملتها ...معارضة صحيحة ....تعمل ستة و ستين كيف!!!!
· قداش طارت من ساعة ؟ ...
· عمرها الكل إطير ....و كلات روس برشة عباد ..راهي ...و قداش من شوفير بطل من الخدمة ...و قداش من ميكانكي كلى راسو ...وما نجم يعمل حتى شيئ ...المهم ...المكينة تمشي . و أنت و ذراعك يا صحوبة ...لازمك إتكون ديمة حاضر ما تعرفش المعلّم وقتاش إقولك هيّا إنطيرو.
· إحس في روحي مازال إيزيتـــــــون ؟
· إسمع ...رد بالك ...كان حطيت ساقك داخل الكوكبيت و إعطاك قاسم المفاتح ...أمسح مات كان تخرج ...كان مطرود ...و كانك خرجت من عند قاسم إمطرد ...ما عاد تخدم في حتى بلاصة ...طارق بن زياد ...عندو عام إلوّج على خدمة ...و لا واحد قبلو ...شوفت ...دليلك ...ملك
· إمشات معاك يا كورتي ...هات المفاتح ...و هات الأوراق ...شوف !!!!!معزة و طارت

مصالحة البوزيدي أو حائط مبكى المعارضة

· شوف يا مرا ....طفي على العشاء ! يا زينيــــــــــب ، قتلك طفي حتى الكانون!
· ما هو لاباس يا سي قاسم ؟ أش صار عليك !
· قتلك طفي خلي كل شيئ هكاك حتى ...إتصير المصالحة !!!!!!
· أنا مصالحة و أش دخلّها في العشاء ....يا راجل في طولك في عرضك ...موش كلام هذا
· ماهم جماعة المصالحة باش إيجيبو في إيديهم السّمن ...و أنا إنحب كسكسي بالسمنّ
· وقتاش إمشاو للمصالحة !!!!! يمشوش يلقو البحر نازح ؟ و أحنا نقعدو بلا عشاء
· إستني ...يا مرا خلي نعطو فرصة لأوهاهم ...باش من بعد ما إصير فيها حتى كلام
· علاش أمشاو ؟ و تيتلنيـــــــــــــــــــــــك مكسّرة
· على كريطة !!!!!!!!!!!!!!!!
· أش أوصلّهم يا قاسم ...........بر بعيد ياسر
· تعرف كيفاش ....خلّيني نمشي إنشوف ......في الأتجاه هذا ...ربما ضاعو في الثنية .


خطف الموتيرات يا عزّيـــــز ....!!!!...هات هاكي المكبرة ....كريطة المصالحة ضاعت في الصّحراء و لا زمنا إطلّعوها ...لابد من إنقاذ الناس من العطش ! و من الجوع ! عمل إنساني لازمنا إنقومي بيه

· (عزيّز) الطيارة ما حبيتش تخطف يا كورتي !
· إشنوه .....(قاسم) ....لازمك إنت تخطف قبل ما تخطف هـــــــــــــــــي !
· إشبيه عرفك ....إدز ياسر ( إعزيز)
· عرفك و عرفي ....راهو ....قاسم قالك لازمها إطير ...معناتها لازمها إطير !
· هاهي ما هيش حابة ....
· أبعد ....الي إعمل على الـــــذّر الصغير ...لا إطير و لا يعمل جوانح ...بأسم الله مجراها و مرساها.....إه أخ إخ إخ إه ...هاهي خطفت من التّقة الأولى
· علاش !
· لأنك ما قلتش بأسم الله مجراها و مرساها
· (إعزيـــــز) هاذي ما هيش طيارة يا كورتي .....هاذي عصبانة
· (قاسم) يعطك الصّحة يا فالح إلقيتها .......إنزل ....إجبّد ....كلمة أخرى لا !!!!! المثقفين ياسر ما إنحبهومش ....و ما إساعدونيش ....شوفتو المزّفت ...بلاسطتك غادي ....ألبـــــــــــــرى ...بيك و إلا بيك .....طير يا كورتي ...أعطاها الحـــــــــــــــــس
· تعرف يا عرفي ....ذكرتني ...بفيلم الأنقليزي الجريح ....
· البوزيدي ....ما إنجمش يلعب اللّعب هذاك ....صعيب عليه يا كورتي ....بكريطة ما عندو وين يوصل ....راهم ضاعو في السّبخـــــــــــــــة متع شط الجريد ....و إلا في الصّحراء
· ثم قداش من واحد فوق كريطة المعارضة !!!!!
· ثم ....البوزيدي ....ثم البوعيدي ....ثم البوجيدي ...و ثم يا سي البوسعيدي
· أنا مازال ما إنشوف في شي على الأرض ...لا كريطة و لا قافلة أتسير
· حتى أنا ....المكبرة فارغة و لا حاجة فيها ....الصحراء ما أكبرها يا سي كورتي
· وسع ...يا عرفي ...أش إعبيه ّّ

الطيارة إدور أدور ....و لاقينا شي ...لافي الصحراء و لا في الشط ....و لا في السّفانا ! شيئ ...خيطنها تونس من شمالها لجنوبها ...تبعنا الشط الكل .....و لا كريطة و لا كروسة

· زعمة وين غبــــــــــــــــرو يا سي كورتي
· شوف يا قاسم ثمة : معارضة المعارضة و ثم معارضة المصالحة في نفس الوقت ؟ المفاهيم هاذوم الزوز إخلو من الكريطة متع المعارضة تتخبى على العيون حتى ما إدمروهاش ! راهي الحكاية موش بسيطة ....ماية في الماية ثم ناس من المعارضة و كيف كيف ثمة ناس من جماعة الحاكم ما حاجتهومشي بالمصالحة !!!!!! لذلك يا سي قاسم الكريطة إتخبات
· زعمة ....ولاتشي غواصة في الصحراء ...ها الكريطة ....خديملي هاك الرّدار
· أه هذي فكرة ! باش تستعمل تكنولوجية الأستشعار عن بعد
· من السماء إطلّعهــــــــــــــــا يا كورتي .....لازم نلقاها !!!!!
· أتشوفش في حاجة يا عرفي ......
· ثمة نقطة واحدة .........إجبد 25 درجة شرقا ....و إيزيد أهبط شوية
· ما إنجمش نهبط يا عرفي ثـــــــــــــــمة عاصفة
· عاصفة المصالحة سميــــــــــــــــــــــــها هذي يا كورتي !!!!!! أهبط كان مشينا خلي نمشو
· هاهو باش إنحاول نهبط ب ماية وخمسين قدم مرة وحدة !!!!!!
· باهي ................شد الأرتفاع هذا ........و دور على السدرة ذهي ...ما يطلعو كان تحت السّدرة هذي.....ثم حاجة أخرى ...أنشوف فيها على الرّدار .....ترى برى أعمل طلّة على العرق هذاك .....
· حاضر عرفــــــــــــــــــــــــي .....ثم دبابة يا سي قاسم .....شوفتها

أطلع ...أطلع ..أطلع ...الدبابة أعطاتنا الحس ....و طلعت تيتانيك في السماء ...و الرصاص في جرتها ....و النار شعرة لا طيحتهـــــــــــــــــــــــا في قلب الصّحراء ....

· أنزل يا كورتي ....خلي ناخو نفس و نفهم الحكاية ....أش تعمل الدبابة متع التجمع بالقرب من الكريطة
· الدبابة متع التجمع يا قاسم .....ما تطلع كان لحماية الكريطة ....
· أش عملنا ....توه في الحكاية .....علاش ما قدّملهومش المساعدة يا سي كورتي ...الكريطة شطرها في التراب
· ثم خشلة ....في الحكاية ...يا قسومة ....الدّبابة ظاهريا لحماية الكريطة ومن الداخل لتوريطها ...هذاك علاش ما أعطوهاش الطريق لقرطاج .....الحكاية يا قسومة ...إحبو إخلو الكريطة موجودة و لكن ضايعة في الصّحراء ....أش قال و أش قتلك ...هوكا ثم مصالحة لكن ما ثماش كع إشكون نتفاهمو ....و كل مرة من الكريطة يخلقو كريطة جديدة ....شوفت يا سي قسومة الي على الدّبابة ثمـــــــــــــة بغل أخر ....هذاك قطع غيار متع كريطة المصالحة ...وقت الي يتعب البغل الأول ....الدّبابة إطيشلهم بغب جديد ...باش الكريطة تبقى داءما و أبدا موجودة و لكن ضايعة !!!!
· يرحم ولديك ....على ها التفسير الجيد !!!!! أش عملنا في الحكاية ! نظربو الدّبابة و إلا الكريطة ...صاروخ واحد إرّحلهم الزوز !!!!!!!
· لا لا سي قاسم ....ما ناش متع سلاح ....أحنا متع لوجيك ....هات أش عندك !!!!!
· شوفت اللّوجيــــــــــــــــك : د بـــــــابة ضد كريطة !!!!! و الكريطة مصنوعة من الخفاف ، يا سي كورتي ...البولوتيك ...موش كما تتصّور إنت ؟ الجماعة الكل هاذوم ذيوبة ....الي يكتبوه و إقولوه ما هوش صحيح !!!! هذاك العرض في السوق السياسي و أنما الممارسة حاجة أخرى جملة و تفصيلا .....اللّذين لا خوف عليهم و لا هم يحزنون ....هوما الجماعة الي عندهم العــــــــــــــــــــط ........الي صنع الدبابة هو المجرم ...و الي صنع الكريطة ما يعرفش يصنع !!!!! ما قراش !!! ما فهمش كيفاش يعمل ...لذلك ما يتعملّش عليه
· المهم كيفاش عملنا .....الدبابة تطلق علينا في النار ....و الكريطة غارقة ! أش نعملو ! كان نقذو الكريطة ....راهي تشكيبة جاية ماية في الماية و كان نظربو الدبابة أتولي حرب جديدة و توه يبعثو في جرّتنــــــــــــــــــــــا أف 17. الأمريكان هاهم في الصّحراء يستنو وقتاش إنادولهم ...باش يدّخلو في الحكاية ....هاك إتشوف سي قاسم .....وحلنا !!!!
· لا وحلنا لا شيئ .......هذه حسابات إستراتجية ....بالعربي إتحب أتقول ....جماعة الدّبابة...أش أش أش أش أش.........ثمة أذان ..تسمع في الأذان !!!!

الله أكبـــــــــــــــــــــــــــــــــــر .............الله أكبــــــــــــــــــــــــــــــــــــــــــــــــــــــــــــــر

جماعة المصالحة أقامو الصّلاة في قلب الصحراء، زعمة إتوظاو و إلا إتيممـــــــــــو ، الله و رسوله أعلم ،

التاكت الثانــــــــــــــــي

أي سينارويو ناجح لازمو ثلاثة تكتات ! علاش ثلاثة تاكتات ؟ وهي أقلّها! على الأقل، لأنو الأنسان إمل من نفس الخط الكتابي و نفس الأسلوب و نفس الأشخاص !!!!من تاكت لتاكت لازمك تعمل PLAN DE COUPE هنا جاء الأذان .

البغل ، راسو ما يشبه لشي ، أتقول راس حمار، لهو بغل لهو حمار، منين جابوه الجماعة ! الصّحة بصحتو ...يعمل شطر طرناطة على الأقل ! الكريطة العجل متاعها أتقول متع برويطة ، صغار ياسر ، ربما باش إتكون خفيفة على البغل / الخشب متع الكريطة جديد ....الحرج جديد ، الشكيمة متع البغل بلا ناقوس !! علاش زعمة ...باش ما يعملوش الحس !!! لكن هاهو الأنترنات قريب باش تترشق ! لا هذاك الظاهر لكن القنوات الأري ما نتعرفوهاش!

الجماعة في الصّف وارء سيدي البوزيدي ...صلاة العشاء ! الســــــــــــــــلام عليكم ...السّلام عليكم بعد التّحيات لله الزّكيات للله ....سلّم الأمام أمـــــــــــرو للله ...واحد من الجماعة قام باش إطيب العشاء ...عندهم الماعون الكل و الزّاد و الزوادة !!! قعدو الجماعة باش يتناقشو على العملة و ها المصالحة

· الأيمام ، سي البوزيدي ...قال : الثنية متع المصالحة ، مازال طويلة و طالب منكم الصّبر و التمسّك بحبل الله
· قال البوعيدي : الصّبر عندي منو شكاير يا سيدي الأمام و لكن لو لاحظت ، رانا محاصرين ! طيارة من فوق و ماك شفتها أتعدات و دبابة في جرّتنا ....زعمة يا سيدي ما نمشوش بازقة
· قال البوجيدي ...البحر أمامكم و العدّو وراءكم ....زعمه ما حصلناش يا شيخ ! الطيارة هذه ما هيش بلاش ....و الدبابة هذه ما نيش عرفها كيفاش نبتت وراءنا
· قال الشيخ ....لا بد من الأمل !!!! الطيارة ما شفتناش ! و ماهيش طيارة حربية و الدبابة بعيدة علينا برشة ....أش جابنا و جابها ....أحنا ماشيين في طريقنا و هي في طريقها ....طريقنا طريق المصالحة الوطنية ما إكون كان مسّقم من ربـــــــــــــــي ، المهم في الصّبر و الثبات !!!! الحمد لله الذي هدانا لهاذ و ما كنا لنهتدي لولا أن هدانا الله ! من أجل الوطن و أمن أجل المساجين ...لازمنا نقطعو الصّحرة الكل ...كان لزم ....طيارة العدو ، ما تعمل شئ ...فاسدة طيارة قاسم كما طيارة ياسر عرفات ...توه إطيح بيه في بعد السّبخ ! و كانك على الدبابة في بالي بيهـــــــــــــــــــا ملي خرجنا !
· جاب البوسعيدي العشاء ! و قال ....أنا إنقول الدّبابة هي العدو الصّحيح و بالأمارة ظيعتنا توه نهارين ....الدبابة قاعدة تعطي في إيشارات كانكم لاحظتم ...و إنت سي الشيخ قاعد إتبع في الأيشارات متاعها ....و هاك ضيعتنا في الفارغ
· قال الشيخ ...أستغفر الله ...حسبي الله و نعم الوكيل ! هاك شاك في النية متاعي ! يا سي البوسعيدي ....أنا قتلك الي في بالي بيها و لكن ما زال ما نعرفش قراءة الأيشارات الضوئية ..أستغفر الله ....أستغفر الله
· قال البوسعيدي ....من ناحية الشّك بدى يركب ...و قلبي ما هو قايلي خير يا شيخ ! أومورك ما هيش عجبتني ....قصر قرطاج معروف و الكار إتهزلو ! علاش دخلت بينا الصّحراء ؟
· حتي إنشوف إيمانكــــــــــــــــــــــم ....إنما ربي قاعد يمتحن فيكم !!!!!!
· شبينا أحنا ....بني إسرائيل ....لا أبدا يا شيخ ....هكايتك فيه واو

أبطل العشاء و كل واحد من الجماعة تركن عللى شرية ...الناس دخلها الشك و الجماعة بدات تجبد إلتالي ....الكريطة إطبعت في الرّملة و بأربعة رجال و بغل ما نجموش إحركوها ....الصّلاة ديما في وقتها و العدو يتربص بيهم ...و كان يلقى إيزيد أطبعهم و إلا حتى إنش فيهم الذيـــــــــــــــب !!!!! فاق البوسيدي ....و أذن ...لصلاة الصباح !!!!! حي على الصّلاة حي على الفلاح ....الله أكبر الله أكبر ....فاق الشيخ البوزيدي !!!!! إتيمم ....و طلب من المؤذن باش إقيم الصلاة ....قام الصلاة ! و حرن في بلاسطو و قال
· أنا البوسعيدي ما عاش إمصلـــــــــي وارك ...أبد ا ....الخشوع غاب علي ....إنحب إنصلي بروحي .....
· قال البوحميدي عيــــــــــــب عليك يا راجل ...شد إنت إمام و إصلــــــــــو وراك
· قال الشيخ البوزيدي ..........أعلمكم !!!!! يا أولي الألبـــــــــــــاب

أي كل حد صلى بروحو و بطلت صلاة الجماعة !!!! سبعة و عشرين درجة مشاو هبــــــــــاء ! الشك ملعون ، الشيطان ملعون و رقص بين الجماعة و باش تفسد الكريطة جملة و تفصيلا!!!! كل واحد تركن في تركينة و أتوسد شلاكتـــــــــــــو و غظب و لا واحد باش يتفاهم هو الأخر ! أش عملنا و جاء مليح .....من تحت البرنوس البوسعيدي ما رقدش ! و قاعد إلصلص ....و عين محلولة و عين مغمضة ....شاف إيشارات ضؤئية جايه من الدّبابة !!!! سكت و لا كلمة و حاسب روحو ما في علموش ....و لكن الشيخ إوقف ...حط إيديه على جبينـــــــــــو و إشوف إبعيد ...يقرى في الأيشارات .....شدو بالبروفه المـــــــرة هذي......أش عملنا و جاء مليح!!!!!!!!!!!!!!الجماعة حصلو ....الفتنة موش غريبة على الأسلامين !!!!!! كيفاش باش يعمل البوزيدي باش إشد الجماعة ! و كيفاش الجماعة باش يفصعو .....مشكلة كبيرة و عويصة ....كان يتمردو عليه ! إناديلهم الدبابة ! و يمشو زيزي ....و تنتهي المصالحة بالسّجون مرّة أخرى ....و كان يستنجدو بتيــــــــــــــتانيك الدبابة في حمايتهم ...و كيفاش باش يستنجدو بتيتانيك .....و ما عندهو مشي ألــــــــــة إشارات ظؤئية !!! المرأة الي عند البوزيـــــــــــــــــدي لازمها إطيح في يد البوزيــــــــــــــــدي.

الفراسة ....ماهي مشكل ...و البوزيدي لازمو إقوم الصّلاة في أقرب وقت ...مصالحة ...كريطة المصالحة و غصبا عنه ....ما عندو حتى حل كان يركش و إخدّم مخــــــــــــــو بكل ذكاء و بكل حنكة !

سي الشيخ الهادي بريك ، ثم فرض باش نستشيرك فيه ! إشبيه ما هو العام الي سبق قلت الي فك يزي فرض فرض على كل تونسي ! أش قولك في صلاة المصالحة باش إنزيدوها للصّلاوات الأخريات ، كما صلاة الجنازة و صلاة الأستسقاء و صلاة الأستسخار!!!!!!!!!! أش قولك سي الشيخ الهادي بريك في الفازة هذه!!!! تمشي و إلا ما تمشيش !!!!

قد قامت الصّلاة ....صلاة المصالحــــــــــــــة !!! حي على الصلاة . الناس الكل قعدت باهته في الحل هذا ...و فاتت البوزيدي الحكاية هذه ! كيفاش ما نجمش يخلق صلاة المصالحة قبل كريطة المصالحة ....البوزيدي أتمني الي هو أخترع الحــــــــــــــــل هذا و لكن الفات مات ! إتقامت الصّلاة و شد البوزيدي بلاسطو في الأيمامة كما العادة ! البوسعيدي ما قال لحـــــــــــــد أش دبر في راسو ! و كيفاش باش يعمل ....المهم مكينة الأيشارات إتكون بين إيديه !!!! و لو لعدة لحضات ......

التـــــــــــــــاكت الثالث

الدبابة هذه ، كيفاش نبتت من الأرض و ألا نزلت من السماء ! كلام هذا يا بوزيدي ! كان ما ثماش واو في الحكاية من أولها !!! المهم الدبابة ، مركية من أخر طيراز / المدفع متاعها طولو شبعة ميترو ، كان تظرب الكريطة كان ما إتجيبها قطايع قطايع باللبغل متاعها ! الجينرال حمام ، قاعد في قاعة العمليات في قلب الدّبابة إتبع في كل حركة في الصّحراء ، ردار يجبد حتى من تحت الأرض ! مسمار في قلب التراب ، الجينيرال حمام إيشوفو ....الكريطة في واجهة المدفعية متاعو ...غارقة في التراب و هو و كانو ما في علموش !!!!! إشوفلهم و ساكت ...يتلذذ عذاب الأخرين ...زوز عسكر معاه
· قال الجينيرال : الطيارة الي منعت لازمها إطيح ....و لكن ما عاش إتبان على الرّدار
· شوف يا قائد الجماعة ســــــــــــــــكتو الموتير ...هاك علاش ما عاش يجبدها الرّدار، لكن توه يخرجو ....لازمتهم الكريطة متع المصالحة ...إحبو يظربو الكريطة باش ما توصلشي للشط كتاعها
· قال الجينــــرال : علاش ما ظربوهاش من الأول ،
· ما هم خافو ...و الدبابة عطاتها الحـــــــــــــس ....تيتانيك هربت بجلدهــــــــــــــا
· أه أه أه أه أه ....ما عندو وين طير ...تيتانيك إطيحها ....إطيحها
· يا جنرال حمـــــــــــــام ! علاش إتحب أطيح تيتـــــــــــــــانيك
· عمري ما طيحت طيارة ....كان وحدة !!!!!!!!!
· وقتاش ؟ في عهد السلــــــم و إلا في عهد الحرب !!!!!!
· خلـــــــــــــتي عزاها سكات .....تيتانيك هذه ....لازمها البارود ....حاجتي بالكريطة ! المعارضة لازمها إتعيش في الوحل ....ديمة في الطبعة ....المعارضة الأسلامية هي النفس متاعي ....و الجمهورية الثالنية !!!!
· توه سيدي لازمك أتحظر للجمهورية الثالثة ....جاء وقتها يا حمام !!!!!
· الأمور ما عادش كما قبل ....الشعب فاق !!!!! و لازمتني شرعية جديدة ....و الشرعية على الكريطة !!!!!! .....ثمة حاجة على الرّدار ....ثمة نقطة ....ما تطلع كان تيتـــــــــــــــانيك...في جــــــــــرّتها ...يا أنــــــــا ...يا هـــــــــــــي !!!!!
· موش بعيدة ....يا جنرال حمام ......تيــــــــــــــــــــــتانيك ما هيش إطير !!!!!
· كيفاش طيارة ما إطيرش !!!!! إنعم شوف ...العلو صفر ....تيتانيك تمشي على ساقيها ...
· دجاحة ولات ....؟ وراها .....

و تحركت الدبابة تجري من عرق لعرق ...في جرة الدجاحة ...دجاح الصحراء كي العجاج أقوى من الدباب على الرّمل ....طالعة نازلة دبابة الجينــــــــــــــرال حمام ....بدات تبعد على الكرّيطة ليل ظاعت وراء الدّجاحة .....المشكل الي الرّدار متع الدبابة قاعد إشوف في تيتانيك و حاس الجينرال الي هو موش بعيد عليها ....ساعات إتكون بين إيده .....شدت الدبابة الصّحراء و الدجاحة تتخبى بين أكداس الرّمـــــــــــــــل و في نفس الوقت دائما في المحور متاعها ....الخطة الحربية هذه تستعملها دجاحة القطب الشمالي وقت الي الدّب الأبيض حاب ياكل العظام متاعها ....الدجاجة باش إتبعد الدّب على العش متاعها ....تبدى إتفرفط ...بالقرب منـــــــــــــو باش يقربها ....و كل مرّة إكون قريب منها إتحول البلاسة متاعها بسرعة البرق ...ليل إضيع الـــــــــــــدب و يبعد على العـــــش متاعها و يسلمو العضمات .....الخطة مشات و ضاع الجينيرال ....في الصّحراء وراء دجاجة و شعرة لا إنزل من الدبابــــــــــــــــة و لكن التحريكة الأخيرة متع الماكينة كانت قاتلة ....الدبابة في جرّة دجاجة الصحراء حبيت ....إتشق واد من وديان الرّمل ....إطبعت ...و سكتت الموترات متاعها الزوز ...و ماعد تخرج كان بحكمــــــــــــــــة .....

· لا نا من الكريطة و لا نــــــــا من تيتــــــــــــــــــانيك !!!!! و الموتيرات سكتت ؟ أش عملنا
· الرّاي رايك يا جينرال حمام !!!!! شنوه ...الميكاني وينو ....يهبط إصلّح الدبابة
· يا جينـــــــــــرال ....الدبابة ...قطّعت السلاسل الزوز ....و ما عاد تصلح كان فيراي !!!!
· أطلب القصــــــــــــــــر !!!!
· سلامتك ...الضوء ما ثماش ...الرّاديو ما يخدميش ....الساقين و ما قالت الناس !
· على الساقين !!!!!!!!!!!!!!! قال الجينرال !!!! عملتهــــــــــــــا تيتانيك !!!!!

من الجيهة الأخرى و في شلاق الصحراء ....تيتانيك و القائد متاعها سي كورتي قايم بواجـــــبو على أحسن ما يرام .....بفتاشة متع فستقبة ...خرّج الكريطة المردومة من التراب ....و هبط من السماء على الجماعة المــــــــــــــــــــــاء و الماكلة .......وقت الحبل بالفتاشة هبط أخر الحمولة متاعـــــــــو سي البوسعيدي ....شد في الحديد متع الفتاشة ....و طلع هارب ....إتحرّكت تيتانيك و البوسعيدي إمعلق بين هواء و فضاء ....هارب بجلدو ......و لكن رضاصة غادرة جات من الأرض من يد المسدس ....البوزيدي كان بالمرصاد ....و أطلق الرّصاص للمرّة الثانية على البوسعيدي ....الدّم إشرشر منـــــــــــــــو ....معلّق بين هواء و فضاء في تيــــــــــــــــــــــــــتانيك ....طلّعو كورتي و الجروح كانت بليغة جـــــــــــــــــــــــدا

· علاش !!!! علاش !!!!! علاش
· أه أه أه أه .....أشهد أن لا إلاه إلا الله و أشهد أن محمدا رسول الله
· أصبر ....يا بوسعيدي ....خليني نمشي إنشرشي على عرفي ....هاهو عطاني السنيال
· أشهد أن لا إلاه إلا الله ة أشهد أن محمد رسول الله

تيتانيك في طريقها ....إتشرشي على الدجاجــــــــــــــــة .....قاسم يجري في الصّحراء و على ظهرو الرّاديو ....الأنتان ....طويل ...طويل .....شافو من فوق كورتي ....هبطلو الفتاشة ....طلعت الدجاجة للطيارة .....إستشهد البوزيدي .....إتعدت الطيارة فوق الدبابـــــــــــــــــــــة ....شافت الكريطة تنده ! و البغل إعيط

صالح لن يصالح ....الأرض لن تصالح .....السماء لن تصالح ....قاسم لن يصالح ....زينب لن تصالح

قاسم اللذي قسم إلا أن ينتصر

تـــــــــيتانيك...بليس

إعجب يا كوتي ...حابسة و تمركي... الطيارة ...توه عندها أكثر من عام في المطار ؟ لا مسافرين و لا هم يحزنون... الصّديد هلكها يا كورتي و ما عاد ينفع فيها لا زيت و لا دهينة؟ لوّجنا ...لوّجنا ...على شوفير يصلح ؟ و لا من مجيب و لا من منادي؟ أش عملنا في طيارة المعارضة ؟ ها الطيارة الي ما عاد تصلح لحتى شيئ كان للبيوع قطايع؟ تعرفشي حد يشري علي ّ حتى بالكيلو؟ حتى جماعة الفيراي متع صبخة السيّجومي ما حبوش ؟ قالي ما عندو وين باش إحطها؟ حصلنا يا صحوبة حتى باش نتخلصو من الحديد ما لقناش كيفاش. معارضتنا حتى قطايعها ما ثماش؟ درت العالم أجمع باش نلقى قطعة ما نجمتش ؟ صناعة تونسية فالصو ...كي المعارضة ...كي الحاكم ...كي تيتانيك ..كي القعبورية الي حالينها على العالم أجمع إشوف فيها على الهواء الطّلق و مباشرة.

تعرف أصباعي بدات فاشلة ما عاش كما قبل تكتب بحماس ...إتقول كافشة من البرد الي ظربني و ضرب الطيارة متاعي...حتى الحاكم فد من المعارضة الي ما هيش فاهمة روحها ...ثم قدر في الحكاية ؟ معارضتنا ولات بلا قدر ما عاد قادرة على حتى شيئ ...كان على العواء و كان في الجغ مغ و الدوة الزايدة و الكلام الفارغ. معارضة ما عاد عندها ما إتقول ...صفّت أرواحها الجماعة ...بالواحد بالواحد ...إنعم المعارضين إصفاو بالواحد بالواحد ...و كل إيد شدّت أختها ...و كل واحد هز إشكارتو و إلم باقاجو و قال يا ربي لعمل عليك و إنشاء الله ما عاش إتجيبني الثنية هذه.

معارضة أتصفي في بعضها ما تصلح بها كان سلّة المهملات ...العملية واضحة و الي باش ينكرها ...أفهم يا ولدي الي راهو ما عرف يعمل حتى شيئ في حياتو كان إيعارض. مصيبة حلّت بينا ...و مصيبة صنعناها بأيدينا ...الي أدخل في المعارضة من قريب و إلا من بعيد نزلو عليه بالشوية بالشوية ليل كسروه نفسيا و حتى ماديا باش يتخلصو منو ضربة وحدة. هذه هي مشكلة الشعب التونسي ...إكسر قبل ما يبني ؟

حكاية المعارضة التونسية لازمها كتب و كتب ...لازمها صفحات و صفحات متع فضايح و برشة دوة لازمها تتقال. المهم الي فهمتو اليوم الي المعارضة متع اليوم ما يتعملشي عليها لا أكثر و لا اقل. مراهقة ...إنعم المعارضة التونسية معارضة مراهقة ما تعرفش كيفاش تخدم و لا كيفاش تعمل بشعب ما عاد ياثق في حتى شيئ. إشنوه الحل ؟ باش إتقولي ؟ عمشة في دار العماية ؟ لا يا صحوبة لا عمشى و لا عمية ...معارضة ما تصلحش بأحزابها... براس مالها ...بدكاترتها ...بحفلاتها ...بياسرها ...بيمينها ...بوسطها ...بشمالها ...بجنوبها ...قتلك ...الشكارة و البحر.

ضيعنا برشة وقت في ما لا يعني ...مات رجال في الفارغ ...و مازالت إتموت كل يوم . إنعم و ما نحكيلكش على الناس الي في الحبوسات ...و على الناس الي ما عندها ما تاكل في ديارها ...إنعم ناس جعانة في أبطونها ...و المعارضة هذه مازال إتلوج كيفاش تعمل مقال و إلا صحيفة على الأنترنات ...معارضة ما نجمتش تصنع جبهة وطنية صحيحة لازمها العصى و الضرب على المؤخرة متاعها. بالعربي ثم ناس داخل ها العالم المعارض و كأن بلا بيهم ما إيصير شيئ؟ ناس حاطه أيديها على كل شيئ و فالحين كان في ظرب السكين في الخلف...الفازة يا صحوبة ...أنو ناس كما هذه حاسبه أرواحها حلقة كبيرة لازم كل السّلاسل تتعدى بيها ...و إلا الكلات ...و قداش ريت منو في السنين هذه...ساهل باش المعارض يضرب صاحبو و ساهل باش صاحبو يضرب الكل.

تذكر الشكشوكة ؟ الشكشوكة هذيك ولات ملوخية ؟ و ما عاد تفهم شيئ ؟ يا صحوبة الطباخة ولات عندنا في المعارضة شادة الصّف؟ و كل واحد صافن على ذرعانو و يطبخ وحدو. كي تكثر الرّياس تغرق السفينة. و غرقت المعارضة في التلكيز و التلبيز و الحمص و الزّبيب. لازمها مصلحة كبيرة ...تمسح ها الجماعة الكل و تتنضف البلاسطة و تترفشش و كان إلزم إنحطو شوه برفان.

الجماعة هاذومه ...متع المعارضة ما إتفاهموش و ما هومش باش يتفاهمو في المستقبل لا القريب و لا البعيد و لذلك إولو مجبورين باش يستقيلو من الحكاية هذه. باهي الي عملتوه الكلو باهي و لكن جاء وقت باش تسيبو بلايسكم و إتشدو دياركم و تسكتو لا أكثر و لا أقل. إنتم جماعة ما نجمتوش تعطو أكثر ما إعطيتوه ...و بارك الله فيكم ؟ و تونس ما عاش حاجتها بحتى شيئ من عندكم. لا فكر و لا نقاش و لا هم يحزنون. كل إنسان عندو طاقة محدودة ...و المعارضين متع اليوم و نحكي على الرّوس ما عاش عندهم طاقة و بداو في التكسير في إبعظهم ...و لذلك ما عاش إتقوملها قيامة المعارضة هذه.

باهي أحنا نعرفو على الدّكتاتورية أكثر من الخوانجية ؟ الخوانجية اليوم لازمهم أحلو النهضة جملة و تفصيلا ...علاش؟ لأنها اليوم أنقسمت و ما عاد فيها حتى شيئ و البقاء متاعها مظرة لتونس أكثر من المنفعة ...لأنو النضام ما زال يستعمل فيها كعدو وهمي. النهضة كحزب سياسي ما عاش تصلح لا بالأسلامين و لا بالشعب التونسي ! لأنها فقدت كل شيئ ...فقد سبب وجودها ...أنعم و بما أن المشروع متاعها ما عاش يتبنى الشريعة الأسلامية ...إذا لماذا هاذا الحزب الأسلامي...سرّح الناس يا غنوشي و بارك الله فيك و في الي عملتو ...بالطبع أحنا إنطالبو في نفس الوقت بن على باش يقلب...تصبح على خير ...و إنشاء إسمعنا على بعضنا الخير.

الهندسة متع المعارضة لازمها تتعاود من جديد ...جملة و تفصيلا !!!!! القطايع موجودة و لازمها شوية زيت باش تركب على بعضها....إنعم شوية زيت و إشوية قريس.

فدينا من معارضة فارغة و من نظام أفرغ منها ...أضرب الجرة على فمها المعارضة إتجي لأمها !!!!!هذه هي الحكاية بالضبط متعنا .

قاسم قاسم

في بالــــكم و إلا لا؟

أيه السّلام عليكم و رحمة الله و براكته.

قالك الناس الكل في بالها بالتجاوزات متع الحكومة ، في بالها بالسرقة و الموفاز جيستيون. الناس الكل في بالها و لكن علاش ما صار حتى شيئ؟ الناس مازال تستنى في شدان العصابة بالبروفة. و شاد الصحيح الرّاجل بألي الناس الكل في بالها بالمساجين السياسين و بالسياسة المتغجرفة متع الحاكم و لكن الناس إتقول عصفور في اليد و لا عشرة إطيرو.

و مازال شاد إصحيح في الكلام متاعو و يدافع عليه بكل الجوارح متاعو ...الرّاجل إمثبت في روحو أكثر من الأزم بألي الشعب التونسي راضي بالوضع و ما حاجتوه لا بمعارضة و لا بكلام فارغ.

إنعم شاد الصحيح و زاد قال ...أي بر سيدي نمشو معاك ...هاهو ما عندكومش بديل إنتم يا معارضة ...ما فالحين كان إتمسخو و إتشوهو في صمعة البلاد و تنقدو في الحاكم! هاتو برنامجكم السياسي و الأقتصادي و التعليمي و الرّاجل ما حشمش طلب مني حتى شهايدي و قال و إشكونك إنت ....

أنا قاسم ولد قاسم صاحب جمهورية قاسم و المرا عندي زينب ...و شهايدي كان مازلت نذكر : عندي شهادة (تشجيع) في السنة الثالثة ثانوي و شهادة (رضا) في السنة الثالثة ثناوي (بيس) وقت الي مرضت و ما عدونش في السداسي الأول. أما البرنامج السياسي و البرنامج الأنتخابي و التعليمي و الثقافي ما فيها باس نعطوك بسطة صغيرة علّي في روسنا : برنامجنا بسيط جدا : ديمومة الحرية و الكرامة للشعب التونسي و القضاء على العشوائية السياسية في تونس. على الكليمتين هاذوما كل شيئ ساهـــل و يتبنى ...و العدل إعم البلاد. أه ....صعيب كلامك يا قاسم ...و أحنا ما نفهموش ياسر و إنت كل يوم إتزيد في حويجة ...ما نجمناش إنتبعوك ...سهّل علينا شويه يرحم ولديك ...و إلا خلينا كول فول لاهي في نوارو.

كل فول لاهي في نوارو ...لوغة هذه ...الولد يلقى في كل الأعذار باش ما إيواجهه ...إنعم شطر مثقف إلوج على الأسباب الكل باش ما يتحملش المسؤولية ...و باش يتهرب من الكلام الصحيح.

قاسم قاسم

الجنسية التونسية

تونس
بشمالها بجنوبها بساحلها في جيب قبيلة من علي

السّلام عليكم و رحمة الله و بركاته

التّجوع ...بمعنى الحزب الحاكم التونسي بدأ يتجاوز حدود الجنسية و حدود الوطن و حدود الدين و حدود المغامرة السياسية نفسها ...بدأ يكشر على أنيابه البالية ...كما بدى يتلاعب بالوحدة الوطنية للشعب التونسي ...هذا الحزب القبلي اللّذي فشل في كل برامجو أصبح يتطاول على أسياده و اصبح يشكل عائقا كبيرا أمام الشعب التونسي .

هذا الحزب اللذي أصبح يخاطب القبائل عوض الشعب التونسي أراه بصدد إعادة الأستعمار للديار التونسية. إن تركيبة هذا الحزب في حد ذاتها لتركيبة ديكتاتورية لا ولاء فيها إلا لقبيلة بن علي و لذلك لم يعد له من سلاح إلا أن يستنفر القبائل الغابرة لتنكر أبناءها و تتبرأ من افعالها. إذا نحن اليوم أمام منعرج خطير بقيادة المافية السياسية و المافيا القبلية التي أشعلت نار الجيهاويات و نار العنصرية.

أما من الناحية القبلية فلا أضن أن أهل الجنوب و أهل الجريد كانو قد تبرأو من إبنهم الدكتور منصف المرزوقي و على علمي الخاص فأنهم يفتخرون بابنهم اللذي ألجم الدكتاتورية و أستطاع أن يكشفها للعالم أجمع ...أما من كتب هذا المقال فلا يكون إلا رجل من مؤسسة الحزب الجائع و بالأحرى من قلب اللّجنة المركزية . و لذلك وجب علينا الأنتباه جيدا لما يدور على الساحة السياسة اليوم و ما هم بصدد تخطيطه ....و لربما هم بصدد تقسيم هذا الوطن لقبائل و عروش أكل عليها الدهر و شرب و لم تعد لنا حاجة بها.

أما من ناحية الجهويات فهذا الأمر حقيقة يعيشها الشعب التونسي بكامله فمنذ الأستقلال حكمت تونس عصابة قبليّة من قرى الساحل ...و لم تكن هذه النخبة من إنجب ما أنجب الساحل التونسي بل كانت و لا زالت من أجهلهم. حكمت البلاد بأحكامها...قتلت من قتلت و جوّعت من جوّعت و هجرّت من هجرت حتى من قلب الساحل اللذي نبض دائما صدقا و حبا لهذا البلد.... و ما المهندس حمادي الجبالي إلا مثالا على ذلك

أصبحت هذه القبيلة الجائعة و بمعية الجيش و البوليس تصول و تجول في البلاد كاملة و كأن بقية الشعب التونسي رعاة عندهم ...و أخيرا إنتزعو عنا حتى الجنسية و كأن البلاد من بنزرت لبرج الخظراء ملك لهم و ميراث من أجدادهم ...فلا حق لتّـــونسي أن يكون تونسيا إلا أن يركع عند أقدامهم و يرفع شعار الولاء لقبيلة بن على.

أجهضت هذه القبيلة كل حركة ثقافية ...كل عملية تحرر و كل محاولة إنعتاق لشعب بكامله. نعم إني أرها مستعمرا جديدا للشعب بكامله...فلم تكن عملية توزيع الثروات في يوم من الأيام عادلة فكان الشمال الغربي أفقر ما في تونس و سقط الجنوب في النسيان و كان الشمال و كأنه لا يتبع للوطن جملة و تفصيلا ...

و هكذا جلست هذه القبيلة الفرعونية و تربعت على عرش الوطن منذ خمسين سنة و وزعت فرص العمل و الثروة على أفراد القبيلة المقرّبين منهم...فكانت جميع الوضائف السامية في الحكومة موزعة بينهم لا حق لأي تونسي خارجهم أن يكون في قلب الأدارة مهما بلغ من علم و مهما بلغ من إختصاص.......القرار السياسي و القرار الأقتصادي لم يخرج من أيادي هذه القبيلة المتغجرفة رغم جهلها و رغم قلّة أدبها و عدم معرفتها...في تونس الجهل أولا....أما أهل العلم فهم في السجون و دليلي على ذلك الأستاذ منصف بن سالم.

ليس غريبا أن يكون الساحل فقيرا أيضا كما الفقر في غرب البلاد...فالثروة التي قد يراها البعض منكم في بعض قرى الساحل فهي لا تعدو أن تكون سوى على ملك بعض الأشخاص لا أكثر و لآ أقل....هاؤلاء الأشخاص هم أعضاء الحكومة و أصحاب القرار ...عددهم لا يفوت العشرة ...قل ألف ...و المليون الأخر ماذا عنده ؟ لا شيئ !!!. الساحل بأكمله فقير أيضا و لا حول و لا قوة لآهله أمام هذه الديكتاتورية . زرت ذاك البلد من شماله لجنوبه من أقصاه إلى أقصاه ...لم أرى فرقا بين فقرائه...فكله جنوب و كله ساحل و كله شمال.

للتجمع و للعائلة الحاكمة خيال ضيق جدا لا يستطيع إستعاب السياسة خارج الفكر القبلي و لذلك تجد هم خائفين من أي مغامرة كانت ما كانت صغيرة ...لأن في ذلك الوقت ستعرف الناس حقيقتهم و قدرتهم على الأبداع ...ستعرف الناس حقيقة جهلهم و حقيقة فشلهم. الفكر القبلي التجمعي هو السبب الأكبر في تخلّف البلاد ...في الفقر و في الخصاصة التي نتخبط فيها كل يوم بشمالنا بجنوبنا و بساحلينا...عند التجمع الكفائة كانت و مازالت في أسفل السافلين و الولاء القبلي و الجهوي هو المحدد الوحيد لنيل وظيفة معينة و خاصة إن كانت وضيفة قرار.

أستعملت هذه المافية الفكر القبلي لتنشر الحقد و الكراهية بين الشعب التونسي و تشتت إبناه كذبا و بهتانا ..حتى لا يتسنى له القيام باي عمل تنظيمي ينشد به حريته و كرامته ...فكم من مرّة إستعمل و يستعمل التجمع بعض ما تبقى من شيوخ الأستعمار ( المخازنية) حتى يشكل فتنة من الفتن في جهة ما من هذا الوطن و بذلك يكون هو الضامن للوحدة الوطنية عبر الجيش و البوليس. الواضح الفكر الأستعماري وجد و بان اليوم عند التجمع و سنراه أكثر فأكثر في الآيام القادمة لأن هذا التنظيم لم تعد له أي شرعية لا تارخية و لا سياسة حتى يحكم البلاد.

نحن بصدد إكتشاف المخزون الثقافي التجمعي ...هذا المخزون الغير واعي ...و هذا المخزون الفارغ بدأ يصب سمومه و لكنه لن يفلح لأن المعارضة الديمقراطية وقفت اليوم بالمرصاد لكل محاولة من محاولات التشكيك في وطنية أبناء الشعب الواحد و المستقبل الواحد. الواضح بأن صحافة المعارضة ألجمت و للأبد صحافة التجوع ...صحافة الخزي و العار ...فخرجت علينا اقلاما تشرفنا و رفعت رؤوسنا إلى السماء و لم نستمع و لم نقرا لأحد ما يروج للفكر القبلي أو حتى لبعض منه ...هذا يعني بأن الفضاء السياسي الثقافي المعارض أصبح شاسعا و فيسحا لدرجة أنه لا وجود لفكر هذّام و إنما نرى كيف أن المعارضة بصدد القيام بعملية النقد الذاتي في كل مرحلة من مراحلها ..و هذا راجع إلى تجربة الأشخاص و كذلك للحرية التي تتمتع بها الأقلام الثائرة.

سنواصل ثورتنا الثقافية بالتحليل و النفقد حتى و أن كان جارحا في بعض الأحيان و لكنه و في إعتقادي يبقى بناءا ...أرى و أقرأ كيف و على سبيل الميثال أكتشفت بعض الأقلام طريقها رغم بدايتها البسيطة و المحتشمة ....ألم ترو ا كيف تغير خطاب الصحافي مرسل الكسيبي ...ألم تلاحظو كيف تغير خطاب خالد الطراولي ألم تروا كيف تغير خطاب المنصف المرزوقي ...ألم تلاحظو كيف تغيرت تونسنيوز( سيك)؟ هذا نتيجة النقد الذاتي و النقد الجارح و المغامرة الكتابية.

قاسم

زيـــــــــنب

الأهداء لصديق العمر
كورتــــــــــــــي



إسمع يا كورتي زينب ما عاش إمسعدتني …يزي ..فك …الفنانة الكل في العالم عرسو بالعشرة مرات إلا أنا مرة وحدة؟ ما هو لاباس ..يزي فديت ..كي الناس الكل !!!! عشرة عشرة أما أصحاب نبقى أنا و زينب…إنحب شوية حرية …أختك زينب ما عاش عيني فيها…سامحني ..أما باش إرجعلكم السلعة متاعكم …و تصبحو على خير …لا لا كلمة لا يا سي كورتي القرار خذيتو و زايد تحكي …زينب طلقتها …و حلفت بالحرام ثلاثة !!

· إنت كبير و تعرف يا عرفي و زينب عندها كان الرجال ...أختي و ما ثم حتى مشكل و أنا قبلها في داري و تعيش معاي و إنت يا سي قاسم الدار ديمه محلولة في وجهك ووقت الي إتحب إتجي إتفضل...كل شيئ إيجي بالسيف كان الشيئ هاذا يا سي قاسم إيجي بالكيف. زينب أختي شرفتني و أنت إتشرفني و ما صار كان الخير بينكم ...
· وقتاش باش إتجي إتهز حوايج زينب ...؟

· في كل وقت يا عرفي...الليلة كل شيئ أكون في الدار ...في بالها زينب و إلا لا ؟


· شوف يا كوتي ...زينب ما في بالها بحتى شيئ !!!! أنا قررت من راسي الطلاق ..فاهم ...إتهز الدبش و وقت الي توصل للدار متاعكم ...قوللها الحقيقة ...قاسم راهو طلقك على سنة الله و الرسول.

كتبت الرحيل ...برشة مرات و لكن رحيل زينب من داري الي بنيتها من أجلها ما ريتش مثلو في حياتي ...كورتي بدى إخرج في الدبش متاعها و ناضت عجاجة يا جماعة عمري ما شفتها ..حتى الطبيعة غضبت من القرار الي خذيتو ...بالكردونة بالكردونة و كورتي يرعش و إتكسر من إيديه الفاز الي شريتو لزينب في عيد ميلادها ...في الوقت هذاك بالضبط ....طارت الفولارة متع زينب بين البقاج و مشات في الهواء تلعب بيها الأرياح...فولارة حمراء خفيفة ...في الهواء طارت كيف الريشة ...خليت كورتي إخرج في الباقاج و قوتلي أخلط علي من بعد في القهوة متع تونس كليب. الفراق ...فراق و فراق زينب يا جماعة موت بطيئ!!!!!!!!!!!!!!!!!

إمشيت على الساقين خايف ...فارغ ...طايرتلي ...قطرة دم في وجهي ما ثماش ...أصفر..تاعب ..فاد من كل شيئ ...دخلت القهوة و شديت بلاسطة في التركينة و جبدت الكراسة و بديت نكتب في الخطة الجديدة ....الضحية ...الكبش كانت أعز إنسانة عندي ألا و هي زوجتي زينب...الوطن و مفهوما الي هو يعني بالضبط زينب لا اكثر و لا اقل ...ساعات لازمك تفهم وقتاش تتخلص منو باش يرتاح هو ...قبل ما يدخل الغريق...البعد الي نحكي فيه ....يعني بالضبط أعادة النضر ...عن بعد للوطن ...لا بد من تبديل الستراتجية و التكتيك ...وقت الي قاسم قرب ياسر و دخل في المعمة و فهم برشة حاجات قرر إطلق زينب و إيزيد يبعد باش إتنجم ترتاح هي و هو في نفس الوقت ...الوطن و الفلسفة متاعو ما هوش ساهل باش الواحد يفهمو ..ربما إنقول ألي أنا بصدد الأيضافة و لكن تقنيا إتحس بأني قاعد نمشي إلي الوراء ...لذلك قررت باش نبعد ...و نشوف الحكاية من زاوية اخرى ...النقد الذاتي لجمهورية قاسم ما هوش سهل لأن العملية متشعبة ياسر و كنت إمدخلها في بعضها لا مخلي لا يسار و لا يمين و لا من رقد و لا من فاق...المعارضة بالشكل الي إنشوف فيه اليوم نجمت تربح برشة حاجات و لكن ما نجمتش باش تبني مستقبل و ساس صحيح إنجم أكون درع أمام دكتاتورية جديدة.

لأنو و إنطلاقا من الرؤية متع جمهورية قاسم الي إتحب القطيعة نهائيا مع العشوائية و الديكتاتورية ...نلقى الي ثمة بارشة جماعة مازالت شاكة في أرواحها و ما عندهاش الثيقة في روحها باش تقتنع نهائيا بصحة ارؤية في حد ذاتها ...و كأن الحقيقة ما عاد إلوج عليها حتى حد إنما الجمتعة أعطيهم فقط كيفاش يتخلصو اليوم قبل غدوة من نضام بن علي بأسرع الطرق و بأسهلها ...بالنسبة لي أنا الحكمة هاذي تبقى ما هيش صحيحة و إنما عملية تنفيس لا أكثر و لا أقل ...لأن القطيعة ما وصلنلهاش عن طريق الأقناع و عن طريق تحمل المسؤولية أمام الشعب التونسي ...هنا لا بد من إعادة النظر ليس مضيعة للوقت و إنما التخطيط المحكم لسد كامل المنافذ أمام دكتاتورية جديدة ...و الشيئ هاذا ما هوش ساهل كما يتصورو برشة جماعة.

ثمة قاعدة شعبية كبيرة ما إتخدمتش و مازال ما في بالها بحتى شيئ و لذلك قد تسهل على نظام بن علي الجاي إنو إروضها و يجبدها ليه و عفى الله عما سلف ...هنا بالضبط المعارضة تولي خصرت البوتونسيال متاعها الكل لصالح كذاب جديد ...من بن علي مازال في تونس خمسة لاف واحد و الكلّهم قادرين باش يلبسو لبسة مدنية و في نفس الوقت هم جزارين و لا إيخافو و لا شعب و لا صحافة ...و في نفس الوقت الناس هاذم إتولي عندهم شرعية جديدة و غقولو الي هوما جاين باش بنقذو البلاد مرة أخرى...المعارضة ما زال ما نجمتش تخدم الطبقة الشعبية الكادحة و مازال ما نجمتش باش تقلب موازين القوى لصالحها ...يعني العمل السياسي التعبوي الشعبي ما زال ما صار منو حتى شيئ ...و في نفس الوقت العمل المعارض النخبوي ...أصبح عمل تكتيكي ...إستراتيجي لا يرى إلى التحت. النظر إلي الفوق و إلى هرم السلطة أضاع على المعارضة الرّؤية الصحيحة للنضال من أجل إنعتاق الشعب هاذا. النخبة التونسية و التضحيات الي قدمتها رجالتها مازال ما وصلتش باش إتقدم مشروع كامل و متكامل للشعب التونسي باش إنجم هاذا الأخير ينخرط عن وعي و مسؤولية كاملة و يلتحق بالكوكبة.

الفيلم هاذا تعبوي ...شعبي ...أكثر منو توضيح للرؤية لأنو موش قاسم و غلا عمار و إلا زيد قادر باش إحدد حاجة لشعب كامل ...الشعب التونسي هو المسؤول الوحيد على المستقبل متاعو ..و لست هنا لأفكر لأحد أو أن أفرض على أحد رايتي للآشياء ...الشعب التونسي لازمو فقط يعرف ...و كلما زاد تراكم معرفتو بالقضية الوطنية كلّما أمان بها و أنخرط فيها ...إنشوف الي العمل متع المعارضة لازمو ينزل إلى الساحات الشعبية و إلى المعامل و إلى الحياء و عند القرى و في الأرياف....زيارة واحدة لمقهى بعيد عن صخب المعارضة تكون لها جدوى أكثر من خمسين رد على من لا عقل له.

كتبت ما كتب ربي في القهوة ...سكرت الكراس متاعي و مديت الساقين على الكرسي الي قدامي ...رقدت ...تاعب ...سكرت عيوني و شفت الفولارة متع زينب طايرة على تونس الكل من قرية لقرية و من ريف ريف تتقاذف فيها الأرياح ...قلت المحرمة هذه كانت جات خمار أبيض راهي ...إشركت بين هواء و فضاء من رصاص البوليس السياسي ...لو كان جات خمار أسود يا جماعة راهو الجيش خرج الأف خمسة الي عندو و ضربها بالمدفعية الثقيلة ...عقم الساسية التونسيو وصل لدرجة الغباء و الحقد الأعمى على من بالرسالة امن و أتمن.

· فيّقني كورتي من نومي و قالي شاف : شنوه الي في راسك ؟ زينب إتسلم عليك و قتلك الي تعملو مبروك ...خصرتها يا قاسم ...توه تاكل صباعك و إتقول يا ريتني ما عملت ها العملة ...يا قاسم يا عرفي راهي المعارضة ما إتسدش عليك ...راهو إيجيك إنهار و ما ياقف معاك و لا عربي ....طلّقت مرتك على خاطر باش تتفرغ لخدمة ناس راضين بالذّل ...و راضين بالي هوما فيه...عيب عليك يا عرفي ...باش إتبصيني معاك و باش إتباصي روحك من اجل شعب جبان ...
· لا جعبنا ما هوش جبان !!!! لا الشعب التونسي شعب ذكي و ما عاد قادر عليه لا معارضة و لا نضام ...شعب إتعلم كيفاش يسكت و إتعلم وقتاش يتكلم ...الشعب هاذا بالع السيكنة بدمها لأنو ما لقاش لأشكون إوريه الطرق الصحيح و الطريق السليم للحرية متاعو و للكلاامة متاعو ...في لا دامك ما قعدش معاهم في القهاوي و ما حدثتهمش بلغتهم و ما إشربتش معاهم التاي و ما كليتش معاهم ...و ما صليتش معاهم و ما حسيتش بيهم ..و ترافعت عليهم و حسبت روحك نبي جديد ...الشعب هاذا ما يمشي وراء حد لأنو فهم اللعبة السياسية و فهم الخشلات الكل ...الشعب التونسي من اصعب شعوب العالم ...ما يقتنعش بسرعة و ما يعطي الثيقة في حد ...أفهم الشعب التونسي اليوم مازال يبحث على التوازن متاعو لذلك ما عندوش في مخو مفهوم الحرية و الكرامة لأنو ما شفهاش ما يعرفهاش ...كيفاش أطلبو الشعب بحاجة عمرو ما راها و عمرو ما حس بيها و عمرو ما عاشها ....؟
· كيفاش باش تعمل معاه يا سي قاسم؟
· كما عملت مع زينب.............طلّقتها و مازالت إتحبني و ما زلت إنحبها ...الثيقة في النفس ...الشعب التونسي لازمني أنعلمو كيفاش ياثق في روحو ...بالنسبة لي أنا ما إنحب حد ياقف معايا ...ما إلوجش على حتى شيئ ...إنحب نعطي و ما ناخوش ...أفهم كان كل معارض يفهم الي من واجبو فقط باش يعطي و يزيد يعطي فقط ...و ما إفكرش في التعويض و لا حتى في شيئ أخر سوى العطاء من معرفتو و من تجربتو..الشعب التونسي إولي يفهم و يقدّر التضحبات الجسام متع الناس هاذوم....لازمنا باش نمشو للشعب التونسي و نزوروه من دار لدار ...الحل و الفيلم هاذا الي في راسي ...باش نوريك الثراء متع شعب ابو القاسم الشابي ...أنا يا كورتي باش إنخليك تكتشف الشعب متعك وقت الي يبدى إلداخل في الدار متاعو أين يشعر بالأمن الحقيقى و الطمأنينة الصّحة و الصحيحة....األبرى الشعب التونسي إتبع إتبع و إيلاحظ و ما ياخو القرار متاعو كان مع العائلة الكل ...بالعربي الشعب التونسي إنكمش و سكر على روحو الأبواب الكل لأنو فقد الثيقة في التلفزة و في المثقفين و في الجرايد و لكن لم يستسلم.
· شوف يا عرفي ...إنحس و :انك ترى علاش ناوي ...؟ عطيني البرنامج من الأول ما إتخلينش من فجعة لفجعة ...حتى النوم ما عاش جايني كما العادة ...وليت ماعاش نرقد على كيفى ملي عرفتك ...يا عرفي ...بصراحة إتعبت و لازمني نلتهى بروحي شوية و خليني يرحم ولديك رايض ما عاش تجبد علي حتى حديث...ياقاسم ...ما عاش عندي الأنتوزياوم متع زمان ...فديت من المعارضة و فديت من الجغ مغ.
· حاضر سيدي ...إنت حر ...برى أمشي روح و ما عاش إدور بجمهورية قاسم و أنا كيف كيف ما عاش نجبد عليك و إنخليك على راحتك ...و في الأخير حبيت إنقولك يا سي كورتي ...شكرا جزيلا ...و فضلك على الجمهورية ما ننساهش ...إلى اللقاء إنشاء الله أمام المسرح ...شوفتو المسرح هذاك ....حياتي الكلها مسرحية ...لكن إدور في تونس الكل ....إنشاء نسمع عليك كان الخير ...و نتمناليك النجاح في حياتك ...كورتي سؤال أخير؟.....علاش ما عرستش ؟ أش قولك كان نقالك مرا باهية ....إنت كي ولدي ؟ علاش لا....!!!!!!!!!!!!!!!
· خليني قعد ما لا عرفي في لدامك وليت إتخمم فيّ على الأقل و لا مرة قلت بالك صاحبك إيضيع ...أي موضوع باهي العرس !!!! و خطانا من المعارضة و من الساسية ...ها طلّقت إنت يا سي قاسم ...علاش ما إتوجلش على زينب أخرى ...؟
· و الله فكرة يا كورتي هي إنعرسو!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

و شاخ كورتي و بدي يفرك في إيده ...إسمع عرفي إنحب وحدة طويلة ميترو و ثمانين على الأقل ..قد فارغ ....إنحبها جقوار!!!!!!!!!!!!!!!!!!!! عين و شعر و أخلاق و جمال و كل شيئ

· وين نلقهالك هاذي ...حتى في المجلات ما ثماش ؟ وين شفتهم في تونس هاذم ..؟ فيق على روحك ....جقوار ...قول كات كات باشي ....أر دي زيوت ...حاجة معقولة تونسية أما ها الألمانيات ما عندناش هوني و عمري ما ريت وحدة تشبه لخطيبتك كان في التلفزة
· يا عرفي ها النوفال جينيراسيون فيهم كعبات باهيات ....طوال ....عيون خظر ..شهل ...تعمل ميترو و سبعين بالمرتاح..........

طاح الليل ...بدات السهرية ...و الناس الكل بدات إتروح من القهاوي ...التوانسة إحبو السهريات العائلية و خاصة منها الرمضانية ...و تكثرت الزيارات ...إتعدينا على الباتيسيرى الولة ....شريت باكو قطو فيه اربعة و عشرين كعبة ...طلع سي كورتي يلبس فس الكاستم (هههههههه) ...هبط الراجل عريس يعمل ستة و ستين كيف ...حط شوية بارفان ...فولقري ...كبس روحو و قالي يا عرفي ...ما إروحو كان بمرا باهية ....ديريكت نكتب الصداق ...و إلا تعرف يا عرفي إكتبلي إنت الصداق متاعي و موش لازم حتى البلدية ما هو عندك جمهورية بالدستور متاعها...قتلو كان الخدمة هذه مازال ما خدمتهاش ...أنا عرفك حتى من طبال خدمت ...نقصها صبع القابلة ...نكتب لولدي حتى سبعين صداق ...و كان لزم باش نخولك من الضربة لولة أربعة نساوين ...ما ثم حتى مشكل.

قالي يا عرفي العرس راهو باهي و لازم باش الواحد إكمل إشطر دينــــــو ....ما لا شنوه ..قتلو شوف يا كورتي المرا باش إتنحيلك الشطر الي عندك و تبقى بلاش ضربة وحدة ...يزيك بلا دوة فارغة ...يا كورتي و قول ربي إطيحنا ببنت الحلال ....أيا وين نقصدو ربي الليلة ؟

كورتي قال بره نمشو للمنار ....قتلو شوف ما تبداش بالصعيب ...نبدو بالساهل ...رانا ما شيين نخطبو موش ماشيين نشرو في دار ...إسمع صحوبة ...نمشو لحي التضامن أش قولك ؟ لا لا يا سي قاسم ما ناخوش منهم ...هاذوكم صعاب و نزوح ...و أنا ...لا لا لا لا : شوفت كيفاش يا رجال حصلت ...المعارضة حاقرة شعبها كما إنت بالضبط في حكاية المرا ...أشنوه حاسب روحك حاجة كبيرة ...و إشكون قالك الي في حي التضامن ما نلقوش حاجة باهية كما إتحب إنت و تعشق...شوف يا قاسم ...بربي الكل كان حي التضامن ...؟ لا إنت عندك الثيقة في قاسم و إلا لا؟ كلا م هاذا يا عرفي ....أقصد ربي لحي التضامن ...و يا سلاك الواحلين...كرهبة العريس شقت الطريق متاعها في إتجاه حي التضامن ...ليل و السهرية على أوجها ...و قاسم عمرو ما دخل حي التضامن و عمرو ما حط ساقيه في دار دون دار صحابو و أحبابو ....العروسة باش نختاروها على حسب الّدار متعهم من بره .!!!!!!! الي تعملو مبروك يا عرفي ...أش قولك في الديورة هذي ...أي ندخلو و غنقولو الي أحنا جينا خاطبين راغبين في بنت النسب و الحسب ...كورتي عمرو ما شاف العروسة و ى هي شافاتو ...و لكن الفيلم فيه مغزى أخر جملة و تفصيلا....أضرب على الناقوز يا سي العريس ....حطيت باكو القطو في يدي و قلت با ربي العمل عليك و الشدة فيك ...سنواجه الشعب ...و لأول مرة على طريقة الخطبة....ظرب الناقوس و قلبي يظرب في الماية و عشرين يطلعش واحد من الباب يعطينا طريحة ...و يقلب علينا الباكو ....دقيقة ما ثماش !!!!! بنية صغيرة في عمر حليمة حلّت الباب ...و قالت ع السلامة ...قلتلها بوك هوني ...قولو عمي قاسم فس الباب حاجتو بيك ....جاء بوه ...و أحنا عارفين الراجل عندو بنية و إلا لا حاضرة للعرس ؟ لا و الله لا . جاء عمي الراجل ...و قال إتفضلو ...أش حاجتكم ...وقت الي شافنا لابسين مليح ..الراجل حل الباب و قال الدار داركم ....دخلنا و دخل العريس راسو من القاعة ما هزوش ...دويرة على قدها ...دخلنا الصالة ...المرا قاعدة إطيب في التاي و العروسة بحذاها ...إتحضر في دروسها ...حطيت باكو القطو أمام أم العروسة و قعت انا بوها و كورتي على شيرة ....قال أش جابكم لها البر ...قتلو رانا جايين نخطبو في بنت الحسب و النسب .....حل فمو ....خرجت العروسة تجري من حذا أمها ؟

و في لحضتين حضر العشاء و زادت التاي بالكاكوية ...ولدي مهندس فس امريكا و قلت غنحب نتهنى عليه ...قلت بالك يكتب المكتوب...قالت أمها ...علاش لا ؟ مرحبا بيكم ...و الديار تتدخل من أبوابها .....المعارضة الكلمة هذه عمرها ما فهمتها ...ديمة من الشبابك و التنقيز في ديار العباد في الليل.

أش تخدم يا سي قاسم ؟ معارض يا حاج ...خدمتي في المعارضة ...ليل و نهار ...وقف الراجل و قعد يفهم ...شعرة لا داخ ؟ قالي لحظة يا سي قاسم ...شنوه خدمة المعارضة ؟ خدمتها إنها إتقولك الحقيقة ...حقيقة نضام بن علي و كيفاش نحالكم جد وليدكم ....خاف ...فهمت الي الحاج إنحلو باب العرش الليلة ....و كان من الجماعة ...و لكن بلع السيكنة بدمها ...يا قاسم ما كش بوليس؟ لا يا حاج اليوليس ما إيجيش يخطبك في بنتك !!!!!! هات الصحيح علاش جاي يا قاسم ؟ جبد من جيبي المانيفاس متع جمهورية قاسم و أعطيو يقرى الصفحة الملعونة.........الراجل نادى على العروسة و قالها ...إنت وصلت راجلك من اليوم ...وقف كورتي ..و قال يا حاج ....قص عليه الحاج : و قالو أعمل الي إقولك عليه عرفك ....البنية وصلتكم ...و انا الليلة إنفهمها أش تعمل ....با مرى شوفي سعيدة من اليوم على ذمة جمهورية قاسم ...ما إتحليش باكو القطو الجماعة عندهم وين ماشين الليلة ....و مازال عندهم خطبة أخرى ....سعيدة ...ألبس دبشك ...و راسك راسهم ...هاذم رجال تونس .....

و من دار لدار و بباكو قطو واحد ...في ليلة جمهورية قاسم ...جابت حي التضامن الكل معاها ...وزعنا كل المناشير متع الجمهورية ...و بدات الخطبة من حي حي و من دار دار ...و من مدينة لمدينة ...و من ريف لريف ....و تحرك البلاد ...إتلوج لقاسم على زينب.


قــــــــــــاسم قاسم