16‏/03‏/2009

رسالة ألي السيد وزير التعليم العالي



الرّسالة هذه طالبتني بيها دكتورة ، نوّرتنا في النّـــــازّا


إشبيك ، إتقول ما سمعتش بالي الطلبة المضربين ، راهي الحكاية توه عندها شهر! و الآولاد حالتهم أصبحت أثيوبيّة ! موش عيب عليك ، أنك تطرد طلبة من الجامعة لا لشيئ إلا آنهم قالو لا !!! للعشوائية السياسية و اللآدارية متاعك...بالك الجامعة ملك السيّد الوالد متاعك ؟ بالكشي ورثها على العزوزة !!! راهي ما هيش ملكك الجامعة و ما عندكشي الحق لا باش إتطرّد ناس جايّة تقرى و لا حتى باش تتدخل في أمور الطلبة. سيادتك جاي و واجعك قلبك على التجّوعيين الي متواجدين اليوم في الجامعة و أمرّكعينها بالحديد و النّار و لذلك نفذّت حكم الآعدام في الطلبة !!! و جوعا !!!! موش حتى بالرّصاص كما عمل المعتمد متع قفصة...أظرب خماسك في أسداسك و وحلّ المشكل هذا و حالا و إلا قدّم الآستقالة متاعك و على الهواء مباشرة...الطلبة لازمهم يرجعو و في أقرب وقت ممكن.

الواضح بالــــي برشة دكاترة عندك في الجامعة ، عندهم مشكلة كبيرة في فهم المعرفة ، و كيف كيف عندهم مشاكل مع الزّملاء متاعهم !!! ثّمة خماضة كبيرة في الجامعة ! متاعك و لازم إنحطو الحروف على النقـــــّاط.

مثلا : الدكتورة سلوى الشرفي ، تعرفها ، هذيك الي خدمت دور الدّكتورة سكسي في جمهورية قاسم ، ما تعرفش ما معنى المعرفة !!!! ما تفقهش معنى العلم ؟ و لذلك إنشوف أنو من واجبي كمهندس مبرّز و لمرّتين إني إنعرّفلك و أنوّضحلك ، إنت و الدكاترة متاعك ها المفهوم البسيط ...!!! و المعقدّ في الجامعة متاعك!

شوفي يا دكتورة سلوى : العلم = partage des évidences. بالعربي يعني إنّك تتقاسمى مع الناس و مع الطلبة و مع الزّملاء متاعك كـــــل ما هو بديهي !!! إنوّضح بأمثلة :

- الآرض مستديرة الشكل : هذه معلومة بديهية و لا يختلف فيها إثنان !
- النضام التونسي دكتاتوري : هذه معلومة بديهة جدا و لا يختلف فيها إثنان ، و إنزيد إنوّضح أكثر ، تسقط عليها قوانين النسّبيّة
- حزب التّجمع إمثل عصابة : كيف كيف معلومة بسيطة و متّفقه عليها التوانسة الكل و لا يختلف إثنان في الحكاية !

الدّرس هذا البسيط لازمك إتقــــــــريه للطلبة متاعك ، لآنهم إشكوالي منك و بكثرة ! الطلبة إتشوف إنك ديكتاتورة موش دكتورة !!! و أنت تعرفي مليح بالي الدكتاتورية راهي مربوطة أساسا بالعدم التّمكن من المعرفة ...و الممتبع لدراساتك الي إتقديمي فيها على الفايس بوك يفهم بأنك فالحة في حكاية الآرنب !!! أنوضح ...!!! كل يوم تخرجي علينا بأرنب ...أه هاني ألقيت أرنب ؟ و أشنوه الآرنب ؟؟؟ نص كتبو شيخ في السّعودية : أحلل و احرّم كما أحب ....هذا يا دكتورة ما هوش ريشارش علمي !! هذا إسموه ..صيد الآرانب بالقرب من غار حراء ...عاد نصيحتي ليك كدكتورة إنك تخرجي من غار حراء ...و تخرجي من الضلام الي عايشة فيه ...و أتسيب عليك من صيد الارانب و الشيوخة !!!! أخرجي للآنسانية ..للعالم الكبير ...و صارعي من أجل أنو الخير أعم جميع الكرة الآرضية ، ألي راهي مستديرة و كانت هذه أول معلومة بديهية.

الدكتورة سلوى الشرفي و على الهواء مباشرة تتشّمت في الدكتور الصادق شورو ، زميلها في الجامعة ، حيث تقول و بالحرف الكامل ::: يبكي هو و لا تبكي شطر تونس! الجملة هذه إتعبر على شماتة داخلية كبيرة و عقدة و مرض نفسي ، قبل ما إكون موقف سياسي ضد أو مع المشروع الآسلامي ....إذا دكتورة ما هيش متشبّعة بالعلم و البحث العلمي ،،،، أش باش إتقرّي الطلبة متــعها ؟ لا شيئ !!! بالعكس باش إتزيد إتضرّهم و ما إنجمو يتحصّلو على حتى شيئ من تجربتها !!! هنا سقطت الجامعة التونسية كليّا ...و المشكلة ولات مشكلة كادر.

كادر كما سلوى الشرفي ( نحيت عليها صفة دكتورة ) ،كيفاش باش ينفع تونس؟ شيئ!!! ما ينفعش و لكن قاعد إضر و قاعد إفسّد في الطلبة ...لو نعملو مقارنة صغيرة بين الدكتور الصادق شورو : أختصاص كيمياء و سلوى الشرفي : لا أختصاص !!! نلقو دكتور خوانجي في الحبس ...أنفع لتونس مليون مرّة أكثر من سلوى الشرفي . علاش ؟ هنا يا سلوى إنفسّرلك في مفهوم ....القيمة ، أرجعي لكتاب راس المال ! باش تفهم ما معنى قيمة الآنسان ...ما أنفع لتونس الدّكتور منصف بن سالم / الخوانجي و المختصّ في الرّياضيات و الفيزياء و اللممنوع من التدريس و ألا سلوى الشرفي و الارنب متاعهـــــــــــــــــا ....هذاك علاش سلوى أتحب البلاد هذه ما تاقفش على ساقيها أبدا ...إنهم الدكاترة الصّحاح أكونو في الحبس ...و ألي فو دكاترة إشعلو في النار و أقولو الدّخان منين .

سلوى الشرفي تلعب على الحبلين هي و ولد الخياطة ...ساق معاهم و ساق معنا !!! قاتلك يســــــــــــــار ،،،، لا و ألف لا ...اليسار الوطني يتبرأ منكم كما تونس تتبرأ من الحمير.


رئيس الجمهورية
و القائد الاعلى للقوات المسلّحة
قاسم قاسم

09‏/03‏/2009

حوار مع تجــــوعي ....

ديانا
قال الله تعالى في الآية 6 من سورة الحجرات: بسم الله الرحمان الرحيم "يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين " - صدق الله العظيم

قاسم

باهي ، القراءن ما عاش تجبدو جملة !!!! هوني نخدم في السياسية ! موش في جامع ! وليت شيخ فيسع فيسع !!!! و كانك من الخوانجية عندي طريقة اخرى للنقاش ! أي الثنيّة هذه تبعد عليها و لا أيات و لا حديث و لا حدّث ....

ديانا

أوّلا انحب انخاطب الأخ حاكم نورمالاند و انقولو اللّي أنا ما كنتش انهاجم فيه و لكن وقت اللي علّقت على التدوينة متاعو المتعلّقة بخطأ في رقن تونس باللغة الفرنسية من طرف أحد المدوّنين، إنّما أنا انقدت كيفيّة تصويرو للخطأ و تهويلو للأمور.

قاسم

هذيك ما هيش غلطة رقن ! أبدا ! هذيك إسّموها ، عدم معرفة و كعور و اعطي لآعور ! لأنو متخرّج من جامعة ما هيش قادرة إلا أنها إطـــــلّع الآميين ! و ما أدراك من أكادمية الجوع و المجاعة و التجّوع
القوفرنارمرحبا بيك سي ديانا ماغازينأولا ما عندي حتى مشكل مع الحزب الدستوري الديمقراطي الي هو حزب تاريخي في تونس و تاريخو في تحرير البلاد حد ما يشكك فيه ... و أنا كنت من أول المرحبين بناشطي الحزب في هالفضاء و يضهرلي تعليقاتي عمرها ما حملت كراهية لحتى حد.

قاسم :

الحكاية يا سي القوفرنير عمرها ما كانت كراهية و إلآ حب ، بل بحث على الحقيقة !! حزب التجّوع ما هوش قادر باش إشارك بحتى شيئ !!!! لا في البحث على الحقيقة !!! و لا إنــــو إخلي الناس تبحث عليها ...المشكل مع الحزب هذه إنو ماشي في بالو بالي بلا بيه المطر ما هيش باش إتصّب ، و أهلو ما شي في بالهم بالي هوما عندهم الحقيقة الثابتة !!! و بالي التوانسة لازمهم يسمعو و يسكتو ...و هونا أحنا إنفكرولكم ...و أدبرولكم من حاجة شويه ....الحزب هذا ، حزب شمولي ..ضد الحرّية !!! و ضد أنو الفضاء السياسي يتحّل و يكبار ، بل ما إنجم يخدم كان تحت الطاولة و بجماعة ديما إتقول نعم...حاضر سيدي ...مشكلة الحزب هذا ...أنو لا يــــــــصلح و لا يصلح ..كما قال الدكتور منصف المرزوقي....حزب مجعول باش إفسّد الحياة السياسية و الثقافية و الآجتماعية ّ!ّّ بتشليكها و بث الفوضى في صفوف المجموعة الوطنية الصادقة.

القوفرنار :

تقلي غلطة مطبعية ...سامحني ...تغلط أنت كيف تكتب اسمك ؟؟؟ من المستحيلات ...و أسأل أي واحد يفهم في البسيكولوجيا ...تي أنت كيف انسان يناديك بأسمك بالغالط تتنبز ...خلي ولد بلادك يكتب أسم وطنك بالغالط.

قاسم :

الناس ألي عندها ...كل شيئ كيف كيف ..و برى بالشلاكة حتى إيجيك الصّباط !!هاذوم سبب خراب البلاد ...نوفل ما هوش مختصّ في حتى شيئ ..حتى في إنو أكون دستوري ..و أمثل حزب الغورة و الجوع !

القوفرنار :

ممكن بالنسبة ليك أمر عادي ... أنا يا أخي كيف انحل موسوعة حتى من نيكارغوا و نلقى أسم بلادي مكتوب بالغالط نتغشش و نتنبز

قاسم :

دينا ، بالنسبة ليها ...الدّقائق لا تعني شيئ !!! و هذا أمر خطير !!! و إشوف في الغلط و ما إحل فمّو ...علاش؟ عامل إنصر أخاك ضالما أو مضلوما !!! المصداقية يا سي دينا ...أنك تدين نوفل ...و إتقول ...ماهو ثبّت روحك ! كي تكتب إسم بلادك ...موش تلقى في الأعذار ..كي المرا الهجالة ألي تلقى في الحلول لبنتها ....أستوي روحك و قول الحق.
القوفرنارثانيا .. أش مدخل البلاد مع هالمدونة ؟؟؟؟ ياخي هالسيد يمثل بلادي خير مني ؟؟؟ و الا يدافع عليها خير مني ؟؟؟ مجرد مدون كيفي كيفوا ..و حسب رأي الشخصي ما عندوش المؤهلات باش يمثل بلادي ألي نخزرلها أنا بعين كبيرة

قاسم :

إشكونو نوفل ؟ باش إمثّل تونس أحسن من القوفرنار ؟ إشكونك إنت باش إتمثل تونس أحسن من قاسم و إلا من على و إلا من صالح...دمّكم أصفى من الدماء متاعنا و إلا إتحملـــــــــــو في أرواحكم مسؤولية و لا تونسي حمّلهالكم !!! باش تبدى تتزايد بالوطنية يا سي دينا على قاسم و إلا على القوفرنار ...أنقولك لا يا راجل ...و شد بلاصتك و أستكفى بنفسك ...لستم وصّيـــــا علينا ...لا لا لا لا ! و تونس ما هيش ورثة السّيد الوالد !!!!! فاهم.
القوفرنارو اخيرا نقلك ,خويا العزيز, برى أقرى تدويناتي من أولها تو تفهم الي عمري ما تخبيت باش نعبر عن رأي و نقول كلمتي و ماحاجتيش بمدونة رديئة كيما هذيكا بش نتخبى وراها و نقول الي نحب نقولواتحياتي

قاسم :

باش إكون في علمك يــــــا سي ديانا ...راهم المدّونين ...إحبو أخرّجوك من العزلة السياسية متاعك !!! أنت و نوفل و الحزب متعكم زاده !!!! لكن تخرجيكم من العزلة الي إتعيشوها ...لازم تدفعو الثمّن متاعها ...بالطبيعة ...توه إيجيك الحديث !!! أنا ما ندخل في نقاش طويل المدى ...إلا عندي برنامج ...صحيح و خطوات تكتيكية ذكية !!! و الهدف من إني نحكي ...هوني ..هو تشجيعك على التحّرك داخل الحزب متاعك باش إتساعو على الآمتداد على طاولة الآحتضار ...أنا من المنظرين ألي تقسيم الحزب الخارب هذا !!! و الي تحجيمو باش ياخو الشكل الحقيقي متاعو....هات أش عندك!! و اي تيار إبرهن عن وجودو داخل الحزب هذا ...راهو باش يلقى التشجيع من جمهورية قاسم ..ألي حدود القسمة ....باش إكون التصّدع داخل الحزب هذاك بـــــــــــدى ...و الشق اليوم مشى في العمق ..و أكبر دليل على ذلك وجود إذاعة 6 ...الناس هاذوكم ما يعترفوش بإنقلاب شبعة نوفمبر ...و لا ببن على و لا بالطرابلسية ...إذا ...الماء وصل للرّقبة....هات يديك ! كان إتحب إتعيش ....

ديانا :

إنت، قتلي إذن اللي إنت ما تحمل كراهية لحتّى حد....بارك الله فيك. و لكن اتنجمش تفهّمني آش ماعناها إمّالا تكب في سعد الرّاجل و مشهّر بيه و تتّهمو بأنّو مشلّك البلاد؟؟؟؟؟ منين جاء الاحترام اللي إنت تحكي عليه؟؟؟؟؟

قاسم :

سيادتك و سيادتو متعصّبين لحزب بإسم تونس الكل !!! لا بابا !!! بالعكس القوفرنار فيق الراجل بغلطة فادحة ...هو الشخص هذا ..ضار البلاد و الحزب متاعكم أكثر مت ألي نافعـــــــو ..ماهو على الأقل هبطو واحد بروفسيونال ...للصتاد ...يا حسرة ! ما عاد إتبّع الحزب هذاك كان واحد إستوت عنده الآنوار و الـــــــــــــضلم.

ديانا

أنا ما جبت حتى شيء من عندي...المدوّنة متاعك موجودة...و التعليقات موجودة...و الإخوة ينجمو يرجعو ليها و يفصلو بين الجميع و أرجو أن لا تعتبرو ما أكتبه تهجّما نحو شخصكم المصون، سيدي القوفرنور، و لكنه مجرّد لفت نظر!

قاسم :

هنا ما ثماش لا تهجّم و لا هم يحزنون ..هنا ثّمة بحث على الحقيقة ، ألي إنت مازال ما كش مستعد باش إتعاون ..بل قاعد إتغطي في العين الشمس بغربال...كما محاولتك في الدّفاع على نوفل ...كان أجدر إنك تطلب منو ..إصلّح و إلا أعاود التدوينة جملة و إنضم روحـــو ...و يستوى ..موش إتصّفقلو.

ديانا:صحيح إنو من غير المقبول إنو شخص يخطأ في أمور بديهية مثل كتابة بلدو و لكن الله أعلم بظروف التدوين. بكلّنا يصير علينا إنو نخطئو و نغلطو لأنو بجميعنا اندوّنو و نكونوا تحت ضغط الوقت أو غيرو. شكون فينا ما غلطتش نهار في كلمة؟؟؟ تي أنا ديما غالط و انحاول انصلّح المقال أكثر من مرّة قبل ما ننشرو و في أكثر من حالة لا بدّ باش ننسى حاجة.

قاسم :

حتى شيئ ما عاد باش يتعدى ...لا تغلط لا في الكتابة متع بلادك ..و لا مع المواطن !! و خاصة غلــــــــطاتكم التاريخية و الميدانية عبر ممارسة السلطة ولات لا تطاق و أصبحتم عبئا على الشعب التونسي ...و حجر عثر أمام الآنعتاق متاعو

دياناتونس مش صدق الله العظيم باش وقت اللي نكتبوها بالغالط معناها أحنا مشلّكين و شلكّنا البلاد و قزّمناها و قللّنا احترامنا تجاهها.

قاسم

إنتم ضحكتو علينا الشعوب ...و رجّعتونا مهزلة أمام العالم ..إنعم و إنجيبلك خمسين مثال و مثال ...و أقلّهم ..إنكم ما نجمتو إتحلو حتى مشكل قائم الذات ...!!! و الدليل على ذلك ...إضرابات الجوع في البلاد ..أول بلاد تونس ولات في إضرابات الجوع ! أول بلاد في الترافيك متع البابورات ...في بالك جماعتك قاعدين تسرقو و إتقيدو على إسم تونس .....فسّدتونـــــــــــــا سمعتنا في العالم.

ديانابكلّكم تعرفو اللي أنا من أكثر المعارضين لثقافة التخوين و العمالة و كذلك احتكار الوطنية. على خاطر كان باش تحكي على تشليك البلاد، إمّالا بربي قللّي آش يعملو جماعة كيما مدام سهام بن سدرين و الأستاذة راضية نصراوي و سي توفيق بن بريك و سي الشابي و المرزوقي و القائمة طويلة عريضة وقت اللي يتوجّهو إلى باريس و إلا جنيف و يلقاو سيّارات المرسيديس تستنى فيهم في باريس شارل دي غول و إلا في جنيف كوانتران؟؟؟

قاسم:

سهام بن سدرين ( الكبرا ) هذيك ....في بالك بالي دارها طيّحوها ..؟ إشكون ماهم المليشيات متع التجّوع ...بالتراكسة !!! ثمة دولة مسؤولة و حزب !!! يأمر بإسقاط دار على راس إمليها ...إذا موش كان الحقد مالي القلوب...!!! موش مدام سهام بن سدرين ألي كسرّتولها وجها خمسين مرّة ...لأنها حاولت تبحث على حقيقة نضام خارب من أصلو .....راضية النصّراوي الي فشختوها مليون مرّة !!! موش هي المحامية الوحيدة الي نجمت ..إتقول للعالم بالي نضام الشابع من نوفمبر ..قاعد يستفعل في الرّجال و قاعد إعـــــذّب في المساجين ...و قاعد يحكم عليهم كما جاء ...ماهي راضية النصّراوي الي وقفت مع المعدومين في سجونكم ...أي إشبيه سي توفيق بن بريك ؟ لأنو قال الحقيقة و مارس المواطنة متاعو رغم أنف بن علي و نضام الشباع من نوفمبر!!! المرزوقي الي طرّدتوه من الجامعة ...!!! لأنو دافع على الانسان التونسي !!! لأنو فضح نضام الشابع من نوفمبر و مومرساتو ...لأنو كان الصّوت الوحيد ألي إستطاع باش إخرّج حقيقة الديكتاور للعالم ...المعارضة التونسية ماهيش معزولة على العالم و باش تتعامل مع كل المؤسسات العالمية لفضح الجرائم الي إرتكبها حزبكم في حق الشعب التونسي ...إنعم كل المؤسسات الآهلية و المجتمعات المدنية !!! بالنسبة للمرسديس ...أنا ما شفتش و يستحيل إنها كانت في إنتضار ...زهير اليحياوي في جنيف ..و إلا سيدة تونس الآولى السيدة نزيهة بن رجيبة ...أبدا ...إشرّفني المرزقي ! و إشرّفني زهير و إتشرّفني راضية و سهام ...و كثير منهم الاسماء ...بأني تونسي !!!
و ما إشرّفنيش نضام أغور على التوانسة بالسّلاح و النار ..فاهم !!! و إلا إنزيدك.

ديانا :

تنجمش تفهّمني منين جاتهم الفلوس باش يقعدو في فنادق 5 نجوم و يركبو أفخر السيارات و يعملو الطيّارة كيما الكار بين تونس و أوروبا؟؟؟؟ وقت اللي الوزراء متاعنا كي يمشيو ياخذو منحة يدوب تغطيلهم مصاريف الأوتيل و بوهم باي كان لقاو مرسديس تستنى فيهم.

قاسم :

كان جات المعارضة عندها فلوس !!! راهي نجمت إنضم روحها و إتجيب البديل !! و لكن لا عندهم فلوس و لا عندهم باش إقاومو نضام أغتصب أموال الشعب التونسي باش إمول بيه ...فيلسوف قرطاج لن تسقط : بخمسين تذكرة سنويا تونس- باريس ! و خمسة عشر ألف دولار شهريا ...شوف طيارة الرّئيس وين مشات ...؟ و تبّع الحكاية !!! تلقى الطيارة عملتها مرتو إتقول تــــاكسي غوار !!! من بلاد لبلاد ..تعمل في الشوبيكن متاعها ...و السّفارة أتخلّص ...على ضهر إشكون ..على ضهر الشعب التونسي ...و من أجيوب الفقراء و المساكين ....و بالنسبة للوزراء !!! وينهم الوزراء الي تحكي عليهم ...تصاور لا إحلو و لا يربطو مع حكومة الطرابلسية ..

ديانا

شكون اللي يشلّك ببلادو و شعبو و يشهّر بيهم في المحافل الدولية و يبعث بالفاكسوات للبرلمان الأوروبي و للصحف و القنوات الأجنبية و يروّج لأخبار كاذبة سرعانما منظمات حقوقية كيما منظمة العفو الدولية و هيومن رايتس ووتش ماقدّمت اعتذاراتها للحكومة التونسية نتيجة أخبار كاذبة تلقّاوها و من بعد التحقيق اتضّح أنها غير صحيحة تماما؟؟؟؟

قاسم

جيب ربور واحد موش صحيح !!!! و أنا إنجيبلك ...شهادات عينّة من محاولات الآغتصاب و القتل و التعذيب ..داخل تونس...إشبيه هرب الملحق متع السفارة في باريس و قت الي المــــــــــرا قدّمت بيه قضية ...موش هو الي دّمر عائلة كاملة !! و قدّاش من عائلات دمرتها بتهم باطلة ....و هزّان و نفضان !!! ضّحكتو علينا العالم.

ديانا:
اشكون اللي يشلّك في البلاد و يصوّر في تونس على إنها سجن كبير و لا يمكن لمواطينها الخروج من أرضها في حين إنو هو نفسو حرّ طليق يدخل و يخرج على البلاد كيما يحب و يشتهي؟؟؟؟؟؟؟؟؟؟؟؟

قاسم

إنعم تونس سجن كبير !!! ياسر !!! و أنا ألي يومنا هذا إنقول بالي ثمّة صور كامل داير بيها ...و الوديل متع الصّور ..هو حائط الكلب و الحمار !!! أشبيه محمد عبو ما نجّمش إسافر ...إشبيهم اللاّجئين ما إنجموش أرّوحو ...إشبيه الشعب التونسي ( الشباب) يحلم بأنو يحرق و اموت في البحر ..كان البلاد هذيك ما ولاتشي حبس كبير ...الحريّة يا ولد ما هيش في أنك تدخل و تخرج من مطار ....لا ابدا ...!!! الحرّية أنك إتعيشها في الفكر متاعك ...في إنك ما إتحسش بروحك مراقب ..الحرّية إنك إتولي تحلم بحاجة أحسن و حاجة خير ...الحرّية هي أنك تقتل الآحباط الي ظرب البلاد ...!!! إذا إنت ما كش حر! ما إتنجمش تفهم الحرّية ...

ديانا
اشكون اللي يشلّك في البلاد؟ اللي انهار الكل و هو يقزّم في بلادو و إنجازاتها؟؟؟؟

قاسم

بالك جبت حاجة من دار السيّد الوالد ، إنت و إلا بن علي و إلا الطرابلسية ّّّ..الي وصلتلو تونس بأيدي أولادها ...بشعبهــــــــــا ...بمهنديسيها ..كان خايب و إلا باهي !!! الآنجازات ..راهي ملك الشعب التونسي ..و ماجاش بيها الحزب أبدا و إلا بن علي !! حدّأد و قصعتو منقوبة ...لا إنت و لا بن علي عاملين مزية على الشعب التونسي ! ابدا ....الشعب هو الي عمل كل شيئ ...و إنتوما قاعدين إتفسّدو ..كان موش منكم رانا على الاقل كي اليونان و إلا البرتغال ...بالقليلة القيلة ...رانا خلطنــــــــــــا على العالم المتحضّر و قدّمــــــــــــــنا حاجة للأنسانية ....إنت و بن علي و الحزب ...إنتوما السّبب أفي تخلّفنــــــــــــــــا و إخفاقتنا و هزيمتنا.

ديانا
و لنّا انجي لسي قاسم. يا ولدي مرحبا بيك و بهالعودة الميمونة في العلاقات بيني و بينك.

قاسم

أنا رجعتلك ، باش إنخرّجك من العزلة متاعك ...إنت عايش في غار ...إنا هاهو باش إنمدلك يدي باش إنخرّجك للهواء ...للعالم الكبير ..باش إتحل عينيك و تتلتحق بالكوبة ! و باش إتشارك التوانسة في البحث عن الحقيقة ...ما حتما عليك ظلام غار بن علي و الــــتّجوع.....

ديانا
بربّي قللّي، ياخي الكلام اللي إنت كتبتو الفوق صحيح و إلا أنا نحلم؟؟؟؟؟؟؟

قاسم

لا هذاك موش حلم !!! إنت مفجوع !!! من مواجهة الحقيقة ...و لذلك عاز عليك الضلام و الغار ...لأنك تشعر بطمأنينة كاذبة فيه ...جهرك الضّوء ..ما فهمت ما تكتب !!! البرى! ..مازل باش نعطيك ببروجكتــــــــــــار ..3000 وات ...!!

ديانا
ميليشيات و سلاح و قنابل و تفرقيع....يا ولدي شبيك؟؟؟؟؟ ياخي بايت تتفرّج في فيلم على أم.بي.سي أكشن ؟؟؟؟ تقولش أعليك تحكيلي على حزب الله و إلا على حماس. كانك تحكي أعليهم...أنا موافقك 100 في المائة هههههههه ماك تعرف، عدوّ عدوّي...صديقي هههههههه.

قاسم :

الحزب متاعكم، مسلّح إنعم !!! و الدّولة الي كان لزمها باش تحمي المواطن التونسي ! ولات تحمي في حزب ....البوليس التونسي إمثل حماية لنضام شمولي حزبي متطّرف ، و لا تعني له الدّولة حاجة ...الحزب هو الدّولة و الدّولة هو الحزب !!! هنا وليتو كما حزب الله مضاعف ثنين. غادي على الاقل ...ثمه نوع من الديمقراطية ...لكثرة الآحزاب و كثرة الطوائف ...أما إنتم ..حزب واحد مسلّح ..ملّغم ...و بارك على البلاد !!! و إفك من الناس في إرزاقها ...و إطرّد إشكون أحب من الجامعة ...و إسكّر كما أحب ! و احل كما أحب ...بالضبط كما أي حزب شيوعي متع بكري في أروبا الشرقية !!!

ديانا

أما كانك تحكي على تونس و فعلا على التجمّع، فسامحني فيك. ظاهرلي إنت عندك ماس في خيوط الضوء ضربو في بعضهم و عمللوك حالة من الهيجان و الانفعال اللي ينجم راهو يؤدي إلى جلطة دماغية أو سكتة قلبية لا قدّر الله

قاسم

نحكي على التجّوع ...تجمّع التوانسة الجواعة ..ألفاشلين ..الي ما إنجمو يوصلو لحتى شيئ بمقدورتهم الذهنية ..إلا عبر التّزوير و الغورة و الدّسيسة و السّلآح في إيدهم ! و قال إشنوه ...تجمع ديمقراطي دستوري ...!!! مافيا سياسية و أقتاصدية لا بد من التخلّص منها ...إما أجلا و أما عاجـــــــــــــــلا....التجّوع يا سي المدير ! هو الحقل الخصب ...لصناعة و إنتاج الدكتاتورية ...و لذلك لابد من ظربه في العمق.

دياناأنا مانيش متحدث رسمي باسم التجمع و لكن ثمة حقائق لا بدّ من إيضاحها لأنها تغالط الرأي العام.

قاسم

التجمّع لاهو وريث للحركة الوطنية ...و لا وريث لبرقيبة ...التجّمع حزب لقيط ..لا شرعية عندو ...لا تاريخية و لا حتى يومية ...التجّوع جاء و تخلق عبر إنقلاب الشابع من نوفمبر ...باش إكسّرالمصامر الدامرة متع حزب بورقيبة ...إذا ثمّة قطيعة كبيرة !! صارت في تونس ...

البقية الباقية ما عندي عليها حتى تعليق ....لأني بكل صدق ..النوامر متع الحكومة التونسية ما فيها حتـــــــى نيمرو صحيح ... و ثمة حتى دراسة علمية ما إتزّورتش من واحد من جماعة التجّوع ....لذلك قص عليّ ها الحكاية ...حتى إتولي عندنا دولة مسؤولة و صادقة و قائمة على مختصّيبن و خبراء ...ماهوش قادر لا بن علي و لا عمّار بن زور باش يشريهم ...و إزّورولو الحسابات.


لا لملاحقة الصّحافين

25‏/02‏/2009

رسالة ألي إذاعة ستة ...موش 7





هذا موش فيلم ، إنما مقدمّة متع مسلسل بدى عندو سنين! ألي سمع مليح الحوار متع الآستاذ عبد الوهاب معطّر مع راديو كلمة ، راهو شلق بحاجة أخرى ، بالي ثّمة راديو ستّة ، إبث في البلاد و يخدم ! إشنوه هذا راديو سّتة ؟ و علاش ستّة موش سبعة! و علاش نادو الآستاذ عبد الوهاب معطّر لحوار معاه ؟

رقم سّتة ، راهو إيجي قبل رقم سبعة في الحساب ، و ألي ما يفهمش ياسر ، يعني قبل ليلة الآنقلاب متع شبعة نوفمبر ...التسّمية هذه ما هيش بلاش ...هذا يعني بالي جماعة الحزب القدّم خرجو على الساحة السياسية و إحبو حاجة أخرى و الرّجوع لقبل الزّيادات ...يعني الآنفصال السياسي على حزب التجّوع ...و عدم التمشي في سياسية بن علي الخاربة !!!! و هذا جـــيّد ياسر في المرحلة هذه !!!

إستدعاءهم للآستاذ عبد الوهاب معطّر موش حبـــــّا فيه و إنما طلب سياسي واضح من المعارضة التونسية و من كل وجوها لمساندتهم السياسية ...و في حركتهم ألي ما إتنجّم إتكون كان تحت إسم ...حركة تصحيح المسار ألي فسّدو بن علي و الطرابلسيّة. و المطلب هذا لازمو إكون بالآيجاب..علاش؟

حاليا و في المرحلة هذه ، ما إنجّم إكون ثّمة تغير صحيح و سلمي إلا من داخل هياكل الدّولة و الحزب الحاكم ...المهّم الي جاء في راسي عندو سنين ...شفتو اليوم بعيني رأسي و سمعتــــــــــــــــو علي المباشر.

يا جماعة ستّة ...جمهورية قاسم معاكم ألي حدود تقسيم حزب التجّوع ألي ثلاثة فرق! زوز على الآقّل ...عزل شق الطرابلسيّة و كذلك الآطاحة بزين العابدين بن علي. حتى تقدّم ما إنجم إصير ألي الآمام و الشخص هذاك مازال شاد راس البلاد...الرّجل هذاك إمثل حجرة عثر أمام تونس و تقدّمها ، أمام تونس و تحررّها ، أمام الحرية و الكرامة المنشودة من الشعب التونسي بالكـــــــــــــــــــلو ...رجل تجاوزو الزّمن و ما عاش قادر على إدارة البلاد و لا حتى بلدية ...العصابات الي إتمكنت من الآقتصاد الوطني في كل جيهات الجمهورية التونسية مربوطة أساسا بالعشوائية السياسية متع قصر قرطاج.

قاسم قاسم

24‏/02‏/2009

الدكــــتور و الدّجاجة






هاهو علاش الدّجاج ما إنحبوش و نكره الريحة متع جد بوه ؟ توه الدّجاج عطاه ربي منقار باش ياكل و يشرب ، و لكن شيئ النافع ربي ..ما يستعملــــو كان في الفساد...تطلعشي نوارة في البلاد ! حتى متع قرعة ، الدّجاجة تمشيلها بالعــــــــــاني و شماتة في قاسم و تنقرها و إتفسّدها ...و قداش من نوارة إتهلكت في هاكي البـــلاد ...السّبب الوحيد متع خرابها ها الدّجاج الآسود ...كان النّوارة ما قصّهاش بن علي و ألا الطرابلسيّة ...راهي ماية في الماية باش يهلكها الدّجاج ...إيه ؟ أش نعملو أحنــــــــــــــــا التوانسة الي أغلب مكلتنا من الدّجاج ...نقطعوه جملة و إلا نشرو قرياج على كبر تونس ؟

حكاية القرياج هذه يستحيل ! أحنا هكــــّا و إنعيشو داخل صور من حديد ...بلاد مسركلها بن على و الطرابلسية بصور كي صور الصّين ..حتى من الآنترنات مقصوصة ..من داخل تونس ما إتشوف شيئ ...الصّور عالي ...و كان إنزيدو عليه قرياج ..إنموتو بالخنقة!!!

بلاد إتسيب عليها دجاج أسود و مريض و عندو منقار يا لطيف ...اللّطف ...حتى البنيّات ولات خايفة على عيوناتها ...تسومني متع دجاج ..ينقر في العباد و النّوار و النخّل و الشّجر و حتى من القطّوس ما فلتش ....بلاد باش يحكمها الدّجاج ..يا لطيف يا لطيف ...و يا عارنا على أروحنا ؟ التوانسة حــــــــــارو في الدّجاج و ما نجموش إقاوموه.

صاحبي المرحوم ، زهير اليحياوي ، هذاك النــّوارة الي نّورت في الرّبيع و طابت بكري و خلاّت زرّعتها في كل بلاصة ...في الأنترنات في الفايس بوك في الصّحافة في العالم كامل ...باش مات زهير اليحياوي ...سيبو عليه دجاجة كحلة ..جات حتى لتونزين ...و ماهو طيب ، ما فاقش و ما عطهاش قدر ...قال هذه دجاجة ما تعمل شيئ ...و لكن في الآخر قتلاتو بالآنفليـــــونزا...الله يرحمو و إسامحو.

صاحبي ..كيف كيف الدكتور منصف المرزوكي ..ما نجموش بن علي و ما نجموهيشي الطرابلسية ! كي رّوح لتونس سيّبــــو عليه الدجاج متع حمام سوسة ...شعرة لا مشى زيزي ...الرّاجل !!! و غنتم إتقولو الدّجاج ما أخوّفش ...لا الدّجاج سلاحو في فمّـــــو ...كالكلب حشاكم .!!!!

صاحبي قاضي القضاة ..مختار اليحياوي ..ألي يومنا هذا ..دارو مسركلة بالدّجاج الآسود ! و حتى من فوق الدّار ...ثمة صردوق وين إيجه حد للدّار يطلع يــــذّن و إفزّع بن علي و الطرابلسية !! راهي بلاد ولات محكومة من الدّجاج...إتكلّم دجاجة إترسيلك في عين عورة ...خير هو الواحد أولي عينـــــــــــتو بيضاء جملة.

توه عشرين سناء و لا طلعت نوارة في البلاد ...حتى من الياسمين ما سلمش ..دجاج قاعد يسكر فوق الصّور و الكمية ياسمين ...في الغابة نفسها ..ما ثماش نوار...أبدا في هاكي البلاد باش تقعد نوارة و إتفرّخ و أتجيب الزّريعة ...و إيزيد يكثر نوار البلاد.

دكتور نوارة ، قاري مليح ! أقري في الجامعة ! يحكي مليح ! الرّاجل معبى و عندو ما إقول و عندو ما يحكي ...و هابط للميدان بكل تواضع إنجمو إنقولو ...و يكتب بالدّارجة ...و رّبما إكون أول دكتور جامعي كتب بالدارجة و إنجم أوصل المعلومة ...إسيبت عليه دجاجة من تونس ، قالو ناقدة في السّنماء ؟؟؟؟ أنا باش نهبل ....حتى الدّجاج يفهم في السّنماء و النقد ...و هاكي الدّجاجة طيحت ذبانة في الدّكتــــــــــــور !!! علاش ؟؟؟ الدّجاج صنعتو الفساد أولا و أخيرا...ينقر كل شيئ !!! و شماتة في تونس و في أهلها ....شماتة في العباد.

أنا السنماء ما نفهمـــهاش أبدا !!! و لكن نكتب في نصوص تشبه للسنماء !!! ربّمّا تشبه لأفلام !! أما باش فيلم إتكون فيه البطلة دجاجة مــــــــازال ما إكتبتوش ...و لكن هاكوم تقرو فيهم ...إشنوه دواء الدّجاج ؟؟؟؟؟ نعملو دواء البرعوث ؟ نشري ذيب ؟ نشري ثعلب !!!! ما عاش ناكلو الدّجاج.؟

يا رب ..صّبرني مع الدّجاج

الدكتور مازال ما فاقش ...من النقرة الآولى ...و إتجي دجاجة أخرى ...إتزيد إتّكمل عليه !!! إتقول فنانة ..راقصة و مخرجة و نحاتة ...خدمتها الفـــساد و هاذا ما عندو من نقول !

الدّجاج هذا ..عندو حــــل واحد !!!! ها الدّجاج الي ما إمخلي حتى نوارة إطيب و إتعيش و إترّبي الريش ....عندو حل واحد عند قاسم .........إرّيش جد والديه الكلب ...إنخليه إعيش عريان ! على الآقل ما عاش يوصل ...للنوار العالي ..و إجوانحو تتقصص جملة.


قاسم قاسم

27‏/01‏/2009

خميّس الخياطي ...في ...الدّم الفاسد



أش جابك و جابني ؟ كلّمتك ؟....لا و مصارش منها الحكاية ، علاش تجبد في قاسم و في الجمهورية متاعو ؟ أش عملتلك ؟ كتبت عليك حاجة خايبة ؟ أبدا ...ما دخلت معاك في حتى شيئ !!!! و لكن لسانك المشوم وصلّك للمشاكل و مع إشكون ؟ مع رئيس الجمهورية نفســـــــــــو !!!! ما هو يا سي الصّحافي ، كان إتحب تلعب في الفيلم كما لعبو برشة جماعة ...موش مشكل باش تبعث برسالة على البريد و البرق و الهاتف السّريع ...و إتقول فيها ..يا قاسم كان تعمل مزية دخلني في الفيلم الجديد....الشيئ هذا إنت ما عملتوش و لكن نزلت فـــيّ قامة و ذراع على مدّونة الشيخ الألحاد عاشور ناجي.

ألي فهمتو من المداخلة متاعك ، إنك جاي إدافع على الشيخ عاشور !!!! و على صاحبك بيق تراب بوي و على الدّكتورة المخبوطة الي عجبتكم!!! إيه عاد قولي إنت شاد الصّف في الطــــــــــــاّبور الخامس من الأول باش نفهم مليح غنايتك..
باهي ، كانت على عاشور ناجي ، نعرفو قبلك و عندي معاه توه 8 سنين نتخابطو و ملاّ’ عندو و مرّة عندي ...و هذاك لسانو طــــويل ، كان عينتــــــــــو باش إسب قاسم و زينب و الكلب و البهيم ...راهو عملها عملتــــــــــــــــو ...بالعربي ما حاجتوش بمحامي ! كونشي كانك إتحب تخدم ...محامي الشيطان ...و كانك في الطّابور الحامس : هذا بالنسبة ليك ما هوش مشكلة.

إنقولو سيادتك ..جاي إدافع على بيق تراب بـــــــــــــوي ...السيد محامي و لسانو داير برقبتو أكثر مني و منّك ...و قال في ما قال ...أنو قاسم حب يخدم بيه ....سي بيق تراب بوي ..قاسم ما يخدمش لا بالرّجال و لا بالنســــــــــــاء ...قاسم يخدم بالأبطال ...و لكن سيادتك ...ما نجمتش إتكون بطل ...لا أكثر و لا أقل ...و الكتابة في حد ذاتها تجربة ، و على قد ما إتجرّب على قد ما تقرب للشخصّية ....شخصيّة بيق تراب بوي ، وقت ألي إتوضحتلي بالبــــــــــــــــاهي ..و فهمتها ..طارت النفحة من كتابتها !!!! لا أكثر و لا أقل!!!! المّهم أنا ما جبرني و لا إنسان لا باش نكتب و لا باش نختار الشخصيات الي حاجتي بيها ...

نرجعو لسي الغفــــــــــــــــــــــاص متاعنا و ألي داخل في إعفس في جمهورية قاسم بصباطـــــــــــــــو !!!! سي الشباب خميّس الخياطي ...أنا عندي قانون يا سي الشباب ! العين بالعين و السّن بالسّن و العمق بالعمق و البادئ أظلـــــــــــــــــم.

ولدي قيّس ...في بالك اش عملتـــــــــــــلو ، وقت ألي ما جاش للخــــــــــط ...طرّدتو من الدّار و شريت في بـــــــــلاصتو كلب ...سميتــــــــــــّو على أسمو ..بالعربي ! جمهورية قاسم ..ما يلزمها حـــــــــــــــد و ما فيهاش واحد ما يتعوّضش ...أما الأعداء متاعها فقد ألقيت بيهم جميعـــــــــــــــــا ...في البحــــــــر...و ما إنحبش نحكيلك على الحروب الي خضتهــــــــــــــــــا منذ أكثر من عشرة سنين ...

خميّس الخياطي ..هذا ..راكبو الدّم الفاسد و متمكّن منــــــــــو ...كرازم ...كرازم في رقبتــــــــــو ...إتقول وسيس !!! سي خميّس يكبر و الكرازم تكبر ..حتى ...أنو الحركة متع رقبتو ماعاش ساهلة كما العادة....و ساقيه ثقلـــــــــــو ...الرّجوع ألي ربي في حكاية كمـــــــــــــا هذه...بره بره ...يتعرّف ...علي بيق تراب بـــــــــــــــــــوي، عبر مراسلة بريدية أولى فثانية فثلاثة ..فكتاب ...فطلب من الولد أنو يعطيه رايو في كتاب : أنا الكتاب ما قريتوش و لكن قريت الراي متع البيق فيـــــــــــه ...أي حلفت بأمين لا قريتو...!!!! ثمّة كتاب تونسي واحد تكتب في العشرية هذه ...العنوان متاعو بكل بصاطة ( كتـــــــــــــاب) ...ألكاتب متاعو ...سامي بن غربيّة ، صاحب موقع نواة...الكتاب هذاك ..جاب فيلم هجرة الحكيم ....في الواقع سامي بن غربيّة حكي قصّتو على لسان الحكيـــــــــــــــــــــم ....هاهي كيفاش جات حكاية البهيم متع جمهورية قاسم !!! من حمار الحكيــــــــــــــــــم ألي ما جبدش عليه سي سامي بن غربيّة ....

هنا سي سي الشباب ! يا سي خميس الخياطي ..مخّك يحبس قدّام التكنيك متع الخلق ! و بما أنك بعيد ياسر على الكتابة المغامرة ...و على الرّحلة داخل غياهب الخلق الرّوائي ! إذا ...زاد عليك الدّم الفاسد....و ما ثمّة حتى طبيب و ثمّة حتى دواء في تونس !!!! كان قاسم .....تعرف لشكون نحيت الدّم الفاسد و إلا لا؟ و اليوم جاء دورك!!!!

- زعمة نمشيلــــــــــــــــــــــو يا بيق تراب بوي
- و الله ...شوف ...توه هاك ما لقيت حتى دواء
- إسمع ..قاسم راني نكرهو ...و زيد مهبول ...و باش إنزيد نمرض عندو
- شوف ..يا خميّس ...توه في تونس ما ثمّة كان هــــــــــو إنحي الدّم
- إشكون قاللكم عندي الدّم الفاسد
- موش إنت قلت ....؟ إشنوه ها لي في رقبتك ...إتقول بيس
- وسيــــــــــــــــــس...لا أكثر و لا اقل
- لكن هاك ما عاش ...قادر باش إتحرك ...رقبتك ...برى أمشي
- باللّه إمشي معاي ...عند قاسم ...
- إنوّصلك ...و الحانوت ما ندخلوش ...
- باهي بره


الحانوت متع الدّم الفاسد ماكم تعرفو بلاصتــــــــــــو ، في سوق العملّة ...شارع سالين ! قبل ، كنت نستخايلــــــــــــــو : شارع ستالين ، حانوت جاي مترّكن شوية ، بعيد على الشّبهة متع البوليس !!!! ما إيجيه كان واحد مريض بالدّم الفاسد ...و إلا طلب من قارئة الفنجان باش إتجيـــــــــــــــبو ...الكليونات الكل في الحقيقة بعثت قارئة الفنجان ، المخابرات متع جمهورية قاسم باش إتجيبهم .............الوحيد ألي جاي على ساقيه !! سي خميّس الخياطي ...يمشي في الشارع مع بيق تراب بـــــــــــــوي ..قاصدين قاعة العمليات الكبيرة....

بيق تراب بوي ...ساق في الحانوت و ساق ألبرى ..خايف يدخل

- أدخل يا سي الشباب
- لا لا لا و الله لا عندي ما نقظي يا قاسم ..فكّني
- راك راجل ...أعمل كاس تاي !!
- لا لا ...جيبتلك خميّس الخياطي ...و الحديث يوفى هوني
- من الباب.....خايف ...موش عوادك
- ألي خاف سلم ........فكّني ...أيا السلام عليكم

دخل سي خميّس الخياطي ...حط الشابـــــــــــــــو على الطاولة ...و إتنهّد ...إشوف في الحانوت ...ما عجبــــــــو شيئ !!! حاير في جمهورية قاسم و ما عرفش كيفاش تخلقت ! شدو من خشمـــــــــــــــو ..يطرّشق

- مرحبا سي خميّس ..زارتنا بركة !!!
- شوف ...الحديث ياسر لا ...و السّبان لا ...يرحم الوالد
- إتفــــــــــــــضّل باش حاجتك
- نقعد على الكرسي ...المتحرّك ...و إلا لا؟
- أيه زوز ..أقعد ...كيفاش إتحب إنحجّمك ؟
- موش حجـــــــــــــــامة ...شوف في رقبتي من تالي ..ثمة كعابر كي البيس
- أيه ....ثّمة
- إشنوه زعمة سي قاسم
- دم فاسد ..عـــــــــــــندو مدّة هذا ....قديم
- زعمة ...صحيح ؟؟؟ موش هاكه المرّض الخايب
- كونسيـــــــــــــــر ...أيه صرطان ...من نوع الدّم الفاسد

أما قلت صرطان ...و سي خميس ..غرق في الكرسي ...و ما عاد إبان منو كان الرّاس . و بدى البكاء ...و نزلت الدّمعات ...يبكي كي الصّبية ...

- أه باش إنموت ...أه يا ربي !
- عرفتـــــــــــو توه ربي ...؟ كي حضرت !!!
- أه يا قاسم ...كان إداوني ...!!!! أه يا ربي ...إتسامحني !!!
- لا سماح و لا هم يحزنون ...كان نجحت العملّية ...لازمك إتولي مؤّذن !!!
- أنولي حتي بــــــــــــــــــــــلال ..يا قاسم ...
- أقعد نورمال ...و أسكت ...و ما إتحلش فمّك ...عندي التبنيج حاضر
- باش إتبنجني
- أيه ...بالكولونيـــــــــــــــــــــا
- كيف
- شطر كاس كولونيـــــــــــــا و شطر كوكا ...أنده ...حتى تتبنّج
- ما عندكشي حاجة أخرى
- الوسكي غالي ......أشرب ...أشرب يا أبا الحكم ...باش إتولي بلال سكران !!!
- يا حليلي يا ربي ...و كان إنموت سكران ...أش عملنا
- من دنيتك ....لنارك ...ديريكت ...في بيت السّخون ...زيد كويس حتى تسكر
- عيوني ....ما إنجّم ...إنحلّهم ..
- قتلك زيد

في الباب ..شفت واحد متعدي ...زي ألي عرفتــــــــــــــــو ...إشكون متعدي ...سي علي السعيدي ..موش عارف علاش ؟ وين إنشوفو نذكر اليمن الجنوبي !!! موش حتى الشّمالي ...ما أقدم سي علي كان خميّس ...

- وين ما شي و أمخلّيني وحدي سكران
- هاني جيت

خرجت للشارع باش إناديلـــــــــــــــو ...محظرلّـــــــــــو سيناريو ...هذاك وحدو ! فصع و ما حبش حتى أنــــــــــــــــو إدور ...هارب من قاسم ...يا جماعة !!! الكرسي متع الحجامة ...إمبلـــــــــــــــــّعو بالفوشيك ...توه أكثر من ستّة أشهر يستنى في سي علي السعيدي اليمني الجنوبي ...و مدير قوات القات ...المخدّر اليمني و بإمتياز ...و راس زينب يا سي على لا فلّتـــــــــــــــــــك ،،،، كما إنقعّدك ...على كرسي الفسيك !كي تطلع للقمره

رجعت للحانوت ...نلقى سي خميس خابط .....خابط بشكل ...لسانو ما عاش عقد عقد ! حتى الكلام ما عاد فاهم منو حتى شيئ !!! قلت نعطيه طريحة ...نباّشة القبور باش يفهم مع أشكون طـــــــــــــايح

بيدي اليسار ...ننزل عليه بداودي على رقبتــــــــــــــــــو

- أه أش تعمل ؟
- إششششششششششششششششششششت ..إنسرّح في الدّم

و إنزيدو بواحد أخر ...بقوّتي الكل

- لأه لآه ......أش عملت !!! و اش جابني ليك !!!
- أشششششششششتتتتت مازال الدّم ما إسرّحش ..خلي يترخو الكعابر

و إنزيدو بثـــــــــــــلاث ....

حط راسو على الطاولة ...و كلمة ما إنطقش بيها ...

يا ربي لعمل عليك و الشدّة فيك ....سخّنت المغايث ....حطيت فيهم كتاب سي خميس الخياطي ...حرقت الغلاف متاعو باش حميتهم ...شلّطـــــــــــــــــو بلام تمساح !!!! و نغرسهم في رقبتــــــــــــــــــــــــو ...شدّو ثمه ....بالضبط على الكعابر ألي في رقبتو !! خرجت إنشعــــــــــــــــل في سيقارو !!!!


وقفت في الباب ، إنشوف في الماشي و الجاي و نحلم كما عادتي ..و إنقول ها الصّّور المتحرّكة وقتاش إتثـــــــــــــــــــور ...من أجل حرّيتها و كرمتها ...وقتاش تتكلّم ها البلاد و تخرج من العبودية ...قعدت ساكت إنشوف ..في أشباه عباد ...أجساد لا أكثر....

إتلّفت إلتالي باش إنشوف أش صــــــــــــــار في الحانوت ؟ أش نلقى

أبو لؤلآة الحبشي واقف في وسط الحانوت ....صدرو عريان ..طويل ...أسود حتى إزراق وجهـــــــــــــــــو !!!

- لبيّك يا مولاي ..
- ماذا تقول ...يا هذا ...لست مولاك ...و لست عبدا لي
- بلى ...إني عبدك المطيع ...أن لؤلاة الحبشي ...إنت تأمر و أن إطيع

هنا فهمت الحكاية ...الكولونيا بالكوكة ...ألي شربها ...في عوض باش إترّجعو بلال !! رّجعــــــــــــــــــاتو لؤلاة الحبشي ......ما عندي ما نعملكّ يا خميّس يا الخياطي.

- أخرج من هنـــــــــــــــــــا ...و حالا.


رئيس الجمهورية
و القائد الأعلى للقةات المسلّحة
الجنيرال قاسم قاسم



03‏/01‏/2009

رسالة ألي الصّحافي زياد الهاني




في إنتضار القانون الأساسي ....

الأستاذ زياد الهاني إقول :

Ce blog devient un site de propagande anti-gouvernementale. Je pense qu'on devrait penser a créer un charte avant de continuer ce projet. Au minimum, je pense qu'il faut que tout ceux qui participent a ce blog écrivent sous leurs propres noms et qu'ils devraient écrire leurs propres mots. Je ne sais pas ce que vous en pensez, mais je ne suis pas prêt a m'embarquer dans cette aventure si ces deux conditions ne sont pas. Remplies

رئيس الجمهورية ، يقول و إيزيد :

إنعم ، هذه مدّونة باش تاخو الصّورة و الشّكل الي تفرضو المرحلة الحالية ! و ألجدر بها باش إتكون كذالك ، ضد النّضام القائم حاليا في تونس ، لأنني لا أعتبره نضام ، بل عشوائية سياسية و هزّان و نفضان لا أكثر ...النضّام يا سي زياد يعني قانون ، يعني مؤسسات إدور وحدها دون تدّخل أي طرف ...إذا ما عندناش نضام في تونس ..لازمنا نخدمو باش إطلعو مديل صحيح ، إنجّمو إنحسنوه من بعد و كونو عليه متّفقين ...إنت إتقول برابقندا ...إشكون يعمل في البرابكندا ضد الحاكم في تونس ...؟ ما هو الحاكم بيدّو بالتجلطيم متاعو ...إنت سي زياد رافض حاجة إسمها البحث على الحقيقة ...إذا الحقيقة جاء بيها الدّكتور منصف المرزوكي ، إتقول ..لا موش لأجل إنها ناقصة و إلا مغلوطة و إلا لازمها شوه خدمة ...إنّما ترفضها لأنو جاء بيها شخص منصف المرزوقي ....إذا الحقيقة جاء بيها الأستاذ الشابي ...إتقول لا ،....هذه ما إتجّمش إتكون حقيقة ..و كيف كيف ترفضها لشخص الأستاذ نجيب الشابي ...أما إذا الحقيقة جــــــــابها الشيخ راشد الغنوشي ...إتشد الأزرق و إتقول هذا إفتراء و بربكندا ضد الحاكم ...و ضد بن علي ...و إتزيد إتقول بالي الي جاب النصّ و نشرو كيف كيف خوانجي و عندو يد مع النهضّة و يخدم في مصالحها..بالعربي ...مازال في مخّك ...خوانجي تهمة.

سترك العالي ، قاسم ما جاش خوانجي ، و في صراع فكري أبدي مع الطّرح الأخواني ، و أول من طالب بحلّ النهضّة كحزب سياسي ...هو العبد الله ، و أول من يطلب الشيخ راشد الغنوشي بالأستقالة عن إدارة النهضة هو قاسم ...لأنو جاب فقط 60 في الماية في إالمؤتمر الأخير ...و العدد هذا في الأحزاب لا يقبل لأنه ما إنجمش يجمع ناس في رؤية وحدة...و ألي يومنا هذا !!! قاسم إقول ...خروج تونس من تحت الدّكتاتورية مرهون أساسا بحزب النهضة ...و حلّها راهو باش إكون أنفع لتونس من البقاء متاعها ...علاش !!!؟

لأن الأحزاب الأخرى بما فيهم التّجّوع إتهافتت على حزب النهضة، باش تعمل معاه مشروع !!! النهضة كما عدتها ...خفيفة و ألي يطلب ياخو ...إتسرّبت في النسيج السياسي متع البلاد !!! هنا باش إتصير مشكلة تواصل الدّكتاتورية ....لأنها بلا بيها ما إتعيشش ...دكتاتورية بن علي خذات البيعة من الشيخ راشد الغنوشي نفســـــــــــــــو ...مشروع بن علي اليوم ...و الدكتاتورية غدوة ظرب الأحزاب السياسية الكل ...علاش ؟؟؟ ما هو معاهم النهضة !!!! فهمت و إلا ما فهمتش !!!!

إذا ، إشنوه الحل ؟ و قت الي النهضة يستحيل باش تتحل – لأنو الحل المثالي هذاك كان ( قاسم) ، بقى حل واحد ..إنها إتولي معترف بيها و إتمثل قطب سياسي مستقل على جميع الأحزاب الأخرى !! هنا إولي منطقي و ظروري ظهور القطب الثالث ...ألي باش ينتصر على الدّيكتاتورية نفسها ! و أكثر من ذلك إتسّكّر الباب على تجديد الدكتاتورية ....و إتكون تونس إلتحقت بالدّول الديمقراطية !

حبيت إنلاحظ حاجة أخرى ، فهمتها من خلال توصياتك ، على حسابك ، إذا كان كل خوانجي لازم إنحطوه في الحبس و كل يساري إنحطوه في الحبس ....إذا تونس كاملة إنحطوها في الحبس ، بالضبط كما عمل بن علي ب 180 ألف بوليس ...شعب عساّس ...ناس إتعس على بعضها و خايفة لا يتقلب النضام هذا ...هذا هو الديبول الي قاعد يخدم في تونس و يخدم بيه الحاكم !!!

كي ناخذو حالة الدكتور : الصادق شورو ...الحاكم أو اليسار الأصتأصالي داخل الدّولة سبّق وضيفة خوانجي ( بل أعطاها معنى أرهابي) على وضيفة دكتور : كيمياء ...تونس خصرت هنا دماغ جامعي ..و خصرت البحث العلمي و طلبة خصرو دكتور ...و ما ربحتش تونس بتاتا بوجود الدّكتور الصادق شورو داخل الحبس ، لأن الفكر ألسلامي موجود منذ 13 قرن و لا بن علي و لا غيرو قادر باش يمحيــــــــــــه ...كيف كيف إشنوه الي خصراتو تونس وقت الي طرّدت الدكتور المنصف المرزوكي ...خصرت البحث العلمي ..خصرت إستاذ جامعي كبير ...هل قضات على الفكر اليساري ...لا و يستحيل إنها قادرة باش تقضي على حاجة من النوع هذا ...

هذه المقدّمة سي المدير ...

توه إنجيك لحكاية ، الأنانويم ..ألي هو قاسم ما عندوش الحق باش يكتب !!! باهي ، إذا كان نص من نصوص الشيخ ...عملك فيك الشيئ هذا ...و شعرة لا إمشيت للأرجونس ...كيفاش إتحب تعرف إسم قاسم الحقيقي و قدّاش عندو من زيتونة في القروان و قداش من فلوس في الكونت !!! و إنت خوّفك نص فقط ...كان تحصل في يد البوليس السّياسي ..!!! توه إترجع قاسم عندو مليار دولار ...كما عملت لسهام بن سدرين ...و توه إتقوللهم قاسم عندو مليون زتونة ...و إرهابي !!!

نرجعو لسهام بن سدرين ...( هذيك المرا إسّمها الكبرى ) ...كان جاء عندها نص مليون أيرو كما قلت راهي بعثتلي على الأقل ماية ألف إيرو ..إدّور بيهم الزيرو ...إنت نسيت الي دارها هدّمها نضام الشابع من نوفمبر ..شماتة فيها ...إنت إنسيت إستاذتك سهام بن سدرين كلات ما كلى الطبل باش إتولي إنت صحافي حر!!!

أخير ...إنت اليوم أصبحت فارس ..من حركة فر فر المباركة ...و كان أولى بيك باش إتكون من الرّكائز الكبار متع بناء تونس الجديدة ..تونس متع الناس الكل ...موش تهرب ..خايف و متخبي بضلام اللّيل.




قاسم قسام



02‏/01‏/2009

رانــــــــــــــــــــــــــــــــا




لكل الأقلام الرافضة
لرانا
لزيتب الجميلة وعائشة
صبية قاسم ..... الطاهرة.
أهدي
وردة وقلم
و أضع على كل رأس منهن
تاج من ياسمين
ثورة العصافير الهادئة

أكتبي لنا ...أنستي
رانـــــــــا.
أكتبي لنا شعرا
حبا ...أكتني لنا
كل ليلة ...قصيدة رائعة.

يا رانا الثائرة
لا تبالي
بالغربان الناعقة
و أكتبي
بريش البلابل
قصيدة عائشة الحالمة.

ستصبحين
غدا باكرا ...فجرا
طبيبا مداويا
سأكتب لك حلما
كل ليلة
و أقطف لك فراشة
من عند حديقتي الزاهرة.


قاسم

30‏/12‏/2008

تــــــــعزية





بربي علاش إتحبني نكتب ؟ على الغصّة الي في قلبي و إلا على القهره الي شّادتني في المعدة؟ علاش إتحبني نكتب يا سي الشّباب؟ على الشّجاعة فينا ؟ على الحكمة ؟ على التهدئة ؟ على المصائب الي هابطة كي المطر ؟ علاش ؟ باش إتحبني نبدى بقفصة ؟ بالرّديف ؟ بعدنان الحاجي ؟ و الحوض المنجمي ؟ نبدى بغزّة !!!! إتحبني نبدى بغزّة ...و إلا بالضفة الغربية و إلا بالبوابة ؟ الي ما تعدي شيئ !!!

تعرف كيفاش نبـــــــــــــدى بالعزي !!!

إنحب إنعزيك إنت و برشة توانسة في إمخاكم و إنقولك البركة فيك ، بالطبيعة وقت ألي وليتو تستنو في رخصة باش تعملو مضاهرة و إتخرّجو الناس للشارع !!! بالطبيعة وقت ألي بان العجز متاعكم على التعبئة الشعبيّة ...ما عاش إتقولي حاكم ...و دّوة فارغة ...بن علي ما عاش ثمّة ما أضعف منو في العالم ...الرّاجل سبعين سنــــــــــــة كان موش غالطين في عمرو ؟ من الضربة الأولى دخل في البونكر متاعو !!!

كان على غزّة ، إتنظمو مضاهرات ، أما على الرّديف و قفصة باش إتجيبوها بالسياسية ،،، يا خي الرّصاص الي قتل في شوارع الرّديف أخف من الرّصاص ألي هابط كي المطر على غزّة ، يا خي الموت ما هي وحدة ، كانت في غزّة و ألا في قفصة و إلا حتى في المجر !!!!

ثمّة حاجة ، ما تخديش مليح و إلا فاسدة في الرّوس متع التوانسة ،،،، وقت الي قلت بالي الشعب التونسي مريض بالدّم الفاسد ،، قتلي يا قاسم ، إنت ماكش فاهم الشّخصيّة التونسيّة و ما تعرفهاش...

هاهو كل شيئ علي برّه ، و كل شيئ واضح ، عين جهار !!! التوانسة في التنبير و في التحاليل فالحين ...و ما تلقى حتى مخلوق على وجه ألارض يقنعم ...في النيقاش ...إشدو للصباح و في الهزّان و النّفضان ما كيفهومش!!! أما الي ما عندنـــــــــــــــــــاش : الرّاسيوناليزم !!! أحنا شعب كامل بالمعارضة بالحاكم بكبارنا بصغرنـــــــــــــــــــا ....إرّسيـــــــــــــــــونال.

أنوّضحلك .

قيمة الحياة وحدة !!! وقت ألي ظرب الرّصاص في الرّديف و مــــــــاتو خمسة من الناس! وقت الي جرد معتمد يعدم شاب في مقتبل العمر بالكهرباء ،،، ما خرجناش للشارع !!! و كتفنا إيدينا و قلنا ..توه ربي يغفرهلم و هانهم ماتو شهداء ...صحّة ليهم ...هنا بالضبط ...بموقفنا الجبان !!! إعطينا الضوء الأخضر للصّهاينة باش يضربو غزّة و حتى أي نقطة في العالم...إنت تفهم و إلا ما تفهمش ؟؟؟؟ و إلا إنزيد إنوّضحلك ...

إذا كان أحنا رضينــــــــــــــــــا ، و ذلينـــــــــــــا ، و ما عطيناش قيمة للحياة على بعد شبر من ديارنا ...يستحيل أنو باش إنجّمو ناقفـــــــــــــــــو من أجل الأخرين و لو كانو أخواتنـــــــــــــــــا ! المشكلة فينـــــــــــــــــــا أحنا ....ألي رضينا إنكونو الضّحية ...المشكلة فينا ألي رضينا بالذّل و الذل ما رضاش بينـــــــــــــــــــــــا.

رئيس الجمهورية التونسية
و القائد الأعلى للقوات المسلّحة

يرفض الحضور لأي قمة عربية

قاسم قاسم

27‏/12‏/2008

26‏/12‏/2008

Vous devez être le changement que vous voulez voir dans ce monde




راس عام ، و إلا راس بصل ، العام هذا، لازمو إكون أخر عام مع بن على و عصابتو ، تونس ولات ما تشبه لحتى شيئ ، و المّهم في هذا الكل ، إنها ما تشبهشي للتوانسة ، إنعم ...لا تلفزة تشبهنا و لا راديو يشبهنا و لا سوق نلقو فيه أرواحنا و لا عدالة تاخونا حقوقنا و لا صحافة نقرو فيها أخبارنــــــــــا ...إذا ، يا أمــــــــــــا نقلبو الكل من هاكي البلاد و إنخلوهالهم واسعة و عريضة و أمـــــــــــــا إنواجهـــــــــــو العصابة هذه بما إوتينــــــــــــــا من جهد. ما عاد حتى أرض تقبل تونسي ، يستحيــــــــــــل إنو بلاد أخرى باش تقبل و إلا تعطف على واحد ما ضربش من أجل حرّيتو و كرامتــــــــــــــو ...حتى اللّجوء السياسي و الأقتصادي ما عاش يعطو فيه !!!

بقى الكفاح ، يا أما التوانسة تنزل للشارع و إتفك حقوقها و حقوق الأجيال القادمة ، يا أما راكم باش تندثـــــــرو جملة و تفصيلا من على وجه البسيطة ...الأرض نفسها ...إتفّد من واحد ما يضربشي من أجلها ...الأرض تكرمها تكرمك ...هذا راهو كلام فلاّحة كبــــــــــــــار و أنا فلاّح و ولد فلاّح.

في تونس وصلنــــــــا ، إلي إلى ما عاش بعدو ، من ضلم و قمع و أرهاب و غورة متع عصابة إتمكنت من كل شيئ و خاصّة من عقولنا و أممخاخنا ، سكن بن علي و عصابتو ، روس الشباب متاعنا، ألي أن ضربو العجز على التفكير ::: شّد البحـــر ، شد البّر ، النافع ربي! غرق ، مات ، كلاه الحوت ،،،عطش ، جاف ، كلاه الذيب ، قاطع الحدود...وين ماشي ؟ ما بقالك حتى شيئ !!! أما تظرب على أرضك و إتفك بايتك حتى بسّنيك و إلا راك ميت ميت ...و لو بالغبن.

صحيح ، العصابة هذه مسلّحة و العصابة هذه ما ترحمش ، و العصابة هذه الرّحمة ما تعرفهاش !! و لكن يا صاحبي و حتى السّلاح إتكسّر قدّام شعوب أخرى أرادت الحياة ، و موش لازم باش إنسميلك قداه من شعوب خرجت للشوارع ...أملقيه صدوراتها للرّصاص ...و في الرّديف ماتو خمسة ، العام هذا ...و العام الي قبلـــــــو ماتو خمسطاش ...و تاريخ تونس شاهد على التضحيات الجسام ...منذ خمسين سنة و الحاكم هذا ، لا رحمة و لا شفقة ...موش اليوم ...!!!! يا ولدي ما إطيح الرّطل كان الكيلـــــــــــــــــو ...الحجر كان ألزم ...النار و لا العار ..قالت عليسّة..صاحبة قرطاج الأولى.

العمر ..مرّة وحدة ، حرّية و الرّاس في السمّاء .

كل خطاب ، خارج عن الثّورة لتحقيق القطع نهائيا مع العشوائية السياسية يعتبر ، حرث في البحر. الشعب التونسي لازمو يفهم بالضبط الهدف متاعو ...و يعمل المستحيل باش إحققّو ، لا إنتخابات و لا بلّوط و لا عمّار بن زور : هاذوم ناس ما تفهمش و يستحيل باش يفهمـــــــــو ، لأنهم غرباء على الشعب التونسي ...و هذاك علاش هي ( تونس) ما عاد تشبه لحتى شيئ !!!

قاسم قاسم

25‏/12‏/2008

النخّبة ....أولا



ألي السادة

Dovitch

Suffet De Carthage


شوف، يا صحوبة ، الشّعب التونسي ، خلّيه على شيرة ، موش هو موضوع حديثنا ، علاش ؟ لأنو و ببساطة ، الشّعب على نخبـــــــتو !!! كان النخبة هذه نجحت ، راهو باش ينجح و كان النخبة هذه فسدت ، راهو باش يقلب و يهجر الشأن العام جملة !!! و هذه حالتنا في تونس. لاحظ مليح الفازة هذه ، نضام الشابع من نوفمبر وقت الي إفشل باش إحل أبسط مشكلة ، إقول من الشعب ...الشّعب هذا يستاهل كان العصى ...الخطاب هذا : هو خطاب أي دكتاتورية في العالم !!!..و أسأل مجّرب و ما تسألشي طبيب ...شوفت ديكتاتورية كوبا و شوفت ديكتاتورية جنوب أفريقيا و شفت ديكتاتورية ألمانيا الشرقية ...الدكتاتوريات الكل يتقابلو في الحقرة متع شعوبهم ...يتقابلو في وجود حزب شمولي ، فاشل يستعمل إجهزة الدّولة للقضاء على أي نفس تتحرّري ...أكبر حزب في العالم بعد حزب الهند ، هو حزب التجّوع متع بن علي و المافيا متاعو ...الحزب هذا إمثل السرطان الي ظرب تونس منذ اكثر من خمسين سنة.

النّخبة التونسيّة اليــــــوم ما لقاتش الطريق باش توصل لعمق الشعب التونسي باش إتــــّاطرو أولا و ثانيا باش إترّجعو مسؤول على روحو ...المحاولة الوحيدة الي صارت منذ عشرين سنة هي عمليّة الحوض المنجمي: .. صحيح نجحت ، لكن إتحاصرت الحركة هذه بسرعة البرق ! و ما عطاتش الزّبدة ؟ علاش ! : لأنو القيادة الوطنية الي باش إتحرّك تونس الكل ، كانت غائبة على الساحة ، بل لاوجود لها ! أساسا ! الأتحاد العام ...ظربوه ..ما عاش فيه ...إنتهى أمرو ....الأحزاب السياسية مازالت صغيرة و إتعيش حصار كبير . ..هذا يعني ، عندنا مشكلة أولية : مشكلة قيادة وطنيّة .

مناضلي الحوض المنجمي ، بحكم الفضاء متاعهم ، ما إنجموش يطرحو على أرواحهم ، شيئ يتجاوز الأمكانيات متاعهم ...بالعربي تأطير الشعب التونسي بأكلــــــــو ، باش يخرج للشارع و إهّز الدّرابــــــــو. إذا عاشت و إتعيش حركة الحوض المنجمي نوع من العزلة الفكرية ...حتى قبل إندلاعها ...و الشيئ هذا راجع للقيـــــــادات السياسية في العاصمة ...الي ما إتفاهمتش و ما هيش باش تتفاهم ...ألي يوم يبعثون.

المعارضة التونسية ، طرحت على روحها موضوع التوّحيد !!!! و كانت المحاولة مع حركة ثمنطاش و لكن للأسف ضاعت الحركة في جدال ما فيهش ربح ...علاش؟ أولا ! أنو المعارضة لازمها تتوّحد ، هذا طرح خرجت بيه المعارضة نفسها موش الشعب التونسي ،،، الشعب التونسي ما طلبش منهم لا باش يتوحدو و لاباش ما يتوحدوش ...إنّما ..المعارضة التونسية و الي الأن مازالت ضعيفة ياسر و ما إتنجمش إتقدّم مشروع وطني يقنع ...و لذالك حاولت أنها تلقى القاسم المشترك ...و لكن كيف كيف كان ضعيف ياسر ...السميق ديمقراطيك.
الموّحد الوحيد للمعارضة التونسية : هو الشعب التونسي لا أكثر ؟ كيفاش !!! لو أنو الأحزاب السياسية و الجمعيات الحقوقية إتوجهت للشعب التونسي و عملت البورت أ بورت ، كل واحد حسب برنامجو ...لأجبرت على أنها تتحد رغم أنفها ...و لكن كان الشعب غائبا في البرمجة.

المعارضة التونسية ما إتشوفش بعيد ! بحكم تموقعها !!! حزب عندو رخصة و حزب ما عندوش !!! جمعية معترف بيها و أخرى لا !!!! هنا نفهمـــــو علاش صعيب ياسر باش تخرج قيادة وطنية صحيـــحة و عندها وزن سياسي ، قادر يقلب موازين القوى السياسية !!
زيد على ذلك ، الأحزاب ما عندهاش نفس الهدف !!! عندهم الأهداف الكل ، إلا تحرير الشعب التونسي من نير الديكتاتورية ...التجّديد و التكّتل و الدّمقراطي ...هاذوم ألكلّهم يـــسار و لكن ما إشوفش في إنهم قادرين باش يخدمو مع حزب المؤتمر من أجل الجمهورية ...رغم ألي هو يسار كيفهم !!! علاش؟ الحكاية واضحة و ضوح الشمس ، إختلاف في الرّؤية السياسية و كذلك أختلاف في الزّعامة ....هنا إضيع الهدف جملة و تفصيلا.

بقات النهضة ، في المعادلة هذه ، الكونتر بـــــــــوا ،،، ضبابية الرّؤية متاعها ، إتخليها في عدّة أحيان هي المحدد في علاقة النضام بالمعارضة و كيف كيف في علاقة المعارضة بالمعارضة ....هنا تفهم علاش الشابي ما هوش مرغوب فيه من التكّتل و لا من التجديد....هنا كيف كيف تفهم ، كيفاش ضاع الشعب التونسي ...بين إيدين نخبة إتصّفي في حسابتها ...

قاسم قسام


24‏/12‏/2008

23‏/12‏/2008

لـــــــــــــوبية بالرّاس



لـــــــــي قصة يا زينب سأكتبها لك عما قريب
أنت و البركـــــان
منتظرا إلا غمزة منك
لفتة منك
قبلة منك قلبة
تفجرمن داخلي البركان

ما ناقصني كان كرافات و فيسة و سباط و لابز في الجيب الصغير متعاعها باش نكتب بيه لجماعة الشهايد موش للشعب التونسي ...

دكتور و يتكلم مع الشعب ...ما إجيش منو. دكتور كبير ما إنجمش يقعد مع عباد مخلطة ...إسمعوه كلمة و إلا كلمة ...لازم الواحد ياخو حذرو من الناس الكل.
شنوه المعارضة لعب هي بالشهايد ؟ كل حد في بلاسطو و أن شاء الله نسلمو. المعارضة راهي لازمها بيرو و كمبيوتر و سكريترة و شوية كتيبة من بعيد لبعيد. مثلا ضربات معارضة في التلفون ...ضربات معارضة على تونسنيوز ...ضربات معارضة في قعدة نضيفة ما فيهاش البراني !!!!!!

الشراع ما زال موش وقتو....دكتور و ينزل من برجو العاجي للشارع باش إخالط الناس ما إيجيه منـــــــو ....المعارضة ما إتجي كان بالمراسلات على طريق الأنترنات و على الطريقة الحضارية متع الشعوب المتحضرة....توه الناس إلكلها إقتنعت بالشيئ هاذا و هذاك علاش اللوبية ما طابتش و ما هيش باش إطيب. ما دام المعارضة باش إتكون على طريقة الشيخ تونسنيوز...كان جيت في بلاسط الشيخ هذا ما ننشر لحتى واحد كان ما إيجيبلي تقرير رسمي كل شهر و يقولي قداش دخّل من واحد في الحزب متاعو و إلا في الجمعية متاعو ...معناتها إيجيب أسامي واقعية إقتنعو بالبرنامج متاعو ...بالعربية ثماشي خدمة على التيـــــــران. ...

الشيخ هذا سهّل العملية للناس الكل و خلّها إتعارض على الأنترنات باش ما يخرجوش للشوارع ...ما لا شنوه الدفاء في الدار أحسن من الجري و التعب و الكلام و تفريق المناشير و الي أرتيكل الكبار من دار لدار و من حانوت لحانوت ...الكلام هاذا موجه للدكاترة الكل.

و الشوارع هذه ما هيش في جمهورية قاسم إنما في أوروبا ...ما هو عندنا مليون تونسي في الخارج و الأتصال بيهم بلاش و ساهل و ما خو ما ثماش بوليس بن علي ...كان الدكاترة هاذم يخرجو من ديارهم و يتصلو بالتوانسة المعارضين الكل في إديارهم و في قواهيم ..راهي المعارضة متع البرى وقفت على ساقيها و لولات عندها إدارة و مكاتب في كل مدينة و ولات تخو في الدعم من الشعب

...نحكي على الدعم المادي و الدعم الأدبي كذالك ...راهي المعارضة متع الخارج على الأقل أنتجت مليون سي دي و وزعاتو على الناس الكل بلاش. إشدو قدام البابور في مرسيليا و شد جاك الي مروح ياخو سي دي بلاش فيه قصة شعب يبحث عن وطن...قول مليون سي دي ...يتعدو منو كان 100 ألف ...أقسم بالله يا حي الملاسين و حي الجعانين و حي بني يقضان الكل يهبطو للعاصمة و ياقفو قدام الداخلية باش إطيبو اللوبية متع قاسم...اللوبية هاذي راهي بالراس موش بالجلود الخامرة و المؤخرات الكبيرة الي شحمت فوق الكرسي ...أيه أتحركو لا نجبد عليكم شهايدي و إنواريكم عدد الجامعات الي طردتني.

المصالحة ما فيها كان مصلحة لواحد من الأثنين أما الشعب التونسي ليه الفتات متع المصالحة ...قاسم ما ياكلش من الفضلات لا متع المصالحين و لا من متع المجرمين ...المصالحة بالنسبة للشعب التونسي تعني مرّمة و تصليح و تسكير شبّاك من الشبابك ...أما الهيكل باش يقعد هو هو و القبيلة الحاكمة باش تتنفس شويه لا أكثر و لا أقل عبر الجماعة الي إطالبو بالمصالحة ...بالنسبة لي و بالنسبة لجمهورية قاسم و للشعب الكل ...المصالحين إدربكو كما إدربك أي طبال.

يا لوبيا بالرّوس: الي سرقت و الي ظلمت و ألى نهبت الوطن هاذا يا حتى شيئ ليل يجي النهار المشوم و تتقربع من شمالها لجنوبها ...بالعربي يا حقنا كامل يا خلي كل شيئ هكاك ليل إطيب اللوبية في عقلها بلا لحم ....الكربوناتو متع المصالحة ما إطيبش اللوبية متع قاسم بالعكس باش إتزيد إتخرفش لأني داهنها بزيت ضد المصالحة ...إنتم إتزيدو تقربو من النضام باش تنقذوه و أنا إنزيد إنشعل النار ...الحطب موجود وكان إنجيبو من الصحراء ...و ما كم تعرفو حطب الصحراء يطيب لحم الجمال ...

لازمها رجال اللوبية ...و المصالحة لازمها دكاترة تلبس الكرافات و تكتب بالسوري....إكتبو بالسوري للفرنسيس و إكتبو بالأنقليزي للأمريكان تو إيجوكم بدوسي المصالحة و إتتعدى على للشعب التونسي الكل بأسمكم و بأسم إنقاذ الوطن من الدكتاتورية باش إطيح في خرافة المصالحة و الدكتاتورية الجديدة ...

.يا جماعة إنقوللكم يا خرافة خرفي و جمهورية المصالحة إصّلحي منك فيك....الله غالب ما قريتوش الحسابات و السيستامات و ما عرفتوش الي الي طاح ما عاد يصلح كان بقطايع جدد...هذا يعني إنكم باش إتكون قطايع ترميم الدكتاتورية....دكتور...دكتور يا قاسم و في الواقع قطعة غيار رخيصة بالنسبة لنضام قبلي قادر باش إبدل قطعة بقطعة كل جمعة و كان إلزم كل يوم ...و كان لزم إطيشها شماتة في الشعب التونسي و شماتة في جمهورية العدل و العطف و الحرية و الكرامة و الديمقراطية.

الأتلاف الي حصل مع جماعة ثمنطاش ...قال عليه وزير الغورة و المافيا الي هو إتفاق اليسار المتطرف مع اليمين المتطرف أيضا ...عاد حبيت إنوضح الرّؤية متاعي الي إتكون بالطبع المنطلق متاعها منطلق الشعب التونسي لا أكثر و لا أقل ...

أيه سيدي كي ناخذو الجسم الأنساني التونسي ما هو فيه يد أمين و يد إيسار ...وقت الي كانت اليمين في شيرة و اليسار في شيرة الجسم الكل فقد التوازن متاعو و نزل عليه المرض و نزل عليه التجمع و المافيا ياكلو فيه كما حبو و إشتهاو ...وقت الي اليسار المتطرف كان متطرف و فاقد الجسم متاعو إمشى بعيد و حصل اليمين في السجون و لعبت بالبلاد المافيا ...و كيف كيف وقت الي اليمين المتطرف مشى بعيد على الجسم متاعو خلى اليسار في المواجهة و حصل ما حصل و لعب الأرياح بتونس و شعرة لا غرقت في حرب أهلية

...اليوم وقت الي التوازن وصل الجسم طلع الوزير االخلواض و قال الشيئ هاذا فراجيل و ما إيدومش و شكك في الوطنية متع الناس الكل و بدى إحرك في الجراثيم الجدد من سلفيين و من جماعة أكل عليهم الدهر و شرب...

النضام التونسي إتبع كان في سياسية فرق تسد أو بالأحرى سياسة دعم التطرف الديني و دعم التطرف السياسي ...النضام هذا ما عندو حتى هدف إلا الحكم لا أكثر و لا أقل للمحافضة على المصالح متاعو و بالضبط على الثروة الي عملتها الجماعة هذه من عرق الشعب التونسي.

الحكم عند الجماعة هاذم يعني فلوس و نهب لثروات البلاد حب من حب و كره من كره...لذا المصالحة معاهم كان بلوبيا و الي ما فهامش لازمو إيعود الي قراه الكل ....حقيقة مفاهيم ساهلة و لكن كيما النضام كما شق من المعارضة حابين إصعبو فيها باش الناس إتخاف و توخر إلتالي أش قال و أش قتلك ميكماك كبير و شكشوكة ما تتحلش ...و كأن تونس بلاد ما تتحكم كان بالجيش و بالسلاح ...الناس هاذم حاسبين الشعب التونسي شعب متغجرف ومتخلف و تونس ما يصلح بها كان هوما و الزبانية متعهم ...ناس فقدت الثيقة في ارواحها و خايفة ما ترقدش و لذلك أسقطت الشيئ هاذا على الشعب التونسي حتى إتزيد تستعمرو و تاكلو و عينيه إتشوف....

إشنوه حكومة صعيبة و شعب جاهل ...هاذا هو مفهومهم ...و هاك علاش إحطو كلمة الأمن و الأمان في كل شيئ و في كل مسألة ...أش قال و أش قتلك المحافضة على الوحدة الوطنية ...و كأنه الشعب التونسي طول عمرو يتقاتل و ديما حروب نايضة بين الشمال و الجنوب و بين الغرب و الشرق....إنعم النضام هاذا خلق عدو وهمي للشعب التونسي باش يقتل فيه حب الحرية و حب المغامرة و حب أكتشاف نقاط القوى متاعو ...النضام هاذا مازال حاسب الشعب التونسي على إنو عروشات و قبائل متناحرة باش يستعمل سلاح المحافظة على الوحدة الوطنية و التشكيك فيها ..

.دوة فارغة كما فرغ الحزب متع التجمع و كما فرغت روس المفكرين متاعو و كما خافت المعارضة و طيحوها للمصالحة....و إلى حابين إطيحوها للدكترين متاعهم ...إما على رأيى و إلا ما هناش حرية ...إما إتخلوني نسرق و ننهب و نحط أولادكم في السجون و إنعريكم و إلا العصى ...هذه هي لغة المافيا ....إتصالحوني و تخرجوني نظيف كالصبون و إلا راني باش إنزيد في القمع ليل إتوبو و ما عاش إنتعارضوني في حتى شيئ ...أنا هو الفاتق الناطق و أنا الي نفهم ما يصلح بيكم و أنا الي باش إندخلكم في عالم البحث العلمي و التقدم بطريقتي الخاصة ...بالضبط هاذي هي اللوغة متع المافيا حتى إنها تتمادى في تصور المستقبل المضلم للشعب التونسي.


قاسم قاسم

19‏/12‏/2008

كيف نخوض الثـــورة



ألي ضبــــــــــــــــاط جمهورية قاسم

التنفيذ حــــــــــــــــلاّ



يستحيل باش يتغيّر مجرى التاريخ إلا بثورة صحيحة كاملة و متاكملة و على كل الأصعدة، بمعنى إحداث قطيعة مع الماضي جملة و تفصيلا..و هذا الي حاجتنا بيه إنو إصير في تونس ...بن علي و التجّوع و العصابة إمثلّو الماضي المشوم متع تونس و ما هومشي قادرين إلا باش إنهم يتواصلو في الخور و الغورة و سياسية قطع الأرزاق. بالعربي صراعنــــــــــا يا ناس موش فقط من أجل الحياة اليومية و إنما صراعنا بين الماضي و المستقبل....و لكن في تونس ما عنداش أليات ديمقراطية حتى إنو الصّراع هذا إمر على المباشر و بصفة سلمية كما تتصّور بعض الأقلام و بعض المفكرين ! أش نعملو إذا ؟ الجواب :::: il faut forcer la révolution ، هذا بالدارجة يعني عملية تخصيب رغم إنف النضّام . ..كيفاش باش إتصير العملّية هذا ؟ و أحنا ما عندناش في تونس اليوم المواد الأوليّة للثورة...منذ أكثر من قرن و الشعب التونسي ينتفظ و إصارع و إتموت ناس و تسجن ناس و تغبر أخرين و لكن لا شئ؟ علاش ، ما نجحتشي ثورة بن غذاهم ؟ بكامل البساطة التحليلية ...الثورة هذيك ما نجحتشي لأنها ما دارتش في وسط العاصمة السياسية ، لأنها إتحصرت في الجبال و الأرياف و زيد في الوقت هذاك ما ثمّة إشكون إهز الخبر...؟ إذا الباي نجّم باش إبيع و يشري مع الثوار ..و جابهم للخط....و كيف كيف جنّد تونس الأخرى باش يضرب بيها العروش الثائرة و إسكّتها ....من هنا نفهمو علاش اليوم قفصة و الرّديف و الحوض المنجمي الكل محاصر على رابع جيهة ...التخطيط متع بن علي واضح و عمل ما عمل الباي ! فصل الحوض المنجمي على تونس الكل !!!! و كيف كيف وقع تجنيد المدن الكل ضد الشباب الثائر في الجنوب الغربي...باش يزرع التفرقة و ما الشباب الأخر ما إتبعش !!! إش قريت في بعض الكتابات ...شنوّه يا أخي قفصة خير من تونس الكل ! هاهي الناس الكل بطالة و ما حلاتشي إفهامها ...المقولة هذه إتحدد الوعي متع جيهة من جيهة ...من المعروف الي في المناجم ثمّة وعي فكري و نقابي متطوّر بالنسبة لتونس الكل ...لكثرة العمّال داخل المناجم و ثانيا العمل داخل الدّاموس إخلي العامل و يجبرو باش يتنضّم أكثر و أكثر ...هنا إكون الرّد على طرح بعض الأقلام الي ما هيش فاهمة العمليّة في حد ذاتها :::: الوعي هو شرارة الثورة و المحدد لحدودها ...هنا وصلنا ! للشكل : الشرارة موجودة ...و مازال متاواصلة في الشعول متــــــــاعها ، الأنتفاضة عندها أكثر من عام ...و بن علي و عصابتو ما نجموش باش يطفوهــــــــــــــا...أش عمل ...حاصرها في حوضها و ما عندو حتى حل للمشكلة في حد ذاتها ...و يستحيل ! لأنو النضام هذا أفلس بطبيعتـــــــــــــــو ...السّؤال ...علاش تونس الكل ما إنتفضتش؟ الجواب للسّؤال هذا بسيط جدا : أولا الوعي بضرورة التحّرك ما كانش كافي باش إغطي تونس الكل بجميع المدن متاعها ...و هذا راجع للقيادة النقابيّة ..داخل الحوض المنجمي ..هذاك حدّهـــــــــــــا ..ما ثماش نشر ...ما ثماش برنامج ...ما ثماش قيادة وطنية ...قادرة إتوّجه و قادرة إتـــــــــــّأطر العمال متع صفاقس و متع قابس و متع العاصمة ...و عمّال التكستيل في الســــــــــــاحل...!!!! هنا عرفنا علاش : بمعنى تحرّك الحوض المنجمي كان المــــــــــّد متاعو قصير و ما نجمش حتى باش أحرّك توزر و القصرين ...لا لشيئ إلا لأن الوعي بالقمع و أرهاب الدولة ما هوش كيف كيف في كل مناطق تونس.

إذا الفتيل منع الثوّرة موجود و يشعل و ما هوش باش يطفى ؟ إش نعملو ؟ في الوقت هذا ؟ إنكتفــــــــــو إيدينا و نكتبو ( أحنا متضامنين مع أهالي الحوض المنجمي ) ، هذا ما هوش حل بل أقل ما يمكن أن يفعله تونسي مازال فيه قرام رجوليــــــــــّة ...الجنين الثوري هذا الي إتخصّب في الرّديف و قفصة ...إمثل الثورة الجنين ...ما يلزمهاش إطيح و ما يلزمش إصير الأجهاض متاعو ...بالطبيعة بن علي و التجّوع و العصابة ، قاعدين يخدمو ليل و نهار كيفاش إنجمـــــــــّو إطيحوه و يردموه حيّ يرزق...المحاكمات الأخيرة ..أكبر دليل على ذلك ...على إشكون حكم بن علي !!! على القيادات النقابية الثوريّة ...باش ما عاش إشعلو النــــــــــــــاس و إخرّجوها للشراع. بن علي مشروع قتل الثورة التونسية ...أينما كانت و بكل الوسائل ...

اش نعملو ؟ ما العمل ؟ نقعدو نستــــــــــنو حتى ليل تونس الكل توعى بالظلم و القمع و أرهاب الدّولة ...نقعدو نستـــــــّنو حتى ليل الحمّامات تخرج في مضاهرة باش إتفك الحصار على الحوض المنجمي ...لا أبدا ...الثورة ما تستناش ...لا معارضة و لا حاكم ! الثورة تستنى في مهندس جديد ...؟؟؟؟ قادر إخرج المدن الكل للشارع ...

اي معركة سياسية حاسمة ...لازم إدور أحداثها في العاصمة !!! موش في قفصة و موش في الرّديف و موش في بنزرت و موش صفاقس...إذا لا بد من النّزول الي العاصمة ...على الحوض المنجمي ..النّزول ألي تونس العاصمة و نصب خيام الرّفض في قلب شارع الحبيب بورقيبة ...و حتى بعشرة خيـــــــــــــــــام قادرين باش نعملو ثورة ...و معركة حاسمة ...دخول أهالي الحوض المنجمي للعاصمة لازمو يتزامن مع محاصرة العاصمة تونس إقتصاديا ...كيفاش ؟

على جماعة سيدي بوزيد ، الفلاّحة الكبار ، إنهم ما إهبطوش المنتوجات الفلاحية متاعهم لا لصفاقس و لا للعاصمة و لمدة ثلاثة أيام فقط ...توه إتشوفو كيفاش أهل العاصمة ...أولو مجبورين بالقيام بدورهم و ياقفو مع تونس ضد القمع و الأرهاب ، ضد الغورة متع عصابة بن علي و جماعتـــــــــــــــو....

على جماعة الشمال العربي ، إنهم ما يهبطوش للعاصمة لا بالبطاطة و لا بالبصل و لا يالسفنارية ...إنعم و لا بالبسباس و لا بالقمح و لا بالشعير ...بن علي ما عندوش ما إوكّل العاصمة نهار واحد ...ما ثماش ريزارف ..البلاد ما عاش فيها !

اللّوجستيك ...حاضر ...و ضباط جمهورية قاسم ..متواجدين على كامل تراب الجمهورية !!! المّهم في العزيمة ...و الصّبر ....و حتى شيئ ما إيجي بلاش..!!! ثلاثة أيام حاصرو العاصمة ...فلاحيـــــــــــــــــــــــا ...تخرج الناس بلا وعد منها.


الجنيرال ..
قاسم قسام

18‏/12‏/2008

لــندوّن من أجل أهالي الحوض المنجمي و معتقلي انتفاضة الربيع




يا قفصة ثوري ...ثوري ! يا تونس دوري دوري

حاول نضام الشابع من نوفمبر عزل أهالي الحوض المنجمي عن تونس جملة و تفصيلا ، حتى إنو الشرارة ما تتعداش للمدن الأخرى ...و تــثور تونس جملة في وجهو كما صار في الخبزة ...نجح بن علي نوعا ما في بداية الأزمة و لكن فشل للمرّة الألف في حل المشكلة في حد ذااتها : الناس هذي طالبة إنها تخدم و إتعيش عيشا كريما لا أكثر ...و لكن الأتهـــــــامات كانت كما العادة : محاولة قلب النضام و التّمرد المسلّح...و كانت الأحكام قاسية ...و زاد الهم على قفصة و تونس !!!! للمّرة الحمسين بعد الألف ؟

في تونس بن علي ثمّة قانون واحد : عيش و إسكت و إلا كسّر قرنك !!! هذه هي اللّغة الي يتكلّمها نضام الشابع من نوفمبر. إطالب بحقك في الشغل ، بحرّيتك ، بكرامتك ، باي حاجة ، إتولي إرهابي و إتحاول باش تعمل إنقلاب بالسلاّح...هذه هي غناية نضام فاشل باش إواجه أي مشكل إجتماعي و إلا سياسي ...منذ عشرين سنة و أحنا في ها الخرافة متع التــــــــــــــــــأمر على النضام.

و كان نضام بن علي منزّل من السماء !! و كأن بن علي نفسو رسول و إلا نبي بعثو ربي للتوانسة ...!!! و كأّن بن علي هذا ...ولى القدر متع تونس !!!! و كأننا بلا بيه رانا باش إنباتو بلا عشاء و المطر ما عاش تنزل....بالضبط هذا أش إحب يوصل نضام التجّوع ...و هذا أش حاب إقولو للتوانسة بقمع أهالي الحوض المنجمي و أهالي بنزرت و أهالي سيدي بوزيد...بلاد كاملة محاصرة ...من شامالها لجنوبها....و إقول عليه نضام ...

نضام بن علي عمرو ما كان نضام بل عشوائية سياسية بلغت الذروة متاعها ألي حد وجود مشكلة متع بوفوار داخل قصر قرطاج...و الناس ما عاش عارفة إش كون يحكم هو و إلامرتو و إلا نسيبـــــــــــــو ...شكشوكة ما عاد فاهمين منها و لا حاجة.

النضام هذا ما نجمشي يخرج من الكريز متاعو !!! حاب إوحل المشكلة في الشعب التونسي بإتهامو بالتسلّح ...و تعكير الجو العام ...إتقول راهو الكياش إمعوّج و ضيق ! إقولك إنت إرهابي و مسلّح و إتحب تقلب بن علي !!!! إتقولش راهو الضو ديمه إقص و شوفولنا حل ...إقوللك ، إنت إرهابي و مسلّح و إتحب تقلب النضام...هذه تونس بن علي ...هذا لآش وصلنا في تونس.
بن علي ما عندو حتى شرعية و لذلك باش يبقى ألّوج عليها و بكل الطرق ، حتى و لو باش إقتّل ولاية قفصة كاملة جوعا \، تشرّدا و حصارا....ما عندوش حل و يستحيل باش يلقاه ...منذ 20 سنة و جماعتو إتهز و تنفض ...مشاكل تراكمت منذ 20 سنة ما هيش باش تنحل في ليلة و نهار و إلا بزيارة وزير و إلا بتسمية وزير من قفصة و إلا ببث حلقة على قناة ليلى فيها شوية قفاصة.

مشكلتنا في تونس واضحة ، وضوح الشمس !!! بن علي هو المشكلة أولا و اساسا !!! ما قلبش الرّأجل هـــــــــــــــذا و إستقال و خلى الشعب إدبر راسو ...البلاد باش إتهز السلاّح فعلا و فكرا...موش كذب و نفاق كما قاعد يتهم في المناجم و في الفلاحة متع سيدي بوزيد و في المناضلين متع بنزرت....وعندها فقط توه يفهم التــــــــــــــّجوع إش معناتها الفكر و السلاح مع بعضهم !!! معناتها إولي قانون : العين بالعين و السن بالسّن....جاري المفعـــــــــول .

ألي أبناء قفصة :

أي معركة سياسية ، إجتماعية ، أو أي ما كانت ...لا بد من خوضها في العاصمة تونس!! إنعم ...العاصمة السياسية ...لازمكم تهبطو للعاصمة ...و تنصبو الخيام متاعكم في قلب شارع الحبيب بورقيبة ...و الضرب راهو باش إيزيد في قفصة و خاصّة بعد زيارة الفرنسيس ...النضام حسّها في إعضامـــــــــــو و باش ينتقم منكم و من التوانسة الكل ...إنعم يا أهالي الحوض المنجمي ...إنزلو للعاصمة ...و فكّو الحصار على الشعب التونسي الكـــــــــــــــــل ....بنزرت تهبط ...و سيدي بوزيد تخلط عليكم !!! و لو لمدة شهر أو شهرين ...أهبطو لتونس !!!! أهبطو لتونس ...أهبطو لتونس.

سلام

قاسم قاسم



Seuls les lecteurs invités ont accès à ce blog

بسم الله الرّحمان الرّحيم

مبروك المدّونة الجديدة
إن شاء الله إتعيش و أتربي الرّيش
المهّم في المضمون ...

1- إنحب نفهم ما معنى التدّوين الجماعي ؟ و إشنيّة القواعد متاعو .
2- أنا داخل في الحكاية و إلا لا ؟
3- أنا إنشوف بالي المدّونة لازم نفطموها إبتداءا من نهار 25 ديسمبر؟ و العاقل يفهم ...و حتى كان عندها الحق في الحليب عامين !!!
4- كان ربعنت، وصلت الأربعين يوم و ما إسّكرتشي ، راهي باش إترّبع في قرعة بوفليجة ...و حليب الناقّة إتذوقو سير بلاص.
5- المّدّونة لازمها حقنة ضد التّجوع و الرّيحة متاعــــــــــو لا. لازمنا طبيب يعرف وين يضرب الأبرة ..لا يعورها
6- المّدّونة لازمها ماعون باش تخدم ...في الواقع لازمها شوية مكياج أخر بأنقص ألوان ...يمشي للباهت شوية ...الأخضر و البنفسجي ما إنحبهومشي الأثنين
7- أي حاجة تتنشر على المّدونة هذه ، لازمها ما إتكونتش شاحت في بلاصة أخرى ...كيفاش إتحبوها تكبر و أتربي الرّيش ...
8- الخطابة ...برشة يا ولاّدة ...و المدونة راك إتخافي عليه من العين ! شوية فاسوخ ...و جاوي ...السّواك تلقيه عند بيق تراب بواي ..الحكل عند القوفرنيـــــــــر ....الحنّة القابسية تالقيها ...عند بدر السّلآم ..الصّبغة ...( العفص ) تلقيها عند فطومة ...اللّوبان المّر ...موش لازم منو.
9- ألي حاب يخطب المدّونة و يكتب على الصّفحة الأولى متاعها ، و البوص ممنوع...لازم إبرهن على شطارتـــــــــــو ...الصّبية ما هيش إمطيشة و ما هيش باش إتبــــــــــور.
10- المدونة ..ما لازمها و لا مدّون كان ما كان ...إتعيش و إتربي الريش...وحدها
11- و لا مدّون ما يتعوّضش ...و لا واحد ما ثمّة كان هو.

و السلام
قاسم قاسم

هذا قبل ما نقرى النص الجـــــــــــــــــــــــاي !!!! حبيت نعمل تعليق نلقى الجماعة ..حطوني على شيـــــــــــــــرة ....مدون و ما عندي الحق لا باش إنعلّق و لا باش نكتب جملة على المدونة الجديدة.

http://yatounes.blogspot.com/
Vous ne semblez pas avoir été invité à lire ce blog. Si vous pensez qu'il s'agit d'une erreur, nous vous suggérons de contacter l'auteur du blog et de lui demander une invitation.
Vous êtes connecté sous le nom de kacem30@gmail.com -
Se connecter à l'aide d'un autre compte

Kacem Kacem




17‏/12‏/2008

ربــيع قفصة....ربــيع المناجم


نوفل و زغرتولو في وذنو ، و بدى فيها سحري و بحري ، و يجبد من هاكه المزود الخامر متع التّجوع و ينشر في القذورات على مرّاى و مسمع من شعب كامل...أه ، بالسيف تقرو فلسة بن علي و تفهمو التخربيق متاعو !!! الحق موش فيك يا نوارة ، الحق في ألي جابك و إبعثلك إستدعاء باش إتخمّج ها الفضاء هذا. في الواقع ، إنت طلعت كبش فداء ، لا أكثر و لا اقل ، و ماك باش إتصّوّر حتى شيئ ...بل في أول فرصة باش إقعدوك على الفركة ، كان ما قعدوكش ديجــــا و مشى فيك يا إمبتبصّة...ركبو عليك و على سخافتك باش إمررو مشروعهم ، ألي هو ...جيبان مدّونين التجّوع للفضاء باش يقضو عليه ...جملة !!! تعرف يا سي نوفل ، فلسفة التجّوع متاعك تعتمد على الحشيات و الأنقلابات أساسا ...قداش من وزير ؟ و قدّاش من مدير عام ، كعبروهالو باش يقضو بيهم مصالحهم الأنيّة و من بعد يمسحو بيه القاعة ...لا واحد لا إثنين لا ثلاثة ، تاريخ الحزب متاعك شاهد على كل شيئ ، بل إنو إعيش و يمشي بالجريمة و الأغتيالات السياسية ...الحزب هذاك ما فيه و لا واحد راجل !!! أبدا ، تعرف علاش ؟؟؟؟ لأنو كا إحلّ فمّو يقتل، يعدم !!! حزبك هذاك ، خارب ، إمثل عصابة مسّلحة ، قاعدة إتمص في دم الشعب التونسي ...كل يوم و كل دقيقة ...و رئيس العصابة هو رئيسك. بن علي حصل ، كما حصلت إنت بالضبط ...و ما عاش قادر باش يعمل و لا حاجة ...الرّأجل متورّط في الفساد المالي و في الفساد الدستوري و في الجريمة ضد الشعب التونسي بأكمله. عندك 250 ألف عائلة متضّررة في جرّة محاولة القضاء على الخوانجية ! و 100 عائلة متضّررة اليوم في جرّة محاولة القضاء على تحرّكات الحوض المنجمي ...إيه باش إكون في علمك ..الجنوب الغربي حطو بن على و التجّوع ، تحت حصار إقتصادي ،/ الحليب ما ثماش / الدّواء ما ثماش / الخدمة ما ثماش. باش إكون في بالك بالي اليوم سيدي بوزيد محاصرة بأكثر من 20 ألف بوليس ! بنزرت كيف كيف 40 ألف بوليس ...العاصمة تحت العناية المرّكزة.

على إشكون تقرى في زابورك يا نوفل ، ما يسمعك و لا مواطن و لا طالب و لا أقل واحد يعرف يقرى و يكتب ...إنت تنفخ على البحر ...هكّة إرتضيك إنك إتكون لا شيئ....و من لا شيئ لن يخرج شيئ !!! الجماعة الي طبعوك ..في بالي بيهم ! و لا إهمك ...ماهومشي قادرين على حتى شيئ ! كيفك بالضبط ...يحرث في البحر.

أنا إنحب نفهم ، لاش إتحب توصل ؟ فرض الشخصّية متاعك !!!! و الله ما تكسابها ، أبدا ...ما عندكشي لا أكثر و لا اقل , باش إتعرّف التوانسة ببن على؟ مهبول إنت ! إشكون مازال ناشد على بن علي و إلا إشكون مازال ما هوش فاهم إشكونو بن علي ..؟ بن علي متاعك ما إيجيش رئيس لتونس...الشعب التونسي أكبر بكثير من بن علي و من الطرابلسية و من التجّوع ...بن علي غلطة تاريخية ما كان يتوقعها و لا تونسي و لا حتى خبير في السياسية ....بن علي متاعك رجل لقيط سياسيا ، و لا عمرو خاصّية الشعب التونسي ...يرحم البكوش الي رجعو رئيس و من بعد دار عليه...!!!!

بن علي متاعك ، جاب الفرنسيس باش إصخصخو الأقتصاد الوطني التونسي ! و يكتب الشركات الرّابحة بأسم مرتو و أنسابو ...بن علي فلّس البنوك باش العصابة إتحط يديها على الأقتصاد التونسي و إتولي تتحكم فيه سياسيا ...الي عندو الفلوس هو الي يحم !!! إشكون عندو الفلوس اليوم ؟ ليلى الطرابلسية !!!

و بفلوسها الكل و بن علي بسلاحو الكل ،،،، قاسم باش يربحو ، إنعم لأن الهزيمة مرض خطير أصاب بن علي أولا و التجّوع \، حزبك ثانيا ...بن على إنحي السلاّح أولي ما هوش قادر باش يربح في أقل دشرة في تونس ...حتى في بني خداش ؟ تعرفها وين هذه ؟

التجّوع متاعك ما هوش قادر باش يربح أقل إنتخابات شفافة ، إذا إنحي الميلشيات متاعو ...بن على يستعمل في الحزب باش يتواصل في الحكم متاعو ...و التّجوع يستعمل في بن علي باش إدبر شوية شرعية ..تصلحلـــو من بعد ...العلاقة هذه هي فلسفة التجّوع في حد ذاتو !!! و هنا يفتقد تسمية حزب سياسي ...حزب قديم كما التجّوع و ما نجّمش إطبق أقل مبدأ من مبادئ التدّوال على راسو ...الشكارة و البحر ...

أفهم مليح ...حزب خارب كما التجّوع ، عايش بالرّعب و في الرّعب ما هوش قادر باش يعمل بروجكسيون أروطوقونال على تونس ، في معنى الديمقراطية !!!! فاقد الشيئ لا يعطيه ...الحزب هذا ما إنجم إهبط على الساحة السياسية إلا الرّعب و بثو داخل الشعب التونسي باش الناس إتخاف و ما إطالبوش لا من داخلو و لا من خارحو بإصلاحات...

الأغاني ألي قاعد تكتب فيهم و كسرّلنا في روسنا بيهم ، إنتهت مدّة الصّلوحية متاعهم ...إسموها البرابكندا ...أكذب أكذب أكذب حتى إتصّدق روحك ...هاذي مقولة هتلر لوزير البرابكندا متاعو...المشكلة الي و لا تونسي إصدّق بن علي أبدا و حتى أقرب المقربين ليـــــــــــه...الثيقة لا. و وحتى التجّوع نفسو ما هوش مصّدق نفســـــــــو ..كيفاش مازال شاد البلاد على الضعف الي بيه ؟ تعرف علاش ؟؟؟ لأنو بن علي متاعك ..ألي يومنا هذا ما هوش إمصدّق روحو ..بالي هو رئيس تونس ...!!!! فهمت و إلا ما فهمتش ؟؟؟


بن على متاعك ينتظر في إنقلاب عليـــــه ، و لذلك خايف ، و ما إنجحش باش إحل أقل مشكلة و كل مرّة وين إيجي باش إمس حاجة ، إيزيد إفسّدها !!! رئيس وصل باش إخدّموه عون بلدي : أرجع ألتالي و إتذكر كيفاش بن علي يأمر بعدم إستعمال الصابوات داخل العاصمة ..هذه ما هيش خدمة رئيس ...إنزيدك ، الرّئيس خدّموه بوليس متع إنترنات ...إذكر كيفاش الرّئيس إرّجع الفايس بوك !!! هذه ما هيش خدمة رئيس ؟؟؟؟ إنزيدك ...الرّئيس يهبط لسوسة باش معمل الكوابل متع فولسفاقن ما إسكّرش ...الطرابلسية حاجتهم بالمعمل ...هذه ما هيش خدمة رئيس ...بن علي ما نجحش باش يعمل دولة أدور و إدّور الشعب التونسي ! يحسابها قوّة عضالات ...و القصر رّجعو حبس ما هوش مكان سيادة الشعب التونسي أولا و أخيرا.

بل على عدم الدّولة الي كانت إدور في تونس ما غير رشوة و ما غير أكتاف...تونس ما كانتش كما اليوم إيدك و حديدك...القوى ياكل الضعيف و حوت ياكل حوت و قليل الجهد إموت ...

رئيس الجمهورية التونسية
و القائد الأعلى للقوات المسلّحة
قاسم قاسم

15‏/12‏/2008

بن علي ضــــــاربو السّباط





فري راس : أن يترعرع في جو من الغبطة و الإزبهلال

عجبتني الأزبهال و لكن إش كنت تقصد بيها ؟ جميل جدا ...عمليّة حلق للغة في حد ذاتها ...أزبهل ..يزبهل ..تزبهلين

خيل و ليل :
نبكي بالدمعة عل تونس ما صاير فيها أم البلدان محتارة ربي يهنيها.

تونس كما توه ، كما قبل ، إتقول ما إتقدّمانش و لو خطوة ألي الأمام !!! علاش البلاد هـــــاكي حابسة ؟؟؟ حابسة و تمركي !!!!


من تونسي للتوانسة : اليوم قلق من السبيطار و يحب يروّح، حس روحو عند مونك متاع أخبار

كثرة الأخبار إتمرّض زاده ....أما الشعب التونسي بأكلو مونك ...و لازمو يدخل السبيطار ...باش إفيق.

عياش بالمرسى :
نعل دين والديك

نعل دين ولديك ...وين ألقيتها ؟

ولاّدة : أنّ ديانا أميرة ويلز قد أرسلت أختا لها لم يكن يعرفها أحد

موش ديانا ، هذاك ما يعملهاش ، قتلك يا ولاّدة ثمّة رئيس شعبة هوني !!! و أنا كما إنصّفيــــــــــــه ...إنعم ...




عندي جمعة و إلا أكثر ما كتبتش ؟ عندي مونك متع فكر و سيناريوات ! موش لأني ما قريتش ؟ و إنما حسيت بنوع من القلق ما عرفتوش منين جاء !!! ر بّما لأني بدلّت النضارات ...النضر ضعف ، و بالنظارات الجدد ما نجمتش نكتب ، قلت برى يا قاسم أرجع للنضارات القدم ...لقيت صباعي تتحرّك وحدها ...ولات عندي زوز مراياتات ، وحدة للكتيبة و الأخرى للسياقة ...هنا فهمت بالّي العمــر ما عاش يسمح برشة حاجات !!!!
ثّمة مصيبة أخرى عندى الحاسّة السادسة ، أش إتقولي ...ها الأيمات ؟ سيّب عليك و يزي ، حكاية الكتيبة هذه إنتهى أمرها ...و ما عاش عندك لا فضاء و لا مواويل جديدة و لا قلم حار! ما عاش ينفع شيئ ...تونس إنتهى أمرها ...!!!! الناش الي إتشوف فيها هذه قدّامك ، راهي ولات صور متحرّكة ...لا أكثر. دمى لا تمثل لها الحياة إلا إن تكون تابعة ...سيّب عليك ، الشعب التونسي إنتهى أمرو ...ما عاش فيه ...ما عاش عندو منين يجبد ...شعب فرغ من كل المفاهيم الأنسانية ...سيّب عليك يا قاسم ...سّيب عليك ...و أبعد ...الشعب هذا ما عاد يطلع منو شيئ !!! يستحيل باش تطلع منـــــــــو حاجة تصلح...يستحيل باش ياقف و إدافع على إنسانــــــيتو ...يا قاسم ...شوف الشعوب الي مازال فيها منين تجبد أش عملت على خاطر شاب مات برصاص البوليس ...شفت الشعب اليوناني أش عمل ؟ علاش الشعب التونسي ما وقفشي ، وقت الي كل يوم إموت عندكم واحد بالرّصاص و إلا بالجوع و إلا بالغدرة ...يا قاسم ...الشعب التونسي ما يستهالشي إنك ، إتضحى من أجلو بالغالي و الرّخيص ! أش من رجال كلتها الغربة و أخرى كلتها الأحباس ...و ما وصلو لشيئ ؟ يا قاسم ..إستقيل و فكّك ...راك باش تخصر !!!!

فقت من النّوم مخلوع ، أنا حتى في الكورة ...الباص ألتالي ممنوع ..أول شيئ عملتو !! أجلت السّفرة بأسبوع كامل ...و كان ألزم باش إنبطل ...ما إنسافرش و إنعدي راس العام نكتب ! أنا قاسم و لد قاسم ...و نخصر و إلا إنطيح ...؟؟؟ كلام هذا ...مازال ما جاباتوش أمو ألي باش ياقف قدّام قاسم ...و إقول إنحب نربح ...؟؟؟ و إشكون باش تربح ؟ جمهورية قاسم ؟؟؟

و فلس زين العابدين بن علي و سيبّ الذبان على البلوقسفار ،،، و قالك الرّاجل يكتب في الفلسفة ...ناقص كان باش عياّش بالمرسي إيزيدو في الفريق متع الفلاسفة ! باش إزيده لص و إنولو بالحاق مهزلة ...
قتلي متخرّج من جامعة نعل دين والديك متع التجّوع ، ما تحشمش على روحك ؟؟ إتقري في الخراب ، و كيفاش الذبان إدور على الزبلة !!! أه ...ما تحشمش على روحك و عمرك 33 كاملات ..أعدّوها عليك الباندية و إخلوك ضحكة بين أندادك ...إشكون ألي بعثك باش إتحل المدّونة ؟؟؟ تره إشكون دبّر عليك ها للدّبارة ؟؟؟ زعمة من راسك ؟ لا ؟ زعمة طلبو منّك المدّونين إنك إتحل مدّونة لأنك قلقتهم بالتعليقات ؟؟؟ و الله لا تحشم و لا تجعر ؟؟؟ وعدوك باش يعطوك رخصة حمّاص ؟؟؟ و إلا رخصة لوّاج ؟؟؟؟ كيفاش ولد في اعز الشباب إمتاعو يرضى ألولي مزاودي و حتى بمقابل ؟؟؟ باش إقدّم فلسة بن علي ::: بن على الناس الكل تعرف ...الباك ما عندوش ...و أصلو صلايحي متع راديونات القدم متع بكري ...و الكل حرقهم ! الرّاجل لا يعرف يكتب و لا يعرف يقرى ...و رئيس دولة ..جاء غلطة تارخيّة لا أكثر !!!

باش إكون في علمك ، قول لعرفك ، راهو الظرب باش يوصلكم في العضم !!! و الناس ألي باش تتضرب ألولى هوما ها الطحانة متع التجّوع ، باش إكون في علمك ...بن علي متاعك ما إلاّعبناش ..أبدا ...و الطرابلسية ما إلعبوناش ...جملة و ما ناش حسبينهم حتى في الوجود !!! العدو اللّدود للشعب التونسي هو االحزب ألي إنت قريت في الخاربة متاعو باش إطلعك بدون بو خمسة ليترو فارغ...

جيّتك لعالم التدّوين موش بلاش ؟؟؟ ثمة رئيس شعبة في بالنا بيه ، قاعد يخدم عندي حداد !!! و لكن هاني باش إطردو ...إنشوف بالي يصلح مــــــــــــلاّخ ؟ إش قولك كان تقعد بحذاه و إتمسمر الصبابط ...راهي صنعة اليدين خير من مال الجدين !!!

قاسم قسام

12‏/12‏/2008

إنقلاب على المدّونين الأحرار ...من وراء العمليّة


من وراء العمليّة ؟ و السؤال هذا بالنسبة لجمهورية قاسم بسيط جدا ، الأنقلاب إتنضم من داخل تن- بلوق، و كان منتضر و لا شك في ذلك ...الي يقرى مليح و عندو ذاكرة إتكسر الحجر ، يفهم كيفاش تخدم و إشكون خدمو ..و علاش ؟ المهمّ الي صار صار ، و هذا لا يعني شيئ بالنسّبة لأي مدوّّن يعتقد في ذاتو في شخصيتو ...و خاصّة في الأوريجينالتي . مدّون يفتقد للخاصّية هذه لازمو إراجع كتاباتو الكل ...هنا إنجو للقاعدة الجديدة : موش كل وراء مدّونة ..مدّون.

وقت الي ضاع برشة وقت ، في إهز و أنفض و ما تخدمتش الخدمة الي طلبتها الناس، بالطبيعة ، الأنقلاب كان حاضر و هذا ما يتعارضش مع فلسفة الأنقلابات األي جاء بيها الشابع من نوفمبر ...

الأنقلاب على المدّونين الأحرار ، جاء في وقت مخدوم ، وقت ألي المحكمة متع قفصة قضات على الناس بسجنهم بأكثر من عسرة سنوات ...ضلما و بهتانا ...علاش ؟ باش المدّونين الأحرار إيزيدو يعزلو الأحرار الصّحاح ألي خرّجو الشعب التونسي للشارع ضد البوليس و ضد سياسية القهر و الدّمار الشامل الي متوخيتها عصابة التجّوع و على رأسهم بن علي في حد ذاتو !!!

مسابقة فوضوية ؟؟؟؟ هذا الذكاء و إلا لّوح ؟ ضد مسابقة مدّعمة من بنوك الدّيكتاتورية في حد ذاتها ...وقت الي توصل البنوك إدّعم في مدّونين التّجوع الحلفاء متاعهم من داخل الفضاء التدّويني الحر ..هنا نفهمــــــــــــــو : قدّاش ضروري أنا الناس تتنضم !!!! موش إتزيد على الفوضى فوضى و كأن الحكاية إحبو إرّجعو فيها تشويق ....

ألي هنا ، أنتهي ...بدعم الأقلام الصّحيحة الكل ألي عندها ما إتقول وعندها ما تكتب ، الأقلام هذه أقلية ، قد لا يتجاوز عددها العشرة مدّونين لا اكثر .

قاسم قاسم